พระไตรปิฎกเล่มที่ ๑ ภาษาบาลี อักษรไทย
 พระวินัยปิฎกเล่มที่ ๑ วินย. มหาวิภงฺโค (๑)

     [๑๒๖]   รชเกหิ ปญฺจกฺขาตา         จตุโรตฺถรเณหิ จ
         อนฺธกาเรน เว ๑- ปญฺจ         ปญฺจ หารณเกน จ
         นิรุตฺติยา ปญฺจกฺขาตา           วาเตหิ อปเร ทุเว
         อสมฺภินฺเน กุสาปาโต            ชนฺตาฆเรน ๒- สหา ทส
         วิฆาเสหิ ปญฺจกฺขาตา           ปญฺจ เจว อมูลกา
         ทุพฺภิกฺเข กูรมํสญฺจ              ปูวสกฺขลิโมทกา
@เชิงอรรถ: ๑ เตติปิ ปาโ ฯ ๒ ยุ. ม. ชนฺตคฺเฆน ฯ
         สปริกฺขารถวิกา                   ภิสิวํสา ๑- น นิกฺขม ๒-
         ขาทนียญฺจ วิสฺสาสํ              สสญฺายปเร ทุเว
         สตฺต นาวหรามาติ               สตฺต เจว อวาหรุํ
         สงฺฆสฺส อวหรุํ สตฺต             ปุปฺเผหิ อปเร ทุเว
         ตโย จ วุตฺตวาทิโน               มณี ตีณิ อติกฺกเม
         สูกรา จ มิคา มจฺฉา              ยานญฺจาปิ ปวตฺตยิ
         ทุเว เปสี ทุเว ทารู                ปํสุกูลํ ทุเว ทกา
         อนุปุพฺพวิธาเนน                  ตทญฺโ น ปริปูรยิ
         สาวตฺถิยา จตุโร มุฏฺี           เทฺว วิฆาสา ทุเว ติณา
         สงฺฆสฺส ภาชเย สตฺต            สตฺต เจว อสามิกา
                ทารูทกา มตฺติกา เทฺว ติณานิ
                สงฺฆสฺส สตฺต อวหาสิ เสยฺยํ
                สสฺสามิกํ น จาปิ นีหเรยฺย
                หเรยฺย สสฺสามิกํ ตาวกาลิกํ
         จมฺปา ราชคเห เจว              เวสาลิยา จ อชฺชุโก
         พาราณสี จ โกสมฺพี             สาคลา ทฬฺหิเกน จาติ ฯ
     [๑๒๗]   เตน   โข  ปน  สมเยน  ฉพฺพคฺคิยา  ภิกฺขู  รชกตฺถรณํ
คนฺตฺวา   รชกภณฺฑิกํ   อวหรึสุ   ฯ   เตสํ   กุกฺกุจฺจํ   อโหสิ  ภควตา
สิกฺขาปทํ    ปญฺตฺตํ    กจฺจิ    นุ    โข   มยํ   ปาราชิกํ   อาปตฺตึ
@เชิงอรรถ: ๑ รา. ภิสิวํโส ฯ ๒ ยุ. ม. น นิกฺขเม ฯ
อาปนฺนาติ   ฯ   ภควโต   เอตมตฺถํ   อาโรเจสุํ   ฯ  อาปตฺตึ  ตุเมฺห
ภิกฺขเว อาปนฺนา ปาราชิกนฺติ ฯ
     [๑๒๘]   เตน   โข   ปน  สมเยน  อญฺตโร  ภิกฺขุ  รชกตฺถรณํ
คนฺตฺวา   มหคฺฆํ   ทุสฺสํ   ปสฺสิตฺวา   เถยฺยจิตฺตํ   อุปฺปาเทสิ  ฯ  ตสฺส
กุกฺกุจฺจํ   อโหสิ  กจฺจิ  นุ  โข  อหํ  ปาราชิกํ  อาปตฺตึ  อาปนฺโนติ  ฯ
ภควโต  เอตมตฺถํ  อาโรเจสิ  ฯ  อนาปตฺติ  ภิกฺขุ  จิตฺตุปฺปาเทติ ฯ เตน
โข   ปน   สมเยน  อญฺตโร  ภิกฺขุ  รชกตฺถรณํ  คนฺตฺวา  มหคฺฆํ  ทุสฺสํ
ปสฺสิตฺวา   เถยฺยจิตฺโต   อามสิ   ฯ   ตสฺส   กุกฺกุจฺจํ   อโหสิ  ฯเปฯ
อนาปตฺติ   ภิกฺขุ   ปาราชิกสฺส   อาปตฺติ   ทุกฺกฏสฺสาติ   ฯ  เตน  โข
ปน   สมเยน   อญฺตโร   ภิกฺขุ   รชกตฺถรณํ   คนฺตฺวา   มหคฺฆํ  ทุสฺสํ
ปสฺสิตฺวา   เถยฺยจิตฺโต   ผนฺทาเปสิ   ฯ  ตสฺส  กุกฺกุจฺจํ  อโหสิ  ฯเปฯ
อนาปตฺติ   ภิกฺขุ   ปาราชิกสฺส   อาปตฺติ  ถุลฺลจฺจยสฺสาติ  ฯ  เตน  โข
ปน   สมเยน   อญฺตโร   ภิกฺขุ   รชกตฺถรณํ   คนฺตฺวา   มหคฺฆํ  ทุสฺสํ
ปสฺสิตฺวา   เถยฺยจิตฺโต   านา   จาเวสิ   ฯ   ตสฺส  กุกฺกุจฺจํ  อโหสิ
ฯเปฯ อาปตฺตึ ตฺวํ ภิกฺขุ อาปนฺโน ปาราชิกนฺติ ฯ
     [๑๒๙]   เตน   โข  ปน  สมเยน  อญฺตโร  ปิณฺฑจาริโก  ภิกฺขุ
มหคฺฆํ    อุตฺตรตฺถรณํ   ปสฺสิตฺวา   เถยฺยจิตฺตํ   อุปฺปาเทสิ   ฯ   ตสฺส
กุกฺกุจฺจํ   อโหสิ   ฯเปฯ  อนาปตฺติ  ภิกฺขุ  จิตฺตุปฺปาเทติ  ฯ  เตน  โข
ปน    สมเยน   อญฺตโร   ปิณฺฑจาริโก   ภิกฺขุ   มหคฺฆํ   อุตฺตรตฺถรณํ
ปสฺสิตฺวา   เถยฺยจิตฺโต   อามสิ   ฯเปฯ   อนาปตฺติ  ภิกฺขุ  ปาราชิกสฺส
อาปตฺติ    ทุกฺกฏสฺสาติ    ฯเปฯ    เถยฺยจิตฺโต    ผนฺทาเปสิ   ฯเปฯ
อนาปตฺติ    ภิกฺขุ    ปาราชิกสฺส    อาปตฺติ    ถุลฺลจฺจยสฺสาติ   ฯเปฯ
เถยฺยจิตฺโต   านา   จาเวสิ   ฯ   ตสฺส   กุกฺกุจฺจํ   อโหสิ   ฯเปฯ
อาปตฺตึ ตฺวํ ภิกฺขุ อาปนฺโน ปาราชิกนฺติ ฯ
     [๑๓๐]   เตน   โข  ปน  สมเยน  อญฺตโร  ภิกฺขุ  ทิวา  ภณฺฑํ
ปสฺสิตฺวา   นิมิตฺตํ   อกาสิ  รตฺตึ  อวหริสฺสามีติ  ฯ  โส  ตํ  มญฺมาโน
ตํ   อวหริ   ฯ   ตสฺส   กุกฺกุจฺจํ   อโหสิ  ฯเปฯ  อาปตฺตึ  ตฺวํ  ภิกฺขุ
อาปนฺโน   ปาราชิกนฺติ   ฯเปฯ   ตํ   มญฺมาโน  อญฺ  อวหริ  ฯเปฯ
อญฺ    มญฺมาโน    ตํ   อวหริ   ฯเปฯ   อญฺ   มญฺมาโน   อญฺ
อวหริ   ฯเปฯ   ตสฺส   กุกฺกุจฺจํ   อโหสิ   ฯเปฯ  อาปตฺตึ  ตฺวํ  ภิกฺขุ
อาปนฺโน   ปาราชิกนฺติ   ฯ   เตน  โข  ปน  สมเยน  อญฺตโร  ภิกฺขุ
ทิวา    ภณฺฑํ   ปสฺสิตฺวา   นิมิตฺตํ   อกาสิ   รตฺตึ   อวหริสฺสามีติ   ฯ
โส  ตํ  ๑-  มญฺมาโน  อตฺตโน  ภณฺฑํ  อวหริ  ฯ  ตสฺส กุกฺกุจฺจํ อโหสิ
ฯเปฯ อนาปตฺติ ภิกฺขุ ปาราชิกสฺส อาปตฺติ ทุกฺกฏสฺสาติ ฯ
     [๑๓๑]   เตน  โข  ปน  สมเยน  อญฺตโร  ภิกฺขุ  อญฺสฺส  ภณฺฑํ
หรนฺโต   สีเส   ภารํ   เถยฺยจิตฺโต   อามสิ   ฯเปฯ  อนาปตฺติ  ภิกฺขุ
