ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๑ ภาษาบาลี อักษรไทย พระวินัยปิฎกเล่มที่ ๑ วินย. มหาวิภงฺโค (๑)

                               ทสมสงฺฆาทิเสสํ
     [๕๙๒]   เตน  สมเยน  พุทฺโธ  ภควา  ราชคเห  วิหรติ เวฬุวเน
กลนฺทกนิวาเป  ฯ  อถโข  เทวทตฺโต  เยน  โกกาลิโก  กฏโมรกติสฺสโก
ขณฺฑเทวิยา     ปุตฺโต     สมุทฺททตฺโต    เตนุปสงฺกมิ    อุปสงฺกมิตฺวา
โกกาลิกํ   กฏโมรกติสฺสกํ   ขณฺฑเทวิยา   ปุตฺตํ   สมุทฺททตฺตํ  เอตทโวจ
เอถ  มยํ  อาวุโส  สมณสฺส  โคตมสฺส  สงฺฆเภทํ กริสฺสาม จกฺกเภทนฺติ ฯ
เอวํ    วุตฺเต    โกกาลิโก    เทวทตฺตํ    เอตทโวจ   สมโณ   โข
อาวุโส   โคตโม   มหิทฺธิโก  มหานุภาโว  กถํ  มยํ  สมณสฺส  โคตมสฺส
สงฺฆเภทํ   กริสฺสาม  จกฺกเภทนฺติ  ฯ  เอถ  มยํ  อาวุโส  สมณํ  โคตมํ
อุปสงฺกมิตฺวา   ปญฺจ  วตฺถูนิ  ยาจิสฺสาม  ภควา  ภนฺเต  อเนกปริยาเยน
อปฺปิจฺฉสฺส   สนฺตุฏฺสฺส   สลฺเลขสฺส   ธูตสฺส   ปาสาทิกสฺส  อปฺปจฺจยสฺส
วิริยารมฺภสฺส   วณฺณวาที   อิมานิ  ภนฺเต  ปญฺจ  วตฺถูนิ  อเนกปริยาเยน
อปฺปิจฺฉตาย  สนฺตุฏฺตาย  ๑-  สลฺเลขาย  ธูตาย  ๒-  ปาสาทิกาย  ๓-
วิริยารมฺภาย   สํวตฺตนฺติ  สาธุ  ภนฺเต  ภิกฺขู  ยาวชีวํ  อารญฺกา  อสฺสุ
โย   คามนฺตํ   โอสเรยฺย   วชฺชํ   นํ   ผุเสยฺย  ยาวชีวํ  ปิณฺฑปาติกา
อสฺสุ   โย   นิมนฺตนํ  สาทิเยยฺย  วชฺชํ  นํ  ผุเสยฺย  ยาวชีวํ  ปํสุกูลิกา
อสฺสุ    โย   คหปติจีวรํ   สาทิเยยฺย   วชฺชํ   นํ   ผุเสยฺย   ยาวชีวํ
รุกฺขมูลิกา   อสฺสุ   โย  ฉนฺนํ  อุปคจฺเฉยฺย  วชฺชํ  นํ  ผุเสยฺย  ยาวชีวํ
@เชิงอรรถ:  ยุ. ม. สนฺตุฏฺิยา ฯ  ยุ. ม. ธุตฺตาย ฯ  ยุ. ม. ปาสาทิกตาย ฯ
มจฺฉมํสํ   น   ขาเทยฺยุํ   โย  มจฺฉมํสํ  ขาเทยฺย  วชฺชํ  นํ  ผุเสยฺยาติ
อิมานิ   สมโณ   โคตโม   นานุชานิสฺสติ   เต   มยํ   อิเมหิ   ปญฺจหิ
วตฺถูหิ   ชนํ   สญฺาเปสฺสามาติ   ฯ   สกฺกา   โข   อาวุโส   อิเมหิ
ปญฺจหิ   วตฺถูหิ  สมณสฺส  โคตมสฺส  สงฺฆเภทํ  ๑-  กาตุํ  จกฺกเภทํ  ๒-
