ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๑๓ ภาษาบาลี อักษรไทย พระสุตตันตปิฎกเล่มที่ ๕ สุตฺต. ม. มชฺฌิมปณฺณาสกํ

                  มหามาลุงฺโกฺยวาทสุตฺตํ ๑-
     [๑๕๓]   เอวมฺเม  สุตํ  เอกํ สมยํ ภควา สาวตฺถิยํ วิหรติ เชตวเน
อนาถปิณฺฑิกสฺส  อาราเม  ฯ  ตตฺร โข ภควา ภิกฺขู อามนฺเตสิ ภิกฺขโวติ ฯ
ภทนฺเตติ  เต  ภิกฺขู  ภควโต  ปจฺจสฺโสสุํ  ฯ  ภควา  เอตทโวจ ธาเรถ
โน ตุเมฺห ภิกฺขเว มยา เทสิตานิ ปญฺโจรมฺภาคิยานิ สญฺโชนานีติ ฯ
     {๑๕๓.๑}  เอวํ  วุตฺเต อายสฺมา มาลุงฺกฺยปุตฺโต ภควนฺตํ เอตทโวจ
อหํ  โข ภนฺเต ธาเรมิ ภควตา เทสิตานิ ปญฺโจรมฺภาคิยานิ สญฺโชนานีติ ฯ
ยถากถํ   ปน   ตฺวํ   มาลุงฺกฺยปุตฺต   ๒-   ธาเรสิ   มยา   เทสิตานิ
ปญฺโจรมฺภาคิยานิ   สญฺโชนานีติ   ฯ   สกฺกายทิฏฺึ   โข   อหํ  ภนฺเต
ภควตา  โอรมฺภาคิยํ  สญฺโชนํ  เทสิตํ  ธาเรมิ  วิจิกิจฺฉํ  โข อหํ ภนฺเต
ภควตา    โอรมฺภาคิยํ   สญฺโชนํ   เทสิตํ   ธาเรมิ   สีลพฺพตปรามาสํ
โข   อหํ   ภนฺเต   ภควตา   โอรมฺภาคิยํ   สญฺโชนํ  เทสิตํ  ธาเรมิ
กามจฺฉนฺทํ   โข   อหํ   ภนฺเต  ภควตา  โอรมฺภาคิยํ  สญฺโชนํ  เทสิตํ
ธาเรมิ   พฺยาปาทํ   โข   อหํ  ภนฺเต  ภควตา  โอรมฺภาคิยํ  สญฺโชนํ
เทสิตํ   ธาเรมิ   เอวํ   โข  อหํ  ภนฺเต  ธาเรมิ  ภควตา  เทสิตานิ
ปญฺโจรมฺภาคิยานิ สญฺโชนานีติ ฯ
     [๑๕๔]   กสฺส  นุ  โข  นาม  ตฺวํ  มาลุงฺกฺยปุตฺต  มยา ๔- อิมานิ
เอวํ   ปญฺโจรมฺภาคิยานิ   สญฺโชนานิ   เทสิตานิ   ธาเรสิ   ฯ   นนุ
@เชิงอรรถ:  ม. มหามาลุกฺยสุตฺตํ ฯ    ม. สพฺพตฺถ "มาลุกฺยปุตฺตาติ ทิสฺสติ ฯ ยุ.