ปาราชิกสฺส   อาปตฺติ   ทุกฺกฏสฺสาติ   ฯเปฯ   เถยฺยจิตฺโต   ผนฺทาเปสิ
ฯเปฯ   อนาปตฺติ   ภิกฺขุ   ปาราชิกสฺส  อาปตฺติ  ถุลฺลจฺจยสฺสาติ  ฯเปฯ
เถยฺยจิตฺโต   ขนฺธํ   โอโรเปสิ   ฯเปฯ  อาปตฺตึ  ตฺวํ  ภิกฺขุ  อาปนฺโน
@เชิงอรรถ: ๑ ยุ. ม. อญฺ ฯ
ปาราชิกนฺติ    ฯเปฯ    ขนฺเธ   ภารํ   เถยฺยจิตฺโต   อามสิ   ฯเปฯ
เถยฺยจิตฺโต   ผนฺทาเปสิ   ฯเปฯ   เถยฺยจิตฺโต  กฏึ  โอโรเปสิ  ฯเปฯ
กฏิยา   ภารํ   เถยฺยจิตฺโต   อามสิ   ฯเปฯ   เถยฺยจิตฺโต  ผนฺทาเปสิ
ฯเปฯ  เถยฺยจิตฺโต  หตฺเถน  อคฺคเหสิ  ฯเปฯ  หตฺเถ  ภารํ เถยฺยจิตฺโต
ภูมิยํ   นิกฺขิปิ  ฯเปฯ  เถยฺยจิตฺโต  ภูมิโต  อคฺคเหสิ  ฯ  ตสฺส  กุกฺกุจฺจํ
อโหสิ ฯเปฯ อาปตฺตึ ตฺวํ ภิกฺขุ อาปนฺโน ปาราชิกนฺติ ฯ
     [๑๓๒]   เตน  โข  ปน  สมเยน  อญฺตโร ภิกฺขุ อชฺโฌกาเส จีวรํ
ปตฺถริตฺวา   วิหารํ   ปาวิสิ   ฯ  อญฺตโร  ภิกฺขุ  มายิทํ  จีวรํ  นสฺสีติ
ปฏิสาเมสิ   ฯ   โส   นิกฺขมิตฺวา   ตํ   ภิกฺขุํ   ปุจฺฉิ   อาวุโส  มยฺหํ
จีวรํ   เกน   อวหฏนฺติ   ฯ   โส  เอวมาห  มยา  อวหฏนฺติ  ฯ  โส
ตํ   อาทิยิ   อสฺสมโณสิ   ตฺวนฺติ   ฯ   ตสฺส   กุกฺกุจฺจํ  อโหสิ  ฯเปฯ
กึจิตฺโต   ตฺวํ  ภิกฺขูติ  ฯ  นิรุตฺติปโถ  อหํ  ภควาติ  ฯ  อนาปตฺติ  ภิกฺขุ
นิรุตฺติปเถติ ฯ
     {๑๓๒.๑}   เตน  โข  ปน  สมเยน  อญฺตโร  ภิกฺขุ  ปีเ  จีวรํ
นิกฺขิปิตฺวา   ฯเปฯ   ปีเ   นิสีทนํ   นิกฺขิปิตฺวา   ฯเปฯ   เหฏฺาปีเ
ปตฺตํ   นิกฺขิปิตฺวา   วิหารํ   ปาวิสิ   ฯ  อญฺตโร  ภิกฺขุ  มายํ  ปตฺโต
นสฺสีติ   ปฏิสาเมสิ   ฯ   โส   นิกฺขมิตฺวา   ตํ   ภิกฺขุํ  ปุจฺฉิ  อาวุโส
มยฺหํ   ปตฺโต   เกน  อวหโฏติ  ฯ  โส  เอวมาห  มยา  อวหโฏติ  ฯ
โส   ตํ   อาทิยิ  อสฺสมโณสิ  ตฺวนฺติ  ฯ  ตสฺส  กุกฺกุจฺจํ  อโหสิ  ฯเปฯ
อนาปตฺติ ภิกฺขุ นิรุตฺติปเถติ ฯ
     {๑๓๒.๒}   เตน    โข    ปน   สมเยน   อญฺตรา   ภิกฺขุนี
วติยา    จีวรํ   ปตฺถริตฺวา   วิหารํ   ปาวิสิ   ฯ   อญฺตรา   ภิกฺขุนี
มายิทํ   จีวรํ   นสฺสีติ   ปฏิสาเมสิ   ฯ   สา   นิกฺขมิตฺวา  ตํ  ภิกฺขุนึ
ปุจฺฉิ   อยฺเย   มยฺหํ   จีวรํ  เกน  อวหฏนฺติ  ฯ  สา  เอวมาห  มยา
อวหฏนฺติ   ฯ   สา   ตํ  อาทิยิ  อสฺสมณีสิ  ตฺวนฺติ  ฯ  ตสฺสา  กุกฺกุจฺจํ
อโหสิ   ฯ   อถโข   สา   ภิกฺขุนี   ภิกฺขุนีนํ  เอตมตฺถํ  อาโรเจสิ  ฯ
ภิกฺขุนิโย   ภิกฺขูนํ   เอตมตฺถํ   อาโรเจสุํ  ฯ  ภิกฺขู  ภควโต  เอตมตฺถํ
อาโรเจสุํ ฯ อนาปตฺติ ภิกฺขเว นิรุตฺติปเถติ ฯ
     [๑๓๓]   เตน  โข  ปน  สมเยน  อญฺตโร  ภิกฺขุ  วาตมณฺฑลิกาย
อุกฺขิตฺตํ   สาฏกํ   ปสฺสิตฺวา  สามิกานํ  ทสฺสามีติ  อคฺคเหสิ  ฯ  สามิกา
ตํ  ภิกฺขุํ  โจเทสุํ  อสฺสมโณสิ  ตฺวนฺติ  ฯ  ตสฺส  กุกฺกุจฺจํ  อโหสิ  ฯเปฯ
กึจิตฺโต  ตฺวํ  ภิกฺขูติ  ฯ  อเถยฺยจิตฺโต  อหํ  ภควาติ  ฯ  อนาปตฺติ ภิกฺขุ
อเถยฺยจิตฺตสฺสาติ ฯ
     {๑๓๓.๑}   เตน  โข  ปน  สมเยน  อญฺตโร ภิกฺขุ วาตมณฺฑลิกาย
อุกฺขิตฺตํ   เวนํ   ปุเร   สามิกา  ปสฺสนฺตีติ  เถยฺยจิตฺโต  อคฺคเหสิ  ฯ
สามิกา  ตํ  ภิกฺขุํ  โจเทสุํ  อสฺสมโณสิ  ตฺวนฺติ  ฯ  ตสฺส  กุกฺกุจฺจํ อโหสิ
ฯเปฯ  กึจิตฺโต  ตฺวํ  ภิกฺขูติ  ฯ  เถยฺยจิตฺโต  อหํ ภควาติ ฯ อาปตฺตึ ตฺวํ
ภิกฺขุ อาปนฺโน ปาราชิกนฺติ ฯ
     [๑๓๔]   เตน   โข   ปน   สมเยน   อญฺตโร   ภิกฺขุ  สุสานํ
คนฺตฺวา   อภินฺเน   สรีเร   ปํสุกูลํ   อคฺคเหสิ   ฯ   ตสฺมึ  จ  สรีเร
เปโต   อธิวตฺโถ   โหติ  ฯ  อถโข  โส  เปโต  ตํ  ภิกฺขุํ  เอตทโวจ
มา   ภนฺเต   มยฺหํ   สาฏกํ   อคฺคเหสีติ   ฯ  โส  ภิกฺขุ  อนาทิยนฺโต
อคฺคเหสิ  ๑-  ฯ  อถโข  ตํ  สรีรํ  อุฏฺหิตฺวา  ตสฺส  ภิกฺขุโน  ปิฏฺิโต
ปิฏฺิโต   อนุพนฺธิ   ฯ   อถโข   โส   ภิกฺขุ  วิหารํ  ปวิสิตฺวา  ทฺวารํ
ถเกสิ   ฯ   อถโข   ตํ   สรีรํ   ตตฺเถว   ปริปติ  ฯ  ตสฺส  กุกฺกุจฺจํ
อโหสิ    ฯเปฯ    อนาปตฺติ   ภิกฺขุ   ปาราชิกสฺส   น   จ   ภิกฺขเว
อภินฺเน    สรีเร    ปํสุกูลํ    คเหตพฺพํ    โย    คเณฺหยฺย   อาปตฺติ
ทุกฺกฏสฺสาติ ฯ
     [๑๓๕]   เตน  โข  ปน  สมเยน  อญฺตโร  ภิกฺขุ  สงฺฆสฺส จีวเร
ภาชิยมาเน   เถยฺยจิตฺโต  กุสํ  สงฺกาเมตฺวา  จีวรํ  อคฺคเหสิ  ฯ  ตสฺส
กุกฺกุจฺจํ อโหสิ ฯเปฯ อาปตฺตึ ตฺวํ ภิกฺขุ อาปนฺโน ปาราชิกนฺติ ฯ
     [๑๓๖]   เตน  โข  ปน  สมเยน  อายสฺมา  อานนฺโท  ชนฺตาฆเร
อญฺตรสฺส   ภิกฺขุโน   อนฺตรวาสกํ   อตฺตโน   มญฺมาโน  นิวาเสสิ  ฯ
อถโข   โส   ภิกฺขุ   อายสฺมนฺตํ   อานนฺทํ  เอตทโวจ  กิสฺส  เม  ตฺวํ
อาวุโส  อานนฺท  อนฺตรวาสกํ  นิวาเสสีติ  ฯ  สกสญฺี  อหํ  อาวุโสติ ฯ
ภควโต เอตมตฺถํ อาโรเจสุํ ฯ อนาปตฺติ ภิกฺขเว สกสญฺิสฺสาติ ฯ
     [๑๓๗]   เตน  โข  ปน  สมเยน สมฺพหุลา ภิกฺขู คิชฺฌกูฏา ปพฺพตา
โอโรหนฺตา   สีหวิฆาสํ   ปสฺสิตฺวา   ปจาเปตฺวา   ปริภุญฺชึสุ   ฯ  เตสํ
กุกฺกุจฺจํ   อโหสิ   ฯ   ภควโต   เอตมตฺถํ   อาโรเจสุํ   ฯ  อนาปตฺติ
