พระไตรปิฎกเล่มที่ ๑๒ ภาษาบาลี อักษรไทย
 พระสุตตันตปิฎกเล่มที่ ๔ สุตฺต. ม. มูลปณฺณาสกํ

                                 ภยเภรวสุตฺตํ
     [๒๗]   เอวมฺเม   สุตํ   เอกํ   สมยํ  ภควา  สาวตฺถิยํ  วิหรติ
เชตวเน    อนาถปิณฺฑิกสฺส    อาราเม    ฯ   อถ   โข   ชาณุสฺโสณิ
พฺราหฺมโณ   เยน   ภควา   เตนุปสงฺกมิ   อุปสงฺกมิตฺวา  ภควตา  สทฺธึ
สมฺโมทิ สมฺโมทนียํ กถํ สาราณียํ ๑- วีติสาเรตฺวา เอกมนฺตํ นิสีทิ ฯ
     [๒๘]   เอกมนฺตํ   นิสินฺโน  โข  ชาณุสฺโสณิ  พฺราหฺมโณ  ภควนฺตํ
เอตทโวจ   เยเม   โภ   โคตม   กุลปุตฺตา   ภวนฺตํ  โคตมํ  อุทฺทิสฺส
สทฺธา   อคารสฺมา   อนคาริยํ  ปพฺพชิตา  ภวนฺเตสํ  โคตโม  ปุพฺพงฺคโม
ภวนฺเตสํ   โคตโม   พหุกาโร   ภวนฺเตสํ  โคตโม  สมาทเปตา  โภโต
จ   ปน   โคตมสฺส   สา  ชนตา  ทิฏฺานุคตึ  อาปชฺชตีติ  ฯ  เอวเมตํ
พฺราหฺมณ    เอวเมตํ    พฺราหฺมณ    เย   เต   พฺราหฺมณ   กุลปุตฺตา
มมํ   อุทฺทิสฺส   สทฺธา   อคารสฺมา   อนคาริยํ   ปพฺพชิตา   อหํ  เตสํ
ปุพฺพงฺคโม   อหํ   เตสํ   พหุกาโร   อหํ   เตสํ   สมาทเปตา  มมญฺจ
ปน สา ชนตา ทิฏฺานุคตึ อาปชฺชตีติ ฯ
     [๒๙]   ทุรภิสมฺภวานิ   หิ  โข  โภ  โคตม   อรญฺวนปตฺถานิ ๒-
ปนฺตานิ  เสนาสนานิ  ทุกฺกรํ  ปวิเวกํ  ทุรภิรมํ  เอกตฺเต  หรนฺติ  มญฺเ
มโน   วนานิ   สมาธึ   อลภมานสฺส  ภิกฺขุโนติ  ฯ  เอวเมตํ  พฺราหฺมณ
เอวเมตํ    พฺราหฺมณ   ทุรภิสมฺภวานิ   หิ   พฺราหฺมณ   อรญฺวนปตฺถานิ
@เชิงอรรถ: ๑ ม. สารณียํ ฯ  ๒ สี. ยุ. อรญฺเ วนปตฺถานิ ฯ
ปนฺตานิ   เสนาสนานิ   ทุกฺกรํ   ปวิเวกํ   ทุรภิรมํ   เอกตฺเต   หรนฺติ
มญฺเ มโน วนานิ สมาธึ อลภมานสฺส ภิกฺขุโนติ ฯ
     [๓๐]   มยฺหมฺปิ  โข  พฺราหฺมณ  ปุพฺเพว  สมฺโพธา  อนภิสมฺพุทฺธสฺส
โพธิสตฺตสฺเสว  สโต  เอตทโหสิ  ทุรภิสมฺภวานิ  หิ  โข  อรญฺวนปตฺถานิ
ปนฺตานิ  เสนาสนานิ  ทุกฺกรํ  ปวิเวกํ  ทุรภิรมํ  เอกตฺเต  หรนฺติ  มญฺเ
มโน วนานิ สมาธึ อลภมานสฺส ภิกฺขุโนติ ฯ
     [๓๑]   ตสฺส  มยฺหํ  พฺราหฺมณ  เอตทโหสิ  เย โข เกจิ สมณา วา
พฺราหฺมณา    วา    อปริสุทฺธกายกมฺมนฺตา    อรญฺวนปตฺถานิ   ปนฺตานิ
เสนาสนานิ    ปฏิเสวนฺติ   อปริสุทฺธกายกมฺมนฺตสนฺโทสเหตุ   หเว   เต
โภนฺโต  สมณพฺราหฺมณา  อกุสลํ  ภยเภรวํ  อวฺหยนฺติ  ฯ  น  โข  ปนาหํ
อปริสุทฺธกายกมฺมนฺโต      อรญฺวนปตฺถานิ     ปนฺตานิ     เสนาสนานิ
ปฏิเสวามิ    ปริสุทฺธกายกมฺมนฺโตหมสฺมิ    ฯ   เย   หิ   โว   อริยา
ปริสุทฺธกายกมฺมนฺตา      อรญฺวนปตฺถานิ      ปนฺตานิ     เสนาสนานิ
ปฏิเสวนฺติ     เตสมหํ     อญฺตโร     ๑-     เอตมหํ    พฺราหฺมณ
ปริสุทฺธกายกมฺมนฺตตํ      ๒-      อตฺตนิ     สมฺปสฺสมาโน     ภิยฺโย
ปลฺโลมมาปาทึ อรญฺเ วิหาราย ฯ
     [๓๒]   ตสฺส  มยฺหํ  พฺราหฺมณ  เอตทโหสิ  เย โข เกจิ สมณา วา
พฺราหฺมณา    วา   อปริสุทฺธวจีกมฺมนฺตา   ฯเปฯ   อปริสุทฺธมโนกมฺมนฺตา
@เชิงอรรถ: ๑ สี. ยุ. อญฺตโม ฯ  ๒ ม. ปริสุทฺธกายกมฺมตํ ฯ
ฯเปฯ         อปริสุทฺธาชีวา        อรญฺวนปตฺถานิ        ปนฺตานิ
เสนาสนานิ   ปฏิเสวนฺติ   อปริสุทฺธาชีวสนฺโทสเหตุ   หเว  เต  โภนฺโต
สมณพฺราหฺมณา   อกุสลํ   ภยเภรวํ   อวฺหยนฺติ   ฯ   น   โข   ปนาหํ
อปริสุทฺธาชีโว    อรญฺวนปตฺถานิ    ปนฺตานิ   เสนาสนานิ   ปฏิเสวามิ
ปริสุทฺธาชีโวหมสฺมิ    ฯ    เย    หิ    โว    อริยา   ปริสุทฺธาชีวา
อรญฺวนปตฺถานิ     ปนฺตานิ     เสนาสนานิ     ปฏิเสวนฺติ    เตสมหํ
อญฺตโร    เอตมหํ   พฺราหฺมณ   ปริสุทฺธาชีวตํ   อตฺตนิ   สมฺปสฺสมาโน
ภิยฺโย ปลฺโลมมาปาทึ อรญฺเ วิหาราย ฯ
     [๓๓]   ตสฺส  มยฺหํ  พฺราหฺมณ  เอตทโหสิ  เย โข เกจิ สมณา วา
พฺราหฺมณา   วา   อภิชฺฌาลู   กาเมสุ   ติพฺพสาราคา   อรญฺวนปตฺถานิ
ปนฺตานิ   เสนาสนานิ   ปฏิเสวนฺติ  อภิชฺฌาลุกาเมสุติพฺพสาราคสนฺโทสเหตุ
หเว   เต  โภนฺโต  สมณพฺราหฺมณา  อกุสลํ  ภยเภรวํ  อวฺหยนฺติ  ฯ  น
โข    ปนาหํ    อภิชฺฌาลุ    กาเมสุ   ติพฺพสาราโค   อรญฺวนปตฺถานิ
ปนฺตานิ   เสนาสนานิ   ปฏิเสวามิ   อนภิชฺฌาลุหมสฺมิ   ฯ  เย  หิ  โว
อริยา     อนภิชฺฌาลู     อรญฺวนปตฺถานิ     ปนฺตานิ     เสนาสนานิ
ปฏิเสวนฺติ    เตสมหํ    อญฺตโร    เอตมหํ   พฺราหฺมณ   อนภิชฺฌาลุตํ
อตฺตนิ สมฺปสฺสมาโน ภิยฺโย ปลฺโลมมาปาทึ อรญฺเ วิหาราย ฯ
     [๓๔]   ตสฺส  มยฺหํ  พฺราหฺมณ  เอตทโหสิ  เย  โข  เกจิ  สมณา
วา      พฺราหฺมณา      วา     พฺยาปนฺนจิตฺตา     ปทุฏฺมนสงฺกปฺปา
อรญฺวนปตฺถานิ        ปนฺตานิ        เสนาสนานิ        ปฏิเสวนฺติ
พฺยาปนฺนจิตฺตปทุฏฺมนสงฺกปฺปสนฺโทสเหตุ      หเว      เต     โภนฺโต
สมณพฺราหฺมณา   อกุสลํ   ภยเภรวํ   อวฺหยนฺติ   ฯ   น   โข   ปนาหํ
พฺยาปนฺนจิตฺโต      ปทุฏฺมนสงฺกปฺโป      อรญฺวนปตฺถานิ     ปนฺตานิ
เสนาสนานิ   ปฏิเสวามิ   เมตฺตจิตฺโตหมสฺมิ   ฯ   เย  หิ  โว  อริยา
เมตฺตจิตฺตา    อรญฺวนปตฺถานิ    ปนฺตานิ    เสนาสนานิ    ปฏิเสวนฺติ
เตสมหํ     อญฺตโร    เอตมหํ    พฺราหฺมณ    เมตฺตจิตฺตตํ    อตฺตนิ
สมฺปสฺสมาโน ภิยฺโย ปลฺโลมมาปาทึ อรญฺเ วิหาราย ฯ
     [๓๕]   ตสฺส   มยฺหํ   พฺราหฺมณ   เอตทโหสิ   เย   โข  เกจิ
สมณา    วา    พฺราหฺมณา   วา   ถีนมิทฺธปริยุฏฺิตา   อรญฺวนปตฺถานิ
ปนฺตานิ     เสนาสนานิ     ปฏิเสวนฺติ     ถีนมิทฺธปริยุฏฺานสนฺโทสเหตุ
หเว   เต   โภนฺโต   สมณพฺราหฺมณา   อกุสลํ  ภยเภรวํ  อวฺหยนฺติ  ฯ
น    โข    ปนาหํ    ถีนมิทฺธปริยุฏฺิโต    อรญฺวนปตฺถานิ    ปนฺตานิ
เสนาสนานิ   ปฏิเสวามิ   วิคตถีนมิทฺโธหมสฺมิ   ฯ  เย  หิ  โว  อริยา
วิคตถีนมิทฺธา    อรญฺวนปตฺถานิ    ปนฺตานิ    เสนาสนานิ   ปฏิเสวนฺติ
เตสมหํ    อญฺตโร    เอตมหํ    พฺราหฺมณ    วิคตถีนมิทฺธตํ    อตฺตนิ
สมฺปสฺสมาโน ภิยฺโย ปลฺโลมมาปาทึ อรญฺเ วิหาราย ฯ
     [๓๖]   ตสฺส   มยฺหํ   พฺราหฺมณ   เอตทโหสิ   เย   โข  เกจิ
สมณา   วา   พฺราหฺมณา  วา  อุทฺธตา  อวูปสนฺตจิตฺตา  อรญฺวนปตฺถานิ
ปนฺตานิ     เสนาสนานิ     ปฏิเสวนฺติ    อุทฺธตาวูปสนฺตจิตฺตสนฺโทสเหตุ
หเว   เต   โภนฺโต   สมณพฺราหฺมณา   อกุสลํ  ภยเภรวํ  อวฺหยนฺติ  ฯ
น     โข     ปนาหํ    อุทฺธโต    อวูปสนฺตจิตฺโต    อรญฺวนปตฺถานิ
ปนฺตานิ      เสนาสนานิ     ปฏิเสวามิ     วูปสนฺตจิตฺโตหมสฺมิ     ฯ
เย    หิ    โว    อริยา   วูปสนฺตจิตฺตา   อรญฺวนปตฺถานิ   ปนฺตานิ
เสนาสนานิ    ปฏิเสวนฺติ    เตสมหํ    อญฺตโร   เอตมหํ   พฺราหฺมณ
วูปสนฺตจิตฺตตํ     อตฺตนิ     สมฺปสฺสมาโน     ภิยฺโย    ปลฺโลมมาปาทึ
อรญฺเ วิหาราย ฯ
     [๓๗]   ตสฺส   มยฺหํ   พฺราหฺมณ   เอตทโหสิ   เย   โข  เกจิ
สมณา    วา    พฺราหฺมณา    วา   กงฺขี   วิจิกิจฺฉี   อรญฺวนปตฺถานิ
ปนฺตานิ   เสนาสนานิ   ปฏิเสวนฺติ   กงฺขิวิจิกิจฺฉิสนฺโทสเหตุ   หเว  เต
โภนฺโต   สมณพฺราหฺมณา   อกุสลํ   ภยเภรวํ   อวฺหยนฺติ   ฯ   น  โข
ปนาหํ    กงฺขี    วิจิกิจฺฉี    อรญฺวนปตฺถานิ    ปนฺตานิ   เสนาสนานิ
ปฏิเสวามิ   ติณฺณวิจิกิจฺโฉหมสฺมิ   ฯ  เย  หิ  โว  อริยา  ติณฺณวิจิกิจฺฉา
อรญฺวนปตฺถานิ        ปนฺตานิ        เสนาสนานิ        ปฏิเสวนฺติ
เตสมหํ    อญฺตโร    เอตมหํ    พฺราหฺมณ    ติณฺณวิจิกิจฺฉตํ    อตฺตนิ
สมฺปสฺสมาโน ภิยฺโย ปลฺโลมมาปาทึ อรญฺเ วิหาราย ฯ
     [๓๘]   ตสฺส   มยฺหํ   พฺราหฺมณ   เอตทโหสิ   เย   โข  เกจิ
สมณา   วา   พฺราหฺมณา   วา   อตฺตุกฺกํสกา  ปรวมฺภี  อรญฺวนปตฺถานิ
ปนฺตานิ     เสนาสนานิ     ปฏิเสวนฺติ    อตฺตุกฺกํสนปรวมฺภนสนฺโทสเหตุ
หเว     เต     โภนฺโต     สมณพฺราหฺมณา     อกุสลํ     ภยเภรวํ
อวฺหยนฺติ   ฯ   น   โข  ปนาหํ  อตฺตุกฺกํสโก  ปรวมฺภี  อรญฺวนปตฺถานิ
ปนฺตานิ   เสนาสนานิ   ปฏิเสวามิ   อนตฺตุกฺกํสโก   อปรวมฺภีหมสฺมิ   ฯ
เย    หิ    โว   อริยา   อนตฺตุกฺกํสกา   อปรวมฺภี   อรญฺวนปตฺถานิ
ปนฺตานิ   เสนาสนานิ   ปฏิเสวนฺติ   เตสมหํ   อญฺตโร   ๑-  เอตมหํ
พฺราหฺมณ    อนตฺตุกฺกํสกตํ   อปรวมฺภิตํ   อตฺตนิ   สมฺปสฺสมาโน   ภิยฺโย
ปลฺโลมมาปาทึ อรญฺเ วิหาราย ฯ
     [๓๙]   ตสฺส  มยฺหํ  พฺราหฺมณ  เอตทโหสิ  เย โข เกจิ สมณา วา
พฺราหฺมณา     วา     ฉมฺภี    ภิรุกชาติกา    ๒-    อรญฺวนปตฺถานิ
ปนฺตานิ    เสนาสนานิ    ปฏิเสวนฺติ   ฉมฺภิภิรุกชาติกสนฺโทสเหตุ   หเว
เต   โภนฺโต   สมณพฺราหฺมณา  อกุสลํ  ภยเภรวํ  อวฺหยนฺติ  ฯ  น  โข
ปนาหํ    ฉมฺภี   ภิรุกชาติโก   อรญฺวนปตฺถานิ   ปนฺตานิ   เสนาสนานิ
ปฏิเสวามิ   วิคตโลมหํโสหมสฺมิ   ฯ  เย  หิ  โว  อริยา  วิคตโลมหํสา
อรญฺวนปตฺถานิ     ปนฺตานิ     เสนาสนานิ     ปฏิเสวนฺติ    เตสมหํ
