บาลีพระไตรปิฎกเล่มที่ ๑๗ - พระสุตตันตปิฎกเล่มที่ ๙

สงฺขารา   ฯ   วิญฺาณํ   อนตฺตา    สพฺเพ  สงฺขารา  อนิจฺจา  สพฺเพ
ธมฺมา   อนตฺตาติ   อถ   จ    ปน   เม  สพฺพสงฺขารสมเถ  สพฺพูปธิ-
ปฏินิสฺสคฺเค   ตณฺหกฺขเย   วิราเค   นิโรเธ   นิพฺพาเน   จิตฺตํ    น
ปกฺขนฺทติ   น   ปสีทติ    น   สนฺติฏฺติ  น  ^๔-  วิมุจฺจติ  ปริตสฺสนา-
อุปาทานํ    อุปฺปชฺชติ    ปจฺจุทาวตฺตติ   มานสํ   อถ   โกจรหิ   เม
@เชิงอรรถ: ^๑ ยุ. เขมกสฺส จาติ ฯ  ^๒ ม. ยุ. อวาปุรณํ ฯ  ^๓ ม. ยุ. เอตนฺติ ทิสฺสติ ฯ
@^๔ ม. นาธิมุจฺจติ ฯ
อตฺตาติ  ฯ  น  โข  ปเนตํ  ^๑-  ธมฺมํ  ปสฺสโต  โหติ  โก  นุ โข เม
ตถา ธมฺมํ เทเสยฺย ยถาหํ ธมฺมํ ปสฺเสยฺยนฺติ ฯ
     [๒๓๓]   อถ   โข   อายสฺมโต   ฉนฺนสฺส   เอตทโหสิ  อยํ  โข
อายสฺมา   อานนฺโท   โกสมฺพิยํ   วิหรติ   โฆสิตาราเม   สตฺถุ   เจว
สํวณฺณิโต   สมฺภาวิโต   จ   วิญฺูนํ   สพฺรหฺมจารีนํ   ปโหติ   จ   เม
อายสฺมา   อานนฺโท   ตถา   ธมฺมํ   เทเสตุํ   ยถาหํ  ธมฺมํ  ปสฺเสยฺยํ
อตฺถิ   จ   เม   อายสฺมนฺเต   อานนฺเท  ตาวติกา  วิสฺสฏฺิ  ยนฺนูนาหํ
เยนายสฺมา  อานนฺโท  เตนุปสงฺกเมยฺยนฺติ  ฯ  อถ  โข  อายสฺมา ฉนฺโน
เสนาสนํ   สํสาเมตฺวา   ปตฺตจีวรมาทาย   เยน  โกสมฺพี  โฆสิตาราโม
เยนายสฺมา     อานนฺโท    เตนุปสงฺกมิ    อุปสงฺกมิตฺวา    อายสฺมตา
อานนฺเทน   สทฺธึ   สมฺโมทิ   สมฺโมทนียํ   กถํ  สาราณียํ  วีติสาเรตฺวา
เอกมนฺตํ  นิสีทิ  ฯ  เอกมนฺตํ  นิสินฺโน  โข  อายสฺมา  ฉนฺโน อายสฺมนฺตํ
อานนฺทํ เอตทโวจ
     {๒๓๓.๑}   เอกมิทาหํ   อาวุโส   อานนฺท   สมยํ   พาราณสิยํ
วิหรามิ    อิสิปตเน   มิคทาเย   อถ   ขฺวาหํ   อาวุโส   สายณฺหสมยํ
ปฏิสลฺลานา     วุฏฺิโต    อปาปุรณํ    อาทาย    วิหาเรน    วิหารํ
อุปสงฺกมิตฺวา   ^๒-  เถเร  ภิกฺขู  เอตทโวจํ  โอวทนฺตุ  มํ  อายสฺมนฺโต
เถรา   อนุสาสนฺตุ   มํ  อายสฺมนฺโต  เถรา  กโรนฺตุ  เม  อายสฺมนฺโต
เถรา  ธมฺมึ  กถํ  ยถาหํ  ธมฺมํ  ปสฺเสยฺยนฺติ  ฯ  เอวํ วุตฺเต มํ อาวุโส
เถรา   ภิกฺขู  เอตทโวจุํ  รูปํ  โข  อาวุโส  ฉนฺน  อนิจฺจํ  เวทนา  ฯ