ภิกฺขเว   สีหวิฆาเสติ   ฯ   เตน   โข  ปน  สมเยน  สมฺพหุลา  ภิกฺขู
คิชฺฌกูฏา    ปพฺพตา    โอโรหนฺตา    พฺยคฺฆวิฆาสํ   ปสฺสิตฺวา   ฯเปฯ
@เชิงอรรถ: ๑ ยุ. ม. อคมาสิ ฯ
ทีปิวิฆาสํ     ปสฺสิตฺวา    ฯเปฯ    ตรจฺฉวิฆาสํ    ปสฺสิตฺวา    ฯเปฯ
โกกวิฆาสํ    ปสฺสิตฺวา   ปจาเปตฺวา   ปริภุญฺชึสุ   ฯ   เตสํ   กุกฺกุจฺจํ
อโหสิ ฯเปฯ อนาปตฺติ ภิกฺขเว ติรจฺฉานคตปริคฺคเหติ ฯ
     [๑๓๘]   เตน  โข  ปน  สมเยน  อญฺตโร  ภิกฺขุ สงฺฆสฺส โอทเน
ภาชิยมาเน   อปรสฺส   ภาคํ   เทหีติ   อมูลกํ   อคฺคเหสิ   ฯ   ตสฺส
กุกฺกุจฺจํ    อโหสิ    ฯเปฯ   อนาปตฺติ   ภิกฺขุ   ปาราชิกสฺส   อาปตฺติ
สมฺปชานมุสาวาเท    ปาจิตฺติยสฺสาติ   ฯ   เตน   โข   ปน   สมเยน
อญฺตโร   ภิกฺขุ   สงฺฆสฺส   ขาทนีเย   ภาชิยมาเน   ฯเปฯ   สงฺฆสฺส
ปูเว   ภาชิยมาเน   ฯเปฯ   สงฺฆสฺส   อุจฺฉุมฺหิ   ภาชิยมาเน   ฯเปฯ
สงฺฆสฺส    ติมฺพรูสเก   ภาชิยมาเน   อปรสฺส   ภาคํ   เทหีติ   อมูลกํ
อคฺคเหสิ    ฯ    ตสฺส   กุกฺกุจฺจํ   อโหสิ   ฯเปฯ   อนาปตฺติ   ภิกฺขุ
ปาราชิกสฺส อาปตฺติ สมฺปชานมุสาวาเท ปาจิตฺติยสฺสาติ ฯ
     [๑๓๙]   เตน  โข  ปน สมเยน อญฺตโร ภิกฺขุ ทุพฺภิกฺเข โอทนิยฆรํ
ปวิสิตฺวา   ปตฺตปูรํ   โอทนํ   เถยฺยจิตฺโต   อวหริ   ฯ  ตสฺส  กุกฺกุจฺจํ
อโหสิ   ฯเปฯ   อาปตฺตึ   ตฺวํ  ภิกฺขุ  อาปนฺโน  ปาราชิกนฺติ  ฯ  เตน
โข   ปน   สมเยน   อญฺตโร   ภิกฺขุ   ทุพฺภิกฺเข   สูนฆรํ   ปวิสิตฺวา
ปตฺตปูรํ   มํสํ   เถยฺยจิตฺโต   อวหริ  ฯ  ตสฺส  กุกฺกุจฺจํ  อโหสิ  ฯเปฯ
อาปตฺตึ   ตฺวํ   ภิกฺขุ   อาปนฺโน   ปาราชิกนฺติ   ฯ   เตน   โข  ปน
สมเยน   อญฺตโร   ภิกฺขุ   ทุพฺภิกฺเข   ปูวฆรํ  ปวิสิตฺวา  ปตฺตปูรํ  ปูวํ
เถยฺยจิตฺโต   อวหริ   ฯเปฯ   ปตฺตปูรา  สกฺขลิโย  เถยฺยจิตฺโต  อวหริ
ฯเปฯ   ปตฺตปูเร   โมทเก   เถยฺยจิตฺโต   อวหริ   ฯ  ตสฺส  กุกฺกุจฺจํ
อโหสิ ฯเปฯ อาปตฺตึ ตฺวํ ภิกฺขุ อาปนฺโน ปาราชิกนฺติ ฯ
     [๑๔๐]   เตน  โข  ปน  สมเยน  อญฺตโร  ภิกฺขุ  ทิวา ปริกฺขารํ
ปสฺสิตฺวา   นิมิตฺตํ   อกาสิ  รตฺตึ  อวหริสฺสามีติ  ฯ  โส  ตํ  มญฺมาโน
ตํ   อวหริ   ฯเปฯ   ตํ   มญฺมาโน   อญฺ   อวหริ   ฯเปฯ   อญฺ
มญฺมาโน   ตํ   อวหริ   ฯเปฯ   อญฺ   มญฺมาโน  อญฺ  อวหริ  ฯ
ตสฺส    กุกฺกุจฺจํ    อโหสิ   ฯเปฯ   อาปตฺตึ   ตฺวํ   ภิกฺขุ   อาปนฺโน
ปาราชิกนฺติ   ฯ   เตน   โข   ปน   สมเยน   อญฺตโร  ภิกฺขุ  ทิวา
ปริกฺขารํ   ปสฺสิตฺวา   นิมิตฺตํ   อกาสิ   รตฺตึ   อวหริสฺสามีติ   ฯ  โส
ตํ   ๑-   มญฺมาโน   อตฺตโน   ปริกฺขารํ   อวหริ  ฯ  ตสฺส  กุกฺกุจฺจํ
อโหสิ ฯเปฯ อนาปตฺติ ภิกฺขุ ปาราชิกสฺส อาปตฺติ ทุกฺกฏสฺสาติ ฯ
     [๑๔๑]   เตน  โข  ปน  สมเยน  อญฺตโร  ภิกฺขุ  ปีเ ๒- ถวิกํ
ปสฺสิตฺวา    อิโต   คณฺหนฺโต   ปาราชิโก   ภวิสฺสามีติ   สห   ปีเกน
สงฺกาเมตฺวา   อคฺคเหสิ   ฯ   ตสฺส   กุกฺกุจฺจํ  อโหสิ  ฯเปฯ  อาปตฺตึ
ตฺวํ ภิกฺขุ อาปนฺโน ปาราชิกนฺติ ฯ
     [๑๔๒]   เตน  โข  ปน  สมเยน  อญฺตโร  ภิกฺขุ  สงฺฆสฺส  ภิสึ
เถยฺยจิตฺโต   อวหริ   ฯ   ตสฺส   กุกฺกุจฺจํ   อโหสิ   ฯเปฯ   อาปตฺตึ
ตฺวํ ภิกฺขุ อาปนฺโน ปาราชิกนฺติ ฯ
     [๑๔๓]   เตน  โข  ปน  สมเยน  อญฺตโร  ภิกฺขุ  จีวรวํเส จีวรํ
@เชิงอรรถ: ๑ ยุ. ม. อญฺ ฯ ๒ ยุ. ม. ปีเ ปิตํ ฯ
เถยฺยจิตฺโต   อวหริ   ฯ   ตสฺส   กุกฺกุจฺจํ   อโหสิ   ฯเปฯ   อาปตฺตึ
ตฺวํ ภิกฺขุ อาปนฺโน ปาราชิกนฺติ ฯ
     [๑๔๔]   เตน  โข  ปน  สมเยน  อญฺตโร  ภิกฺขุ  วิหาเร  จีวรํ
อวหริตฺวา   อิโต   นิกฺขมนฺโต   ปาราชิโก   ภวิสฺสามีติ   วิหารา   น
นิกฺขมิ   ฯ   ภควโต   เอตมตฺถํ   อาโรเจสุํ  ฯ  นิกฺขเมยฺย  วา  โส
ภิกฺขเว โมฆปุริโส น วา นิกฺขเมยฺย อาปตฺติ ปาราชิกสฺสาติ ฯ
     [๑๔๕]   เตน โข ปน สมเยน เทฺว ภิกฺขู สหายกา โหนฺติ เอโก ๑-
คามํ   ปิณฺฑาย   ปาวิสิ   ทุติโย   ๒-  สงฺฆสฺส  ขาทนีเย  ภาชิยมาเน
สหายกสฺส   ภาคํ   คเหตฺวา   ตสฺส   วิสฺสาสนฺโต   ปริภุญฺชิ   ฯ  โส
ชานิตฺวา   ตํ   โจเทสิ   อสฺสมโณสิ  ตฺวนฺติ  ฯ  ตสฺส  กุกฺกุจฺจํ  อโหสิ
ฯเปฯ   กึจิตฺโต   ตฺวํ   ภิกฺขูติ   ฯ   วิสฺสาสคาโห   อหํ  ภควาติ  ฯ
อนาปตฺติ ภิกฺขุ วิสฺสาสคาเหติ ฯ
     [๑๔๖]   เตน   โข   ปน   สมเยน  สมฺพหุลา  ภิกฺขู  จีวรกมฺมํ
กโรนฺติ  ฯ  สงฺฆสฺส  ขาทนีเย  ภาชิยมาเน  สพฺเพสํ  ปฏิวิสา อาหริตฺวา
อุปนิกฺขิตฺตา    โหนฺติ    ฯ    อญฺตโร   ภิกฺขุ   อญฺตรสฺส   ภิกฺขุโน
ปฏิวิสํ   อตฺตโน   มญฺมาโน   ปริภุญฺชิ  ฯ  โส  ชานิตฺวา  ตํ  โจเทสิ
อสฺสมโณสิ   ตฺวนฺติ   ฯ   ตสฺส   กุกฺกุจฺจํ   อโหสิ   ฯเปฯ   อนาปตฺติ
ภิกฺขุ สกสญฺิสฺสาติ ๓- ฯ
     {๑๔๖.๑}    เตน    โข    ปน    สมเยน   สมฺพหุลา   ภิกฺขู
@เชิงอรรถ: ๑ ยุ. เอโก ภิกฺขุ ฯ ๒ สพฺพตฺถ ทุติโย ภิกฺขูติ อาคตํ ฯ ๓ ยุ.