อญฺตโร    เอตมหํ   พฺราหฺมณ   วิคตโลมหํสตํ   อตฺตนิ   สมฺปสฺสมาโน
ภิยฺโย ปลฺโลมมาปาทึ อรญฺเ วิหาราย ฯ
     [๔๐]   ตสฺส  มยฺหํ  พฺราหฺมณ  เอตทโหสิ  เย โข เกจิ สมณา วา
พฺราหฺมณา    วา    ลาภสกฺการสิโลกํ   นิกามยมานา   อรญฺวนปตฺถานิ
ปนฺตานิ     เสนาสนานิ     ปฏิเสวนฺติ    ลาภสกฺการสิโลกนิกามยมาน-
สนฺโทสเหตุ    ๓-    หเว   เต   โภนฺโต   สมณพฺราหฺมณา   อกุสลํ
ภยเภรวํ    อวฺหยนฺติ    ฯ    น    โข    ปนาหํ   ลาภสกฺการสิโลกํ
@เชิงอรรถ: ๑ ม. สพฺพตฺถ อญฺตโรติ ฯ ๒ ม. ภีรุกชาติกา ฯ อิโต ปรํ อีทิสเมว ฯ
@๓ ม. ลาภสกฺการสิโลกนิกามนสนฺโทสเหตุ ฯ
นิกามยมาโน    อรญฺวนปตฺถานิ    ปนฺตานิ    เสนาสนานิ   ปฏิเสวามิ
อปฺปิจฺโฉหมสฺมิ   ฯ   เย   หิ   โว  อริยา  อปฺปิจฺฉา  อรญฺวนปตฺถานิ
ปนฺตานิ    เสนาสนานิ    ปฏิเสวนฺติ    เตสมหํ    อญฺตโร   เอตมหํ
พฺราหฺมณ    อปฺปิจฺฉตํ   อตฺตนิ   สมฺปสฺสมาโน   ภิยฺโย   ปลฺโลมมาปาทึ
อรญฺเ วิหาราย ฯ
     [๔๑]   ตสฺส  มยฺหํ  พฺราหฺมณ  เอตทโหสิ  เย  โข  เกจิ  สมณา
วา    พฺราหฺมณา    วา    กุสีตา   หีนวิริยา   ๑-   อรญฺวนปตฺถานิ
ปนฺตานิ   เสนาสนานิ   ปฏิเสวนฺติ   กุสีตหีนวิริยสนฺโทสเหตุ   หเว  เต
โภนฺโต   สมณพฺราหฺมณา   อกุสลํ   ภยเภรวํ   อวฺหยนฺติ   ฯ   น  โข
ปนาหํ    กุสีโต    หีนวิริโย   อรญฺวนปตฺถานิ   ปนฺตานิ   เสนาสนานิ
ปฏิเสวามิ   อารทฺธวิริโยหมสฺมิ   ฯ  เย  หิ  โว  อริยา  อารทฺธวิริยา
อรญฺวนปตฺถานิ     ปนฺตานิ     เสนาสนานิ     ปฏิเสวนฺติ    เตสมหํ
อญฺตโร    เอตมหํ   พฺราหฺมณ   อารทฺธวิริยตํ   อตฺตนิ   สมฺปสฺสมาโน
ภิยฺโย ปลฺโลมมาปาทึ อรญฺเ วิหาราย ฯ
     [๔๒]   ตสฺส  มยฺหํ  พฺราหฺมณ  เอตทโหสิ  เย  โข  เกจิ  สมณา
วา    พฺราหฺมณา    วา    มุฏฺสฺสตี    อสมฺปชานา   อรญฺวนปตฺถานิ
ปนฺตานิ     เสนาสนานิ     ปฏิเสวนฺติ    มุฏฺสฺสติอสมฺปชานสนฺโทสเหตุ
หเว   เต   โภนฺโต   สมณพฺราหฺมณา   อกุสลํ  ภยเภรวํ  อวฺหยนฺติ  ฯ
น     โข     ปนาหํ     มุฏฺสฺสติ    อสมฺปชาโน    อรญฺวนปตฺถานิ
ปนฺตานิ      เสนาสนานิ      ปฏิเสวามิ      อุปฏฺิตสติหมสฺมิ     ฯ
@เชิงอรรถ: ๑ ม. หีนวีริยา ฯ อิโต ปรํ อีทิสเมว ฯ
เย   หิ  โว  อริยา  อุปฏฺิตสตี  อรญฺวนปตฺถานิ  ปนฺตานิ  เสนาสนานิ
ปฏิเสวนฺติ    เตสมหํ    อญฺตโร    เอตมหํ   พฺราหฺมณ   อุปฏฺิตสติตํ
อตฺตนิ สมฺปสฺสมาโน ภิยฺโย ปลฺโลมมาปาทึ อรญฺเ วิหาราย ฯ
     [๔๓]   ตสฺส   มยฺหํ   พฺราหฺมณ   เอตทโหสิ   เย   โข  เกจิ
สมณา   วา  พฺราหฺมณา  วา  อสมาหิตา  วิพฺภนฺตจิตฺตา  อรญฺวนปตฺถานิ
ปนฺตานิ     เสนาสนานิ    ปฏิเสวนฺติ    อสมาหิตวิพฺภนฺตจิตฺตสนฺโทสเหตุ
หเว   เต   โภนฺโต   สมณพฺราหฺมณา   อกุสลํ  ภยเภรวํ  อวฺหยนฺติ  ฯ
น     โข    ปนาหํ    อสมาหิโต    วิพฺภนฺตจิตฺโต    อรญฺวนปตฺถานิ
