พระไตรปิฎกเล่มที่ ๑๔ ภาษาบาลี อักษรไทย
 พระสุตตันตปิฎกเล่มที่ ๖ สุตฺต. ม. อุปริปณฺณาสกํ

                   เสวิตพฺพาเสวิตพฺพสุตฺตํ
     [๑๙๘]   เอวมฺเม   สุตํ   เอกํ  สมยํ  ภควา  สาวตฺถิยํ  วิหรติ
เชตวเน   อนาถปิณฺฑิกสฺส   อาราเม   ฯ   ตตฺร   โข   ภควา  ภิกฺขู
อามนฺเตสิ   ภิกฺขโวติ  ฯ  ภทนฺเตติ  เต  ภิกฺขู  ภควโต  ปจฺจสฺโสสุํ  ฯ
ภควา    เอตทโวจ   เสวิตพฺพาเสวิตพฺพํ   โว   ภิกฺขเว   ธมฺมปริยายํ
เทเสสฺสามิ   ตํ   สุณาถ   สาธุกํ   มนสิกโรถ   ภาสิสฺสามีติ  ฯ  เอวํ
ภนฺเตติ โข เต ภิกฺขู ภควโต ปจฺจสฺโสสุํ ฯ
     [๑๙๙]   ภควา  เอตทโวจ  กายสมาจารํปหํ  ๑-  ภิกฺขเว ทุวิเธน
วทามิ       เสวิตพฺพมฺปิ      อเสวิตพฺพมฺปิ      ตญฺจ      อญฺมญฺ
กายสมาจารํ   วจีสมาจารํปหํ   ภิกฺขเว   ทุวิเธน   วทามิ  เสวิตพฺพมฺปิ
อเสวิตพฺพมฺปิ     ตญฺจ     อญฺมญฺ    วจีสมาจารํ    มโนสมาจารํปหํ
ภิกฺขเว     ทุวิเธน    วทามิ    เสวิตพฺพมฺปิ    อเสวิตพฺพมฺปิ    ตญฺจ
อญฺมญฺ    มโนสมาจารํ    จิตฺตุปฺปาทํปหํ   ภิกฺขเว   ทุวิเธน   วทามิ
เสวิตพฺพมฺปิ      อเสวิตพฺพมฺปิ      ตญฺจ     อญฺมญฺ     จิตฺตุปฺปาทํ
สญฺาปฏิลาภํปหํ   ภิกฺขเว   ทุวิเธน   วทามิ  เสวิตพฺพมฺปิ  อเสวิตพฺพมฺปิ
ตญฺจ      อญฺมญฺ      สญฺาปฏิลาภํ     ทิฏฺิปฏิลาภํปหํ     ภิกฺขเว
ทุวิเธน    วทามิ    เสวิตพฺพมฺปิ    อเสวิตพฺพมฺปิ    ตญฺจ    อญฺมญฺ
ทิฏฺิปฏิลาภํ     อตฺตภาวปฏิลาภํปหํ     ภิกฺขเว     ทุวิเธน     วทามิ
เสวิตพฺพมฺปิ อเสวิตพฺพมฺปิ ตญฺจ อญฺมญฺ อตฺตภาวปฏิลาภนฺติ ฯ
@เชิงอรรถ: ๑ ม. กายสมาจารํปาหํ ฯ
     [๒๐๐]   เอวํ  วุตฺเต  อายสฺมา  สารีปุตฺโต  ภควนฺตํ  เอตทโวจ
อิมสฺส   โข   อหํ   ภนฺเต   ภควตา  สงฺขิตฺเตน  ภาสิตสฺส  วิตฺถาเรน
อตฺถํ   อวิภตฺตสฺส   เอวํ  วิตฺถาเรน  อตฺถํ  อาชานามิ  กายสมาจารํปหํ
ภิกฺขเว     ทุวิเธน    วทามิ    เสวิตพฺพมฺปิ    อเสวิตพฺพมฺปิ    ตญฺจ
อญฺมญฺ    กายสมาจารนฺติ    อิติ    โข    ปเนตํ   วุตฺตํ   ภควตา
กิญฺเจตํ   ปฏิจฺจ   วุตฺตํ   ฯ   ยถารูปํ   ภนฺเต  กายสมาจารํ  เสวโต
อกุสลา   ธมฺมา   อภิวฑฺฒนฺติ   กุสลา   ธมฺมา   ปริหายนฺติ   เอวรูโป
กายสมาจาโร  น  เสวิตพฺโพ  ฯ  ยถารูปญฺจ  โข  ภนฺเต  กายสมาจารํ
เสวโต    อกุสลา   ธมฺมา   ปริหายนฺติ   กุสลา   ธมฺมา   อภิวฑฺฒนฺติ
เอวรูโป กายสมาจาโร เสวิตพฺโพ ฯ
     [๒๐๑]   กถํรูปํ   ภนฺเต  กายสมาจารํ  เสวโต  อกุสลา  ธมฺมา
อภิวฑฺฒนฺติ   กุสลา   ธมฺมา   ปริหายนฺติ   ฯ   อิธ   ภนฺเต  เอกจฺโจ
ปาณาติปาตี     โหติ     ลุทฺโท    โลหิตปาณี    หตปหเต    นิวิฏฺโ
อทยาปนฺโน   ปาณภูเตสุ   อทินฺนาทายี   โข   ปน  โหติ  ยนฺตํ  ปรสฺส
ปรวิตฺตูปกรณํ   คามคตํ   วา   อรญฺคตํ  วา  ตํ  อทินฺนํ  เถยฺยสงฺขาตํ
อาทาตา   โหติ   กาเมสุ   มิจฺฉาจารี   โข   ปน   โหติ   ยา  ตา
มาตุรกฺขิตา    ปิตุรกฺขิตา   มาตาปิตุรกฺขิตา   ภาตุรกฺขิตา   ภคินิรกฺขิตา
าติรกฺขิตา  [๑]-  สสฺสามิกา  สปริทณฺฑา  อนฺตมโส มาลาคุณปริกฺขิตฺตาปิ
ตถารูปาสุ  จาริตฺตํ  อาปชฺชิตา  โหติ  ฯ  เอวรูปํ  ภนฺเต  กายสมาจารํ
เสวโต อกุสลา ธมฺมา อภิวฑฺฒนฺติ กุสลา ธมฺมา ปริหายนฺติ ฯ
@เชิงอรรถ: ๑ ม. เอตฺถนฺตเร โคตฺตรกฺขิตา ธมฺมรกฺขิตาติ ทิสฺสติ ฯ
     [๒๐๒]   กถํรูปํ   ภนฺเต  กายสมาจารํ  เสวโต  อกุสลา  ธมฺมา
ปริหายนฺติ   กุสลา   ธมฺมา   อภิวฑฺฒนฺติ   ฯ   อิธ   ภนฺเต  เอกจฺโจ
ปาณาติปาตํ    ปหาย    ปาณาติปาตา    ปฏิวิรโต   โหติ   นิหิตทณฺโฑ
นิหิตสตฺโถ     ลชฺชี     ทยาปนฺโน     สพฺพปาณภูตหิตานุกมฺปี    วิหรติ
อทินฺนาทานํ   ปหาย   อทินฺนาทานา   ปฏิวิรโต   โหติ   ยนฺตํ   ปรสฺส
ปรวิตฺตูปกรณํ   คามคตํ   วา   อรญฺคตํ  วา  ตํ  อทินฺนํ  เถยฺยสงฺขาตํ
น   อาทาตา   โหติ  กาเมสุ  มิจฺฉาจารํ  ปหาย  กาเมสุ  มิจฺฉาจารา
ปฏิวิรโต   โหติ   ยา   ตา   มาตุรกฺขิตา  ปิตุรกฺขิตา  มาตาปิตุรกฺขิตา
ภาตุรกฺขิตา     ภคินิรกฺขิตา    าติรกฺขิตา    สสฺสามิกา    สปริทณฺฑา
อนฺตมโส   มาลาคุณปริกฺขิตฺตาปิ   ตถารูปาสุ   จาริตฺตํ   น   อาปชฺชิตา