@ม. สสญฺิสฺสาติ ฯ
จีวรกมฺมํ   กโรนฺติ   ฯ   สงฺฆสฺส   ขาทนีเย   ภาชิยมาเน  อญฺตรสฺส
ภิกฺขุโน   ปตฺเตน  อญฺตรสฺส  ภิกฺขุโน  ปฏิวิโส  อาหริตฺวา  อุปนิกฺขิตฺโต
โหติ   ฯ   ปตฺตสามิโก   ภิกฺขุ   อตฺตโน  มญฺมาโน  ปริภุญฺชิ  ฯ  โส
ชานิตฺวา    ตํ    โจเทสิ   อสฺสมโณสิ   ตฺวนฺติ   ฯ   ตสฺส   กุกฺกุจฺจํ
อโหสิ ฯเปฯ อนาปตฺติ ภิกฺขุ สกสญฺิสฺสาติ ฯ
     [๑๔๗]   เตน  โข  ปน  สมเยน  อมฺพโจรกา  อมฺพํ  ปาเตตฺวา
ภณฺฑิกํ  อาทาย  อคมํสุ  ฯ  สามิกา  เต  โจรเก  อนุพนฺธึสุ  ฯ โจรกา
สามิเก    ปสฺสิตฺวา    ภณฺฑิกํ   ปาเตตฺวา   ปลายึสุ   ฯ   ภิกฺขู   ตํ
ปํสุกูลสญฺิโน   ปฏิคฺคหาเปตฺวา   ปริภุญฺชึสุ   ฯ   สามิกา   เต   ภิกฺขู
โจเทสุํ   อสฺสมณาตฺถ   ตุเมฺหติ  ฯ  เตสํ  กุกฺกุจฺจํ  อโหสิ  ฯ  ภควโต
เอตมตฺถํ   อาโรเจสุํ   ฯ  กึจิตฺตา  ตุเมฺห  ภิกฺขเวติ  ฯ  ปํสุกูลสญฺิโน
มยํ ภควาติ ฯ อนาปตฺติ ภิกฺขเว ปํสุกูลสญฺิสฺสาติ ฯ
     {๑๔๗.๑}   เตน โข ปน สมเยน ชมฺพุโจรกา ฯเปฯ ลพุชโจรกา ฯเปฯ
ปนสโจรกา ฯเปฯ ตาลปกฺกโจรกา ฯเปฯ อุจฺฉุโจรกา ฯเปฯ ติมฺพรูสกโจรกา
ติมฺพรูสเก  อุจฺจินิตฺวา  ภณฺฑิกํ  อาทาย  อคมํสุ  ฯ  สามิกา  เต โจรเก
อนุพนฺธึสุ  ฯ  โจรกา  สามิเก  ปสฺสิตฺวา  ภณฺฑิกํ  ปาเตตฺวา  ปลายึสุ ฯ
ภิกฺขู  ตํ  ปํสุกูลสญฺิโน  ปฏิคฺคหาเปตฺวา  ปริภุญฺชึสุ  ฯ  สามิกา เต ภิกฺขู
โจเทสุํ  อสฺสมณาตฺถ  ตุเมฺหติ  ฯ  เตสํ  กุกฺกุจฺจํ  อโหสิ ฯเปฯ อนาปตฺติ
ภิกฺขเว ปํสุกูลสญฺิสฺสาติ ฯ
     [๑๔๘]   เตน  โข  ปน  สมเยน  อมฺพโจรกา  อมฺพํ  ปาเตตฺวา
ภณฺฑิกํ   อาทาย   อคมํสุ   ฯ   สามิกา   เต   โจรเก  อนุพนฺธึสุ  ฯ
โจรกา  สามิเก  ปสฺสิตฺวา  ภณฺฑิกํ  ปาเตตฺวา  ปลายึสุ  ฯ  ภิกฺขู  ปุเร
สามิกา   ปสฺสนฺตีติ   เถยฺยจิตฺตา   ปริภุญฺชึสุ   ฯ   สามิกา  เต  ภิกฺขู
โจเทสุํ   อสฺสมณาตฺถ   ตุเมฺหติ   ฯ   เตสํ   กุกฺกุจฺจํ   อโหสิ  ฯเปฯ
อาปตฺตึ ตุเมฺห ภิกฺขเว อาปนฺนา ปาราชิกนฺติ ฯ
     {๑๔๘.๑}   เตน  โข  ปน  สมเยน ชมฺพุโจรกา ฯเปฯ ลพุชโจรกา
ฯเปฯ  ปนสโจรกา  ฯเปฯ  ตาลปกฺกโจรกา  ฯเปฯ  อุจฺฉุโจรกา  ฯเปฯ
ติมฺพรูสกโจรกา   ติมฺพรูสเก   อุจฺจินิตฺวา   ภณฺฑิกํ   อาทาย  อคมํสุ  ฯ
สามิกา  เต  โจรเก  อนุพนฺธึสุ  ฯ  โจรกา  สามิเก  ปสฺสิตฺวา  ภณฺฑิกํ
ปาเตตฺวา   ปลายึสุ   ฯ   ภิกฺขู  ปุเร  สามิกา  ปสฺสนฺตีติ  เถยฺยจิตฺตา
ปริภุญฺชึสุ  ฯ  สามิกา  เต  ภิกฺขู  โจเทสุํ  อสฺสมณาตฺถ  ตุเมฺหติ ฯ เตสํ
กุกฺกุจฺจํ อโหสิ ฯเปฯ อาปตฺตึ ตุเมฺห ภิกฺขเว อาปนฺนา ปาราชิกนฺติ ฯ
     [๑๔๙]   เตน  โข  ปน  สมเยน  อญฺตโร  ภิกฺขุ  สงฺฆสฺส  อมฺพํ
เถยฺยจิตฺโต   อวหริ   ฯเปฯ   สงฺฆสฺส   ชมฺพุํ   ฯเปฯ  สงฺฆสฺส  ลพุชํ
ฯเปฯ   สงฺฆสฺส   ปนสํ   ฯเปฯ   สงฺฆสฺส   ตาลปกฺกํ  ฯเปฯ  สงฺฆสฺส
อุจฺฉุํ   ฯเปฯ   สงฺฆสฺส   ติมฺพรูสกํ   เถยฺยจิตฺโต   อวหริ   ฯ   ตสฺส
กุกฺกุจฺจํ อโหสิ ฯเปฯ อาปตฺตึ ตฺวํ ภิกฺขุ อาปนฺโน ปาราชิกนฺติ ฯ
     [๑๕๐]   เตน  โข  ปน สมเยน อญฺตโร ภิกฺขุ ปุปฺผารามํ คนฺตฺวา
โอจิตํ   ปุปฺผํ   ปญฺจมาสคฺฆนกํ   เถยฺยจิตฺโต  อวหริ  ฯ  ตสฺส  กุกฺกุจฺจํ
อโหสิ   ฯเปฯ   อาปตฺตึ   ตฺวํ  ภิกฺขุ  อาปนฺโน  ปาราชิกนฺติ  ฯ  เตน
โข    ปน   สมเยน   อญฺตโร   ภิกฺขุ   ปุปฺผารามํ   คนฺตฺวา   ปุปฺผํ
โอจินิตฺวา   ปญฺจมาสคฺฆนกํ   เถยฺยจิตฺโต   อวหริ   ฯ   ตสฺส  กุกฺกุจฺจํ
อโหสิ ฯเปฯ อาปตฺตึ ตฺวํ ภิกฺขุ อาปนฺโน ปาราชิกนฺติ ฯ
     [๑๕๑]   เตน  โข  ปน  สมเยน  อญฺตโร  ภิกฺขุ คามกํ คจฺฉนฺโต
อญฺตรํ    ภิกฺขุํ    เอตทโวจ   อาวุโส   ตุยฺหํ   อุปฏฺากกุลํ   วุตฺโต
วชฺเชมีติ   ฯ   โส   คนฺตฺวา   เอกํ   สาฏกํ  อาหราเปตฺวา  อตฺตนา
ปริภุญฺชิ   ฯ   โส  ชานิตฺวา  ตํ  โจเทสิ  อสฺสมโณสิ  ตฺวนฺติ  ฯ  ตสฺส
กุกฺกุจฺจํ   อโหสิ   ฯเปฯ  อนาปตฺติ  ภิกฺขุ  ปาราชิกสฺส  น  จ  ภิกฺขเว
วุตฺโต วชฺเชมีติ วตฺตพฺโพ โย วเทยฺย อาปตฺติ ทุกฺกฏสฺสาติ ฯ
     {๑๕๑.๑}   เตน  โข  ปน  สมเยน อญฺตโร ภิกฺขุ คามกํ คจฺฉติ ฯ
อญฺตโร   ภิกฺขุ   ตํ   ภิกฺขุํ   เอตทโวจ   อาวุโส  มยฺหํ  อุปฏฺากกุลํ
วุตฺโต   วชฺเชหีติ   ฯ   โส   คนฺตฺวา  ยุคสาฏกํ  อาหราเปตฺวา  เอกํ
อตฺตนา   ปริภุญฺชิ   เอกํ   ตสฺส   ภิกฺขุโน   อทาสิ  ฯ  โส  ชานิตฺวา
ตํ   โจเทสิ   อสฺสมโณสิ   ตฺวนฺติ   ฯ   ตสฺส  กุกฺกุจฺจํ  อโหสิ  ฯเปฯ
อนาปตฺติ   ภิกฺขุ   ปาราชิกสฺส   น   จ   ภิกฺขเว   วุตฺโต   วชฺเชหีติ
วตฺตพฺโพ โย วเทยฺย อาปตฺติ ทุกฺกฏสฺสาติ ฯ
     {๑๕๑.๒}   เตน  โข  ปน  สมเยน อญฺตโร ภิกฺขุ คามกํ คจฺฉนฺโต
อญฺตรํ  ภิกฺขุํ  เอตทโวจ  อาวุโส  ตุยฺหํ  อุปฏฺากกุลํ วุตฺโต วชฺเชมีติ ฯ