@มาลุงฺกฺยาปุตฺตาติ ฯ  ม. อยํ สทฺโท นตฺถิ ฯ    ม. อยํ ปาโ น ทิสฺสติ ฯ
มาลุงฺกฺยปุตฺต     อญฺติตฺถิยา     ปริพฺพาชกา     อิมินา    ตรุณูปเมน
อุปารมฺเภน    อุปารมฺภิสฺสนฺติ   ทหรสฺส   หิ   มาลุงฺกฺยปุตฺต   กุมารสฺส
มนฺทสฺส    อุตฺตานเสยฺยกสฺส   สกฺกาโยติปิ   น   โหติ   กุโต   ปนสฺส
อุปฺปชฺชิสฺสติ   สกฺกายทิฏฺิ   อนุเสติ   ๑-  เตฺววสฺส  สกฺกายทิฏฺานุสโย
ทหรสฺส    หิ    มาลุงฺกฺยปุตฺต   กุมารสฺส   มนฺทสฺส   อุตฺตานเสยฺยกสฺส
ธมฺมาติปิ   น   โหติ   กุโต   ปนสฺส   อุปฺปชฺชิสฺสติ  ธมฺเมสุ  วิจิกิจฺฉา
อนุเสติ  เตฺววสฺส  วิจิกิจฺฉานุสโย  ทหรสฺส  หิ  [๒]-  กุมารสฺส มนฺทสฺส
อุตฺตานเสยฺยกสฺส    สีลาติปิ   น   โหติ   กุโต   ปนสฺส   อุปฺปชฺชิสฺสติ
สีเลสุ   สีลพฺพตปรามาโส   อนุเสติ   เตฺววสฺส   สีลพฺพตปรามาสานุสโย
ทหรสฺส    หิ    มาลุงฺกฺยปุตฺต   กุมารสฺส   มนฺทสฺส   อุตฺตานเสยฺยกสฺส
กามาติปิ   น   โหติ   กุโต  ปนสฺส  อุปฺปชฺชิสฺสติ  กาเมสุ  กามจฺฉนฺโท
อนุเสติ    เตฺววสฺส    กามราคานุสโย    ทหรสฺส   หิ   มาลุงฺกฺยปุตฺต
กุมารสฺส    มนฺทสฺส   อุตฺตานเสยฺยกสฺส   สตฺตาติปิ   น   โหติ   กุโต
ปนสฺส    อุปฺปชฺชิสฺสติ    สตฺเตสุ    พฺยาปาโท    อนุเสติ    เตฺววสฺส
พฺยาปาทานุสโย     นนุ    มาลุงฺกฺยปุตฺต    อญฺติตฺถิยา    ปริพฺพาชกา
อิมินา ตรุณูปเมน อุปารมฺเภน อุปารมฺภิสฺสนฺตีติ ฯ
     {๑๕๔.๑}   เอวํ  วุตฺเต  อายสฺมา  อานนฺโท  ภควนฺตํ  เอตทโวจ
เอตสฺส  ภควา  กาโล  เอตสฺส  สุคต  กาโล ยํ ภควา ปญฺโจรมฺภาคิยานิ
สญฺโชนานิ  เทเสยฺย  ภควโต  สุตฺวา  ภิกฺขู ธาเรสฺสนฺตีติ ฯ เตนหานนฺท
สุณาหิ   สาธุกํ   มนสิกโรหิ   ภาสิสฺสามีติ   ฯ   เอวํ   ภนฺเตติ   โข
@เชิงอรรถ:  ม. ยุ. อนุเสเตฺววาสฺส ฯ สพฺพตฺถ อีทิสเมว ฯ
@ ม. มาลุกฺยปุตฺต ฯ ยุ. มาลุงฺยาปุตฺต ฯ
อายสฺมา อานนฺโท ภควโต ปจฺจสฺโสสิ ฯ
     [๑๕๕]   ภควา   เอตทโวจ   อิธานนฺท   อสฺสุตวา   ปุถุชฺชโน
อริยานํ    อทสฺสาวี    อริยธมฺมสฺส    อโกวิโท   อริยธมฺเม   อวินีโต
สปฺปุริสานํ     อทสฺสาวี    สปฺปุริสธมฺมสฺส    อโกวิโท    สปฺปุริสธมฺเม