โหติ   ฯ   เอวรูปํ   ภนฺเต   กายสมาจารํ   เสวโต  อกุสลา  ธมฺมา
ปริหายนฺติ   กุสลา   ธมฺมา   อภิวฑฺฒนฺติ   ฯ  กายสมาจารํปหํ  ภิกฺขเว
ทุวิเธน    วทามิ    เสวิตพฺพมฺปิ    อเสวิตพฺพมฺปิ    ตญฺจ    อญฺมญฺ
กายสมาจารนฺติ อิติ ยนฺตํ วุตฺตํ ภควตา อิทเมตํ ปฏิจฺจ วุตฺตํ ฯ
     [๒๐๓]   วจีสมาจารํปหํ   ภิกฺขเว   ทุวิเธน  วทามิ  เสวิตพฺพมฺปิ
อเสวิตพฺพมฺปิ    ตญฺจ   อญฺมญฺ   วจีสมาจารนฺติ   อิติ   โข   ปเนตํ
วุตฺตํ   ภควตา  กิญฺเจตํ  ปฏิจฺจ  วุตฺตํ  ฯ  ยถารูปํ  ภนฺเต  วจีสมาจารํ
เสวโต    อกุสลา   ธมฺมา   อภิวฑฺฒนฺติ   กุสลา   ธมฺมา   ปริหายนฺติ
เอวรูโป   วจีสมาจาโร   น   เสวิตพฺโพ   ฯ  ยถารูปญฺจ  โข  ภนฺเต
วจีสมาจารํ   เสวโต   อกุสลา   ธมฺมา   ปริหายนฺติ   กุสลา   ธมฺมา
อภิวฑฺฒนฺติ เอวรูโป วจีสมาจาโร เสวิตพฺโพ ฯ
     [๒๐๔]   กถํรูปํ   ภนฺเต   วจีสมาจารํ  เสวโต  อกุสลา  ธมฺมา
อภิวฑฺฒนฺติ   กุสลา   ธมฺมา   ปริหายนฺติ   ฯ   อิธ   ภนฺเต  เอกจฺโจ
มุสาวาที   โหติ   สภคฺคโต   ๑-  วา  ปริสคฺคโต  วา  าติมชฺฌคฺคโต
วา    ปูคมชฺฌคฺคโต    วา   ราชกุลมชฺฌคฺคโต   วา   อภินีโต   สกฺขึ
ปุฏฺโ   เอหมฺโภ   ปุริส   ยํ   ชานาสิ   ตํ  วเทหีติ  ฯ  โส  อชานํ
วา   อาห   ชานามีติ   ชานํ   วา   อาห  น  ชานามีติ  อปสฺสํ  วา
อาห   ปสฺสามีติ   ปสฺสํ   วา   อาห   น   ปสฺสามีติ   อิติ  อตฺตเหตุ
วา   ปรเหตุ   วา   อามิสกิญฺจิกฺขเหตุ   วา   สมฺปชานมุสา   ภาสิตา
โหติ   ปิสุณวาโจ   โข   ปน   โหติ   อิโต  สุตฺวา  อมุตฺร  อกฺขาตา
อิเมสํ   เภทาย   อมุตฺร  วา  สุตฺวา  อิเมสํ  อกฺขาตา  อมูสํ  เภทาย
อิติ  สมคฺคานํ  วา  เภเทตา ๒- ภินฺนานํ วา อนุปฺปทาตา ๓- วคฺคาราโม
วคฺครโต   วคฺคนนฺที   วคฺคกรณึ   วาจํ  ภาสิตา  โหติ  ผรุสวาโจ  โข
ปน  โหติ  ยา  สา  วาจา อณฺฑกา ๔- กกฺกสา [๕]- กฏุกา ปราภิสชฺชนี
โกธสามนฺตา    อสมาธิสํวตฺตนิกา    ตถารูปึ    วาจํ   ภาสิตา   โหติ
สมฺผปฺปลาปี    โข    ปน   โหติ   อกาลวาที   อภูตวาที   อนตฺถวาที
อธมฺมวาที   อวินยวาที   อนิธานวตึ   วาจํ   ภาสิตา   โหติ  อกาเลน
อนปฺปเทสํ   อปริยนฺตวตึ   อนตฺถสญฺหิตํ  ฯ  เอวรูปํ  ภนฺเต  วจีสมาจารํ
เสวโต อกุสลา ธมฺมา อภิวฑฺฒนฺติ กุสลา ธมฺมา ปริหายนฺติ ฯ
     [๒๐๕]   กถํรูปํ   ภนฺเต   วจีสมาจารํ  เสวโต  อกุสลา  ธมฺมา
@เชิงอรรถ: ๑ ม. ยุ. สภาคโต วา ปริสาคโต วา ฯ  ๒ ม. ยุ. เภตฺตา ฯ  ๓ ยุ. อนุปฺปาทาตา ฯ
@๔ ม. กณฺฏกา ฯ  ๕ โป. ม. เอตฺถนฺตเร ผรุสาติ ทิสฺสติ ฯ
ปริหายนฺติ   กุสลา   ธมฺมา   อภิวฑฺฒนฺติ   ฯ   อิธ   ภนฺเต  เอกจฺโจ
มุสาวาทํ    ปหาย    มุสาวาทา    ปฏิวิรโต   โหติ   สภคฺคโต   วา
ปริสคฺคโต     วา     าติมชฺฌคฺคโต     วา    ปูคมชฺฌคฺคโต    วา
ราชกุลมชฺฌคฺคโต   วา   อภินีโต   สกฺขึ   ปุฏฺโ   เอหมฺโภ  ปุริส  ยํ
ชานาสิ   ตํ   วเทหีติ  ฯ  โส  อชานํ  วา  อาห  น  ชานามีติ  ชานํ
วา   อาห   ชานามีติ   อปสฺสํ   วา   อาห  น  ปสฺสามีติ  ปสฺสํ  วา
อาห  ปสฺสามีติ  อิติ  อตฺตเหตุ  วา  ปรเหตุ  วา  อามิสกิญฺจิกฺขเหตุ วา
น    สมฺปชานมุสา   ภาสิตา   โหติ   ปิสุณํ   วาจํ   ปหาย   ปิสุณาย
วาจาย   ปฏิวิรโต   โหติ   อิโต  สุตฺวา  น  อมุตฺร  อกฺขาตา  อิเมสํ
เภทาย   อมุตฺร   วา   สุตฺวา   น   อิเมสํ  อกฺขาตา  อมูสํ  เภทาย
อิติ   ภินฺนานํ   วา  สนฺธาตา  สหิตานํ  วา  อนุปฺปทาตา  สมคฺคาราโม
สมคฺครโต    สมคฺคนนฺที    สมคฺคกรณึ   วาจํ   ภาสิตา   โหติ   ผรุสํ
วาจํ  ปหาย  ผรุสาย  วาจาย  ปฏิวิรโต  โหติ  ยา  สา  วาจา เนลา
กณฺณสุขา    เปมนียา   หทยงฺคมา   โปรี   พหุชนกนฺตา   พหุชนมนาปา
ตถารูปึ   วาจํ   ภาสิตา   โหติ   สมฺผปฺปลาปํ   ปหาย   สมฺผปฺปลาปา
ปฏิวิรโต   โหติ   กาลวาที   ภูตวาที   อตฺถวาที   ธมฺมวาที  วินยวาที
นิธานวตึ    วาจํ    ภาสิตา   โหติ   กาเลน   สาปเทสํ   ปริยนฺตวตึ
อตฺถสญฺหิตํ   ฯ   เอวรูปํ  ภนฺเต  วจีสมาจารํ  เสวโต  อกุสลา  ธมฺมา
ปริหายนฺติ   กุสลา   ธมฺมา   อภิวฑฺฒนฺติ   ฯ   วจีสมาจารํปหํ  ภิกฺขเว