โสปิ  เอวมาห  วุตฺโต  วชฺเชหีติ  ฯ  โส  คนฺตฺวา อาฬฺหกํ สปฺปึ ตุลํ คุฬํ
โทณํ   ตณฺฑุลํ   อาหราเปตฺวา  อตฺตนา  ปริภุญฺชิ  ฯ  โส  ชานิตฺวา  ตํ
โจเทสิ    อสฺสมโณสิ   ตฺวนฺติ   ฯ   ตสฺส   กุกฺกุจฺจํ   อโหสิ   ฯเปฯ
อนาปตฺติ   ภิกฺขุ   ปาราชิกสฺส   น   จ   ภิกฺขเว   วุตฺโต   วชฺเชมีติ
วตฺตพฺโพ    น    จ    วุตฺโต   วชฺเชหีติ   วตฺตพฺโพ   โย   วเทยฺย
อาปตฺติ ทุกฺกฏสฺสาติ ฯ
     [๑๕๒]   เตน  โข  ปน  สมเยน  อญฺตโร  ปุริโส  มหคฺฆํ  มณึ
อาทาย   อญฺตเรน   ภิกฺขุนา   สทฺธึ   อทฺธานมคฺคปฏิปนฺโน   โหติ  ฯ
อถโข   โส   ปุริโส  สุงฺกฏฺานํ  ปสฺสิตฺวา  ตสฺส  ภิกฺขุโน  อชานนฺตสฺส
ถวิกาย    มณึ   ปกฺขิปิตฺวา   สุงฺกฏฺานํ   อติกฺกมิตฺวา   อคฺคเหสิ   ฯ
ตสฺส   กุกฺกุจฺจํ   อโหสิ  ฯเปฯ  กึจิตฺโต  ตฺวํ  ภิกฺขูติ  ฯ  นาหํ  ภควา
ชานามีติ ฯ อนาปตฺติ ภิกฺขุ อชานนฺตสฺสาติ ฯ
     {๑๕๒.๑}   เตน  โข  ปน  สมเยน  อญฺตโร  ปุริโส  มหคฺฆํ มณึ
อาทาย   อญฺตเรน   ภิกฺขุนา   สทฺธึ   อทฺธานมคฺคปฏิปนฺโน   โหติ  ฯ
อถโข   โส  ปุริโส  สุงฺกฏฺานํ  ปสฺสิตฺวา  คิลานาลยํ  กริตฺวา  อตฺตโน
ภณฺฑิกํ   ตสฺส   ภิกฺขุโน   อทาสิ   ฯ   อถโข  โส  ปุริโส  สุงฺกฏฺานํ
อติกฺกมิตฺวา   ตํ   ภิกฺขุํ   เอตทโวจ  อาหร  เม  ภนฺเต  ภณฺฑิกํ  นาหํ
อกลฺลโกติ   ฯ   กิสฺส  ปน  ตฺวํ  อาวุโส  เอวรูปํ  อกาสีติ  ฯ  อถโข
โส   ปุริโส   ตสฺส   ภิกฺขุโน  เอตมตฺถํ  อาโรเจสิ  ฯ  ตสฺส  กุกฺกุจฺจํ
อโหสิ   ฯเปฯ   กึจิตฺโต   ตฺวํ  ภิกฺขูติ  ฯ  นาหํ  ภควา  ชานามีติ  ฯ
อนาปตฺติ   ภิกฺขุ  อชานนฺตสฺสาติ  ฯ  เตน  โข  ปน  สมเยน  อญฺตโร
ภิกฺขุ    สตฺเถน    สทฺธึ   อทฺธานมคฺคปฏิปนฺโน   โหติ   ฯ   อญฺตโร
ปุริโส    ตํ   ภิกฺขุํ   อามิเสน   อุปลาเปตฺวา   สุงฺกฏฺานํ   ปสฺสิตฺวา
มหคฺฆํ   มณึ   ตสฺส   ภิกฺขุโน   อทาสิ   อิมํ   ภนฺเต  มณึ  สุงฺกฏฺานํ
อติกฺกาเมหีติ  ฯ  อถโข  โส  ภิกฺขุ  ตํ  มณึ  สุงฺกฏฺานํ  อติกฺกาเมสิ ฯ
ตสฺส    กุกฺกุจฺจํ    อโหสิ   ฯเปฯ   อาปตฺตึ   ตฺวํ   ภิกฺขุ   อาปนฺโน
ปาราชิกนฺติ ฯ
     [๑๕๓]   เตน  โข  ปน  สมเยน  อญฺตโร ภิกฺขุ ปาเส พทฺธํ สูกรํ
การุญฺเน   มุญฺจิ   ฯ   ตสฺส   กุกฺกุจฺจํ   อโหสิ  ฯเปฯ  กึจิตฺโต  ตฺวํ
ภิกฺขูติ   ฯ   การุญฺาธิปฺปาโย   อหํ   ภควาติ   ฯ   อนาปตฺติ   ภิกฺขุ
การุญฺาธิปฺปายสฺสาติ ฯ
     {๑๕๓.๑}   เตน    โข    ปน    สมเยน   อญฺตโร   ภิกฺขุ
ปาเส   พทฺธํ   สูกรํ   ปุเร  สามิกา  ปสฺสนฺตีติ  เถยฺยจิตฺโต  มุญฺจิ  ฯ
ตสฺส    กุกฺกุจฺจํ    อโหสิ   ฯเปฯ   อาปตฺตึ   ตฺวํ   ภิกฺขุ   อาปนฺโน
ปาราชิกนฺติ ฯ
     {๑๕๓.๒}   เตน   โข   ปน   สมเยน  อญฺตโร  ภิกฺขุ  ปาเส
พทฺธํ   มิคํ   การุญฺเน   มุญฺจิ   ฯเปฯ   ปาเส   พทฺธํ   มิคํ   ปุเร
สามิกา   ปสฺสนฺตีติ   เถยฺยจิตฺโต   มุญฺจิ  ฯเปฯ  กุมิเน  พทฺเธ  มจฺเฉ
การุญฺเน   มุญฺจิ   ฯเปฯ   กุมิเน   พทฺเธ   มจฺเฉ   ปุเร   สามิกา
ปสฺสนฺตีติ   เถยฺยจิตฺโต   มุญฺจิ   ฯ   ตสฺส   กุกฺกุจฺจํ   อโหสิ   ฯเปฯ
อาปตฺตึ ตฺวํ ภิกฺขุ อาปนฺโน ปาราชิกนฺติ ฯ
     [๑๕๔]   เตน  โข  ปน  สมเยน  อญฺตโร  ภิกฺขุ  ยาเน  ภณฺฑํ
ปสฺสิตฺวา    อิโต    คณฺหนฺโต    ปาราชิโก    ภวิสฺสามีติ   อกฺกมิตฺวา
ปวฏฺเฏตฺวา   อคฺคเหสิ   ฯ   ตสฺส   กุกฺกุจฺจํ   อโหสิ  ฯเปฯ  อาปตฺตึ
ตฺวํ ภิกฺขุ อาปนฺโน ปาราชิกนฺติ ฯ
     [๑๕๕]   เตน  โข  ปน  สมเยน  อญฺตโร  ภิกฺขุ กุลเลน อุกฺขิตฺตํ
มํสเปสึ   สามิกานํ  ทสฺสามีติ  อคฺคเหสิ  ฯ  สามิกา  ตํ  ภิกฺขุํ  โจเทสุํ
อสฺสมโณสิ   ตฺวนฺติ   ฯ   ตสฺส   กุกฺกุจฺจํ   อโหสิ   ฯเปฯ   อนาปตฺติ
ภิกฺขุ อเถยฺยจิตฺตสฺสาติ ฯ
     {๑๕๕.๑}   เตน  โข  ปน  สมเยน อญฺตโร ภิกฺขุ กุลเลน อุกฺขิตฺตํ
มํสเปสึ  ปุเร  สามิกา  ปสฺสนฺตีติ  เถยฺยจิตฺโต  อคฺคเหสิ  ฯ  สามิกา ตํ
ภิกฺขุํ  โจเทสุํ  อสฺสมโณสิ  ตฺวนฺติ  ฯ  ตสฺส กุกฺกุจฺจํ อโหสิ ฯเปฯ อาปตฺตึ
ตฺวํ ภิกฺขุ อาปนฺโน ปาราชิกนฺติ ฯ
     [๑๕๖]   เตน  โข  ปน สมเยน มนุสฺสา อุลุมฺปํ พนฺธิตฺวา อจิรวติยา
นทิยา  โอสาเรนฺติ  ฯ  พนฺธเน  ฉินฺเน  กฏฺานิ  วิปฺปกิณฺณานิ  อคมํสุ ฯ
ภิกฺขู  ปํสุกูลสญฺิโน  อุตฺตาเรสุํ  ฯ  สามิกา เต ภิกฺขู โจเทสุํ อสฺสมณาตฺถ
ตุเมฺหติ ฯ เตสํ กุกฺกุจฺจํ อโหสิ ฯเปฯ อนาปตฺติ ภิกฺขเว ปํสุกูลสญฺิสฺสาติ ฯ
     {๑๕๖.๑}   เตน โข ปน สมเยน มนุสฺสา อุลุมฺปํ พนฺธิตฺวา อจิรวติยา
นทิยา  โอสาเรนฺติ  ฯ  พนฺธเน  ฉินฺเน  กฏฺานิ  วิปฺปกิณฺณานิ  อคมํสุ ฯ
ภิกฺขู  ปุเร  สามิกา  ปสฺสนฺตีติ เถยฺยจิตฺตา อุตฺตาเรสุํ ฯ สามิกา เต ภิกฺขู