ปนฺตานิ     เสนาสนานิ     ปฏิเสวามิ     สมาธิสมฺปนฺโนหมสฺมิ     ฯ
เย     หิ     โว     อริยา     สมาธิสมฺปนฺนา     อรญฺวนปตฺถานิ
ปนฺตานิ    เสนาสนานิ    ปฏิเสวนฺติ    เตสมหํ    อญฺตโร   เอตมหํ
พฺราหฺมณ   สมาธิสมฺปทํ   อตฺตนิ   สมฺปสฺสมาโน   ภิยฺโย  ปลฺโลมมาปาทึ
อรญฺเ วิหาราย ฯ
     [๔๔]   ตสฺส  มยฺหํ  พฺราหฺมณ  เอตทโหสิ  เย  โข  เกจิ  สมณา
วา    พฺราหฺมณา   วา   ทุปฺปญฺา   เอลมูคา   ๑-   อรญฺวนปตฺถานิ
ปนฺตานิ    เสนาสนานิ   ปฏิเสวนฺติ    ทุปฺปญฺเอลมูคสนฺโทสเหตุ   หเว
เต   โภนฺโต   สมณพฺราหฺมณา  อกุสลํ  ภยเภรวํ  อวฺหยนฺติ  ฯ  น  โข
ปนาหํ      ทุปฺปญฺโ      เอลมูโค      อรญฺวนปตฺถานิ     ปนฺตานิ
เสนาสนานิ   ปฏิเสวามิ   ปญฺาสมฺปนฺโนหมสฺมิ  ฯ  เย  หิ  โว  อริยา
ปญฺาสมฺปนฺนา    อรญฺวนปตฺถานิ    ปนฺตานิ   เสนาสนานิ   ปฏิเสวนฺติ
@เชิงอรรถ: ๑ ม. เอฬมูคา ฯ อิโต ปรํ อีทิสเมว ฯ
เตสมหํ     อญฺตโร    เอตมหํ    พฺราหฺมณ    ปญฺาสมฺปทํ    อตฺตนิ
สมฺปสฺสมาโน ภิยฺโย ปลฺโลมมาปาทึ อรญฺเ วิหาราย ฯ
                           โสฬสปริยายํ นิฏฺิตํ ฯ
     [๔๕]   ตสฺส   มยฺหํ   พฺราหฺมณ  เอตทโหสิ  ยนฺนูนาหํ  ยา  ตา
รตฺติโย    อภิญฺาตา    อภิลกฺขิตา   จาตุทฺทสี   ปญฺจทสี   อฏฺมี   จ
ปกฺขสฺส   ตถารูปาสุ   รตฺตีสุ  ยานิ  ตานิ  อารามเจติยานิ  วนเจติยานิ
รุกฺขเจติยานิ  ภึสนกานิ  สโลมหํสานิ  ตถารูเปสุ  เสนาสเนสุ วิหเรยฺยํ ฯ
อปฺเปวนาม  ๑-  ตํ  ภยเภรวํ  ปสฺเสยฺยนฺติ  ฯ  โส  โข  อหํ พฺราหฺมณ
อปเรน   สมเยน   ยา  ตา  รตฺติโย  อภิญฺาตา  อภิลกฺขิตา  จาตุทฺทสี
ปญฺจทสี    อฏฺมี    จ   ปกฺขสฺส   ตถารูปาสุ   รตฺตีสุ   ยานิ   ตานิ
อารามเจติยานิ    วนเจติยานิ   รุกฺขเจติยานิ   ภึสนกานิ   สโลมหํสานิ
ตถารูเปสุ   เสนาสเนสุ   วิหรามิ   ตตฺถ   จ  เม  พฺราหฺมณ  วิหรโต
มิโค  วา  อาคจฺฉติ  โมโร  วา  กฏฺ  ปาเตติ วาโต วา ปณฺณกสฏํ ๒-
เอเรติ   ฯ   ตสฺส   มยฺหํ  พฺราหฺมณ  เอวํ  โหติ  ๓-  เอตํ  นูน  ตํ
ภยเภรวํ อาคจฺฉตีติ ฯ
     {๔๕.๑}   ตสฺส   มยฺหํ   พฺราหฺมณ   เอตทโหสิ   กินฺนุโข   อหํ
อญฺทตฺถุ    ภยปฏิกงฺขี    ๔-   วิหรามิ   ยนฺนูนาหํ   ยถาภูตสฺส   ๕-
ยถาภูตสฺส   เม   ตํ   ภยเภรวํ  อาคจฺฉติ  ตถาภูโต  ๖-   ตถาภูโตว
ตํ   ภยเภรวํ   ปฏิวิเนยฺยนฺติ   ฯ   ตสฺส  มยฺหํ  พฺราหฺมณ  จงฺกมนฺตสฺส
ตํ   ภยเภรวํ   อาคจฺฉติ   ฯ   โส   โข  อหํ  พฺราหฺมณ  เนว  ตาว
@เชิงอรรถ: ๑ ม. อปฺเปวนามาหํ ฯ ๒ สี. ยุ. ปณฺณสฏํ ฯ ๓ ม. เอตทโหสิ ฯ
@๔ สี. ภยปาฏิกงฺขี ฯ ๕ ม. ยถาภูตํ ฯ ๖ ม. ตถาภูตํ ฯ
ติฏฺามิ   น   นิสีทามิ   น  นิปชฺชามิ  ยาว  จงฺกมนฺโตว  ตํ  ภยเภรวํ
ปฏิวิเนมิ  ฯ  ตสฺส  มยฺหํ  พฺราหฺมณ  ิตสฺส  ตํ  ภยเภรวํ  อาคจฺฉติ  ฯ
โส   โข   อหํ   พฺราหฺมณ   เนว   ตาว   จงฺกมามิ  น  นิสีทามิ  น