ทุวิเธน    วทามิ    เสวิตพฺพมฺปิ    อเสวิตพฺพมฺปิ    ตญฺจ    อญฺมญฺ
วจีสมาจารนฺติ อิติ ยนฺตํ วุตฺตํ ภควตา อิทเมตํ ปฏิจฺจ วุตฺตํ ฯ
     [๒๐๖]   มโนสมาจารํปหํ   ภิกฺขเว  ทุวิเธน  วทามิ  เสวิตพฺพมฺปิ
อเสวิตพฺพมฺปิ     ตญฺจ     อญฺมญฺ    มโนสมาจารนฺติ    อิติ    โข
ปเนตํ   วุตฺตํ   ภควตา   กิญฺเจตํ   ปฏิจฺจ   วุตฺตํ  ฯ  ยถารูปํ  ภนฺเต
มโนสมาจารํ   เสวโต   อกุสลา   ธมฺมา   อภิวฑฺฒนฺติ   กุสลา  ธมฺมา
ปริหายนฺติ   เอวรูโป   มโนสมาจาโร   น   เสวิตพฺโพ  ฯ  ยถารูปญฺจ
โข    ภนฺเต   มโนสมาจารํ   เสวโต   อกุสลา   ธมฺมา   อภิวฑฺฒนฺติ
กุสลา ธมฺมา ปริหายนฺติ เอวรูโป มโนสมาจาโร น เสวิตพฺโพ ฯ
     [๒๐๗]   กถํรูปํ   ภนฺเต  มโนสมาจารํ  เสวโต  อกุสลา  ธมฺมา
อภิวฑฺฒนฺติ   กุสลา   ธมฺมา   ปริหายนฺติ   ฯ   อิธ   ภนฺเต  เอกจฺโจ
อภิชฺฌาลุ    โหติ    ยนฺตํ    ปรสฺส    ปรวิตฺตูปกรณํ    ตํ   อภิชฺฌิตา
โหติ   อโห   วต   ยํ   ปรสฺส   ตํ   มม   อสฺสาติ   พฺยาปนฺนจิตฺโต
โข    ปน   โหติ   ปทุฏฺมนสงฺกปฺโป   อิเม   สตฺตา   หญฺนฺตุ   วา
ภิชฺชนฺตุ   วา   อุจฺฉิชฺชนฺตุ   วา  วินสฺสนฺตุ  วา  มา  อเหสุํ  วาติ  ฯ
เอวรูปํ   ภนฺเต   มโนสมาจารํ   เสวโต   อกุสลา  ธมฺมา  อภิวฑฺฒนฺติ
กุสลา ธมฺมา ปริหายนฺติ ฯ
     [๒๐๘]   กถํรูปํ   ภนฺเต  มโนสมาจารํ  เสวโต  อกุสลา  ธมฺมา
ปริหายนฺติ   กุสลา   ธมฺมา   อภิวฑฺฒนฺติ   ฯ   อิธ   ภนฺเต  เอกจฺโจ
อนภิชฺฌาลุ    โหติ    ยนฺตํ    ปรสฺส   ปรวิตฺตูปกรณํ   ตํ   นาภิชฺฌิตา
โหติ   อโห   วต   ยํ   ปรสฺส   ตํ   มม   อสฺสาติ  อพฺยาปนฺนจิตฺโต
โข   ปน  โหติ  อปฺปทุฏฺมนสงฺกปฺโป  อิเม  สตฺตา  [๑]-  อพฺยาปชฺฌา
อนีฆา   สุขี   อตฺตานํ   ปริหรนฺตูติ   ฯ  เอวรูปํ  ภนฺเต  มโนสมาจารํ
เสวโต   อกุสลา   ธมฺมา   ปริหายนฺติ   กุสลา  ธมฺมา  อภิวฑฺฒนฺติ  ฯ
มโนสมาจารํปหํ   ภิกฺขเว   ทุวิเธน   วทามิ  เสวิตพฺพมฺปิ  อเสวิตพฺพมฺปิ
ตญฺจ    อญฺมญฺ    มโนสมาจารนฺติ    อิติ    ยนฺตํ   วุตฺตํ   ภควตา
อิทเมตํ ปฏิจฺจ วุตฺตํ ฯ
     [๒๐๙]   จิตฺตุปฺปาทํปหํ   ภิกฺขเว   ทุวิเธน   วทามิ  เสวิตพฺพมฺปิ
อเสวิตพฺพมฺปิ    ตญฺจ    อญฺมญฺ   จิตฺตุปฺปาทนฺติ   อิติ   โข   ปเนตํ
วุตฺตํ   ภควตา   กิญฺเจตํ  ปฏิจฺจ  วุตฺตํ  ฯ  ยถารูปํ  ภนฺเต  จิตฺตุปฺปาทํ
เสวโต    อกุสลา   ธมฺมา   อภิวฑฺฒนฺติ   กุสลา   ธมฺมา   ปริหายนฺติ
เอวรูโป   จิตฺตุปฺปาโท   น   เสวิตพฺโพ   ฯ   ยถารูปญฺจ  โข  ภนฺเต
จิตฺตุปฺปาทํ    เสวโต   อกุสลา   ธมฺมา   ปริหายนฺติ   กุสลา   ธมฺมา
อภิวฑฺฒนฺติ เอวรูโป จิตฺตุปฺปาโท เสวิตพฺโพ ฯ
     [๒๑๐]   กถํรูปํ   ภนฺเต   จิตฺตุปฺปาทํ   เสวโต  อกุสลา  ธมฺมา
อภิวฑฺฒนฺติ   กุสลา   ธมฺมา   ปริหายนฺติ   ฯ   อิธ   ภนฺเต  เอกจฺโจ
อภิชฺฌาลุ    โหติ    อภิชฺฌาสหคเตน    เจตสา   วิหรติ   พฺยาปาทวา
โหติ     พฺยาปาทสหคเตน     เจตสา    วิหรติ    วิเหสวา    โหติ
วิเหสาสหคเตน  เจตสา  วิหรติ  ฯ  เอวรูปํ  ภนฺเต  จิตฺตุปฺปาทํ เสวโต
อกุสลา ธมฺมา อภิวฑฺฒนฺติ กุสลา ธมฺมา ปริหายนฺติ ฯ
     [๒๑๑]   กถํรูปํ   ภนฺเต   จิตฺตุปฺปาทํ   เสวโต  อกุสลา  ธมฺมา
@เชิงอรรถ: ๑ ม. ยุ. เอตฺถนฺตเร อเวราติ ทิสฺสติ ฯ
ปริหายนฺติ   กุสลา   ธมฺมา   อภิวฑฺฒนฺติ   ฯ   อิธ   ภนฺเต  เอกจฺโจ
อนภิชฺฌาลุ   โหติ   อนภิชฺฌาสหคเตน   เจตสา   วิหรติ   อพฺยาปาทวา
โหติ    อพฺยาปาทสหคเตน    เจตสา    วิหรติ    อวิเหสวา    โหติ
อวิเหสาสหคเตน   เจตสา   วิหรติ   ฯ   เอวรูปํ   ภนฺเต  จิตฺตุปฺปาทํ
เสวโต   อกุสลา   ธมฺมา   ปริหายนฺติ   กุสลา  ธมฺมา  อภิวฑฺฒนฺติ  ฯ
จิตฺตุปฺปาทํปหํ   ภิกฺขเว   ทุวิเธน   วทามิ   เสวิตพฺพมฺปิ   อเสวิตพฺพมฺปิ
ตญฺจ    อญฺมญฺ    จิตฺตุปฺปาทนฺติ    อิติ    ยนฺตํ    วุตฺตํ    ภควตา
อิทเมตํ ปฏิจฺจ วุตฺตํ ฯ
     [๒๑๒]   สญฺาปฏิลาภํปหํ   ภิกฺขเว  ทุวิเธน  วทามิ  เสวิตพฺพมฺปิ
อเสวิตพฺพมฺปิ     ตญฺจ     อญฺมญฺ    สญฺาปฏิลาภนฺติ    อิติ    โข
ปเนตํ   วุตฺตํ   ภควตา   กิญฺเจตํ   ปฏิจฺจ   วุตฺตํ  ฯ  ยถารูปํ  ภนฺเต