อวินีโต   สกฺกายทิฏฺิปริยุฏฺิเตน   เจตสา   วิหรติ  สกฺกายทิฏฺิปเรเตน
อุปฺปนฺนาย    จ    สกฺกายทิฏฺิยา    นิสฺสรณํ    ยถาภูตํ   นปฺปชานาติ
ตสฺส   สา  สกฺกายทิฏฺิ  ถามคตา  อปฺปฏิวินีตา  โอรมฺภาคิยสญฺโชนํ  ฯ
วิจิกิจฺฉาปริยุฏฺิเตน    เจตสา   วิหรติ   วิจิกิจฺฉาปเรเตน   อุปฺปนฺนาย
จ   วิจิกิจฺฉาย   นิสฺสรณํ   ยถาภูตํ   นปฺปชานาติ  ตสฺส  สา  วิจิกิจฺฉา
ถามคตา อปฺปฏิวินีตา โอรมฺภาคิยสญฺโชนํ ฯ
     {๑๕๕.๑}   สีลพฺพตปรามาสปริยุฏฺิเตน  เจตสา  วิหรติ  สีลพฺพต-
ปรามาสปเรเตน    อุปฺปนฺนสฺส    จ    สีลพฺพตปรามาสสฺส    นิสฺสรณํ
ยถาภูตํ    นปฺปชานาติ    ตสฺส    โส    สีลพฺพตปรามาโส   ถามคโต
อปฺปฏิวินีโต      โอรมฺภาคิยสญฺโชนํ      ฯ      กามราคปริยุฏฺิเตน
เจตสา    วิหรติ    กามราคปเรเตน    อุปฺปนฺนสฺส   จ   กามราคสฺส
นิสฺสรณํ    ยถาภูตํ   นปฺปชานาติ   ตสฺส   โส   กามราโค   ถามคโต
อปฺปฏิวินีโต    โอรมฺภาคิยสญฺโชนํ   ฯ   พฺยาปาทปริยุฏฺิเตน   เจตสา
วิหรติ    พฺยาปาทปเรเตน    อุปฺปนฺนสฺส    จ   พฺยาปาทสฺส   นิสฺสรณํ
ยถาภูตํ   นปฺปชานาติ   ตสฺส   โส   พฺยาปาโท  ถามคโต  อปฺปฏิวินีโต
โอรมฺภาคิยสญฺโชนํ    ฯ    สุตวา   จ   โข   อานนฺท   อริยสาวโก
อริยานํ    ทสฺสาวี    อริยธมฺมสฺส    โกวิโท    อริยธมฺเม    สุวินีโต
สปฺปุริสานํ   ทสฺสาวี   สปฺปุริสธมฺมสฺส   โกวิโท   สปฺปุริสธมฺเม  สุวินีโต
น   สกฺกายทิฏฺิปริยุฏฺิเตน   เจตสา   วิหรติ   น  สกฺกายทิฏฺิปเรเตน
อุปฺปนฺนาย   จ   สกฺกายทิฏฺิยา   นิสฺสรณํ   ยถาภูตํ   ปชานาติ   ตสฺส
สา    สกฺกายทิฏฺิ   สานุสยา   ปหียติ   ฯ   น   วิจิกิจฺฉาปริยุฏฺิเตน
เจตสา   วิหรติ   น   วิจิกิจฺฉาปเรเตน   อุปฺปนฺนาย   จ   วิจิกิจฺฉาย
นิสฺสรณํ ยถาภูตํ ปชานาติ ตสฺส สา วิจิกิจฺฉา สานุสยา ปหียติ ฯ
     {๑๕๕.๒}   น   สีลพฺพตปรามาสปริยุฏฺิเตน   เจตสา  วิหรติ  น
สีลพฺพตปรามาสปเรเตน      อุปฺปนฺนสฺส      จ     สีลพฺพตปรามาสสฺส
นิสฺสรณํ   ยถาภูตํ   ปชานาติ   ตสฺส   โส  สีลพฺพตปรามาโส  สานุสโย
ปหียติ  ฯ  น  กามราคปริยุฏฺิเตน  เจตสา  วิหรติ  น กามราคปเรเตน
อุปฺปนฺนสฺส   จ   กามราคสฺส   นิสฺสรณํ   ยถาภูตํ  ปชานาติ  ตสฺส  โส