สญฺา   ฯ   สงฺขารา   ฯ   วิญฺาณํ  อนิจฺจํ  ฯ  รูปํ  อนตฺตา  ฯเปฯ
@เชิงอรรถ: ^๑ ม. ปเนวํ ฯ   ^๒ ม. อุปสงฺกมึ ฯ
วิญฺาณํ    อนตฺตา    สพฺเพ    สงฺขารา    อนิจฺจา   สพฺเพ   ธมฺมา
อนตฺตาติ ฯ
     {๒๓๓.๒}   ตสฺส   มยฺหํ  อาวุโส  เอตทโหสิ  มยฺหํปิ  โข  เอวํ
โหติ    รูปํ   อนิจฺจํ   ฯเปฯ   วิญฺาณํ   อนิจฺจํ   ฯ   รูปํ   อนตฺตา
เวทนา   ฯ   สญฺา   ฯ   สงฺขารา   ฯ   วิญฺาณํ   อนตฺตา  สพฺเพ
สงฺขารา   อนิจฺจา   สพฺเพ   ธมฺมา   อนตฺตาติ   อถ   จ   ปน  เม
สพฺพสงฺขารสมเถ    สพฺพูปธิปฏินิสฺสคฺเค   ตณฺหกฺขเย   วิราเค   นิโรเธ
นิพฺพาเน   จิตฺตํ   น   ปกฺขนฺทติ  น  ปสีทติ  น  สนฺติฏฺติ  น  วิมุจฺจติ
ปริตสฺสนาอุปาทานํ    อุปฺปชฺชติ   ปจฺจุทาวตฺตติ   มานสํ   อถ   โกจรหิ
เม  อตฺตาติ  ฯ  น  โข  ปเนตํ  ธมฺมํ  ปสฺสโต  โหติ  โก  นุ โข เม
ตถา ธมฺมํ เทเสยฺย ยถาหํ ธมฺมํ ปสฺเสยฺยนฺติ ฯ
     {๒๓๓.๓}   ตสฺส  มยฺหํ  อาวุโส  เอตทโหสิ  อยํ  โข  อายสฺมา
อานนฺโท   โกสมฺพิยํ   วิหรติ   โฆสิตาราเม   สตฺถุ   เจว   สํวณฺณิโต
สมฺภาวิโต  จ  วิญฺูนํ  สพฺรหฺมจารีนํ  ปโหติ  จ  เม  อายสฺมา อานนฺโท
ตถา  ธมฺมํ  เทเสตุํ  ยถาหํ  ธมฺมํ ปสฺเสยฺยํ อตฺถิ จ อายสฺมนฺเต อานนฺเท
ตาวติกา  วิสฺสฏฺิ  ยนฺนูนาหํ  เยนายสฺมา  อานนฺโท เตนุปสงฺกเมยฺยนฺติ ฯ
โอวทตุ  มํ  อายสฺมา  อานนฺโท อนุสาสตุ มํ อายสฺมา อานนฺโท กโรตุ เม
อายสฺมา อานนฺโท ธมฺมึ กถํ ยถาหํ ธมฺมํ ปสฺเสยฺยนฺติ ฯ
     [๒๓๔]   เอตฺตเกนปิ  มยํ  อายสฺมโต  ฉนฺนสฺส  อตฺตมนา  อภิรทฺธา
ตํ  ^๑-  อายสฺมา  ฉนฺโน  อาวิอกาสิสิ  ^๒-  ขีลํ  ปภินฺทิ ^๓- โอทหาวุโส
@เชิงอรรถ: ^๑ ม. อปิ นาม ตํ ฯ  ^๒ ม. ยุ. อาวิอกาสิ ฯ  ^๓ ม. ภินทิ ฯ
ฉนฺน   โสตํ   ภพฺโพสิ   ธมฺมํ   วิญฺาตุนฺติ   ฯ   อถ  โข  อายสฺมโต
ฉนฺนสฺส    ตาวตเกเนว    อุฬารํ   ปีติปา   โมชฺชํ   อุปฺปชฺชิ   ภพฺโพ
กิรสฺมิ ธมฺมํ วิญฺาตุนฺติ ฯ
     {๒๓๔.๑}   สมฺมุขา  เมตํ  อาวุโส ฉนฺน ภควโต สุตํ สมฺมุขา ^[๑]-
ปฏิคฺคหิตํ   กจฺจานโคตฺตํ   ภิกฺขุํ   โอวทนฺตสฺส  ทฺวยนิสฺสิโต  ขฺวายํ  ^๒-
กจฺจาน   โลโก  เยภุยฺเยน  อตฺถิตญฺเจว  นตฺถิตญฺจ  ฯ  โลกสมุทยํ  โข