สญฺาปฏิลาภํ   เสวโต   อกุสลา   ธมฺมา   อภิวฑฺฒนฺติ   กุสลา  ธมฺมา
ปริหายนฺติ   เอวรูโป   สญฺาปฏิลาโภ   น   เสวิตพฺโพ  ฯ  ยถารูปญฺจ
โข    ภนฺเต   สญฺาปฏิลาภํ   เสวโต   อกุสลา   ธมฺมา   ปริหายนฺติ
กุสลา ธมฺมา อภิวฑฺฒนฺติ เอวรูโป สญฺาปฏิลาโภ เสวิตพฺโพ ฯ
     [๒๑๓]   กถํรูปํ   ภนฺเต  สญฺาปฏิลาภํ  เสวโต  อกุสลา  ธมฺมา
อภิวฑฺฒนฺติ   กุสลา   ธมฺมา   ปริหายนฺติ   ฯ   อิธ   ภนฺเต  เอกจฺโจ
อภิชฺฌาลุ    โหติ    อภิชฺฌาสหคตาย    สญฺาย   วิหรติ   พฺยาปาทวา
โหติ     พฺยาปาทสหคตาย     สญฺาย    วิหรติ    วิเหสวา    โหติ
วิเหสาสหคตาย   สญฺาย   วิหรติ   ฯ   เอวรูปํ  ภนฺเต  สญฺาปฏิลาภํ
เสวโต อกุสลา ธมฺมา อภิวฑฺฒนฺติ กุสลา ธมฺมา ปริหายนฺติ ฯ
     [๒๑๔]   กถํรูปํ   ภนฺเต  สญฺาปฏิลาภํ  เสวโต  อกุสลา  ธมฺมา
ปริหายนฺติ   กุสลา   ธมฺมา   อภิวฑฺฒนฺติ   ฯ   อิธ   ภนฺเต  เอกจฺโจ
อนภิชฺฌาลุ   โหติ   อนภิชฺฌาสหคตาย   สญฺาย   วิหรติ   อพฺยาปาทวา
โหติ    อพฺยาปาทสหคตาย    สญฺาย    วิหรติ    อวิเหสวา    โหติ
อวิเหสาสหคตาย   สญฺาย   วิหรติ   ฯ  เอวรูปํ  ภนฺเต  สญฺาปฏิลาภํ
เสวโต   อกุสลา   ธมฺมา   ปริหายนฺติ   กุสลา  ธมฺมา  อภิวฑฺฒนฺติ  ฯ
สญฺาปฏิลาภํปหํ   ภิกฺขเว   ทุวิเธน   วทามิ  เสวิตพฺพมฺปิ  อเสวิตพฺพมฺปิ
ตญฺจ    อญฺมญฺ    สญฺาปฏิลาภนฺติ    อิติ    ยนฺตํ   วุตฺตํ   ภควตา
อิทเมตํ ปฏิจฺจ วุตฺตํ ฯ
     [๒๑๕]   ทิฏฺิปฏิลาภํปหํ   ภิกฺขเว   ทุวิเธน  วทามิ  เสวิตพฺพมฺปิ
อเสวิตพฺพมฺปิ    ตญฺจ   อญฺมญฺ   ทิฏฺิปฏิลาภนฺติ   อิติ   โข   ปเนตํ
วุตฺตํ    ภควตา    กิญฺเจตํ    ปฏิจฺจ    วุตฺตํ   ฯ   ยถารูปํ   ภนฺเต
ทิฏฺิปฏิลาภํ   เสวโต   อกุสลา   ธมฺมา   อภิวฑฺฒนฺติ   กุสลา   ธมฺมา
ปริหายนฺติ   เอวรูโป   ทิฏฺิปฏิลาโภ   น   เสวิตพฺโพ   ฯ  ยถารูปญฺจ
โข   ภนฺเต   ทิฏฺิปฏิลาภํ  เสวโต  อกุสลา  ธมฺมา  ปริหายนฺติ  กุสลา
ธมฺมา อภิวฑฺฒนฺติ เอวรูโป ทิฏฺิปฏิลาโภ เสวิตพฺโพ ฯ
     [๒๑๖]   กถํรูปํ   ภนฺเต   ทิฏฺิปฏิลาภํ  เสวโต  อกุสลา  ธมฺมา
อภิวฑฺฒนฺติ   กุสลา   ธมฺมา   ปริหายนฺติ   ฯ   อิธ   ภนฺเต  เอกจฺโจ
เอวํทิฏฺิโก   โหติ   นตฺถิ   ทินฺนํ   นตฺถิ   ยิฏฺ   นตฺถิ   หุตํ   นตฺถิ
สุกตทุกฺกฏานํ    กมฺมานํ   ผลํ   วิปาโก   นตฺถิ   อยํ   โลโก   นตฺถิ
ปโร   โลโก   นตฺถิ   มาตา   นตฺถิ  ปิตา  นตฺถิ  สตฺตา  โอปปาติกา
นตฺถิ    โลเก    สมณพฺราหฺมณา    สมฺมคฺคตา    สมฺมาปฏิปนฺนา   เย
อิมญฺจ   โลกํ   ปรญฺจ  โลกํ  สยํ  อภิญฺา  สจฺฉิกตฺวา  ปเวเทนฺตีติ  ฯ
เอวรูปํ   ภนฺเต   ทิฏฺิปฏิลาภํ   เสวโต   อกุสลา   ธมฺมา  อภิวฑฺฒนฺติ
กุสลา ธมฺมา ปริหายนฺติ ฯ
     [๒๑๗]   กถํรูปํ   ภนฺเต   ทิฏฺิปฏิลาภํ  เสวโต  อกุสลา  ธมฺมา
ปริหายนฺติ   กุสลา   ธมฺมา   อภิวฑฺฒนฺติ   ฯ   อิธ   ภนฺเต  เอกจฺโจ
เอวํทิฏฺิโก   โหติ   อตฺถิ   ทินฺนํ   อตฺถิ   ยิฏฺ   อตฺถิ   หุตํ   อตฺถิ
สุกตทุกฺกฏานํ    กมฺมานํ   ผลํ   วิปาโก   อตฺถิ   อยํ   โลโก   อตฺถิ
ปโร   โลโก   อตฺถิ   มาตา   อตฺถิ  ปิตา  อตฺถิ  สตฺตา  โอปปาติกา
อตฺถิ    โลเก    สมณพฺราหฺมณา    สมฺมคฺคตา    สมฺมาปฏิปนฺนา   เย
อิมญฺจ   โลกํ   ปรญฺจ  โลกํ  สยํ  อภิญฺา  สจฺฉิกตฺวา  ปเวเทนฺตีติ  ฯ
เอวรูปํ   ภนฺเต   ทิฏฺิปฏิลาภํ   เสวโต   อกุสลา   ธมฺมา  ปริหายนฺติ
กุสลา    ธมฺมา   อภิวฑฺฒนฺติ   ฯ   ทิฏฺิปฏิลาภํปหํ   ภิกฺขเว   ทุวิเธน
วทามิ       เสวิตพฺพมฺปิ      อเสวิตพฺพมฺปิ      ตญฺจ      อญฺมญฺ
ทิฏฺิปฏิลาภนฺติ อิติ ยนฺตํ วุตฺตํ ภควตา อิทเมตํ ปฏิจฺจ วุตฺตํ ฯ
     [๒๑๘]   อตฺตภาวปฏิลาภํปหํ  ภิกฺขเว  ทุวิเธน  วทามิ  เสวิตพฺพมฺปิ
อเสวิตพฺพมฺปิ    ตญฺจ    อญฺมญฺ    อตฺตภาวปฏิลาภนฺติ    อิติ    โข
ปเนตํ   วุตฺตํ   ภควตา   กิญฺเจตํ   ปฏิจฺจ   วุตฺตํ  ฯ  ยถารูปํ  ภนฺเต
อตฺตภาวปฏิลาภํ    เสวโต    อกุสลา    ธมฺมา    อภิวฑฺฒนฺติ   กุสลา
ธมฺมา   ปริหายนฺติ   เอวรูโป   อตฺตภาวปฏิลาโภ   น   เสวิตพฺโพ  ฯ
ยถารูปญฺจ   โข   ภนฺเต   อตฺตภาวปฏิลาภํ   เสวโต   อกุสลา  ธมฺมา
