|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
![อ่านหน้า[ต่าง] สุดท้าย](go4.gif)
พระไตรปิฎกเล่มที่ ๑ ภาษาบาลี อักษรไทย พระวินัยปิฎกเล่มที่ ๑ วินย. มหาวิภงฺโค (๑)
[๓๐] กถญฺจ ภิกฺขเว ทุพฺพลฺยาวิกมฺมญฺเจว โหติ สิกฺขา จ อปฺปจฺจกฺขาตา ฯ อิธ ภิกฺขเว ภิกฺขุ อุกฺกณฺิโต อนภิรโต สามญฺา จวิตุกาโม ภิกฺขุภาวํ อฏฺฏิยมาโน หรายมาโน ชิคุจฺฉมาโน คิหิภาวํ ปตฺถยมาโน อุปาสกภาวํ ปตฺถยมาโน อารามิกภาวํ ปตฺถยมาโน สามเณรภาวํ ปตฺถยมาโน ติตฺถิยภาวํ ปตฺถยมาโน ติตฺถิยสาวกภาวํ ปตฺถยมาโน อสฺสมณภาวํ ปตฺถยมาโน อสกฺยปุตฺติยภาวํ ปตฺถยมาโน ยนฺนูนาหํ พุทฺธํ ปจฺจกฺเขยฺยนฺติ วทติ วิญฺาเปติ ฯ เอวํปิ ภิกฺขเว ทุพฺพลฺยาวิกมฺมญฺเจว โหติ สิกฺขา จ อปฺปจฺจกฺขาตา ฯ {๓๐.๑} อถวา ปน อุกฺกณฺิโต อนภิรโต สามญฺา จวิตุกาโม ภิกฺขุภาวํ อฏฺฏิยมาโน หรายมาโน ชิคุจฺฉมาโน คิหิภาวํ ปตฺถยมาโน ฯเปฯ อสกฺยปุตฺติยภาวํ ปตฺถยมาโน ยนฺนูนาหํ ธมฺมํ ปจฺจกฺเขยฺยนฺติ วทติ วิญฺาเปติ ฯเปฯ ยนฺนูนาหํ สงฺฆํ ปจฺจกฺเขยฺยนฺติ วทติ วิญฺาเปติ ฯ ยนฺนูนาหํ สิกฺขํ ปจฺจกฺเขยฺยนฺติ วทติ วิญฺาเปติ ฯ ยนฺนูนาหํ วินยํ ปจฺจกฺเขยฺยนฺติ วทติ วิญฺาเปติ ฯ ยนฺนูนาหํ ปาติโมกฺขํ ปจฺจกฺเขยฺยนฺติ วทติ วิญฺาเปติ ฯ ยนฺนูนาหํ อุทฺเทสํ ปจฺจกฺเขยฺยนฺติ วทติ วิญฺาเปติ ฯ ยนฺนูนาหํ อุปชฺฌายํ ปจฺจกฺเขยฺยนฺติ วทติ วิญฺาเปติ ฯ ยนฺนูนาหํ อาจริยํ ปจฺจกฺเขยฺยนฺติ วทติ วิญฺาเปติ ฯ ยนฺนูนาหํ สทฺธิวิหาริกํ ปจฺจกฺเขยฺยนฺติ วทติ วิญฺาเปติ ฯ ยนฺนูนาหํ อนฺเตวาสิกํ ปจฺจกฺเขยฺยนฺติ วทติ วิญฺาเปติ ฯ ยนฺนูนาหํ สมานุปชฺฌายกํ ปจฺจกฺเขยฺยนฺติ วทติ วิญฺาเปติ ฯ ยนฺนูนาหํ สมานาจริยกํ ปจฺจกฺเขยฺยนฺติ วทติ วิญฺาเปติ ฯ {๓๐.