พระไตรปิฎกเล่มที่ ๘ ภาษาบาลี อักษรไทย
พระวินัยปิฎกเล่มที่ ๘ วินย. ปริวาโร

     [๔๗๓]   ยนฺเตน  ภควตา  ชานตา ปสฺสตา อรหตา สมฺมาสมฺพุทฺเธน
อุปกฺกมิตฺวา   อสุจึ   โมจนปจฺจยา   สงฺฆาทิเสโส   กตฺถ  ปญฺตฺโต  ฯ
กํ  อารพฺภ  ฯ  กิสฺมึ  วตฺถุสฺมึ  ฯเปฯ  เกนาภฏนฺติ  ฯ  ยนฺเตน ภควตา
ชานตา    ปสฺสตา    อรหตา    สมฺมาสมฺพุทฺเธน   อุปกฺกมิตฺวา   อสุจึ
โมจนปจฺจยา       สงฺฆาทิเสโส       กตฺถ      ปญฺตฺโตติ      ฯ
@เชิงอรรถ: ๑ โป. วณฺณยึสุ ฯ
สาวตฺถิยา   ปญฺตฺโต   ฯ   กํ   อารพฺภาติ   ฯ  อายสฺมนฺตํ  เสยฺยสกํ
อารพฺภ   ฯ   กิสฺมึ   วตฺถุสฺมินฺติ  ฯ  อายสฺมา  เสยฺยสโก  อุปกฺกมิตฺวา
อสุจึ   โมเจสิ   ตสฺมึ   วตฺถุสฺมึ  ฯ  อตฺถิ  ตตฺถ  ปญฺตฺติ  อนุปฺปญฺตฺติ
อนุปฺปนฺนปญฺตฺตีติ     ฯ    เอกา    ปญฺตฺติ    เอกา    อนุปฺปญฺตฺติ
อนุปฺปนฺนปญฺตฺติ   ตสฺมึ   นตฺถิ  ฯ  สพฺพตฺถ  ปญฺตฺติ  ปเทสปญฺตฺตีติ  ฯ
สพฺพตฺถ    ปญฺตฺติ    ฯ    สาธารณปญฺตฺติ    อสาธารณปญฺตฺตีติ   ฯ
อสาธารณปญฺตฺติ    ฯ    เอกโต    ปญฺตฺติ   อุภโต   ปญฺตฺตีติ   ฯ
เอกโต    ปญฺตฺติ    ฯ    ปญฺจนฺนํ    ปาติโมกฺขุทฺเทสานํ    กตฺโถคธํ
กตฺถ ปริยาปนฺนนฺติ ฯ นิทาโนคธํ นิทานปริยาปนฺนํ ฯ
     {๔๗๓.๑}   กตเมน  อุทฺเทเสน  อุทฺเทสํ  อาคจฺฉตีติ  ฯ  ตติเยน
อุทฺเทเสน   อุทฺเทสํ  อาคจฺฉติ  ฯ  จตุนฺนํ  วิปตฺตีนํ  กตมา  วิปตฺตีติ  ฯ
สีลวิปตฺติ   ฯ   สตฺตนฺนํ   อาปตฺติกฺขนฺธานํ   กตโม  อาปตฺติกฺขนฺโธติ  ฯ
สงฺฆาทิเสสาปตฺติกฺขนฺโธ  ฯ  ฉนฺนํ  อาปตฺติสมุฏฺานานํ  กตีหิ  สมุฏฺาเนหิ
สมุฏฺาติ   ฯ  เอเกน  สมุฏฺาเนน  สมุฏฺาติ  กายโต  จ  จิตฺตโต  จ
สมุฏฺาติ น วาจโต ฯเปฯ เกนาภฏนฺติ ฯ ปรมฺปราภฏํ ฯ
          อุปาลิ ทาสโก เจว              โสณโก สิคฺคโว ตถา
          โมคฺคลีปุตฺเตน ปญฺจมา      เอเต ชมฺพุสิริวฺหเย ฯ
          ตโต มหินฺโท อิฏฺฏิโย          อุตฺติโย เจว สมฺพโล
                                      ฯเปฯ
          เอเต นาคา มหาปญฺา      วินยญฺู มคฺคโกวิทา
          วินยํ ทีเป ปกาเสสุํ              ปิฏกํ ตมฺพปณฺณิยาติ ฯ
     [๔๗๔]   มาตุคาเมน    สทฺธึ    กายสํสคฺคํ   สมาปชฺชนปจฺจยา