ปริหายนฺติ   กุสลา   ธมฺมา   อภิวฑฺฒนฺติ   เอวรูโป   อตฺตภาวปฏิลาโภ
เสวิตพฺโพ ฯ
     [๒๑๙]   กถํรูปํ  ภนฺเต  อตฺตภาวปฏิลาภํ  เสวโต  อกุสลา  ธมฺมา
อภิวฑฺฒนฺติ    กุสลา    ธมฺมา    ปริหายนฺติ   ฯ   สพฺยาปชฺฌํ   ภนฺเต
อตฺตภาวปฏิลาภํ   อภินิพฺพตฺตสฺส   ๑-   ยโต  อปรินิฏฺิตภาวาย  อกุสลา
ธมฺมา อภิวฑฺฒนฺติ กุสลา ธมฺมา ปริหายนฺติ ฯ
     [๒๒๐]   กถํรูปํ  ภนฺเต  อตฺตภาวปฏิลาภํ  เสวโต  อกุสลา  ธมฺมา
ปริหายนฺติ    กุสลา    ธมฺมา    อภิวฑฺฒนฺติ   ฯ   อพฺยาปชฺฌํ   ภนฺเต
อตฺตภาวปฏิลาภํ    อภินิพฺพตฺตสฺส    ยโต    ปรินิฏฺิตภาวาย    อกุสลา
ธมฺมา   ปริหายนฺติ   กุสลา   ธมฺมา  อภิวฑฺฒนฺติ  ฯ  อตฺตภาวปฏิลาภํปหํ
ภิกฺขเว     ทุวิเธน    วทามิ    เสวิตพฺพมฺปิ    อเสวิตพฺพมฺปิ    ตญฺจ
อญฺมญฺ   อตฺตภาวปฏิลาภนฺติ   อิติ   ยนฺตํ   วุตฺตํ   ภควตา   อิทเมตํ
ปฏิจฺจ  วุตฺตํ  ฯ  อิมสฺส  โข  [๒]-  ภนฺเต ภควตา สงฺขิตฺเตน ภาสิตสฺส
วิตฺถาเรน อตฺถํ อวิภตฺตสฺส เอวํ วิตฺถาเรน อตฺถํ อาชานามีติ ฯ
     [๒๒๑]   สาธุ  สาธุ  สารีปุตฺต  สาธุ  [๓]-  ตฺวํ สารีปุตฺต อิมสฺส
มยา    สงฺขิตฺเตน   ภาสิตสฺส   วิตฺถาเรน   อตฺถํ   อวิภตฺตสฺส   เอวํ
วิตฺถาเรน   อตฺถํ   อาชานาสิ   ฯ   กายสมาจารํปหํ  ภิกฺขเว  ทุวิเธน
@เชิงอรรถ: ๑ โป. ม. ยุ. อภินิพฺพตฺตยโต ฯ ๒ โป. ม. ยุ. อฺหํ ฯ ๓ ม. ยุ. เอตฺถนฺตเร
@โขสทฺโท อตฺถิ ฯ
วทามิ       เสวิตพฺพมฺปิ      อเสวิตพฺพมฺปิ      ตญฺจ      อญฺมญฺ
กายสมาจารนฺติ   อิติ   โข   ปเนตํ   วุตฺตํ   มยา   กิญฺเจตํ   ปฏิจฺจ
วุตฺตํ   ฯ   ยถารูปํ   สารีปุตฺต  กายสมาจารํ  เสวโต  อกุสลา  ธมฺมา
อภิวฑฺฒนฺติ    กุสลา    ธมฺมา   ปริหายนฺติ   เอวรูโป   กายสมาจาโร
น   เสวิตพฺโพ   ฯ   ยถารูปญฺจ  โข  สารีปุตฺต  กายสมาจารํ  เสวโต
อกุสลา   ธมฺมา   ปริหายนฺติ   กุสลา   ธมฺมา   อภิวฑฺฒนฺติ   เอวรูโป
กายสมาจาโร เสวิตพฺโพ ฯ
     [๒๒๒]   กถํรูปํ  สารีปุตฺต  กายสมาจารํ  เสวโต  อกุสลา  ธมฺมา
อภิวฑฺฒนฺติ   กุสลา   ธมฺมา   ปริหายนฺติ   ฯ  อิธ  สารีปุตฺต  เอกจฺโจ
ปาณาติปาตี     โหติ     ลุทฺโท    โลหิตปาณี    หตปหเต    นิวิฏฺโ
อทยาปนฺโน    ปาณภูเตสุ    อทินฺนาทายี    โข    ปน   โหติ   ยนฺตํ
ปรสฺส    ปรวิตฺตูปกรณํ   คามคตํ   วา   อรญฺคตํ   วา   ตํ   อทินฺนํ
เถยฺยสงฺขาตํ  อาทาตา  โหติ  กาเมสุ  มิจฺฉาจารี  โข  ปน  โหติ  ยา
ตา     มาตุรกฺขิตา     ปิตุรกฺขิตา     มาตาปิตุรกฺขิตา    ภาตุรกฺขิตา
ภคินิรกฺขิตา     าติรกฺขิตา     สสฺสามิกา     สปริทณฺฑา    อนฺตมโส
มาลาคุณปริกฺขิตฺตาปิ    ตถารูปาสุ    จาริตฺตํ    อาปชฺชิตา   โหติ   ฯ
เอวรูปํ   สารีปุตฺต   กายสมาจารํ  เสวโต  อกุสลา  ธมฺมา  อภิวฑฺฒนฺติ
กุสลา ธมฺมา ปริหายนฺติ ฯ
     [๒๒๓]   กถํรูปํ  สารีปุตฺต  กายสมาจารํ  เสวโต  อกุสลา  ธมฺมา
ปริหายนฺติ   กุสลา   ธมฺมา   อภิวฑฺฒนฺติ   ฯ  อิธ  สารีปุตฺต  เอกจฺโจ
ปาณาติปาตํ    ปหาย    ปาณาติปาตา    ปฏิวิรโต   โหติ   นิหิตทณฺโฑ
นิหิตสตฺโถ     ลชฺชี     ทยาปนฺโน     สพฺพปาณภูตหิตานุกมฺปี    วิหรติ
อทินฺนาทานํ   ปหาย   อทินฺนาทานา   ปฏิวิรโต   โหติ   ยนฺตํ   ปรสฺส
ปรวิตฺตูปกรณํ   คามคตํ   วา   อรญฺคตํ  วา  ตํ  อทินฺนํ  เถยฺยสงฺขาตํ
น   อาทาตา   โหติ  กาเมสุ  มิจฺฉาจารํ  ปหาย  กาเมสุ  มิจฺฉาจารา
ปฏิวิรโต   โหติ   ยา   ตา   มาตุรกฺขิตา  ปิตุรกฺขิตา  มาตาปิตุรกฺขิตา
ภาตุรกฺขิตา     ภคินิรกฺขิตา    าติรกฺขิตา    สสฺสามิกา    สปริทณฺฑา
อนฺตมโส   มาลาคุณปริกฺขิตฺตาปิ   ตถารูปาสุ   น   จาริตฺตํ   อาปชฺชิตา
โหติ   ฯ   เอวรูปํ   สารีปุตฺต  กายสมาจารํ  เสวโต  อกุสลา  ธมฺมา
ปริหายนฺติ   กุสลา   ธมฺมา   อภิวฑฺฒนฺติ   ฯ  กายสมาจารํปหํ  ภิกฺขเว
ทุวิเธน    วทามิ    เสวิตพฺพมฺปิ    อเสวิตพฺพมฺปิ    ตญฺจ    อญฺมญฺ
กายสมาจารนฺติ อิติ ยนฺตํ วุตฺตํ มยา อิทเมตํ ปฏิจฺจ วุตฺตํ ฯ
     [๒๒๔]   วจีสมาจารํปหํ  ภิกฺขเว  ...  มโนสมาจารํปหํ  ภิกฺขเว
...   จิตฺตุปฺปาทํปหํ   ภิกฺขเว   ...   สญฺาปฏิลาภํปหํ  ภิกฺขเว  ...