นิปชฺชามิ   ยาว   ิโตว   ตํ   ภยเภรวํ   ปฏิวิเนมิ   ฯ  ตสฺส  มยฺหํ
พฺราหฺมณ   นิสินฺนสฺส   ตํ   ภยเภรวํ   อาคจฺฉติ   ฯ   โส   โข  อหํ
พฺราหฺมณ   เนว   ตาว   นิปชฺชามิ   น   ติฏฺามิ  น  จงฺกมามิ  ยาว
นิสินฺโนว    ตํ    ภยเภรวํ   ปฏิวิเนมิ   ฯ   ตสฺส   มยฺหํ   พฺราหฺมณ
นิปนฺนสฺส   ตํ   ภยเภรวํ   อาคจฺฉติ   ฯ   โส   โข   อหํ  พฺราหฺมณ
เนว   ตาว   นิสีทามิ   น   ติฏฺามิ   น   จงฺกมามิ  ยาว  นิปนฺโนว
ตํ ภยเภรวํ ปฏิวิเนมิ ฯ
     [๔๖]   สนฺติ   โข   ปน   พฺราหฺมณ   เอเก   สมณพฺราหฺมณา
รตฺตึเยว    สมานํ    ทิวาติ   สญฺชานนฺติ   ทิวาเยว   สมานํ   รตฺตีติ
สญฺชานนฺติ     อิทมหํ     เตสํ     สมณพฺราหฺมณานํ    สมฺโมหวิหารสฺมึ
วทามิ   ฯ   อหํ   โข   ปน   พฺราหฺมณ   รตฺตึเยว   สมานํ   รตฺตีติ
สญฺชานามิ   ทิวาเยว   สมานํ   ทิวาติ   สญฺชานามิ   ฯ   ยํ  โข  ตํ
พฺราหฺมณ   สมฺมา   วทมาโน   วเทยฺย   อสมฺโมหธมฺโม  สตฺโต  โลเก
อุปฺปนฺโน   พหุชนหิตาย   พหุชนสุขาย   โลกานุกมฺปกาย   ๑-   อตฺถาย
หิตาย  สุขาย  เทวมนุสฺสานนฺติ  ฯ  มเมว  ตํ  สมฺมา  วทมาโน วเทยฺย
อสมฺโมหธมฺโม   สตฺโต   โลเก   อุปฺปนฺโน   พหุชนหิตาย   พหุชนสุขาย
โลกานุกมฺปกาย ๒- อตฺถาย หิตาย สุขาย เทวมนุสฺสานนฺติ ฯ
@เชิงอรรถ: ๑-๒ ม. โลกานุกมฺปาย ฯ
     [๔๗]   อารทฺธํ  โข  ปน  เม  พฺราหฺมณ  วิริยํ ๑- อโหสิ อสลฺลีนํ
อุปฏฺิตา   สติ  อปฺปมฺมุฏฺา  ๒-  ปสฺสทฺโธ  กาโย  อสารทฺโธ  สมาหิตํ
จิตฺตํ   เอกคฺคํ  ฯ  โส  โข  อหํ  พฺราหฺมณ  วิวิจฺเจว  กาเมหิ  วิวิจฺจ
อกุสเลหิ   ธมฺเมหิ   สวิตกฺกํ   สวิจารํ   วิเวกชํ   ปีติสุขํ  ปมํ  ฌานํ
อุปสมฺปชฺช    วิหาสึ    วิตกฺกวิจารานํ   วูปสมา   อชฺฌตฺตํ   สมฺปสาทนํ
เจตโส   เอโกทิภาวํ   อวิตกฺกํ   อวิจารํ  สมาธิชํ  ปีติสุขํ  ทุติยํ  ฌานํ
อุปสมฺปชฺช  วิหาสึ  ปีติยา  จ  วิราคา  อุเปกฺขโก  จ  วิหาสึ  สโต  จ
สมฺปชาโน   สุขญฺจ   กาเยน   ปฏิสํเวเทสึ   ยนฺตํ   อริยา  อาจิกฺขนฺติ
อุเปกฺขโก   สติมา   สุขวิหารีติ  ตติยํ  ฌานํ  อุปสมฺปชฺช  วิหาสึ  สุขสฺส
จ    ปหานา   ทุกฺขสฺส   จ   ปหานา   ปุพฺเพว   โสมนสฺสโทมนสฺสานํ
อตฺถงฺคมา     อทุกฺขมสุขํ     อุเปกฺขาสติปาริสุทฺธึ     จตุตฺถํ     ฌานํ
อุปสมฺปชฺช วิหาสึ ฯ
     [๔๘]   โส  เอวํ  สมาหิเต  จิตฺเต ปริสุทฺเธ ปริโยทาเต อนงฺคเณ
วิคตูปกฺกิเลเส    มุทุภูเต    กมฺมนิเย    ิเต   อาเนญฺชปฺปตฺเต   ๓-
ปุพฺเพนิวาสานุสฺสติาณาย   จิตฺตํ   อภินินฺนาเมสึ   ฯ   โส   อเนกวิหิตํ
ปุพฺเพนิวาสํ   อนุสฺสรามิ   เสยฺยถีทํ   เอกมฺปิ   ชาตึ   เทฺวปิ  ชาติโย
ติสฺโสปิ   ชาติโย   จตสฺโสปิ   ชาติโย  ปญฺจปิ  ชาติโย  ทสปิ  ชาติโย
วีสมฺปิ   ชาติโย   ตึสมฺปิ   ชาติโย   จตฺตาฬีสมฺปิ   ชาติโย  ปญฺาสมฺปิ
ชาติโย     ชาติสตมฺปิ    ชาติสหสฺสมฺปิ    ชาติสตสหสฺสมฺปิ    อเนเกปิ