กามราโค  สานุสโย  ปหียติ  ฯ  น  พฺยาปาทปริยุฏฺิเตน  เจตสา วิหรติ
น   พฺยาปาทปเรเตน   อุปฺปนฺนสฺส   จ   พฺยาปาทสฺส  นิสฺสรณํ  ยถาภูตํ
ปชานาติ ตสฺส โส พฺยาปาโท สานุสโย ปหียติ ฯ
     [๑๕๖]   โย  อานนฺท  มคฺโค  ยา  ปฏิปทา ปญฺจนฺนํ โอรมฺภาคิยานํ
สญฺโชนานํ   ปหานาย   ตํ   มคฺคํ   ตํ   ปฏิปทํ  อนาคมฺม  ปญฺโจรมฺ-
ภาคิยานิ   สญฺโชนานิ   สฺสติ   วา   ทกฺขติ   ๑-   วา  ปชหิสฺสติ
วาติ   เนตํ   านํ   วิชฺชติ   ฯ  เสยฺยถาปิ  อานนฺท  มหโต  รุกฺขสฺส
@เชิงอรรถ:  ยุ. ทกฺขีติ ฯ อิโต ปรํ อีทิสเมว ฯ
ติฏฺโต   สารวโต   ตจํ   อจฺเฉตฺวา   เผคฺคุํ  อจฺเฉตฺวา  สารจฺเฉโท
ภวิสฺสตีติ   เนตํ   านํ   วิชฺชติ   เอวเมว  โข  อานนฺท  โย  มคฺโค
ยา    ปฏิปทา    ปญฺจนฺนํ    โอรมฺภาคิยานํ    สญฺโชนานํ   ปหานาย
ตํ    มคฺคํ    ตํ   ปฏิปทํ   อนาคมฺม   ปญฺโจรมฺภาคิยานิ   สญฺโชนานิ
สฺสติ วา ทกฺขติ วา ปชหิสฺสติ วาติ เนตํ านํ วิชฺชติ ฯ
     {๑๕๖.๑}   โย  จ  โข  อานนฺท  มคฺโค  ยา  ปฏิปทา  ปญฺจนฺนํ
โอรมฺภาคิยานํ   สญฺโชนานํ   ปหานาย   ตํ  มคฺคํ  ตํ  ปฏิปทํ  อาคมฺม
ปญฺโจรมฺภาคิยานิ   สญฺโชนานิ   สฺสติ   วา   ทกฺขติ   วา  ปชหิสฺสติ
วาติ   านเมตํ   วิชฺชติ   ฯ   เสยฺยถาปิ   อานนฺท   มหโต  รุกฺขสฺส
ติฏฺโต  สารวโต  ตจํ  เฉตฺวา  เผคฺคุํ  เฉตฺวา  สารจฺเฉโท  ภวิสฺสตีติ
านเมตํ   วิชฺชติ   เอวเมว   โข  อานนฺท  โย  มคฺโค  ยา  ปฏิปทา
ปญฺจนฺนํ    โอรมฺภาคิยานํ    สญฺโชนานํ    ปหานาย   ตํ   มคฺคํ   ตํ
ปฏิปทํ    อาคมฺม    ปญฺโจรมฺภาคิยานิ    สญฺโชนานิ    สฺสติ    วา
ทกฺขติ วา ปชหิสฺสติ วาติ านเมตํ วิชฺชติ ฯ
     {๑๕๖.๒}   เสยฺยถาปิ  อานนฺท  คงฺคา นที ปูรา อุทกสฺส สมติตฺติกา
กากเปยฺยา  อถ  โข  ๑-  ทุพฺพลโก  ปุริโส  อาคจฺเฉยฺย  อหํ  อิมิสฺสา
คงฺคาย  นทิยา  ติริยํ  พาหาย  โสตํ  เฉตฺวา โสตฺถินา ปารํ คจฺฉิสฺสามีติ
โส  น  สกฺกุเณยฺย  คงฺคาย  นทิยา  ติริยํ พาหาย โสตํ เฉตฺวา โสตฺถินา
ปารํ  คนฺตุํ  เอวเมว  โข  อานนฺท  ยสฺสกสฺสจิ  สกฺกายนิโรธาย  ธมฺเม
เทสิยมาเน  จิตฺตํ  น  ปกฺขนฺทติ  นปฺปสีทติ  น  สนฺติฏฺติ  น  วิมุจฺจติ ฯ