ลูขปฺปสนฺนา หิ อาวุโส มนุสฺสาติ ฯ
     [๕๙๓]   อถโข   เทวทตฺโต  สปริโส  เยน  ภควา  เตนุปสงฺกมิ
อุปสงฺกมิตฺวา   ภควนฺตํ   อภิวาเทตฺวา   เอกมนฺตํ  นิสีทึสุ  ฯ  เอกมนฺตํ
นิสินฺโน  โข  เทวทตฺโต  ภควนฺตํ เอตทโวจ ภควา ภนฺเต อเนกปริยาเยน
อปฺปิจฺฉสฺส   สนฺตุฏฺสฺส   สลฺเลขสฺส   ธูตสฺส   ปาสาทิกสฺส  อปฺปจฺจยสฺส
วิริยารมฺภสฺส   วณฺณวาที   อิมานิ  ภนฺเต  ปญฺจ  วตฺถูนิ  อเนกปริยาเยน
อปฺปิจฺฉตาย     สนฺตุฏฺตาย     สลฺเลขาย     ธูตาย     ปาสาทิกาย
อปฺปจฺจยาย     วิริยารมฺภาย     สํวตฺตนฺติ    สาธุ    ภนฺเต    ภิกฺขู
ยาวชีวํ   อารญฺกา  อสฺสุ  โย  คามนฺตํ  โอสเรยฺย  วชฺชํ  นํ  ผุเสยฺย
ยาวชีวํ   ปิณฺฑปาติกา   อสฺสุ   โย   นิมนฺตนํ   สาทิเยยฺย   วชฺชํ   นํ
ผุเสยฺย   ยาวชีวํ   ปํสุกูลิกา   อสฺสุ  โย  คหปติจีวรํ  สาทิเยยฺย  วชฺชํ
นํ   ผุเสยฺย   ยาวชีวํ  รุกฺขมูลิกา  อสฺสุ  โย  ฉนฺนํ  อุปคจฺเฉยฺย  วชฺชํ
นํ   ผุเสยฺย   ยาวชีวํ   มจฺฉมํสํ  น  ขาเทยฺยุํ  โย  มจฺฉมํสํ  ขาเทยฺย
วชฺชํ   นํ   ผุเสยฺยาติ   ฯ   อลํ   เทวทตฺต   โย  อิจฺฉติ  อารญฺโก
โหตุ   โย   อิจฺฉติ   คามนฺเต  วิหรตุ  โย  อิจฺฉติ  ปิณฺฑปาติโก  โหตุ
@เชิงอรรถ:  ยุ. ม. สงฺฆเภโท ฯ  ยุ. ม. จกฺกเภโท ฯ
โย   อิจฺฉติ   นิมนฺตนํ   สาทิยตุ   โย   อิจฺฉติ   ปํสุกูลิโก  โหตุ  โย
อิจฺฉติ    คหปติจีวรํ    สาทิยตุ    อฏฺมาเส   โข   มยา   เทวทตฺต
รุกฺขมูลเสนาสนํ     อนุญฺาตํ     ติโกฏิปริสุทฺธํ     มจฺฉมํสํ     อทิฏฺ
อสฺสุตํ อปริสงฺกิตนฺติ ฯ
     [๕๙๔]   อถโข   เทวทตฺโต   น   ภควา  อิมานิ  ปญฺจ  วตฺถูนิ
อนุชานาตีติ    หฏฺโ    อุทคฺโค    สปริโส    อุฏฺายาสนา   ภควนฺตํ
อภิวาเทตฺวา  ปทกฺขิณํ  กตฺวา  ปกฺกามิ  ฯ  อถโข เทวทตฺโต สปริโส ๑-
ราชคหํ   ปวิสิตฺวา   ปญฺจหิ   วตฺถูหิ   ชนํ   สญฺาเปสิ   มยํ  อาวุโส
สมณํ   โคตมํ   อุปสงฺกมิตฺวา   ปญฺจ   วตฺถูนิ  ยาจิมฺหา  ภควา  ภนฺเต
อเนกปริยาเยน   อปฺปิจฺฉสฺส  สนฺตุฏฺสฺส  สลฺเลขสฺส  ธูตสฺส  ปาสาทิกสฺส