โจเทสุํ  อสฺสมณาตฺถ  ตุเมฺหติ  ฯ  เตสํ  กุกฺกุจฺจํ  อโหสิ  ฯเปฯ อาปตฺตึ
ตุเมฺห ภิกฺขเว อาปนฺนา ปาราชิกนฺติ ฯ
     [๑๕๗]   เตน  โข  ปน  สมเยน อญฺตโร โคปาลโก รุกฺเข สาฏกํ
อาลคฺเคตฺวา    อุจฺจารํ   อคมาสิ   ฯ   อญฺตโร   ภิกฺขุ   ปํสุกูลสญฺี
อคฺคเหสิ  ฯ  อถโข  โส  โคปาลโก ตํ ภิกฺขุํ โจเทสิ อสฺสมโณสิ ตฺวนฺติ ฯ
ตสฺส กุกฺกุจฺจํ อโหสิ ฯเปฯ อนาปตฺติ ภิกฺขุ ปํสุกูลสญฺิสฺสาติ ฯ
     [๑๕๘]   เตน  โข  ปน  สมเยน  อญฺตรสฺส ภิกฺขุโน นทึ ตรนฺตสฺส
รชกานํ  หตฺถโต  มุตฺตํ  สาฏกํ  ปาเท  ลคฺคํ  โหติ ฯ โส ภิกฺขุ สามิกานํ
ทสฺสามีติ  อคฺคเหสิ  ฯ  สามิกา  ตํ  ภิกฺขุํ  โจเทสุํ  อสฺสมโณสิ ตฺวนฺติ ฯ
ตสฺส กุกฺกุจฺจํ อโหสิ ฯเปฯ อนาปตฺติ ภิกฺขุ อเถยฺยจิตฺตสฺสาติ ฯ
     {๑๕๘.๑}   เตน   โข   ปน  สมเยน  อญฺตรสฺส  ภิกฺขุโน  นทึ
ตรนฺตสฺส   รชกานํ  หตฺถโต  มุตฺตํ  สาฏกํ  ปาเท  ลคฺคํ  โหติ  ฯ  โส
ภิกฺขุ   ปุเร  สามิกา  ปสฺสนฺตีติ  เถยฺยจิตฺโต  อคฺคเหสิ  ฯ  สามิกา  ตํ
ภิกฺขุํ   โจเทสุํ   อสฺสมโณสิ   ตฺวนฺติ  ฯ  ตสฺส  กุกฺกุจฺจํ  อโหสิ  ฯเปฯ
อาปตฺตึ ตฺวํ ภิกฺขุ อาปนฺโน ปาราชิกนฺติ ฯ
     [๑๕๙]   เตน   โข   ปน   สมเยน  อญฺตโร  ภิกฺขุ  สปฺปิกุมฺภึ
ปสฺสิตฺวา   โถกํ   โถกํ   ปริภุญฺชิ   ฯ   ตสฺส  กุกฺกุจฺจํ  อโหสิ  ฯเปฯ
อนาปตฺติ ภิกฺขุ ปาราชิกสฺส อาปตฺติ ทุกฺกฏสฺสาติ ฯ
     [๑๖๐]   เตน  โข  ปน  สมเยน  สมฺพหุลา ภิกฺขู สํวิทหิตฺวา อคมํสุ
ภณฺฑํ   อวหริสฺสามาติ   ฯ   เอโก   ภณฺฑํ  อวหริ  ฯ  เต  เอวมาหํสุ
น  มยํ  ปาราชิกา  โย  อวหโฏ  โส  ปาราชิโกติ  ฯ ภควโต เอตมตฺถํ
อาโรเจสุํ   ฯ   อาปตฺตึ   ตุเมฺห   ภิกฺขเว  อาปนฺนา  ปาราชิกนฺติ  ฯ
เตน   โข  ปน  สมเยน  สมฺพหุลา  ภิกฺขู  สํวิทหิตฺวา  ภณฺฑํ  อวหริตฺวา
ภาเชสุํ   ฯ   เตหิ  ภาชิยมาเน  เอกเมกสฺส  ปฏิวิโส  น  ปญฺจมาสโก
ปูริ   ฯ   เต  เอวมาหํสุ  น  มยํ  ปาราชิกาติ  ฯ  ภควโต  เอตมตฺถํ
อาโรเจสุํ ฯ อาปตฺตึ ตุเมฺห ภิกฺขเว อาปนฺนา ปาราชิกนฺติ ฯ
     [๑๖๑]   เตน  โข  ปน  สมเยน อญฺตโร ภิกฺขุ สาวตฺถิยํ ทุพฺภิกฺเข
อาปณิกสฺส   ตณฺฑุลมุฏฺึ   เถยฺยจิตฺโต  อวหริ  ฯ  ตสฺส  กุกฺกุจฺจํ  อโหสิ
ฯเปฯ   อาปตฺตึ  ตฺวํ  ภิกฺขุ  อาปนฺโน  ปาราชิกนฺติ  ฯ  เตน  โข  ปน
สมเยน   อญฺตโร   ภิกฺขุ   สาวตฺถิยํ   ทุพฺภิกฺเข  อาปณิกสฺส  มุคฺคมุฏฺึ
ฯเปฯ   มาสมุฏฺึ   ฯเปฯ   ติลมุฏฺึ   เถยฺยจิตฺโต   อวหริ   ฯ  ตสฺส
กุกฺกุจฺจํ อโหสิ ฯเปฯ อาปตฺตึ ตฺวํ ภิกฺขุ อาปนฺโน ปาราชิกนฺติ ฯ
     [๑๖๒]   เตน  โข  ปน  สมเยน  สาวตฺถิยํ อนฺธวเน โจรกา คาวึ
หนฺตฺวา   มํสํ   ขาทิตฺวา   เสสกํ   ปฏิสาเมตฺวา   อคมํสุ   ฯ   ภิกฺขู
ปํสุกูลสญฺิโน   ปฏิคฺคหาเปตฺวา   ปริภุญฺชึสุ   ฯ   โจรกา   เต   ภิกฺขู
โจเทสุํ   อสฺสมณาตฺถ   ตุเมฺหติ   ฯ   เตสํ   กุกฺกุจฺจํ   อโหสิ  ฯเปฯ
อนาปตฺติ ภิกฺขเว ปํสุกูลสญฺิสฺสาติ ฯ
     {๑๖๒.๑}   เตน  โข  ปน สมเยน สาวตฺถิยํ อนฺธวเน โจรกา สูกรํ
หนฺตฺวา  มํสํ  ขาทิตฺวา  เสสกํ  ปฏิสาเมตฺวา  อคมํสุ  ฯ  ภิกฺขู  ปํสุกูล-
สญฺิโน   ปฏิคฺคหาเปตฺวา   ปริภุญฺชึสุ  ฯ  โจรกา  เต  ภิกฺขู  โจเทสุํ
อสฺสมณาตฺถ  ตุเมฺหติ  ฯ  เตสํ  กุกฺกุจฺจํ  อโหสิ  ฯเปฯ อนาปตฺติ ภิกฺขเว
ปํสุกูลสญฺิสฺสาติ ฯ
     [๑๖๓]   เตน  โข  ปน  สมเยน อญฺตโร ภิกฺขุ ติณกฺเขตฺตํ คนฺตฺวา
ลุตํ   ติณํ   ปญฺจมาสคฺฆนกํ   เถยฺยจิตฺโต   อวหริ   ฯ   ตสฺส  กุกฺกุจฺจํ
อโหสิ ฯเปฯ อาปตฺตึ ตฺวํ ภิกฺขุ อาปนฺโน ปาราชิกนฺติ ฯ
     [๑๖๔]   เตน  โข  ปน  สมเยน อญฺตโร ภิกฺขุ ติณกฺเขตฺตํ คนฺตฺวา
ติณํ   ลายิตฺวา   ปญฺจมาสคฺฆนกํ  เถยฺยจิตฺโต  อวหริ  ฯ  ตสฺส  กุกฺกุจฺจํ
อโหสิ ฯเปฯ อาปตฺตึ ตฺวํ ภิกฺขุ อาปนฺโน ปาราชิกนฺติ ฯ
     [๑๖๕]   เตน  โข  ปน  สมเยน  อาคนฺตุกา  ภิกฺขู  สงฺฆสฺส อมฺพํ
ภาชาเปตฺวา   ปริภุญฺชึสุ   ฯ   อาวาสิกา   ภิกฺขู   เต  ภิกฺขู  โจเทสุํ
อสฺสมณาตฺถ   ตุเมฺหติ  ฯ  เตสํ  กุกฺกุจฺจํ  อโหสิ  ฯ  ภควโต  เอตมตฺถํ
อาโรเจสุํ  ฯ  กึจิตฺตา  ตุเมฺห  ภิกฺขเวติ  ฯ ปริโภคตฺถาย มยํ ภควาติ ฯ
อนาปตฺติ ภิกฺขเว ปริโภคตฺถายาติ ฯ
     {๑๖๕.๑}   เตน  โข  ปน  สมเยน  อาคนฺตุกา ภิกฺขู สงฺฆสฺส ชมฺพุํ
ฯเปฯ  สงฺฆสฺส  ลพุชํ  ฯเปฯ  สงฺฆสฺส  ปนสํ  ฯเปฯ  สงฺฆสฺส  ตาลปกฺกํ
ฯเปฯ  สงฺฆสฺส  อุจฺฉุํ  ฯเปฯ  สงฺฆสฺส ติมฺพรูสกํ ภาชาเปตฺวา ปริภุญฺชึสุ ฯ
อาวาสิกา   ภิกฺขู   เต   ภิกฺขู   โจเทสุํ   อสฺสมณาตฺถ   ตุเมฺหติ   ฯ
เตสํ กุกฺกุจฺจํ อโหสิ ฯเปฯ อนาปตฺติ ภิกฺขเว ปริโภคตฺถายาติ ฯ
     [๑๖๖]   เตน   โข  ปน  สมเยน  อมฺพปาลกา  ภิกฺขูนํ  อมฺพผลํ