สงฺฆาทิเสโส   กตฺถ   ปญฺตฺโตติ   ฯ   สาวตฺถิยา   ปญฺตฺโต   ฯ  กํ
อารพฺภาติ   ฯ   อายสฺมนฺตํ   อุทายึ  อารพฺภ  ฯ  กิสฺมึ  วตฺถุสฺมินฺติ  ฯ
อายสฺมา   อุทายิ   มาตุคาเมน   สทฺธึ   กายสํสคฺคํ   สมาปชฺชิ   ตสฺมึ
วตฺถุสฺมึ   ฯ   เอกา   ปญฺตฺติ   ฯ  ฉนฺนํ  อาปตฺติสมุฏฺานานํ  เอเกน
สมุฏฺาเนน สมุฏฺาติ กายโต จ จิตฺตโต จ สมุฏฺาติ น วาจโต ฯ
     [๔๗๕]   มาตุคามํ    ทุฏฺฐุลฺลาหิ    วาจาหิ    โอภาสนปจฺจยา
สงฺฆาทิเสโส   กตฺถ   ปญฺตฺโตติ   ฯ   สาวตฺถิยา   ปญฺตฺโต   ฯ  กํ
อารพฺภาติ   ฯ   อายสฺมนฺตํ   อุทายึ  อารพฺภ  ฯ  กิสฺมึ  วตฺถุสฺมินฺติ  ฯ
อายสฺมา    อุทายิ   มาตุคามํ   ทุฏฺฐุลฺลาหิ   วาจาหิ   โอภาสิ   ตสฺมึ
วตฺถุสฺมึ   ฯ   เอกา   ปญฺตฺติ   ฯ   ฉนฺนํ   อาปตฺติสมุฏฺานานํ   ตีหิ
สมุฏฺาเนหิ   สมุฏฺาติ   สิยา   กายโต   จ   จิตฺตโต   จ  สมุฏฺาติ
น   วาจโต   สิยา   วาจโต   จ  จิตฺตโต  จ  สมุฏฺาติ  น  กายโต
สิยา กายโต จ วาจโต จ จิตฺตโต จ สมุฏฺาติ ฯ
     [๔๗๖]   มาตุคามสฺส    สนฺติเก    อตฺตกามปาริจริยาย   วณฺณํ
ภาสนปจฺจยา  สงฺฆาทิเสโส  กตฺถ  ปญฺตฺโตติ  ฯ  สาวตฺถิยา ปญฺตฺโต ฯ
กํ    อารพฺภาติ    ฯ    อายสฺมนฺตํ    อุทายึ    อารพฺภ   ฯ   กิสฺมึ
วตฺถุสฺมินฺติ  ฯ  อายสฺมา  อุทายิ  มาตุคามสฺส สนฺติเก อตฺตกามปาริจริยาย
วณฺณํ     อภาสิ    ตสฺมึ    วตฺถุสฺมึ    ฯ    เอกา    ปญฺตฺติ    ฯ
ฉนฺนํ อาปตฺติสมุฏฺานานํ ตีหิ สมุฏฺาเนหิ สมุฏฺาติ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๘ หน้าที่ ๑๒๐-๑๒๓.
https://84000.org/tipitaka/read/pali_item.php?book=8&item=473&items=4
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=8&item=473&items=4&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=8&item=473&items=4
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=8&item=473&items=4
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=8&i=473
             สารบัญพระไตรปิฎกเล่มที่ ๘
https://84000.org/tipitaka/read/?index_8
https://84000.org/tipitaka/english/?index_8