@เชิงอรรถ:  ม. ยุ. อยํ สทฺโท นตฺถิ ฯ
เสยฺยถาปิ  โส  ทุพฺพลโก  ปุริโส  เอวเมว  เต  ทฏฺพฺพา ฯ เสยฺยถาปิ
อานนฺท    คงฺคา    นที    ปูรา   อุทกสฺส   สมติตฺติกา   กากเปยฺยา
อถ   พลวา   ปุริโส   อาคจฺเฉยฺย   อหํ   อิมิสฺสา   คงฺคาย   นทิยา
ติริยํ   พาหาย   โสตํ   เฉตฺวา   โสตฺถินา   ปารํ   คมิสฺสามีติ   โส
สกฺกุเณยฺย   คงฺคาย   นทิยา   ติริยํ  พาหาย  โสตํ  เฉตฺวา  โสตฺถินา
ปารํ   คนฺตุํ   เอวเมว   โข   อานนฺท   ยสฺสกสฺสจิ   สกฺกายนิโรธาย
ธมฺเม   เทสิยมาเน   จิตฺตํ   ปกฺขนฺทติ   ปสีทติ  สนฺติฏฺติ  วิมุจฺจติ  ฯ
เสยฺยถาปิ โส พลวา ปุริโส เอวเมว เต ทฏฺพฺพา ฯ
     [๑๕๗]   กตโม  จ  ๑-  อานนฺท  มคฺโค กตมา จ ปฏิปทา ปญฺจนฺนํ
โอรมฺภาคิยานํ     สญฺโชนานํ    ปหานาย    ฯ    อิธานนฺท    ภิกฺขุ
อุปธิวิเวกา    อกุสลานํ   ธมฺมานํ   ปหานา   สพฺพโส   กายทุฏฺฐุลฺลานํ
ปฏิปฺปสฺสทฺธิยา    วิวิจฺเจว    กาเมหิ    วิวิจฺจ    อกุสเลหิ   ธมฺเมหิ
สวิตกฺกํ    สวิจารํ    วิเวกชํ    ปีติสุขํ    ปมํ    ฌานํ   อุปสมฺปชฺช
วิหรติ   ฯ   โส   ยเทว   ตตฺถ   โหติ  รูปคตํ  เวทนาคตํ  สญฺาคตํ
สงฺขารคตํ    วิญฺาณคตํ   เต   ธมฺเม   อนิจฺจโต   ทุกฺขโต   โรคโต
คณฺฑโต    สลฺลโต   อฆโต   อาพาธโต   ปรโต   ปโลกโต   สุญฺโต
อนตฺตโต   สมนุปสฺสติ   ฯ   โส  เตหิ  ธมฺเมหิ  จิตฺตํ  ปฏิปาเปติ  ๒-
โส   เตหิ   ธมฺเมหิ  จิตฺตํ  ปฏิปาเปตฺวา  ๓-  อมตาย  ธาตุยา  จิตฺตํ
อุปสํหรติ    เอตํ    สนฺตํ    เอตํ    ปณีตํ   ยทิทํ   สพฺพสงฺขารสมโถ
@เชิงอรรถ:  ยุ. กตโม จานนฺท มคฺโค กตมา ปฏิปทาติ ทิสฺสติ ฯ   สี. ยุ. ปฏิวาเปติ ฯ
@ม. ปติฏฺาเปติ ฯ   สี. ยุ. ปฏิวาเปตฺวา ฯ ม. ปติฏฺาเปตฺวา ฯ
สพฺพูปธิปฏินิสฺสคฺโค    ตณฺหกฺขโย    วิราโค   นิโรโธ   นิพฺพานนฺติ   ฯ
โส   ตตฺถฏฺิโต   อาสวานํ   ขยํ   ปาปุณาติ  โน  เจ  อาสวานํ  ขยํ
ปาปุณาติ    เตเนว    ธมฺมราเคน    ตาย    ธมฺมนนฺทิยา    ปญฺจนฺนํ
โอรมฺภาคิยานํ    สญฺโชนานํ    ปริกฺขยา   โอปปาติโก   โหติ   ตตฺถ
ปรินิพฺพายี   อนาวตฺติธมฺโม   ตสฺมา   โลกา   ฯ  อยมฺปิ  โข  อานนฺท
มคฺโค     อยํ    ปฏิปทา    ปญฺจนฺนํ    โอรมฺภาคิยานํ    สญฺโชนานํ