ทิฏฺิปฏิลาภํปหํ   ภิกฺขเว   ...   อตฺตภาวปฏิลาภํปหํ   ภิกฺขเว  ทุวิเธน
วทามิ       เสวิตพฺพมฺปิ      อเสวิตพฺพมฺปิ      ตญฺจ      อญฺมญฺ
อตฺตภาวปฏิลาภนฺติ   อิติ   โข   ปเนตํ   วุตฺตํ   มยา  กิญฺเจตํ  ปฏิจฺจ
วุตฺตํ    ฯ   ยถารูปํ   สารีปุตฺต   อตฺตภาวปฏิลาภํ   เสวโต   อกุสลา
ธมฺมา     อภิวฑฺฒนฺติ     กุสลา     ธมฺมา    ปริหายนฺติ    เอวรูโป
อตฺตภาวปฏิลาโภ    น   เสวิตพฺโพ   ฯ   ยถารูปญฺจ   โข   สารีปุตฺต
อตฺตภาวปฏิลาภํ    เสวโต    อกุสลา    ธมฺมา    ปริหายนฺติ   กุสลา
ธมฺมา อภิวฑฺฒนฺติ เอวรูโป อตฺตภาวปฏิลาโภ เสวิตพฺโพ ฯ
     [๒๒๕]   กถํรูปํ   สารีปุตฺต   อตฺตภาวปฏิลาภํ   เสวโต  อกุสลา
ธมฺมา    อภิวฑฺฒนฺติ    กุสลา    ธมฺมา   ปริหายนฺติ   ฯ   สพฺยาปชฺฌํ
สารีปุตฺต    อตฺตภาวปฏิลาภํ    อภินิพฺพตฺตสฺส   ยโต   อปรินิฏฺิตภาวาย
อกุสลา ธมฺมา อภิวฑฺฒนฺติ กุสลา ธมฺมา ปริหายนฺติ ฯ
     [๒๒๖]   กถํรูปํ   สารีปุตฺต   อตฺตภาวปฏิลาภํ   เสวโต  อกุสลา
ธมฺมา    ปริหายนฺติ    กุสลา    ธมฺมา   อภิวฑฺฒนฺติ   ฯ   อพฺยาปชฺฌํ
สารีปุตฺต    อตฺตภาวปฏิลาภํ    อภินิพฺพตฺตสฺส    ยโต   ปรินิฏฺิตภาวาย
อกุสลา  ธมฺมา  ปริหายนฺติ  กุสลา ธมฺมา อภิวฑฺฒนฺติ ฯ อตฺตภาวปฏิลาภํปหํ
ภิกฺขเว      ทุวิเธน      วทามิ      เสวิตพฺพมฺปิ      อเสวิตพฺพมฺปิ
ตญฺจ    อญฺมญฺ    อตฺตภาวปฏิลาภนฺติ    อิติ    ยนฺตํ   วุตฺตํ   มยา
อิทเมตํ   ปฏิจฺจ   วุตฺตํ   ฯ   อิมสฺส  โข  สารีปุตฺต  มยา  สงฺขิตฺเตน
ภาสิตสฺส  [๑]-  วิตฺถาเรน  อตฺถํ  อวิภตฺตสฺส  เอวํ  วิตฺถาเรน  อตฺโถ
ทฏฺพฺโพ ฯ
     [๒๒๗]   จกฺขุวิญฺเยฺยํ    รูปํปหํ   สารีปุตฺต   ทุวิเธน   วทามิ
เสวิตพฺพมฺปิ     อเสวิตพฺพมฺปิ     โสตวิญฺเยฺยํ    สทฺทํปหํ    สารีปุตฺต
ทุวิเธน   วทามิ   เสวิตพฺพมฺปิ   อเสวิตพฺพมฺปิ   ฆานวิญฺเยฺยํ   คนฺธํปหํ
สารีปุตฺต   ทุวิเธน   วทามิ   เสวิตพฺพมฺปิ  อเสวิตพฺพมฺปิ  ชิวฺหาวิญฺเยฺยํ
รสํปหํ    สารีปุตฺต    ทุวิเธน    วทามิ    เสวิตพฺพมฺปิ   อเสวิตพฺพมฺปิ
@เชิงอรรถ: ๑ โป. ม. ยุ. เอตฺถนฺตเร เอวํสทฺโท อตฺถิ ฯ
กายวิญฺเยฺยํ   โผฏฺพฺพํปหํ   สารีปุตฺต   ทุวิเธน   วทามิ   เสวิตพฺพมฺปิ
อเสวิตพฺพมฺปิ    มโนวิญฺเยฺยํ    ธมฺมํปหํ   สารีปุตฺต   ทุวิเธน   วทามิ
เสวิตพฺพมฺปิ อเสวิตพฺพมฺปิ ฯ
     [๒๒๘]   เอวํ  วุตฺเต  อายสฺมา  สารีปุตฺโต  ภควนฺตํ  เอตทโวจ
อิมสฺส   โข   ภนฺเต   ภควตา  สงฺขิตฺเตน  ภาสิตสฺส  วิตฺถาเรน  อตฺถํ
อวิภตฺตสฺส   เอวํ   วิตฺถาเรน   อตฺถํ  อาชานามิ  จกฺขุวิญฺเยฺยํ  รูปํปหํ
สารีปุตฺต   ทุวิเธน   วทามิ   เสวิตพฺพมฺปิ   อเสวิตพฺพมฺปีติ   อิติ   โข
ปเนตํ วุตฺตํ ภควตา กิญฺเจตํ ปฏิจฺจ วุตฺตํ ฯ
     {๒๒๘.๑}   ยถารูปํ  ภนฺเต  จกฺขุวิญฺเยฺยํ  รูปํ  เสวโต  อกุสลา
ธมฺมา   อภิวฑฺฒนฺติ   กุสลา   ธมฺมา  ปริหายนฺติ  เอวรูปํ  จกฺขุวิญฺเยฺยํ
รูปํ  น  เสวิตพฺพํ  ฯ  ยถารูปญฺจ  โข  ภนฺเต  จกฺขุวิญฺเยฺยํ รูปํ เสวโต
อกุสลา    ธมฺมา   ปริหายนฺติ   กุสลา   ธมฺมา   อภิวฑฺฒนฺติ   เอวรูปํ
จกฺขุวิญฺเยฺยํ   รูปํ   เสวิตพฺพํ   ฯ   จกฺขุวิญฺเยฺยํ   รูปํปหํ   สารีปุตฺต
ทุวิเธน   วทามิ  เสวิตพฺพมฺปิ  อเสวิตพฺพมฺปีติ  อิติ  ยนฺตํ  วุตฺตํ  ภควตา
อิทเมตํ  ปฏิจฺจ  วุตฺตํ  ฯเปฯ เอวรูโป โสตวิญฺเยฺโย สทฺโท น เสวิตพฺโพ
ฯเปฯ   เอวรูโป   โสตวิญฺเยฺโย  สทฺโท  เสวิตพฺโพ  ฯเปฯ  เอวรูโป
ฆานวิญฺเยฺโย   คนฺโธ  น  เสวิตพฺโพ  ฯเปฯ  เอวรูโป  ฆานวิญฺเยฺโย
คนฺโธ  เสวิตพฺโพ  ฯเปฯ  เอวรูโป  ชิวฺหาวิญฺเยฺโย  รโส น เสวิตพฺโพ
ฯเปฯ    เอวรูโป    ชิวฺหาวิญฺเยฺโย   เสวิตพฺโพ   ฯเปฯ   เอวรูโป
กายวิญฺเยฺโย       โผฏฺพฺโพ       น      เสวิตพฺโพ      ฯเปฯ
เอวรูโป   กายวิญฺเยฺโย   โผฏฺพฺโพ  เสวิตพฺโพ  ฯเปฯ  มโนวิญฺเยฺยํ
ธมฺมํปหํ    สารีปุตฺต    ทุวิเธน    วทามิ   เสวิตพฺพมฺปิ   อเสวิตพฺพมฺปิ
อิติ  โข  ปเนตํ  วุตฺตํ  ภควตา  กิญฺเจตํ  ปฏิจฺจ  วุตฺตํ ฯ ยถารูปํ ภนฺเต
มโนวิญฺเยฺยํ   ธมฺมํ   เสวโต   อกุสลา   ธมฺมา   อภิวฑฺฒนฺติ   กุสลา
ธมฺมา   ปริหายนฺติ  เอวรูโป  มโนวิญฺเยฺโย  ธมฺโม  น  เสวิตพฺโพ  ฯ
ยถารูปญฺจ   โข   ภนฺเต  มโนวิญฺเยฺยํ  ธมฺมํ  เสวโต  อกุสลา  ธมฺมา
ปริหายนฺติ    กุสลา    ธมฺมา   อภิวฑฺฒนฺติ   เอวรูโป   มโนวิญฺเยฺโย
ธมฺโม   เสวิตพฺโพ   ฯ   มโนวิญฺเยฺยํ   ธมฺมํปหํ   สารีปุตฺต   ทุวิเธน
วทามิ    เสวิตพฺพมฺปิ    อเสวิตพฺพมฺปีติ   อิติ   ยนฺตํ   วุตฺตํ   ภควตา
อิทเมตํ   ปฏิจฺจ   วุตฺตํ   ฯ   อิมสฺส  โข  ภนฺเต  ภควตา  สงฺขิตฺเตน
ภาสิตสฺส    วิตฺถาเรน   อตฺถํ   อวิภตฺตสฺส   เอวํ   วิตฺถาเรน   อตฺถํ