๒} ยนฺนูนาหํ สพฺรหฺมจารึ ปจฺจกฺเขยฺยนฺติ วทติ วิญฺาเปติ ฯ ยนฺนูนาหํ คิหี อสฺสนฺติ วทติ วิญฺาเปติ ฯ ยนฺนูนาหํ อุปาสโก อสฺสนฺติ วทติ วิญฺาเปติ ฯ ยนฺนูนาหํ อารามิโก อสฺสนฺติ วทติ วิญฺาเปติ ฯ ยนฺนูนาหํ สามเณโร อสฺสนฺติ วทติ วิญฺาเปติ ฯ ยนฺนูนาหํ ติตฺถิโย อสฺสนฺติ วทติ วิญฺาเปติ ฯ ยนฺนูนาหํ ติตฺถิยสาวโก อสฺสนฺติ วทติ วิญฺาเปติ ฯ ยนฺนูนาหํ อสฺสมโณ อสฺสนฺติ วทติ วิญฺาเปติ ฯ ยนฺนูนาหํ อสกฺยปุตฺติโย อสฺสนฺติ วทติ วิญฺาเปติ ฯ เอวํปิ ภิกฺขเว ทุพฺพลฺยาวิกมฺมญฺเจว โหติ สิกฺขา จ อปฺปจฺจกฺขาตา ฯ {๓๐.๓} อถวา ปน อุกฺกณฺิโต อนภิรโต สามญฺา จวิตุกาโม ภิกฺขุภาวํ อฏฺฏิยมาโน หรายมาโน ชิคุจฺฉมาโน คิหิภาวํ ปตฺถยมาโน ฯเปฯ อสกฺยปุตฺติยภาวํ ปตฺถยมาโน ยทิ ปนาหํ พุทฺธํ ปจฺจกฺเขยฺยนฺติ วทติ วิญฺาเปติ ฯเปฯ ยทิ ปนาหํ อสกฺยปุตฺติโย อสฺสนฺติ วทติ วิญฺาเปติ ฯเปฯ อถาหํ ๑- พุทฺธํ ปจฺจกฺเขยฺยนฺติ วทติ วิญฺาเปติ ฯเปฯ อถาหํ อสกฺยปุตฺติโย อสฺสนฺติ วทติ วิญฺาเปติ ฯเปฯ หนฺทาหํ พุทฺธํ ปจฺจกฺเขยฺยนฺติ วทติ วิญฺาเปติ ฯเปฯ หนฺทาหํ อสกฺยปุตฺติโย อสฺสนฺติ วทติ วิญฺาเปติ ฯเปฯ โหตุ เม พุทฺธํ ปจฺจกฺเขยฺยนฺติ วทติ วิญฺาเปติ ฯเปฯ โหตุ เม อสกฺยปุตฺติโย อสฺสนฺติ วทติ วิญฺาเปติ ฯ เอวํปิ ภิกฺขเว ทุพฺพลฺยาวิกมฺมญฺเจว โหติ สิกฺขา จ อปฺปจฺจกฺขาตา ฯ {๓๐.๔} อถวา ปน อุกฺกณฺิโต อนภิรโต สามญฺา จวิตุกาโม ภิกฺขุภาวํ อฏฺฏิยมาโน หรายมาโน ชิคุจฺฉมาโน คิหิภาวํ ปตฺถยมาโน ฯเปฯ อสกฺยปุตฺติยภาวํ ปตฺถยมาโน มาตรํ สรามีติ วทติ วิญฺาเปติ ฯ ปิตรํ สรามีติ วทติ วิญฺาเปติ ฯ ภาตรํ สรามีติ วทติ วิญฺาเปติ ฯ ภคินึ สรามีติ วทติ วิญฺาเปติ ฯ ปุตฺตํ สรามีติ วทติ วิญฺาเปติ ฯ ธีตรํ สรามีติ วทติ วิญฺาเปติ ฯ ปชาปตึ สรามีติ วทติ วิญฺาเปติ ฯ าตเก สรามีติ วทติ วิญฺาเปติ ฯ มิตฺเต สรามีติ วทติ วิญฺาเปติ ฯ คามํ สรามีติ วทติ วิญฺาเปติ ฯ นิคมํ สรามีติ วทติ วิญฺาเปติ ฯ เขตฺตํ สรามีติ วทติ วิญฺาเปติ ฯ วตฺถุํ สรามีติ วทติ วิญฺาเปติ ฯ หิรญฺ สรามีติ วทติ วิญฺาเปติ ฯ สุวณฺณํ สรามีติ วทติ วิญฺาเปติ ฯ สิปฺปํ สรามีติ วทติ วิญฺาเปติ ฯ ปุพฺเพ หสิตํ ลปิตํ กีฬิตํ สมนุสฺสรามีติ @เชิงอรรถ: ๑ ยุ. ม. อปาหํ ฯ วทติ วิญฺาเปติ ฯ เอวํปิ ภิกฺขเว ทุพฺพลฺยาวิกมฺมญฺเจว โหติ สิกฺขา จ อปฺปจฺจกฺขาตา ฯ {๓๐.