อปฺปจฺจยสฺส     วิริยารมฺภสฺส    วณฺณวาที    อิมานิ    ภนฺเต    ปญฺจ
วตฺถูนิ   อเนกปริยาเยน   อปฺปิจฺฉตาย   สนฺตุฏฺตาย  สลฺเลขาย  ธูตาย
ปาสาทิกาย    อปฺปจฺจยาย    วิริยารมฺภาย   สํวตฺตนฺติ   สาธุ   ภนฺเต
ภิกฺขู   ยาวชีวํ   อารญฺกา   อสฺสุ  โย  คามนฺตํ  โอสเรยฺย  วชฺชํ  นํ
ผุเสยฺย    ยาวชีวํ    ปิณฺฑปาติกา   อสฺสุ   โย   นิมนฺตนํ   สาทิเยยฺย
วชฺชํ    นํ    ผุเสยฺย   ยาวชีวํ   ปํสุกูลิกา   อสฺสุ   โย   คหปติจีวรํ
สาทิเยยฺย   วชฺชํ   นํ   ผุเสยฺย  ยาวชีวํ  รุกฺขมูลิกา  อสฺสุ  โย  ฉนฺนํ
อุปคจฺเฉยฺย   วชฺชํ   นํ   ผุเสยฺย  ยาวชีวํ  มจฺฉมํสํ  น  ขาเทยฺยุํ  โย
มจฺฉมํสํ   ขาเทยฺย   วชฺชํ   นํ   ผุเสยฺยาติ   อิมานิ   สมโณ  โคตโม
@เชิงอรรถ:  ยุ. ม. โปตฺถเกสุ อยํ ปาโ น โหติ ฯ
นานุชานาติ เต มยํ อิเมหิ ปญฺจหิ วตฺถูหิ สมาทาย วตฺตามาติ ฯ
     [๕๙๕]   ตตฺถ  เย  เต  มนุสฺสา  อสฺสทฺธา  อปฺปสนฺนา ทุพฺพุทฺธิโน
เต   เอวมาหํสุ   อิเม  โข  สมณา  สกฺยปุตฺติยา  ธูตา  สลฺเลขวุตฺติโน
สมโณ   ปน   โคตโม   พาหุลฺลิโก  พาหุลฺลาย  เจเตตีติ  ฯ  เย  ปน
เต   มนุสฺสา   สทฺธา   ปสนฺนา   ปณฺฑิตา  พุทฺธิมนฺโต  เต  อุชฺฌายนฺติ
ขียนฺติ   วิปาเจนฺติ   กถํ   หิ   นาม  เทวทตฺโต  ภควโต  สงฺฆเภทาย
ปรกฺกมิสฺสติ   จกฺกเภทายาติ   ฯ   อสฺโสสุํ  โข  ภิกฺขู  เตสํ  มนุสฺสานํ
อุชฺฌายนฺตานํ   ขียนฺตานํ   วิปาเจนฺตานํ   ฯ  เย  เต  ภิกฺขู  อปฺปิจฺฉา
ฯเปฯ   เต   อุชฺฌายนฺติ  ขียนฺติ  วิปาเจนฺติ  กถํ  หิ  นาม  เทวทตฺโต
สงฺฆเภทาย ปรกฺกมิสฺสติ จกฺกเภทายาติ ฯ
     {๕๙๕.๑}   อถโข  เต  ภิกฺขู ภควโต เอตมตฺถํ อาโรเจสุํ ฯ อถโข
ภควา   เอตสฺมึ  นิทาเน  เอตสฺมึ  ปกรเณ  ภิกฺขุสงฺฆํ  สนฺนิปาตาเปตฺวา
เทวทตฺตํ   ปฏิปุจฺฉิ   สจฺจํ   กิร  ตฺวํ  เทวทตฺต  สงฺฆเภทาย  ปรกฺกมสิ
จกฺกเภทายาติ  ฯ  สจฺจํ  ภควาติ  ฯ  วิครหิ  พุทฺโธ  ภควา  อนนุจฺฉวิกํ
โมฆปุริส  ฯเปฯ  กถํ  หิ  นาม  ตฺวํ  โมฆปุริส  สงฺฆเภทาย ปรกฺกมิสฺสสิ