อาชานามีติ ฯ
     [๒๒๙]   สาธุ  สาธุ  สารีปุตฺต  สาธุ  โข  ตฺวํ  สารีปุตฺต  อิมสฺส
มยา    สงฺขิตฺเตน   ภาสิตสฺส   วิตฺถาเรน   อตฺถํ   อวิภตฺตสฺส   เอวํ
วิตฺถาเรน   อตฺถํ   อาชานาสิ   ฯ   จกฺขุวิญฺเยฺยํ   รูปํปหํ   สารีปุตฺต
ทุวิเธน   วทามิ   เสวิตพฺพมฺปิ   อเสวิตพฺพมฺปีติ  อิติ  โข  ปเนตํ  วุตฺตํ
มยา   กิญฺเจตํ   ปฏิจฺจ   วุตฺตํ   ฯ   ยถารูปํ  สารีปุตฺต  จกฺขุวิญฺเยฺยํ
รูปํ   เสวโต   อกุสลา   ธมฺมา  อภิวฑฺฒนฺติ  กุสลา  ธมฺมา  ปริหายนฺติ
เอวํ   จกฺขุวิญฺเยฺยํ   รูปํ  น  เสวิตพฺพํ  ฯ  ยถารูปญฺจ  โข  สารีปุตฺต
จกฺขุวิญฺเยฺยํ    รูปํ   เสวโต   อกุสลา   ธมฺมา   ปริหายนฺติ   กุสลา
ธมฺมา    อภิวฑฺฒนฺติ    เอวรูปํ    จกฺขุวิญฺเยฺยํ   รูปํ   เสวิตพฺพํ   ฯ
จกฺขุวิญฺเยฺยํ    รูปํปหํ    สารีปุตฺต    ทุวิเธน    วทามิ   เสวิตพฺพมฺปิ
อเสวิตพฺพมฺปีติ   อิติ   ยนฺตํ  วุตฺตํ  มยา  อิทเมตํ  ปฏิจฺจ  วุตฺตํ  ฯเปฯ
เอวรูโป   โสตวิญฺเยฺโย   สทฺโท   น   เสวิตพฺโพ   ฯเปฯ  เอวรูโป
โสตวิญฺเยฺโย   สทฺโท   เสวิตพฺโพ   ฯเปฯ   เอวรูโป  ฆานวิญฺเยฺโย
คนฺโธ    น   เสวิตพฺโพ   ฯเปฯ   เอวรูโป   ฆานวิญฺเยฺโย   คนฺโธ
เสวิตพฺโพ   ฯเปฯ   เอวรูโป   ชิวฺหาวิญฺเยฺโย   รโส  น  เสวิตพฺโพ
ฯเปฯ   เอวรูโป   ชิวฺหาวิญฺเยฺโย  รโส  เสวิตพฺโพ  ฯเปฯ  เอวรูโป
กายวิญฺเยฺโย    โผฏฺพฺโพ    น    เสวิตพฺโพ    ฯเปฯ    เอวรูโป
กายวิญฺเยฺโย   โผฏฺพฺโพ   เสวิตพฺโพ   ฯเปฯ  มโนวิญฺเยฺยํ  ธมฺมํปหํ
สารีปุตฺต  ทุวิเธน  วทามิ  เสวิตพฺพมฺปิ  อเสวิตพฺพมฺปีติ  อิติ  โข  ปเนตํ
วุตฺตํ มยา กิญฺเจตํ ปฏิจฺจ วุตฺตํ ฯ
     {๒๒๙.๑}   ยถารูปํ  สารีปุตฺต  มโนวิญฺเยฺยํ  ธมฺมํ เสวโต อกุสลา
ธมฺมา   อภิวฑฺฒนฺติ  กุสลา  ธมฺมา  ปริหายนฺติ  เอวรูโป  มโนวิญฺเยฺโย
ธมฺโม  น  เสวิตพฺโพ  ฯ  ยถารูปญฺจ  โข  สารีปุตฺต  มโนวิญฺเยฺยํ ธมฺมํ
เสวโต  อกุสลา  ธมฺมา  ปริหายนฺติ  กุสลา  ธมฺมา  อภิวฑฺฒนฺติ เอวรูโป
มโนวิญฺเยฺโย   ธมฺโม  เสวิตพฺโพ  ฯ  มโนวิญฺเยฺยํ  ธมฺมํปหํ  สารีปุตฺต
ทุวิเธน   วทามิ   เสวิตพฺพมฺปิ   อเสวิตพฺพมฺปีติ  อิติ  ยนฺตํ  วุตฺตํ  มยา
อิทเมตํ  ปฏิจฺจ  วุตฺตํ  ฯ  อิมสฺส  โข สารีปุตฺต มยา สงฺขิตฺเตน ภาสิตสฺส
เอวํ วิตฺถาเรน อตฺโถ ทฏฺพฺโพ ฯ
     [๒๓๐]   จีวรํปหํ    สารีปุตฺต   ทุวิเธน   วทามิ   เสวิตพฺพมฺปิ
อเสวิตพฺพมฺปิ   ปิณฺฑปาตํปหํ   สารีปุตฺต   ทุวิเธน   วทามิ   เสวิตพฺพมฺปิ
อเสวิตพฺพมฺปิ   เสนาสนํปหํ   สารีปุตฺต   ทุวิเธน   วทามิ   เสวิตพฺพมฺปิ
อเสวิตพฺพมฺปิ    คามํปหํ    สารีปุตฺต    ทุวิเธน   วทามิ   เสวิตพฺพมฺปิ
อเสวิตพฺพมฺปิ    นิคมํปหํ    สารีปุตฺต    ทุวิเธน   วทามิ   เสวิตพฺพมฺปิ
อเสวิตพฺพมฺปิ    นครํปหํ    สารีปุตฺต    ทุวิเธน   วทามิ   เสวิตพฺพมฺปิ
อเสวิตพฺพมฺปิ    ชนปทํปหํ    สารีปุตฺต   ทุวิเธน   วทามิ   เสวิตพฺพมฺปิ
อเสวิตพฺพมฺปิ    ปุคฺคลํปหํ    สารีปุตฺต   ทุวิเธน   วทามิ   เสวิตพฺพมฺปิ
อเสวิตพฺพมฺปีติ ฯ
     [๒๓๑]   เอวํ  วุตฺเต  อายสฺมา  สารีปุตฺโต  ภควนฺตํ  เอตทโวจ
อิมสฺส   โข   อหํ   ภนฺเต   ภควตา  สงฺขิตฺเตน  ภาสิตสฺส  วิตฺถาเรน
อตฺถํ    อวิภตฺตสฺส    เอวํ   วิตฺถาเรน   อตฺถํ   อาชานามิ   จีวรํปหํ
สารีปุตฺต   ทุวิเธน   วทามิ   เสวิตพฺพมฺปิ   อเสวิตพฺพมฺปีติ   อิติ   โข
ปเนตํ   วุตฺตํ   ภควตา   กิญฺเจตํ   ปฏิจฺจ   วุตฺตํ  ฯ  ยถารูปํ  ภนฺเต
จีวรํ   เสวโต   อกุสลา  ธมฺมา  อภิวฑฺฒนฺติ  กุสลา  ธมฺมา  ปริหายนฺติ
เอวรูปํ  จีวรํ  น  เสวิตพฺพํ  ฯ  ยถารูปญฺจ  โข  ภนฺเต  จีวรํ  เสวโต
อกุสลา    ธมฺมา   ปริหายนฺติ   กุสลา   ธมฺมา   อภิวฑฺฒนฺติ   เอวรูปํ
จีวรํ   เสวิตพฺพํ   ฯ   จีวรํปหํ  สารีปุตฺต  ทุวิเธน  วทามิ  เสวิตพฺพมฺปิ
อเสวิตพฺพมฺปีติ   อิติ   ยนฺตํ   วุตฺตํ   ภควตา   อิทเมตํ   ปฏิจฺจ  วุตฺตํ
ฯเปฯ    เอวรูโป    ปิณฺฑปาโต   น   เสวิตพฺโพ   ฯเปฯ   เอวรูโป
ปิณฺฑปาโต   เสวิตพฺโพ  ฯเปฯ  เอวรูปํ  เสนาสนํ  น  เสวิตพฺพํ  ฯเปฯ
เอวรูปํ   เสนาสนํ   เสวิตพฺพํ  ฯเปฯ  เอวรูโป  คาโม  น  เสวิตพฺโพ
ฯเปฯ   เอวรูโป   คาโม   เสวิตพฺโพ   ฯเปฯ   เอวรูโป  นิคโม  น
เสวิตพฺโพ   ฯเปฯ   เอวรูโป   นิคโม   เสวิตพฺโพ   ฯเปฯ   เอวรูปํ
นครํ    น    เสวิตพฺพํ   ฯเปฯ   เอวรูปํ   นครํ   เสวิตพฺพํ   ฯเปฯ
เอวรูโป    ชนปโท    น    เสวิตพฺโพ   ฯเปฯ   เอวรูโป   ชนปโท
เสวิตพฺโพ   ฯเปฯ   ปุคฺคลํปหํ   สารีปุตฺต  ทุวิเธน  วทามิ  เสวิตพฺพมฺปิ
อเสวิตพฺพมฺปีติ   อิติ   โข   ปเนตํ   วุตฺตํ   ภควตา   กิญฺเจตํ  ปฏิจฺจ