๕} อถวา ปน อุกฺกณฺิโต อนภิรโต สามญฺา จวิตุกาโม ภิกฺขุภาวํ อฏฺฏิยมาโน หรายมาโน ชิคุจฺฉมาโน คิหิภาวํ ปตฺถยมาโน ฯเปฯ อสกฺยปุตฺติยภาวํ ปตฺถยมาโน มาตา เม อตฺถิ สา มยา โปเสตพฺพาติ วทติ วิญฺาเปติ ฯ ปิตา เม อตฺถิ โส มยา โปเสตพฺโพติ วทติ วิญฺาเปติ ฯ ภาตา เม อตฺถิ โส มยา โปเสตพฺโพติ วทติ วิญฺาเปติ ฯ ภคินี เม อตฺถิ สา มยา โปเสตพฺพาติ วทติ วิญฺาเปติ ฯ ปุตฺโต เม อตฺถิ โส มยา โปเสตพฺโพติ วทติ วิญฺาเปติ ฯ ธีตา เม อตฺถิ สา มยา โปเสตพฺพาติ วทติ วิญฺาเปติ ฯ ปชาปตี เม อตฺถิ สา มยา โปเสตพฺพาติ วทติ วิญฺาเปติ ฯ าตกา เม อตฺถิ เต มยา โปเสตพฺพาติ วทติ วิญฺาเปติ ฯ มิตฺตา เม อตฺถิ เต มยา โปเสตพฺพาติ วทติ วิญฺาเปติ ฯ เอวํปิ ภิกฺขเว ทุพฺพลฺยาวิกมฺมญฺเจว โหติ สิกฺขา จ อปฺปจฺจกฺขาตา ฯ {๓๐.๖} อถวา ปน อุกฺกณฺิโก อนภิรโต สามญฺา จวิตุกาโม ภิกฺขุภาวํ อฏฺฏิยมาโน หรายมาโน ชิคุจฺฉมาโน คิหิภาวํ ปตฺถยมาโน ฯเปฯ อสกฺยปุตฺติยภาวํ ปตฺถยมาโน มาตา เม อตฺถิ สา มํ โปเสสฺสตีติ วทติ วิญฺาเปติ ฯ ปิตา เม อตฺถิ โส มํ โปเสสฺสตีติ วทติ วิญฺาเปติ ฯ ภาตา เม อตฺถิ โส มํ โปเสสฺสตีติ วทติ วิญฺาเปติ ฯ ภคินี เม อตฺถิ สา มํ โปเสสฺสตีติ วทติ วิญฺาเปติ ฯ ปุตฺโต เม อตฺถิ โส มํ โปเสสฺสตีติ วทติ วิญฺาเปติ ฯ ธีตา เม อตฺถิ สา มํ โปเสสฺสตีติ วทติ วิญฺาเปติ ฯ ปชาปตี เม อตฺถิ สา มํ โปเสสฺสตีติ วทติ วิญฺาเปติ ฯ าตกา เม อตฺถิ เต มํ โปเสสฺสนฺตีติ วทติ วิญฺาเปติ ฯ มิตฺตา เม อตฺถิ เต มํ โปเสสฺสนฺตีติ วทติ วิญฺาเปติ ฯ คาโม เม อตฺถิ เตนปาหํ ๑- ชีวิสฺสามีติ วทติ วิญฺาเปติ ฯ นิคโม เม อตฺถิ เตนปาหํ ชีวิสฺสามีติ วทติ วิญฺาเปติ ฯ เขตฺตํ เม อตฺถิ เตนปาหํ ชีวิสฺสามีติ วทติ วิญฺาเปติ ฯ วตฺถุํ เม อตฺถิ เตนปาหํ ชีวิสฺสามีติ วทติ วิญฺาเปติ ฯ หิรญฺ เม อตฺถิ เตนปาหํ ชีวิสฺสามีติ วทติ วิญฺาเปติ ฯ สุวณฺณํ เม อตฺถิ เตนปาหํ ชีวิสฺสามีติ วทติ วิญฺาเปติ ฯ สิปฺปํ เม อตฺถิ เตนปาหํ ชีวิสฺสามีติ วทติ วิญฺาเปติ ฯ เอวํปิ ภิกฺขเว ทุพฺพลฺยาวิกมฺมญฺเจว โหติ สิกฺขา จ อปฺปจฺจกฺขาตา ฯ {๓๐.๗} อถวา ปน อุกฺกณฺิโต อนภิรโต สามญฺา จวิตุกาโม ภิกฺขุภาวํ อฏฺฏิยมาโน หรายมาโน ชิคุจฺฉมาโน คิหิภาวํ ปตฺถยมาโน ฯเปฯ อสกฺยปุตฺติยภาวํ ปตฺถยมาโน ทุกฺกรนฺติ วทติ วิญฺาเปติ ฯ น สุกรนฺติ วทติ วิญฺาเปติ ฯ ทุจฺจรนฺติ วทติ วิญฺาเปติ ฯ น สุจรนฺติ วทติ วิญฺาเปติ ฯ น อุสฺสหามีติ วทติ วิญฺาเปติ ฯ น วิสหามีติ วทติ วิญฺาเปติ ฯ น รมามีติ @เชิงอรรถ: ๑ เตน จาหนฺติปิ ปาโ ฯ วทติ วิญฺาเปติ ฯ นาภิรมามีติ วทติ วิญฺาเปติ ฯ เอวํปิ โข ภิกฺขเว ทุพฺพลฺยาวิกมฺมญฺเจว โหติ สิกฺขา จ อปฺปจฺจกฺขาตา ฯ [๓๑] กถญฺจ ภิกฺขเว ทุพฺพลฺยาวิกมฺมญฺเจว โหติ สิกฺขา จ ปจฺจกฺขาตา ฯ อิธ ภิกฺขเว ภิกฺขุ อุกฺกณฺิโต อนภิรโต สามญฺา จวิตุกาโม ภิกฺขุภาวํ อฏฺฏิยมาโน หรายมาโน ชิคุจฺฉมาโน คิหิภาวํ ปตฺถยมาโน ฯเปฯ อสกฺยปุตฺติยภาวํ ปตฺถยมาโน พุทฺธํ ปจฺจกฺขามีติ วทติ วิญฺาเปติ ฯ เอวํปิ ภิกฺขเว ทุพฺพลฺยาวิกมฺมญฺเจว โหติ สิกฺขา จ ปจฺจกฺขาตา ฯ {๓๑.๑} อถวา ปน อุกฺกณฺิโต อนภิรโต สามญฺา จวิตุกาโม ภิกฺขุภาวํ อฏฺฏิยมาโน หรายมาโน ชิคุจฺฉมาโน คิหิภาวํ ปตฺถยมาโน ฯเปฯ อสกฺยปุตฺติยภาวํ ปตฺถยมาโน ธมฺมํ ปจฺจกฺขามีติ วทติ วิญฺาเปติ ฯ สงฺฆํ ปจฺจกฺขามีติ วทติ วิญฺาเปติ ฯ สิกฺขํ ปจฺจกฺขามีติ วทติ วิญฺาเปติ ฯ วินยํ ปจฺจกฺขามีติ วทติ วิญฺาเปติ ฯ ปาติโมกฺขํ ปจฺจกฺขามีติ วทติ วิญฺาเปติ ฯ อุทฺเทสํ ปจฺจกฺขามีติ วทติ วิญฺาเปติ ฯ อุปชฺฌายํ ปจฺจกฺขามีติ วทติ วิญฺาเปติ ฯ อาจริยํ ปจฺจกฺขามีติ วทติ วิญฺาเปติ ฯ สทฺธิวิหาริกํ ปจฺจกฺขามีติ วทติ วิญฺาเปติ ฯ อนฺเตวาสิกํ ปจฺจกฺขามีติ วทติ วิญฺาเปติ ฯ สมานุปชฺฌายกํ ปจฺจกฺขามีติ วทติ วิญฺาเปติ ฯ สมานาจริยกํ ปจฺจกฺขามีติ วทติ วิญฺาเปติ ฯ สพฺรหฺมจารึ ปจฺจกฺขามีติ วทติ วิญฺาเปติ ฯเปฯ คิหีติ มํ ธาเรหีติ วทติ วิญฺาเปติ ฯ อุปาสโกติ มํ ธาเรหีติ วทติ วิญฺาเปติ ฯ อารามิโกติ มํ ธาเรหีติ วทติ วิญฺาเปติ ฯ สามเณโรติ มํ ธาเรหีติ วทติ วิญฺาเปติ ฯ ติตฺถิโยติ มํ ธาเรหีติ วทติ วิญฺาเปติ ฯ ติตฺถิยสาวโกติ มํ ธาเรหีติ วทติ วิญฺาเปติ ฯ อสฺสมโณติ มํ ธาเรหีติ วทติ วิญฺาเปติ ฯ อสกฺยปุตฺติโยติ มํ ธาเรหีติ วทติ วิญฺาเปติ ฯ เอวํปิ ภิกฺขเว ทุพฺพลฺยาวิกมฺมญฺเจว โหติ สิกฺขา จ ปจฺจกฺขาตา ฯ {๓๑.๒} อถวา ปน อุกฺกณฺิโต อนภิรโต สามญฺา จวิตุกาโม ภิกฺขุภาวํ อฏฺฏิยมาโน หรายมาโน ชิคุจฺฉมาโน คิหิภาวํ ปตฺถยมาโน ฯเปฯ อสกฺยปุตฺติยภาวํ ปตฺถยมาโน อลํ เม พุทฺเธนาติ วทติ วิญฺาเปติ ฯเปฯ อลํ เม สพฺรหฺมจารีหีติ วทติ วิญฺาเปติ ฯ เอวํปิ ภิกฺขเว ฯเปฯ อถวา ปน ฯเปฯ กินฺนุ เม พุทฺเธนาติ วทติ วิญฺาเปติ ฯเปฯ กินฺนุ เม สพฺรหฺมจารีหีติ วทติ วิญฺาเปติ ฯ เอวํปิ ฯเปฯ อถวา ปน ฯเปฯ น มมตฺโถ พุทฺเธนาติ วทติ วิญฺาเปติ ฯเปฯ น มมตฺโถ สพฺรหฺมจารีหีติ วทติ วิญฺาเปติ ฯ เอวํปิ ฯเปฯ อถวา ปน ฯเปฯ สุมุตฺตาหํ พุทฺเธนาติ วทติ วิญฺาเปติ ฯเปฯ สุมุตฺตาหํ สพฺรหฺมจารีหีติ วทติ วิญฺาเปติ ฯ เอวํปิ ภิกฺขเว ทุพฺพลฺยาวิกมฺมญฺเจว โหติ สิกฺขา จ ปจฺจกฺขาตา ฯ {๓๑.๓} ยานิ วา ปนญฺานิปิ อตฺถิ พุทฺธเววจนานิ วา ธมฺมเววจนานิ วา สงฺฆเววจนานิ วา สิกฺขาเววจนานิ วา วินยเววจนานิ วา ปาติโมกฺขเววจนานิ วา อุทฺเทสเววจนานิ วา อุปชฺฌายเววจนานิ วา อาจริยเววจนานิ วา สทฺธิวิหาริกเววจนานิ วา อนฺเตวาสิกเววจนานิ วา สมานุปชฺฌายกเววจนานิ วา สมานาจริยกเววจนานิ วา สพฺรหฺมจาริเววจนานิ วา คิหิเววจนานิ วา อุปาสกเววจนานิ วา อารามิกเววจนานิ วา สามเณรเววจนานิ วา ติตฺถิยเววจนานิ วา ติตฺถิยสาวกเววจนานิ วา อสฺสมณเววจนานิ วา อสกฺยปุตฺติยเววจนานิ วา เตหิ อากาเรหิ เตหิ ลิงฺเคหิ เตหิ นิมิตฺเตหิ วทติ วิญฺาเปติ ฯ เอวํปิ โข ภิกฺขเว ทุพฺพลฺยาวิกมฺมญฺเจว โหติ สิกฺขา จ ปจฺจกฺขาตา ฯ [๓๒] กถญฺจ ภิกฺขเว อปฺปจฺจกฺขาตา โหติ สิกฺขา ฯ อิธ ภิกฺขเว ภิกฺขุนา ๑- เยหิ อากาเรหิ เยหิ ลิงฺเคหิ เยหิ นิมิตฺเตหิ สิกฺขา ปจฺจกฺขาตา โหติ เตหิ อากาเรหิ เตหิ ลิงฺเคหิ เตหิ นิมิตฺเตหิ อุมฺมตฺตโก สิกฺขํ ปจฺจกฺขาติ ฯ อปฺปจฺจกฺขาตา โหติ สิกฺขา ฯ อุมฺมตฺตกสฺส สนฺติเก สิกฺขํ ปจฺจกฺขาติ ฯ อปฺปจฺจกฺขาตา โหติ สิกฺขา ฯ ขิตฺตจิตฺโต สิกฺขํ ปจฺจกฺขาติ ฯ อปฺปจฺจกฺขาตา โหติ สิกฺขา ฯ ขิตฺตจิตฺตสฺส สนฺติเก สิกฺขํ ปจฺจกฺขาติ ฯ อปฺปจฺจกฺขาตา โหติ สิกฺขา ฯ เวทนฏฺโฏ สิกฺขํ ปจฺจกฺขาติ ฯ อปฺปจฺจกฺขาตา โหติ สิกฺขา ฯ เวทนฏฺฏสฺส สนฺติเก สิกฺขํ ปจฺจกฺขาติ ฯ อปฺปจฺจกฺขาตา โหติ สิกฺขา ฯ เทวตาย สนฺติเก สิกฺขํ ปจฺจกฺขาติ ฯ อปฺปจฺจกฺขาตา โหติ สิกฺขา ฯ ติรจฺฉานคตสฺส สนฺติเก สิกฺขํ ปจฺจกฺขาติ ฯ @เชิงอรรถ: ๑ ยุโรปิยมรมฺมโปตฺถเกสฺวายํ ปาโ น ทิสฺสติ ฯ อปฺปจฺจกฺขาตา โหติ สิกฺขา ฯ อริยเกน มิลกฺขกสฺส สนฺติเก สิกฺขํ ปจฺจกฺขาติ ฯ โส เจ ๑- น ปฏิวิชานาติ อปฺปจฺจกฺขาตา โหติ สิกฺขา ฯ มิลกฺขเกน อริยกสฺส สนฺติเก สิกฺขํ ปจฺจกฺขาติ ฯ โส เจ น ปฏิวิชานาติ อปฺปจฺจกฺขาตา โหติ สิกฺขา ฯ อริยเกน อริยกสฺส สนฺติเก สิกฺขํ ปจฺจกฺขาติ ฯ โส เจ น ปฏิวิชานาติ อปฺปจฺจกฺขาตา โหติ สิกฺขา ฯ มิลกฺขเกน มิลกฺขกสฺส สนฺติเก สิกฺขํ ปจฺจกฺขาติ ฯ โส เจ น ปฏิวิชานาติ อปฺปจฺจกฺขาตา โหติ สิกฺขา ฯ ทวาย สิกฺขํ ปจฺจกฺขาติ ฯ อปฺปจฺจกฺขาตา โหติ สิกฺขา ฯ รวาย สิกฺขํ ปจฺจกฺขาติ ฯ อปฺปจฺจกฺขาตา โหติ สิกฺขา ฯ อสาเวตุกาโม สาเวติ ฯ อปฺปจฺจกฺขาตา โหติ สิกฺขา ฯ สาเวตุกาโม น สาเวติ ฯ อปฺปจฺจกฺขาตา โหติ สิกฺขา ฯ อวิญฺุสฺส สาเวติ ฯ อปฺปจฺจกฺขาตา โหติ สิกฺขา ฯ วิญฺุสฺส น สาเวติ ฯ อปฺปจฺจกฺขาตา โหติ สิกฺขา ฯ สพฺพโส วา ปน น สาเวติ ฯ อปฺปจฺจกฺขาตา โหติ สิกฺขา