จกฺกเภทาย   เนตํ   โมฆปุริส   อปฺปสนฺนานํ   วา   ปสาทาย   ฯเปฯ
เอวญฺจ ปน ภิกฺขเว อิมํ สิกฺขาปทํ อุทฺทิเสยฺยาถ
     {๕๙๕.๒}   โย    ปน   ภิกฺขุ   สมคฺคสฺส   สงฺฆสฺส   เภทาย
ปรกฺกเมยฺย    เภทนสํวตฺตนิกํ    วา    อธิกรณํ    สมาทาย   ปคฺคยฺห
ติฏฺเยฺย   โส   ภิกฺขุ   ภิกฺขูหิ   เอวมสฺส   วจนีโย   มา   อายสฺมา
สมคฺคสฺส      สงฺฆสฺส      เภทาย      ปรกฺกมิ      เภทนสํวตฺตนิกํ
วา   อธิกรณํ   สมาทาย   ปคฺคยฺห   อฏฺาสิ   สเมตายสฺมา   สงฺเฆน
สมคฺโค   หิ   สงฺโฆ   สมฺโมทมาโน   อวิวทมาโน   เอกุทฺเทโส  ผาสุ
วิหรตีติ  ฯ  เอวญฺจ  โส  ภิกฺขุ  ภิกฺขูหิ  วุจฺจมาโน  ตเถว  ปคฺคเณฺหยฺย
โส   ภิกฺขุ   ภิกฺขูหิ   ยาวตติยํ  สมนุภาสิตพฺโพ  ตสฺส  ปฏินิสฺสคฺคาย  ฯ
ยาวตติยญฺเจ    สมนุภาสิยมาโน   ตํ   ปฏินิสฺสชฺเชยฺย   อิจฺเจตํ   กุสลํ
โน เจ ปฏินิสฺสชฺเชยฺย สงฺฆาทิเสโสติ ฯ
     [๕๙๖]   โย  ปนาติ  โย  ยาทิโส  ฯเปฯ ภิกฺขูติ ฯเปฯ อยํ อิมสฺมึ
อตฺเถ   อธิปฺเปโต   ภิกฺขูติ   ฯ  สมคฺโค  นาม  สงฺโฆ  สมานสํวาสโก
สมานสีมาย  ิโต  ฯ  เภทาย  ปรกฺกเมยฺยาติ  กถํ  อิเม  นานา  อสฺสุ
วินา  อสฺสุ  วคฺคา  อสฺสูติ  ปกฺขํ  ปริเยสติ  คณํ พนฺธติ ฯ เภทนสํวตฺตนิกํ
วา   อธิกรณนฺติ   อฏฺารสเภทกรวตฺถูนิ   ฯ   สมาทายาติ  อาทาย  ฯ
ปคฺคยฺหาติ ทีเปยฺย ฯ ติฏฺเยฺยาติ นปฺปฏินิสฺสชฺเชยฺย ฯ
     [๕๙๗]   โส   ภิกฺขูติ  โย  โส  สงฺฆเภทโก  ภิกฺขุ  ฯ  ภิกฺขูหีติ
อญฺเหิ   ภิกฺขูหิ   ฯ   เย  ปสฺสนฺติ  เย  สุณนฺติ  เตหิ  วตฺตพฺโพ  มา
อายสฺมา   สมคฺคสฺส   สงฺฆสฺส   เภทาย   ปรกฺกมิ  เภทนสํวตฺตนิกํ  วา
อธิกรณํ   สมาทาย   ปคฺคยฺห   อฏฺาสิ  สเมตายสฺมา  สงฺเฆน  สมคฺโค
หิ   สงฺโฆ   สมฺโมทมาโน  อวิวทมาโน  เอกุทฺเทโส  ผาสุ  วิหรตีติ  ฯ
ทุติยมฺปิ   วตฺตพฺโพ   ตติยมฺปิ  วตฺตพฺโพ  ฯ  สเจ  ปฏินิสฺสชฺชติ  อิจฺเจตํ
กุสลํ   โน   เจ   ปฏินิสฺสชฺชติ   อาปตฺติ   ทุกฺกฏสฺส   ฯ   สุตฺวา  น
วทนฺติ   อาปตฺติ   ทุกฺกฏสฺส   ฯ   โส   ภิกฺขุ  สงฺฆมชฺฌํปิ  อากฑฺฒิตฺวา