ปหานาย ฯ
     {๑๕๗.๑}   ปุน  จปรํ  อานนฺท  ภิกฺขุ วิตกฺกวิจารานํ วูปสมา ฯเปฯ
ทุติยํ   ฌานํ   อุปสมฺปชฺช   วิหรติ   ฯเปฯ  ตติยํ  ฌานํ  ฯเปฯ  จตุตฺถํ
ฌานํ  อุปสมฺปชฺช  วิหรติ  ฯ  โส  ยเทว  ตตฺถ  โหติ  รูปคตํ เวทนาคตํ
สญฺาคตํ สงฺขารคตํ วิญฺาณคตํ ฯเปฯ สญฺโชนานํ ปหานาย ฯ
     [๑๕๘]  ปุน  จปรํ  อานนฺท  ภิกฺขุ  สพฺพโส  รูปสญฺานํ สมติกฺกมา
ปฏิฆสญฺานํ        อฏฺงฺคมา       นานตฺตสญฺานํ       อมนสิการา
อนนฺโต   อากาโสติ   อากาสานญฺจายตนํ   อุปสมฺปชฺช   วิหรติ  ฯ  โส
ยเทว   ตตฺถ   โหติ  เวทนาคตํ  สญฺาคตํ  สงฺขารคตํ  วิญฺาณคตํ  เต
ธมฺเม    อนิจฺจโต    ทุกฺขโต    โรคโต   คณฺฑโต   สลฺลโต   อฆโต
อาพาธโต    ปรโต   ปโลกโต   สุญฺโต   อนตฺตโต   สมนุปสฺสติ   ฯ
โส   เตหิ   ธมฺเมหิ   จิตฺตํ   ปฏิปาเปติ   โส   เตหิ  ธมฺเมหิ  จิตฺตํ
ปฏิปาเปตฺวา   อมตาย   ธาตุยา   จิตฺตํ   อุปสํหรติ  เอตํ  สนฺตํ  เอตํ
ปณีตํ     ยทิทํ    สพฺพสงฺขารสมโถ    สพฺพูปธิปฏินิสฺสคฺโค    ตณฺหกฺขโย
วิราโค   นิโรโธ   นิพฺพานนฺติ   ฯ   โส   ตตฺถฏฺิโต   อาสวานํ  ขยํ
ปาปุณาติ   โน   เจ   อาสวานํ   ขยํ  ปาปุณาติ  เตเนว  ธมฺมราเคน
ตาย   ธมฺมนนฺทิยา   ปญฺจนฺนํ   โอรมฺภาคิยานํ   สญฺโชนานํ   ปริกฺขยา
โอปปาติโก   โหติ  ตตฺถ  ปรินิพฺพายี  อนาวตฺติธมฺโม  ตสฺมา  โลกา  ฯ
อยมฺปิ   โข   อานนฺท   มคฺโค   อยํ  ปฏิปทา  ปญฺจนฺนํ  โอรมฺภาคิยานํ
สญฺโชนานํ ปหานาย ฯ
     {๑๕๘.๑}   ปุน  จปรํ  อานนฺท  ภิกฺขุ  สพฺพโส  อากาสานญฺจายตนํ
สมติกฺกมฺม     อนนฺตํ     วิญฺาณนฺติ     วิญฺาณญฺจายตนํ    อุปสมฺปชฺช
วิหรติ ฯ โส ยเทว ตตฺถ โหติ เวทนาคตํ ฯเปฯ สญฺโชนานํ ปหานาย ฯ
     {๑๕๘.๒}   ปุน   จปรํ  อานนฺท  ภิกฺขุ  สพฺพโส  วิญฺาณญฺจายตนํ
สมติกฺกมฺม   นตฺถิ   กิญฺจีติ   อากิญฺจญฺายตนํ   อุปสมฺปชฺช   วิหรติ   ฯ
โส   ยเทว   ตตฺถ  โหติ  เวทนาคตํ  สญฺาคตํ  สงฺขารคตํ  วิญฺาณคตํ
เต  ธมฺเม   อนิจฺจโต  ทุกฺขโต โรคโต คณฺฑโต สลฺลโต อฆโต อาพาธโต
ปรโต  ปโลกโต  สุญฺโต  อนตฺตโต  สมนุปสฺสติ  ฯ  โส  เตหิ  ธมฺเมหิ
จิตฺตํ   ปฏิปาเปติ   โส   เตหิ   ธมฺเมหิ  จิตฺตํ  ปฏิปาเปตฺวา  อมตาย