เทนฺติ  ฯ  ภิกฺขู  โคเปตุํ  อิเม  อิสฺสรา  นยิเม  ทาตุนฺติ กุกฺกุจฺจายนฺตา
น  ปฏิคฺคณฺหนฺติ  ฯ  ภควโต  เอตมตฺถํ  อาโรเจสุํ  ฯ  อนาปตฺติ ภิกฺขเว
โคปกสฺส   ทาเนติ   ฯ   เตน  โข  ปน  สมเยน  ชมฺพุปาลกา  ฯเปฯ
ลพุชปาลกา    ฯเปฯ   ปนสปาลกา   ฯเปฯ   ตาลปกฺกปาลกา   ฯเปฯ
อุจฺฉุปาลกา   ฯเปฯ   ติมฺพรูสกปาลกา   ภิกฺขูนํ   ติมฺพรูสเก  เทนฺติ  ฯ
ภิกฺขู   โคเปตุํ   อิเม   อิสฺสรา   นยิเม   ทาตุนฺติ  กุกฺกุจฺจายนฺตา  น
ปฏิคฺคณฺหนฺติ   ฯ   ภควโต  เอตมตฺถํ  อาโรเจสุํ  ฯ  อนาปตฺติ  ภิกฺขเว
โคปกสฺส ทาเนติ ฯ
     [๑๖๗]   เตน  โข  ปน  สมเยน  อญฺตโร  ภิกฺขุ  สงฺฆสฺส  ทารุํ
ตาวกาลิกํ   หริตฺวา   อตฺตโน   วิหารสฺส  กุฑฺฑํ  อุปตฺถมฺเภสิ  ฯ  ภิกฺขู
ตํ   ภิกฺขุํ   โจเทสุํ   อสฺสมโณสิ  ตฺวนฺติ  ฯ  ตสฺส  กุกฺกุจฺจํ  อโหสิ  ฯ
ภควโต  เอตมตฺถํ  อาโรเจสิ  ฯ  กึจิตฺโต  ตฺวํ  ภิกฺขูติ  ฯ  ตาวกาลิโก
อหํ ภควาติ ฯ อนาปตฺติ ภิกฺขุ ตาวกาลิเกติ ฯ
     [๑๖๘]   เตน  โข  ปน  สมเยน  อญฺตโร  ภิกฺขุ  สงฺฆสฺส  อุทกํ
เถยฺยจิตฺโต  อวหริ  ฯเปฯ  สงฺฆสฺส  มตฺติกํ  เถยฺยจิตฺโต  อวหริ  ฯเปฯ
สงฺฆสฺส   มุญฺชกติณํ  ๑-  เถยฺยจิตฺโต  อวหริ  ฯ  ตสฺส  กุกฺกุจฺจํ  อโหสิ
ฯเปฯ อาปตฺตึ ตฺวํ ภิกฺขุ อาปนฺโน ปาราชิกนฺติ ฯ
     {๑๖๘.๑}   เตน  โข  ปน สมเยน อญฺตโร ภิกฺขุ สงฺฆสฺส มุญฺชกติณํ
เถยฺยจิตฺโต  ฌาเปสิ  ฯ  ตสฺส  กุกฺกุจฺจํ  อโหสิ  ฯเปฯ  อนาปตฺติ  ภิกฺขุ
ปาราชิกสฺส อาปตฺติ ทุกฺกฏสฺสาติ ฯ
     [๑๖๙]   เตน  โข  ปน  สมเยน  อญฺตโร  ภิกฺขุ  สงฺฆสฺส  มญฺจํ
เถยฺยจิตฺโต   อวหริ   ฯ   ตสฺส  กุกฺกุจฺจํ  อโหสิ  ฯเปฯ  อาปตฺตึ  ตฺวํ
ภิกฺขุ   อาปนฺโน   ปาราชิกนฺติ   ฯ  เตน  โข  ปน  สมเยน  อญฺตโร
ภิกฺขุ   สงฺฆสฺส   ปี   ฯเปฯ  สงฺฆสฺส  ภิสึ  ฯเปฯ  สงฺฆสฺส  พิมฺโพหนํ
@เชิงอรรถ: ๑ ยุ. ม. ปุญฺชกิตํ ติณํ ฯ
ฯเปฯ   สงฺฆสฺส   กวาฏํ  ฯเปฯ  สงฺฆสฺส  อาโลกสนฺธึ  ฯเปฯ  สงฺฆสฺส
โคปานสึ   เถยฺยจิตฺโต   อวหริ   ฯ   ตสฺส   กุกฺกุจฺจํ   อโหสิ  ฯเปฯ
อาปตฺตึ ตฺวํ ภิกฺขุ อาปนฺโน ปาราชิกนฺติ ฯ
     [๑๗๐]   เตน   โข  ปน  สมเยน  ภิกฺขู  อญฺตรสฺส  อุปาสกสฺส
วิหารปริโภคํ    เสนาสนํ    อญฺตฺร    ปริภุญฺชนฺติ   ฯ   อถโข   โส
อุปาสโก    อุชฺฌายติ   ขียติ   วิปาเจติ   กถํ   หิ   นาม   ภทฺทนฺตา
อญฺตฺร   ปริโภคํ   อญฺตฺร   ปริภุญฺชิสฺสนฺตีติ   ฯ   ภควโต   เอตมตฺถํ
อาโรเจสุํ   ฯ   น  ภิกฺขเว  อญฺตฺร  ปริโภโค  อญฺตฺร  ปริภุญฺชิตพฺโพ
โย ปริภุญฺเชยฺย อาปตฺติ ทุกฺกฏสฺสาติ ฯ
     {๑๗๐.๑}   เตน  โข ปน สมเยน ภิกฺขู อุโปสถคฺคํปิ ๑- สนฺนิสชฺชมฺปิ
หริตุํ  กุกฺกุจฺจายนฺตา  ฉมายํ  นิสีทนฺติ  ฯ  คตฺตานิปิ  จีวรานิปิ  ปํสุกิตานิ
โหนฺติ  ฯ  ภควโต  เอตมตฺถํ  อาโรเจสุํ ฯ อนุชานามิ ภิกฺขเว ตาวกาลิกํ
หริตุนฺติ ฯ
     [๑๗๑]   เตน  โข  ปน  สมเยน  จมฺปายํ  ถุลฺลนนฺทาย  ภิกฺขุนิยา
อนฺเตวาสี    ภิกฺขุนี    ถุลฺลนนฺทาย   ภิกฺขุนิยา   อุปฏฺากกุลํ   คนฺตฺวา
อยฺยา   อิจฺฉติ   เตกฏุลฺลยาคุํ   ปาตุนฺติ  ปจาเปตฺวา  หริตฺวา  อตฺตนา
ปริภุญฺชิ   ฯ   สา  ชานิตฺวา  ตํ  โจเทสิ  อสฺสมณีสิ  ตฺวนฺติ  ฯ  ตสฺสา
กุกฺกุจฺจํ  อโหสิ  ฯ  อถโข  สา  ภิกฺขุนี  ภิกฺขุนีนํ  เอตมตฺถํ อาโรเจสิ ฯ
ภิกฺขุนิโย   ภิกฺขูนํ   เอตมตฺถํ   อาโรเจสุํ  ฯ  ภิกฺขู  ภควโต  เอตมตฺถํ
อาโรเจสุํ  ฯ  อนาปตฺติ  ภิกฺขเว  ปาราชิกสฺส อาปตฺติ สมฺปชานมุสาวาเท
@เชิงอรรถ: ๑ รา. อุโปสถคฺเคปิ ฯ
ปาจิตฺติยสฺสาติ ฯ
     {๑๗๑.๑}   เตน     โข     ปน     สมเยน     ราชคเห
ถุลฺลนนฺทาย    ภิกฺขุนิยา   อนฺเตวาสี   ภิกฺขุนี   ถุลฺลนนฺทาย   ภิกฺขุนิยา
อุปฏฺากกุลํ   คนฺตฺวา   อยฺยา  อิจฺฉติ  มธุโคฬกํ  ขาทิตุนฺติ  ปจาเปตฺวา
หริตฺวา   อตฺตนา   ปริภุญฺชิ   ฯ  สา  ชานิตฺวา  ตํ  โจเทสิ  อสฺสมณีสิ
ตฺวนฺติ    ฯ   ตสฺสา   กุกฺกุจฺจํ   อโหสิ   ฯเปฯ   อนาปตฺติ   ภิกฺขเว
ปาราชิกสฺส อาปตฺติ สมฺปชานมุสาวาเท ปาจิตฺติยสฺสาติ ฯ
     [๑๗๒]   เตน  โข  ปน  สมเยน  เวสาลิยํ  อายสฺมโต  อชฺชุกสฺส
อุปฏฺากสฺส   คหปติโน   เทฺว  ทารกา  โหนฺติ  ปุตฺโต  จ  ภาคิเนยฺโย
จ   ฯ  อถโข  โส  คหปติ  อายสฺมนฺตํ  อชฺชุกํ  เอตทโวจ  อิมํ  ภนฺเต
โอกาสํ   โย   อิเมสํ   ทฺวินฺนํ  ทารกานํ  สทฺโธ  โหติ  ปสนฺโน  ตสฺส
อาจิกฺเขยฺยาสีติ ฯ โส กาลมกาสิ ๑- ฯ
     {๑๗๒.๑}   เตน  โข ปน สมเยน ตสฺส คหปติโน ภาคิเนยฺโย สทฺโธ
โหติ ปสนฺโน ฯ อถโข อายสฺมา อชฺชุโก ตํ โอกาสํ ตสฺส ทารกสฺส อาจิกฺขิ ฯ
โส  เตน  สาปเตยฺเยน  กุฏุมฺพญฺจ  สณฺเปสิ  ทานญฺจ ปฏฺเปสิ ฯ อถโข