วตฺตพฺโพ   มา   อายสฺมา  สมคฺคสฺส  สงฺฆสฺส  เภทาย  ปรกฺกมิ  เภทน
สํวตฺตนิกํ   วา   อธิกรณํ   สมาทาย   ปคฺคยฺห   อฏฺาสิ  สเมตายสฺมา
สงฺเฆน  สมคฺโค  หิ  สงฺโฆ  สมฺโมทมาโน  อวิวทมาโน เอกุทฺเทโส ผาสุ
วิหรตีติ  ฯ  ทุติยมฺปิ  วตฺตพฺโพ  ตติยมฺปิ  วตฺตพฺโพ  ฯ  สเจ ปฏินิสฺสชฺชติ
อิจฺเจตํ กุสลํ โน เจ ปฏินิสฺสชฺชติ อาปตฺติ ทุกฺกฏสฺส ฯ
     [๕๙๘]   โส   ภิกฺขุ   สมนุภาสิตพฺโพ  ฯ  เอวญฺจ  ปน  ภิกฺขเว
สมนุภาสิตพฺโพ ฯ พฺยตฺเตน ภิกฺขุนา ปฏิพเลน สงฺโฆ าเปตพฺโพ
     {๕๙๘.๑}   สุณาตุ   เม  ภนฺเต  สงฺโฆ  อยํ  อิตฺถนฺนาโม  ภิกฺขุ
สมคฺคสฺส  สงฺฆสฺส  เภทาย  ปรกฺกมติ  ฯ  โส  ตํ วตฺถุํ นปฺปฏินิสฺสชฺชติ ฯ
ยทิ    สงฺฆสฺส   ปตฺตกลฺลํ   สงฺโฆ   อิตฺถนฺนามํ   ภิกฺขุํ   สมนุภาเสยฺย
ตสฺส วตฺถุสฺส ปฏินิสฺสคฺคาย ฯ เอสา ตฺติ ฯ
     {๕๙๘.๒}   สุณาตุ  เม ภนฺเต สงฺโฆ อยํ อิตฺถนฺนาโม ภิกฺขุ สมคฺคสฺส
สงฺฆสฺส  เภทาย  ปรกฺกมติ  ฯ  โส  ตํ  วตฺถุํ  นปฺปฏินิสฺสชฺชติ  ฯ สงฺโฆ
อิตฺถนฺนามํ    ภิกฺขุํ    สมนุภาสติ   ตสฺส   วตฺถุสฺส   ปฏินิสฺสคฺคาย   ฯ
ยสฺสายสฺมโต    ขมติ    อิตฺถนฺนามสฺส    ภิกฺขุโน   สมนุภาสนา   ตสฺส
วตฺถุสฺส ปฏินิสฺสคฺคาย โส ตุณฺหสฺส ยสฺส นกฺขมติ โส ภาเสยฺย ฯ
     {๕๙๘.๓}   ทุติยมฺปิ เอตมตฺถํ วทามิ ฯเปฯ ตติยมฺปิ เอตมตฺถํ วทามิ ฯ
สุณาตุ   เม  ภนฺเต  สงฺโฆ  อยํ  อิตฺถนฺนาโม  ภิกฺขุ  สมคฺคสฺส  สงฺฆสฺส
เภทาย   ปรกฺกมติ   ฯ   โส   ตํ   วตฺถุํ   นปฺปฏินิสฺสชฺชติ  ฯ  สงฺโฆ
อิตฺถนฺนามํ    ภิกฺขุํ    สมนุภาสติ   ตสฺส   วตฺถุสฺส   ปฏินิสฺสคฺคาย   ฯ
ยสฺสายสฺมโต    ขมติ    อิตฺถนฺนามสฺส    ภิกฺขุโน   สมนุภาสนา   ตสฺส
วตฺถุสฺส ปฏินิสฺสคฺคาย โส ตุณฺหสฺส ยสฺส นกฺขมติ โส ภาเสยฺย ฯ
     {๕๙๘.๔}   สมนุภฏฺโ  สงฺเฆน  อิตฺถนฺนาโม  ภิกฺขุ  ตสฺส  วตฺถุสฺส
ปฏินิสฺสคฺคาย ฯ ขมติ สงฺฆสฺส ตสฺมา ตุณฺหี ฯ เอวเมตํ ธารยามีติ ฯ
     [๕๙๙]   ตฺติยา    ทุกฺกฏํ    ทฺวีหิ   กมฺมวาจาหิ   ถุลฺลจฺจยา