กจฺจาน   ยถาภูตํ  สมฺมปฺปญฺาย  ปสฺสโต  ยา  โลเก  นตฺถิตา  สา  น
โหติ  ฯ  โลกนิโรธํ  โข  กจฺจาน  ยถาภูตํ  สมฺมปฺปญฺาย  ปสฺสโต  ยา
โลเก   อตฺถิตา   สา   น   โหติ   ฯ   อุปายุปาทานาภินิเวสวินิพนฺโธ
ขฺวายํ   กจฺจาน   โลโก   เยภุยฺเยน   ตสฺส   อุปายุปาทานํ   เจตโส
อธิฏฺานาภินิเวสานุสยํ   น   อุเปติ  น  อุปาทิยติ  น  อธิฏฺาติ  อตฺตา
เมติ   ทุกฺขเมว   อุปฺปชฺชมานํ   อุปฺปชฺชติ   ทุกฺขํ  นิรุชฺฌมานํ  นิรุชฺฌตีติ
น   กงฺขติ   น  วิจิกิจฺฉติ  อปรปฺปจฺจยา  าณเมวสฺส  เอตฺถ  โหติ  ฯ
เอตฺตาวตา  โข  กจฺจาน  สมฺมาทิฏฺิ  โหติ  ฯ  สพฺพมตฺถีติ  โข กจฺจาน
อยเมโก  อนฺโต  สพฺพํ  นตฺถีติ  อยํ  ทุติโย  อนฺโต ฯ เอเต เต กจฺจาน
อุโภ  อนฺเต  อนุปคมฺม  มชฺเฌน  ตถาคโต  ธมฺมํ  เทเสติ อวิชฺชาปจฺจยา
สงฺขารา  สงฺขารปจฺจยา วิญฺาณํ ฯเปฯ เอวเมตสฺส เกวลสฺส ทุกฺขกฺขนฺธสฺส
สมุทโย  โหติ  ฯ  อวิชฺชาย   เตฺวว  อเสสวิราคนิโรธา  สงฺขารนิโรโธ
ฯเปฯ  เอวเมตสฺส  เกวลสฺส  ทุกฺขกฺขนฺธสฺส  นิโรโธ  โหตีติ ฯ เอวเมตํ
อาวุโส   อานนฺท   โหติ   เยสํ  อายสฺมนฺตานํ  ตาทิสา  สพฺรหฺมจารโย
@เชิงอรรถ: ^๑ ยุ. จสทฺโท ทิสฺสติ ฯ  ^๒ ม. ขวาหํ ฯ
อนุกมฺปกา     อตฺถกามา    โอวาทกา    อนุสาสกา    อิทญฺจ    ปน
เม อายสฺมโต อานนฺทสฺส ธมฺมเทสนํ สุตฺวา ธมฺโม อภิสมิโตติ ^๑- ฯ

เนื้อความพระไตรปิฎกฉบับภาษาบาลี อักษรไทย เล่มที่ ๑๗ หน้าที่ ๑๖๒-๑๖๖. https://84000.org/tipitaka/read/pali_read.php?B=17&A=3325&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=17&A=3325&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=17&item=232&items=3 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=17&siri=90 ศึกษาอรรถกถานี้ได้ที่ :- https://84000.org/tipitaka/attha/attha.php?b=17&i=231 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=12&A=7643 The Pali Atthakatha in Roman :- https://84000.org/tipitaka/atthapali/read_rm.php?B=12&A=7643 สารบัญพระไตรปิฎกเล่มที่ ๑๗ https://84000.org/tipitaka/read/?index_17 https://84000.org/tipitaka/english/?index_17