ธาตุยา  จิตฺตํ  อุปสํหรติ  เอตํ  สนฺตํ  เอตํ  ปณีตํ ยทิทํ สพฺพสงฺขารสมโถ
สพฺพูปธิปฏินิสฺสคฺโค    ตณฺหกฺขโย    วิราโค   นิโรโธ   นิพฺพานนฺติ   ฯ
โส   ตตฺถฏฺิโต   อาสวานํ   ขยํ   ปาปุณาติ  โน  เจ  อาสวานํ  ขยํ
ปาปุณาติ    เตเนว    ธมฺมราเคน    ตาย    ธมฺมนนฺทิยา    ปญฺจนฺนํ
โอรมฺภาคิยานํ     สญฺโชนานํ     ปริกฺขยา     โอปปาติโก     โหติ
ตตฺถ   ปรินิพฺพายี   อนาวตฺติธมฺโม   ตสฺมา   โลกา  ฯ  อยํ  ๑-  โข
อานนฺท     มคฺโค     อยํ     ปฏิปทา     ปญฺจนฺนํ    โอรมฺภาคิยานํ
สญฺโชนานํ ปหานายาติ ฯ
     [๑๕๙]   เอโส   เจ   ภนฺเต  มคฺโค  เอสา  ปฏิปทา  ปญฺจนฺนํ
โอรมฺภาคิยานํ    สญฺโชนานํ    ปหานาย   อถ   กิญฺจรหิ   อิเธกจฺเจ
ภิกฺขู   เจโตวิมุตฺติโน   เอกจฺเจ   ภิกฺขู   ปญฺาวิมุตฺติโนติ   ฯ  เอตฺถ
โข เตสาหํ อานนฺท อินฺทฺริยเวมตฺตตํ วทามีติ ฯ
     อิทมโวจ    ภควา    อตฺตมโน   อายสฺมา   อานนฺโท   ภควโต
ภาสิตํ อภินนฺทีติ ฯ
             มหามาลุงฺโกฺยวาทสุตฺตํ นิฏฺิตํ จตุตฺถํ ฯ
                   ----------------
@เชิงอรรถ:  ม. อยํปิ โข ฯ


             เนื้อความพระไตรปิฎกฉบับภาษาบาลี อักษรไทย เล่มที่ ๑๓ หน้าที่ ๑๕๔-๑๖๒. https://84000.org/tipitaka/read/pali_read.php?B=13&A=3144&w=&modeTY=1              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=13&A=3144&modeTY=1              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=13&item=153&items=7              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=13&siri=14              ศึกษาอรรถกถานี้ได้ที่ :- https://84000.org/tipitaka/attha/attha.php?b=13&i=153              อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=9&A=2695              The Pali Atthakatha in Roman :- https://84000.org/tipitaka/atthapali/read_rm.php?B=9&A=2695              สารบัญพระไตรปิฎกเล่มที่ ๑๓ https://84000.org/tipitaka/read/?index_13 https://84000.org/tipitaka/english/?index_13

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]