ตสฺส  คหปติโน  ปุตฺโต  อายสฺมนฺตํ  อานนฺทํ  เอตทโวจ โก นุ โข ภนฺเต
อานนฺท  ปิตุโน  ทายชฺโช  ปุตฺโต  วา  ภาคิเนยฺโย  วาติ  ฯ ปุตฺโต โข
อาวุโส  ปิตุโน  ๒-  ทายชฺโชติ  ฯ  อยํ  ภนฺเต  อยฺโย อชฺชุโก อมฺหากํ
@เชิงอรรถ: ๑ ยุโรปิยมรมฺมโปตฺถเกสุ อยมตฺโถ น ทิสฺสติ ฯ อมฺหากมฺปน
@โปตฺถเก รามญฺโปตฺถเก จ ปญฺายเตว ฯ ๒ มาตาปิตูนนฺติปิ
@ปาโ ฯ
สาปเตยฺยํ   อมฺหากํ   เมถุนกสฺส   อาจิกฺขีติ   ฯ   อสฺสมโณ   อาวุโส
อายสฺมา   อชฺชุโกติ  ฯ  อถโข  อายสฺมา  อชฺชุโก  อายสฺมนฺตํ  อานนฺทํ
เอตทโวจ เทหิ เม อาวุโส อานนฺท วินิจฺฉยนฺติ ฯ
     {๑๗๒.๒}   เตน โข ปน สมเยน อายสฺมา อุปาลิ อายสฺมโต อชฺชุกสฺส
ปกฺโข  โหติ  ฯ  อถโข อายสฺมา อุปาลิ อายสฺมนฺตํ อานนฺทํ เอตทโวจ โย
นุ  โข อาวุโส อานนฺท สามิเกน อิมํ โอกาสํ อิตฺถนฺนามสฺส อาจิกฺขาหีติ ๑-
วุตฺโต  ตสฺส  อาจิกฺขติ  กึ  โส  อาปชฺชตีติ  ฯ  น  โส ๒- ภนฺเต กิญฺจิ
อาปชฺชติ    อนฺตมโส   ทุกฺกฏมตฺตมฺปีติ   ฯ   อยํ   อาวุโส   อายสฺมา
อชฺชุโก   สามิเกน   อิมํ   โอกาสํ   อิตฺถนฺนามสฺส  อาจิกฺขาหีติ  วุตฺโต
ตสฺส อาจิกฺขิ อนาปตฺติ อาวุโส อายสฺมโต อชฺชุกสฺสาติ ฯ
     [๑๗๓]   เตน  โข  ปน สมเยน พาราณสิยํ อายสฺมโต ปิลินฺทวจฺฉสฺส
อุปฏฺากกุลํ  โจเรหิ  อุปทฺทุตํ  โหติ  เทฺว  จ  ทารกา  นีตา  โหนฺติ ฯ
อถโข  อายสฺมา  ปิลินฺทวจฺโฉ  เต  ทารเก  อิทฺธิยา อาเนตฺวา ปาสาเท
เปสิ   ฯ   มนุสฺสา  เต  ทารเก  ปสฺสิตฺวา  อยฺยสฺสายํ  ปิลินฺทวจฺฉสฺส
อิทฺธานุภาโวติ    อายสฺมนฺเต    ปิลินฺทวจฺเฉ    อภิปฺปสีทึสุ   ฯ   ภิกฺขู
อุชฺฌายนฺติ   ขียนฺติ   วิปาเจนฺติ   กถํ  หิ  นาม  อายสฺมา  ปิลินฺทวจฺโฉ
โจเรหิ  นีเต  ทารเก  อาเนสฺสตีติ  ฯ  ภควโต  เอตมตฺถํ อาโรเจสุํ ฯ
อนาปตฺติ ภิกฺขเว อิทฺธิมนฺตสฺส อิทฺธิวิสเยติ ฯ
@เชิงอรรถ: ๑ ยุ. ม. อาจิกฺขาติ ฯ ๒ เตสุ ทฺวีสุปิ โปตฺถเกสุ อยํ ปาโ
@นตฺถิ ฯ
     [๑๗๔]   เตน  โข  ปน สมเยน เทฺว ภิกฺขู สหายกา โหนฺติ ปณฺฑโก
จ  กปิโล  จ  ฯ  เอโก  คามเก  วิหรติ  เอโก  โกสมฺพิยํ  ฯ  อถโข
ตสฺส    ภิกฺขุโน   คามกา   โกสมฺพึ   คจฺฉนฺตสฺส   อนฺตรามคฺเค   นทึ
ตรนฺตสฺส  สูกริกานํ  หตฺถโต  มุตฺตา  เมทวฏฺฏิ  ปาเท  ลคฺคา  โหติ  ฯ
โส   ภิกฺขุ   สามิกานํ   ทสฺสามีติ   อคฺคเหสิ   ฯ   สามิกา  ตํ  ภิกฺขุํ
โจเทสุํ   อสฺสมโณสิ   ตฺวนฺติ   ฯ   ตํ   อุตฺติณฺณํ  อญฺตรา  โคปาลิกา
ปสฺสิตฺวา   เอตทโวจ   เอหิ  ภนฺเต  เมถุนํ  ธมฺมํ  ปฏิเสวาติ  ฯ  โส
ปกติยาปาหํ   อสฺสมโณติ   ตสฺสา   เมถุนํ   ธมฺมํ  ปฏิเสวิตฺวา  โกสมฺพึ
คนฺตฺวา   ภิกฺขูนํ   เอตมตฺถํ   อาโรเจสิ   ฯ  ภิกฺขู  ภควโต  เอตมตฺถํ
อาโรเจสุํ   ฯ   อนาปตฺติ  ภิกฺขเว  อทินฺนาทาเน  ปาราชิกสฺส  อาปตฺติ
เมถุนํ ธมฺมํ สมาโยเค ปาราชิกสฺสาติ ฯ
     [๑๗๕]   เตน  โข  ปน  สมเยน  สาคลายํ  อายสฺมโต  ทฬฺหิกสฺส
สทฺธิวิหาริโก   ภิกฺขุ   อนภิรติยา  ปีฬิโต  อาปณิกสฺส  เวนํ  อวหริตฺวา
อายสฺมนฺตํ   ทฬฺหิกํ  เอตทโวจ  อสฺสมโณ  อหํ  ภนฺเต  วิพฺภมิสฺสามีติ  ฯ
กึ  ตยา  อาวุโส  กตนฺติ  ฯ  อาปณิกสฺส  เวนํ  คณฺหามิ ภนฺเตติ ๑- ฯ
อาหราเปตฺวา   อคฺฆาเปสิ   ฯ   ตํ   อคฺฆาเปนฺตํ  น  ปญฺจมาสกํ  ๒-
@เชิงอรรถ: ๑ ยุโรปิยมรมฺมโปตฺถเกสุ อิมสฺส อตฺถสฺส วิสทิสตา โหติ ฯ ตตฺถ หิ
@โส เอตมตฺถํ อาโรเจสีติ วุตฺตํ ฯ อมฺหากมฺปน โปตฺถเก รามญฺโปตฺถเก
@จ อีทิโสเยวตฺโถ ปญฺายติ ฯ ๒ ยุ. ปญฺจมาสเก ฯ
@ม. ปญฺจมาสโก ฯ
อคฺฆติ   ฯ   อนาปตฺติ   อาวุโส  ปาราชิกสฺสาติ  ธมฺมึ  กถํ  อกาสิ  ฯ
โส ภิกฺขุ อภิรมีติ ฯ
                             ทุติยปาราชิกํ นิฏฺิตํ ฯ
                                    ----------

             เนื้อความพระไตรปิฎกฉบับภาษาบาลี อักษรไทย เล่มที่ ๑ หน้าที่ ๑๐๓-๑๒๗.
https://84000.org/tipitaka/read/pali_read.php?B=1&A=1994&w=&modeTY=1
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=1&A=1994&modeTY=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=1&item=126&items=50
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=1&siri=21
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=1&i=126
             อ่านอรรถกถาภาษาบาลีอักษรไทย :-
https://84000.org/tipitaka/atthapali/read_th.php?B=1&A=9590
             The Pali Atthakatha in Roman :-
https://84000.org/tipitaka/atthapali/read_rm.php?B=1&A=9590
             สารบัญพระไตรปิฎกเล่มที่ ๑
https://84000.org/tipitaka/read/?index_1
https://84000.org/tipitaka/english/?index_1