กมฺมวาจาปริโยสาเน อาปตฺติ สงฺฆาทิเสสสฺส ฯ สงฺฆาทิเสสํ อชฺฌาปชฺชนฺตสฺส
ตฺติยา   ทุกฺกฏํ   ทฺวีหิ   กมฺมวาจาหิ   ถุลฺลจฺจยา   ปฏิปฺปสฺสมฺภนฺติ  ฯ
สงฺฆาทิเสโสติ ฯเปฯ เตนปิ วุจฺจติ สงฺฆาทิเสโสติ ฯ
     [๖๐๐]   ธมฺมกมฺเม    ธมฺมกมฺมสญฺี   นปฺปฏินิสฺสชฺชติ   อาปตฺติ
สงฺฆาทิเสสสฺส    ฯ   ธมฺมกมฺเม   เวมติโก   นปฺปฏินิสฺสชฺชติ   อาปตฺติ
สงฺฆาทิเสสสฺส     ฯ    ธมฺมกมฺเม    อธมฺมกมฺมสญฺี    นปฺปฏินิสฺสชฺชติ
อาปตฺติ    สงฺฆาทิเสสสฺส    ฯ   อธมฺมกมฺเม   ธมฺมกมฺมสญฺี   อาปตฺติ
ทุกฺกฏสฺส  ฯ  อธมฺมกมฺเม  เวมติโก  อาปตฺติ  ทุกฺกฏสฺส  ฯ  อธมฺมกมฺเม
อธมฺมกมฺมสญฺี อาปตฺติ ทุกฺกฏสฺส ฯ
     [๖๐๑]   อนาปตฺติ  อสมนุภาสนฺตสฺส ปฏินิสฺสชฺชนฺตสฺส อุมฺมตฺตกสฺส ๑-
อาทิกมฺมิกสฺสาติ ฯ
                          ทสมสงฺฆาทิเสสํ นิฏฺิตํ ฯ
                                --------------
@เชิงอรรถ:  อิโต ปรํ ยุโรปิยโปตฺถเกเยว ขิตฺตจิตฺตสฺส เวทนฏฺฏสฺสาติ ทิสฺสติ ฯ


             เนื้อความพระไตรปิฎกฉบับภาษาบาลี อักษรไทย เล่มที่ ๑ หน้าที่ ๓๙๘-๔๐๔. https://84000.org/tipitaka/read/pali_read.php?B=1&A=7872&w=&modeTY=1              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=1&A=7872&modeTY=1              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=1&item=592&items=10              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=1&siri=53              ศึกษาอรรถกถานี้ได้ที่ :- https://84000.org/tipitaka/attha/attha.php?b=1&i=590              อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=2&A=2371              The Pali Atthakatha in Roman :- https://84000.org/tipitaka/atthapali/read_rm.php?B=2&A=2371              สารบัญพระไตรปิฎกเล่มที่ ๑ https://84000.org/tipitaka/read/?index_1 https://84000.org/tipitaka/english/?index_1

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]