บาลีพระไตรปิฎกเล่มที่ ๑๗ - พระสุตตันตปิฎกเล่มที่ ๙

หน้าที่ ๒๔๖.

ราธสํยุตฺเต อุปนิสินฺนวคฺโค จตุตฺโถ [๔๐๑] สาวตฺถี ฯ เอกมนฺตํ นิสินฺนํ โข อายสฺมนฺตํ ราธํ ภควา เอตทโวจ โย โข ราธ มาโร ตตฺร เต ฉนฺโท ปหาตพฺโพ ฯ โก จ ราธ มาโร ฯ รูปํ โข ราธ มาโร ตตฺร เต ฉนฺโท ปหาตพฺโพ ฯเปฯ วิญฺญาณํ มาโร ตตฺร เต ฉนฺโท ปหาตพฺโพ ฯ โย โข ราธ มาโร ตตฺร เต ฉนฺโท ปหาตพฺโพติ ฯ [๔๐๒] สาวตฺถี ฯ โย โข ราธ มาโร ตตฺร เต ราโค ปหาตพฺโพ ฯเปฯ [๔๐๓] โย โข ราธ มาโร ตตฺร เต ฉนฺทราโค ปหาตพฺโพ ฯ [๔๐๔] โย โข ราธ มารธมฺโม ตตฺร เต ฉนฺโท ปหาตพฺโพ ฯ [๔๐๕] โย โข ราธ มารธมฺโม ตตฺร เต ราโค ปหาตพฺโพ ฯ [๔๐๖] โย โข ราธ มารธมฺโม ตตฺร เต ฉนฺทราโค ปหาตพฺโพ ฯ [๔๐๗] ยํ โข ราธ อนิจฺจํ ฯ [๔๐๘] โย โข ราธ อนิจฺจธมฺโม ฯ [๔๐๙] ยํ โข ราธ ทุกฺขํ ฯ [๔๑๐] โย โข ราธ ทุกฺขธมฺโม ฯ [๔๑๑] โย โข ราธ อนตฺตา ฯ [๔๑๒] โย โข ราธ อนตฺตธมฺโม ฯ [๔๑๓] โย โข ราธ ขยธมฺโม ฯ [๔๑๔] โย โข ราธ วยธมฺโม ฯ

--------------------------------------------------------------------------------------------- หน้าที่ ๒๔๗.

[๔๑๕] โย โข ราธ สมุทยธมฺโม ตตฺร เต ฉนฺโท ปหาตพฺโพ ฯ ราโค ปหาตพฺโพ ฯ ฉนฺทราโค ปหาตพฺโพติ ฯ [๔๑๖] สาวตฺถี ฯ เอกมนฺตํ นิสินฺนํ โข อายสฺมนฺตํ ราธํ ภควา เอตทโวจ โย โข ราธ นิโรธธมฺโม ตตฺร เต ฉนฺโท ปหาตพฺโพ ฯ ราโค ปหาตพฺโพ ฯ ฉนฺทราโค ปหาตพฺโพ ฯ โก จ ราธ นิโรธธมฺโม ฯ รูปํ โข ราธ นิโรธธมฺโม ตตฺร เต ฉนฺโท ปหาตพฺโพ ฯ ราโค ปหาตพฺโพ ฯ ฉนฺทราโค ปหาตพฺโพ ฯ เวทนา ฯ สญฺญา ฯ สงฺขารา ฯ วิญฺญาณํ นิโรธธมฺโม ตตฺร เต ฉนฺโท ปหาตพฺโพ ฯ ราโค ปหาตพฺโพ ฯ ฉนฺทราโค ปหาตพฺโพ ฯ โย โข ราธ นิโรธธมฺโม ตตฺร เต ฉนฺโท ปหาตพฺโพ ฯ ราโค ปหาตพฺโพ ฯ ฉนฺทราโค ปหาตพฺโพติ ฯ อุปนิสินฺนวคฺโค จตุตฺโถ ฯ ตสฺสุทฺทานํ มาโร จ มารธมฺโม จ อนิจฺเจหิ อปเร ทุเว ทุกฺเขหิ ^๑- เทฺว วุตฺตา อนตฺเตหิ อปเร เทฺว ^๒- ขยวยสมุทยํ นิโรธธมฺเมน ทฺวาทสาติ ฯ ราธสํยุตฺตํ สมตฺตํ ฯ ------ @เชิงอรรถ: ^๑ ยุ. ทุกฺขญฺจ เทฺว วุตฺตา เทฺว อนตฺเตหิ อฏฺฐมํ ฯ ^๒ ม. วุตฺเตน เวทิตพฺพํ ฯ

เนื้อความพระไตรปิฎกฉบับภาษาบาลีอักษรไทย เล่มที่ ๑๗ หน้าที่ ๒๔๖-๒๔๗. http://84000.org/tipitaka/read/pali_item_s.php?book=17&item=401&items=16&pagebreak=1&modeTY=2 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/read/pali_item_s.php?book=17&item=401&items=16&pagebreak=1&modeTY=2&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=17&item=401&items=16&pagebreak=1&modeTY=2 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=17&item=401&items=16&pagebreak=1&modeTY=2 ศึกษาอรรถกถานี้ได้ที่ :- http://84000.org/tipitaka/attha/attha.php?b=17&i=401 The Pali Atthakatha in Thai :- http://84000.org/tipitaka/atthapali/read_th.php?B=12&A=8113 The Pali Atthakatha in Roman :- http://84000.org/tipitaka/atthapali/read_rm.php?B=12&A=8113 สารบัญพระไตรปิฎกเล่มที่ ๑๗ http://84000.org/tipitaka/read/?index_17