@เชิงอรรถ: ๑ ม. วีริยํ ฯ ๒ สี. ม. อสมฺมุฏฺา ฯ ๓ สี. อาเนชฺชปฺปตฺเต ฯ
สํวฏฺฏกปฺเป    อเนเกปิ    วิวฏฺฏกปฺเป    อเนเกปิ   สํวฏฺฏวิวฏฺฏกปฺเป
อมุตฺราสึ   เอวํนาโม   เอวํโคตฺโต   เอวํวณฺโณ   เอวมาหาโร   เอวํ
สุขทุกฺขปฏิสํเวที   เอวมายุปริยนฺโต   โส   ตโต  จุโต  อมุตฺร  อุทปาทึ
ตตฺราปาสึ   เอวํนาโม   เอวํโคตฺโต   เอวํวณฺโณ   เอวมาหาโร  เอวํ
สุขทุกฺขปฏิสํเวที   เอวมายุปริยนฺโต   โส   ตโต  จุโต  อิธูปปนฺโนติ  ฯ
อิติ   สาการํ   สอุทฺเทสํ   อเนกวิหิตํ  ปุพฺเพนิวาสํ  อนุสฺสรามิ  ฯ  อยํ
โข   เม   พฺราหฺมณ   รตฺติยา  ปเม  ยาเม  ปมา  วิชฺชา  อธิคตา
อวิชฺชา   วิหตา   วิชฺชา   อุปฺปนฺนา  ตโม  วิหโต  อาโลโก  อุปฺปนฺโน
ยถาตํ อปฺปมตฺตสฺส อาตาปิโน  ปหิตตฺตสฺส วิหรโต ฯ
     [๔๙]   โส  เอวํ  สมาหิเต  จิตฺเต ปริสุทฺเธ ปริโยทาเต อนงฺคเณ
วิคตูปกฺกิเลเส   มุทุภูเต   กมฺมนิเย   ิเต   อาเนญฺชปฺปตฺเต   สตฺตานํ
จุตูปปาตาณาย    จิตฺตํ   อภินินฺนาเมสึ   ฯ   โส   ทิพฺเพน   จกฺขุนา
วิสุทฺเธน   อติกฺกนฺตมานุสเกน   สตฺเต  ปสฺสามิ  จวมาเน  อุปปชฺชมาเน
หีเน   ปณีเต  สุวณฺเณ  ทุพฺพณฺเณ  สุคเต  ทุคฺคเต  ยถากมฺมูปเค  สตฺเต
ปชานามิ   อิเม   วต   โภนฺโต   สตฺตา   กายทุจฺจริเตน  สมนฺนาคตา
วจีทุจฺจริเตน    สมนฺนาคตา    มโนทุจฺจริเตน    สมนฺนาคตา   อริยานํ
อุปวาทกา    มิจฺฉาทิฏฺิกา    มิจฺฉาทิฏฺิกมฺมสมาทานา    เต   กายสฺส
เภทา   ปรมฺมรณา  อปายํ  ทุคฺคตึ  วินิปาตํ  นิรยํ  อุปปนฺนา  อิเม  วา
ปน  โภนฺโต  สตฺตา  กายสุจริเตน  สมนฺนาคตา  วจีสุจริเตน สมนฺนาคตา
มโนสุจริเตน    สมนฺนาคตา    อริยานํ    อนุปวาทกา    สมฺมาทิฏฺิกา
สมฺมาทิฏฺิกมฺมสมาทานา     เต     กายสฺส     เภทา     ปรมฺมรณา
สุคตึ   สคฺคํ   โลกํ   อุปปนฺนาติ   ฯ  อิติ  ทิพฺเพน  จกฺขุนา  วิสุทฺเธน
อติกฺกนฺตมานุสเกน   สตฺเต   ปสฺสามิ   จวมาเน   อุปปชฺชมาเน   หีเน
ปณีเต   สุวณฺเณ   ทุพฺพณฺเณ   สุคเต   ทุคฺคเต   ยถากมฺมูปเค   สตฺเต
ปชานามิ   ฯ   อยํ   โข   เม   พฺราหฺมณ   รตฺติยา  มชฺฌิเม  ยาเม
ทุติยา   วิชฺชา   อธิคตา   อวิชฺชา   วิหตา   วิชฺชา   อุปฺปนฺนา  ตโม
วิหโต    อาโลโก    อุปฺปนฺโน    ยถาตํ    อปฺปมตฺตสฺส    อาตาปิโน
ปหิตตฺตสฺส วิหรโต ฯ
     [๕๐]   โส  เอวํ  สมาหิเต  จิตฺเต ปริสุทฺเธ ปริโยทาเต อนงฺคเณ
วิคตูปกฺกิเลเส   มุทุภูเต   กมฺมนิเย   ิเต   อาเนญฺชปฺปตฺเต  อาสวานํ
ขยาณาย   จิตฺตํ   อภินินฺนาเมสึ   ฯ   โส   อิทํ   ทุกฺขนฺติ   ยถาภูตํ
อพฺภญฺาสึ     อยํ     ทุกฺขสมุทโยติ     ยถาภูตํ    อพฺภญฺาสึ    อยํ
ทุกฺขนิโรโธติ   ยถาภูตํ   อพฺภญฺาสึ   อยํ   ทุกฺขนิโรธคามินี   ปฏิปทาติ
ยถาภูตํ    อพฺภญฺาสึ    อิเม   อาสวาติ   ยถาภูตํ   อพฺภญฺาสึ   อยํ
อาสวสมุทโยติ      ยถาภูตํ     อพฺภญฺาสึ     อยํ     อาสวนิโรโธติ