ฯ เอวํ โข ภิกฺขเว อปฺปจฺจกฺขาตา โหติ สิกฺขา ฯ [๓๓] เมถุนธมฺโม นาม โย โส อสทฺธมฺโม คามธมฺโม วสลธมฺโม ทุฏฺฐุลฺลํ โอทกนฺติกํ รหสฺสํ ทฺวยํ ทฺวยสมาปตฺติ เอโส เมถุนธมฺโม นาม ฯ [๓๔] ปฏิเสวติ นาม โย นิมิตฺเตน นิมิตฺตํ องฺคชาเตน องฺคชาตํ อนฺตมโส ติลผลมตฺตํปิ ปเวเสติ เอโส ปฏิเสวติ นาม ฯ @เชิงอรรถ: ๑ ปายโต โส จาติ ลิขิตํ ฯ [๓๕] อนฺตมโส ติรจฺฉานคตายปีติ ติรจฺฉานคติตฺถิยาปิ เมถุนํ ธมฺมํ ปฏิเสวิตฺวา อสฺสมโณ โหติ อสกฺยปุตฺติโย ปเคว มนุสฺสิตฺถิยา เตน วุจฺจติ อนฺตมโส ติรจฺฉานคตายปีติ ฯ [๓๖] ปาราชิโก โหตีติ เสยฺยถาปิ นาม ปุริโส สีสจฺฉินฺโน อภพฺโพ เตน สรีรพนฺธเนน ชีวิตุํ เอวเมว ภิกฺขุ เมถุนํ ธมฺมํ ปฏิเสวิตฺวา อสฺสมโณ โหติ อสกฺยปุตฺติโย เตน วุจฺจติ ปาราชิโก โหตีติ ฯ [๓๗] อสํวาโสติ สํวาโส นาม เอกกมฺมํ เอกุทฺเทโส สมสิกฺขาตา เอโส สํวาโส นาม โส เตน สทฺธึ นตฺถิ เตน วุจฺจติ อสํวาโสติ ฯ
เนื้อความพระไตรปิฎกฉบับภาษาบาลี อักษรไทย เล่มที่ ๑ หน้าที่ ๔๓-๕๒. https://84000.org/tipitaka/read/pali_read.php?B=1&A=816&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=1&A=816&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=1&item=30&items=8 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=1&siri=6 ศึกษาอรรถกถานี้ได้ที่ :- https://84000.org/tipitaka/attha/attha.php?b=1&i=30 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=1&A=6144 The Pali Atthakatha in Roman :- https://84000.org/tipitaka/atthapali/read_rm.php?B=1&A=6144 สารบัญพระไตรปิฎกเล่มที่ ๑ https://84000.org/tipitaka/read/?index_1 https://84000.org/tipitaka/english/?index_1
![อ่านหน้า[ต่าง] แรก](go1.gif) ![อ่านหน้า[ต่าง] ที่แล้ว](go2.gif)   ![อ่านหน้า[ต่าง] ถัดไป](go3.gif)  |
|
บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]