วุตฺตํ   ฯ  ยถารูปํ  ภนฺเต  ปุคฺคลํ  เสวโต  อกุสลา  ธมฺมา  อภิวฑฺฒนฺติ
กุสลา   ธมฺมา   ปริหายนฺติ   เอวรูโป   ปุคฺคโล   น   เสวิตพฺโพ  ฯ
ยถารูปญฺจ   โข   ภนฺเต   ปุคฺคลํ  เสวโต  อกุสลา  ธมฺมา  ปริหายนฺติ
กุสลา    ธมฺมา    อภิวฑฺฒนฺติ    เอวรูโป   ปุคฺคโล   เสวิตพฺโพ   ฯ
ปุคฺคลํปหํ    สารีปุตฺต   ทุวิเธน   วทามิ   เสวิตพฺพมฺปิ   อเสวิตพฺพมฺปีติ
อิติ   ยนฺตํ   วุตฺตํ   ภควตา   อิทเมตํ   ปฏิจฺจ   วุตฺตนฺติ   ฯ  อิมสฺส
โข  อหํ  ภนฺเต  ๑-  สงฺขิตฺเตน  ภาสิตสฺส  วิตฺถาเรน  อตฺถํ อวิภตฺตสฺส
เอวํ วิตฺถาเรน อตฺถํ อาชานามีติ ฯ
     [๒๓๒]   สาธุ  สาธุ  สารีปุตฺต  สาธุ  โข  ตฺวํ  สารีปุตฺต  อิมสฺส
มยา    สงฺขิตฺเตน   ภาสิตสฺส   วิตฺถาเรน   อตฺถํ   อวิภตฺตสฺส   เอวํ
วิตฺถาเรน   อตฺถํ   อาชานาสิ   ฯ  จีวรํปหํ  สารีปุตฺต  ทุวิเธน  วทามิ
เสวิตพฺพมฺปิ   อเสวิตพฺพมฺปีติ   อิติ   โข   ปเนตํ  วุตฺตํ  มยา  กิญฺเจตํ
@เชิงอรรถ: ๑ ม. ยุ. ภควตา ฯ
ปฏิจฺจ วุตฺตํ ฯ
     {๒๓๒.๑}   ยถารูปํ   สารีปุตฺต   จีวรํ  เสวโต  อกุสลา  ธมฺมา
อภิวฑฺฒนฺติ   กุสลา  ธมฺมา  ปริหายนฺติ  เอวรูปํ  จีวรํ  น  เสวิตพฺพํ  ฯ
ยถารูปญฺจ   โข   สารีปุตฺต  จีวรํ  เสวโต  อกุสลา  ธมฺมา  ปริหายนฺติ
กุสลา   ธมฺมา   อภิวฑฺฒนฺติ   เอวรูปํ   จีวรํ   เสวิตพฺพํ   ฯ  จีวรํปหํ
สารีปุตฺต   ทุวิเธน   วทามิ   เสวิตพฺพมฺปิ   อเสวิตพฺพมฺปีติ   อิติ  ยนฺตํ
วุตฺตํ   มยา   อิทเมตํ   ปฏิจฺจ   วุตฺตํ   ฯเปฯ   เอวรูโป  ปิณฺฑปาโต
น  เสวิตพฺโพ  ฯเปฯ  เอวรูโป  ปิณฺฑปาโต  เสวิตพฺโพ  ฯเปฯ  เอวรูปํ
เสนาสนํ   น   เสวิตพฺพํ   ฯเปฯ  เอวรูปํ  เสนาสนํ  เสวิตพฺพํ  ฯเปฯ
เอวรูโป  คาโม  น  เสวิตพฺโพ  ฯเปฯ เอวรูโป คาโม เสวิตพฺโพ ฯเปฯ
เอวรูโป  นิคโม  น  เสวิตพฺโพ  ฯเปฯ เอวรูโป นิคโม เสวิตพฺโพ ฯเปฯ
เอวรูโป  ชนปโท  น เสวิตพฺโพ ฯเปฯ เอวรูโป ชนปโท เสวิตพฺโพ ฯเปฯ
ปุคฺคลํปหํ    สารีปุตฺต   ทุวิเธน   วทามิ   เสวิตพฺพมฺปิ   อเสวิตพฺพมฺปีติ
อิติ โข ปเนตํ วุตฺตํ มยา กิญฺเจตํ ปฏิจฺจ วุตฺตํ ฯ
     {๒๓๒.๒}   ยถารูปํ   สารีปุตฺต  ปุคฺคลํ  เสวโต  อกุสลา  ธมฺมา
อภิวฑฺฒนฺติ  กุสลา  ธมฺมา  ปริหายนฺติ  เอวรูโป  ปุคฺคโล น เสวิตพฺโพ ฯ
ยถารูปญฺจ   โข  สารีปุตฺต  ปุคฺคลํ  เสวโต  อกุสลา  ธมฺมา  ปริหายนฺติ
กุสลา   ธมฺมา  อภิวฑฺฒนฺติ  เอวรูโป  ปุคฺคโล  เสวิตพฺโพ  ฯ  ปุคฺคลํปหํ
สารีปุตฺต   ทุวิเธน   วทามิ   เสวิตพฺพมฺปิ   อเสวิตพฺพมฺปีติ   อิติ  ยนฺตํ
วุตฺตํ   มยา   อิทเมตํ   ปฏิจฺจ   วุตฺตํ   ฯ   อิมสฺส   โข   สารีปุตฺต
มยา สงฺขิตฺเตน ภาสิตสฺส เอวํ วิตฺถาเรน อตฺโถ ทฏฺพฺโพ ฯ
     [๒๓๓]   สพฺเพปิ  เจ  สารีปุตฺต  ขตฺติยา  อิมสฺส  มยา สงฺขิตฺเตน
ภาสิตสฺส  เอวํ  วิตฺถาเรน  อตฺถํ อาชาเนยฺยุํ สพฺเพสานํปสฺส ๑- ขตฺติยานํ
ทีฆรตฺตํ   หิตาย   สุขาย  ฯ  สพฺเพปิ  เจ  สารีปุตฺต  พฺราหฺมณา  ...
สพฺเพปิ   เจ  สารีปุตฺต  เวสฺสา  ...  สพฺเพปิ  เจ  สารีปุตฺต  สุทฺทา
อิมสฺส  มยา  สงฺขิตฺเตน  ภาสิตสฺส  เอวํ  วิตฺถาเรน  อตฺถํ  อาชาเนยฺยุํ
สพฺเพสานํปสฺส   สุทฺทานํ   ทีฆรตฺตํ   หิตาย  สุขาย  ฯ  สเทวโก  เจปิ
สารีปุตฺต    โลโก    สมารโก    สพฺรหฺมโก   สสฺสมณพฺราหฺมณี   ปชา
สเทวมนุสฺสา   อิมสฺส   มยา   สงฺขิตฺเตน   ภาสิตสฺส  เอวํ  วิตฺถาเรน
อตฺถํ   อาชาเนยฺย   สเทวกสฺสปสฺส   โลกสฺส   สมารกสฺส  สพฺรหฺมกสฺส
สสฺสมณพฺราหฺมณิยา     ปชาย     สเทวมนุสฺสาย     ทีฆรตฺตํ    หิตาย
สุขายาติ ฯ
     อิทมโวจ    ภควา   อตฺตมโน   อายสฺมา   สารีปุตฺโต   ภควโต
ภาสิตํ อภินนฺทีติ ฯ
              เสวิตพฺพาเสวิตพฺพสุตฺตํ นิฏฺิตํ จตุตฺถํ ฯ
                      ----------
@เชิงอรรถ: ๑ ม. สพฺเพสานมฺปิสฺส ฯ

             เนื้อความพระไตรปิฎกฉบับภาษาบาลี อักษรไทย เล่มที่ ๑๔ หน้าที่ ๑๔๕-๑๖๕.
https://84000.org/tipitaka/read/pali_read.php?B=14&A=2874&w=&modeTY=1
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=14&A=2874&modeTY=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=14&item=198&items=36
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=14&siri=14
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=14&i=198
             อ่านอรรถกถาภาษาบาลีอักษรไทย :-
https://84000.org/tipitaka/atthapali/read_th.php?B=10&A=1751
             The Pali Atthakatha in Roman :-
https://84000.org/tipitaka/atthapali/read_rm.php?B=10&A=1751
             สารบัญพระไตรปิฎกเล่มที่ ๑๔
https://84000.org/tipitaka/read/?index_14
https://84000.org/tipitaka/english/?index_14