ยถาภูตํ    อพฺภญฺาสึ    อยํ    อาสวนิโรธคามินี   ปฏิปทาติ   ยถาภูตํ
อพฺภญฺาสึ   ฯ   ตสฺส  เม  เอวํ  ชานโต  เอวํ  ปสฺสโต  กามาสวาปิ
จิตฺตํ   วิมุจฺจิตฺถ   ภวาสวาปิ   จิตฺตํ   วิมุจฺจิตฺถ   อวิชฺชาสวาปิ   จิตฺตํ
วิมุจฺจิตฺถ   วิมุตฺตสฺมึ   วิมุตฺตมิติ   าณํ   อโหสิ   ขีณา   ชาติ   วุสิตํ
พฺรหฺมจริยํ    กตํ    กรณียํ    นาปรํ   อิตฺถตฺตายาติ   อพฺภญฺาสึ   ฯ
อยํ   โข   เม   พฺราหฺมณ   รตฺติยา   ปจฺฉิเม  ยาเม  ตติยา  วิชฺชา
อธิคตา   อวิชฺชา   วิหตา   วิชฺชา   อุปฺปนฺนา  ตโม  วิหโต  อาโลโก
อุปฺปนฺโน ยถาตํ อปฺปมตฺตสฺส อาตาปิโน ปหิตตฺตสฺส วิหรโต ฯ
     [๕๑]   สิยา  โข  ปน  เต  พฺราหฺมณ เอวมสฺส อชฺชาปิ นูน สมโณ
โคตโม   อวีตราโค   อวีตโทโส   อวีตโมโห   ตสฺมา  อรญฺวนปตฺถานิ
ปนฺตานิ   เสนาสนานิ   ปฏิเสวตีติ  ฯ  น  โข  ปเนตํ  พฺราหฺมณ  เอวํ
ทฏฺพฺพํ   ฯ   เทฺว   โข   อหํ   พฺราหฺมณ   อตฺถวเส   สมฺปสฺสมาโน
อรญฺวนปตฺถานิ    ปนฺตานิ    เสนาสนานิ    ปฏิเสวามิ   อตฺตโน   จ
ทิฏฺธมฺมสุขวิหารํ สมฺปสฺสมาโน ปจฺฉิมญฺจ ชนตํ อนุกมฺปมาโนติ ฯ
     [๕๒]   อนุกมฺปิตรูปา   วตายํ  โภตา  โคตเมน  ปจฺฉิมา  ชนตา
ยถาตํ   อรหตา   สมฺมาสมฺพุทฺเธน  ฯ  อภิกฺกนฺตํ  โภ  โคตม  อภิกฺกนฺตํ
โภ   โคตม   เสยฺยถาปิ   โภ   โคตม   นิกฺกุชฺชิตํ   วา  อุกฺกุชฺเชยฺย
ปฏิจฺฉนฺนํ   วา   วิวเรยฺย  มูฬฺหสฺส  วา  มคฺคํ  อาจิกฺเขยฺย  อนฺธกาเร
วา  เตลปชฺโชตํ  ธาเรยฺย  จกฺขุมนฺโต  รูปานิ ทกฺขนฺตีติ ๑- เอวเมว ๒-
โภตา   โคตเมน   อเนกปริยาเยน   ธมฺโม   ปกาสิโต   ฯ   เอสาหํ
ภวนฺตํ    โคตมํ    สรณํ    คจฺฉามิ   ธมฺมญฺจ   ภิกฺขุสงฺฆญฺจ   อุปาสกํ
มํ ภวํ โคตโม ธาเรตุ อชฺชตคฺเค ปาณุเปตํ สรณงฺคตนฺติ ๓- ฯ
                      ภยเภรวสุตฺตนฺตํ ๔- นิฏฺิตํ จตุตฺถํ ฯ
@เชิงอรรถ: ๑ สี. ทกฺขินฺตีติ ฯ ๒ ม. เอวเมวํ ฯ ๓ ยุ. สรณคตนฺตีติ ฯ ๔ ม. ภยเภรวสุตฺตํ ฯ

             เนื้อความพระไตรปิฎกฉบับภาษาบาลี อักษรไทย เล่มที่ ๑๒ หน้าที่ ๒๘-๔๑.
https://84000.org/tipitaka/read/pali_read.php?B=12&A=554&w=&modeTY=1
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=12&A=554&modeTY=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=12&item=27&items=26
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=12&siri=4
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=12&i=27
             อ่านอรรถกถาภาษาบาลีอักษรไทย :-
https://84000.org/tipitaka/atthapali/read_th.php?B=7&A=3019
             The Pali Atthakatha in Roman :-
https://84000.org/tipitaka/atthapali/read_rm.php?B=7&A=3019
             สารบัญพระไตรปิฎกเล่มที่ ๑๒
https://84000.org/tipitaka/read/?index_12
https://84000.org/tipitaka/english/?index_12