พระไตรปิฎกเล่มที่ ๑๔ ภาษาบาลี อักษรไทย
 พระสุตตันตปิฎกเล่มที่ ๖ สุตฺต. ม. อุปริปณฺณาสกํ

                      สฬายตนวคฺโค
                        ------
                    อนาถปิณฺฑิโกวาทสุตฺตํ
     [๗๒๐]   เอวมฺเม   สุตํ   เอกํ  สมยํ  ภควา  สาวตฺถิยํ  วิหรติ
เชตวเน   อนาถปิณฺฑิกสฺส   อาราเม   ฯ   เตน   โข   ปน  สมเยน
อนาถปิณฺฑิโก   คหปติ   อาพาธิโก   โหติ   ทุกฺขิโต   พาฬฺหคิลาโน  ฯ
อถ   โข   อนาถปิณฺฑิโก   คหปติ   อญฺตรํ   ปุริสํ   อามนฺเตสิ  เอหิ
ตฺวํ   โภ   ๑-   ปุริส   เยน  ภควา  เตนุปสงฺกม  อุปสงฺกมิตฺวา  มม
วจเนน  ภควโต  ปาเท  สิรสา  วนฺทาหิ  เอวญฺจ  วเทหิ  อนาถปิณฺฑิโก
ภนฺเต     คหปติ     อาพาธิโก     ทุกฺขิโต     พาฬฺหคิลาโน    โส
ภควโต    ปาเท    สิรสา    วนฺทตีติ   เยน   จายสฺมา   สารีปุตฺโต
เตนุปสงฺกม    อุปสงฺกมิตฺวา   มม   วจเนน   อายสฺมโต   สารีปุตฺตสฺส
ปาเท   สิรสา   วนฺทาหิ  เอวญฺจ  วเทหิ  อนาถปิณฺฑิโก  ภนฺเต  คหปติ
อาพาธิโก    ทุกฺขิโต    พาฬฺหคิลาโน   โส   อายสฺมโต   สารีปุตฺตสฺส
ปาเท   สิรสา   วนฺทตีติ  เอวญฺจ  วเทหิ  สาธุ  กิร  ภนฺเต  อายสฺมา
สารีปุตฺโต   เยน   อนาถปิณฺฑิกสฺส   คหปติสฺส   นิเวสนํ   เตนุปสงฺกมตุ
อนุกมฺปํ    อุปาทายาติ    ฯ    เอวมฺภนฺเตติ    โข    โส    ปุริโส
อนาถปิณฺฑิกสฺส    คหปติสฺส    ปฏิสฺสุตฺวา   เยน   ภควา   เตนุปสงฺกมิ
อุปสงฺกมิตฺวา ภควนฺตํ อภิวาเทตฺวา เอกมนฺตํ นิสีทิ ฯ
@เชิงอรรถ: ๑ ม. ยุ. อมฺโภ ฯ
     [๗๒๑]   เอกมนฺตํ  นิสินฺโน  โข  โส  ปุริโส  ภควนฺตํ  เอตทโวจ
อนาถปิณฺฑิโก    ภนฺเต    คหปติ   อาพาธิโก   ทุกฺขิโต   พาฬฺหคิลาโน
โส   ภควโต   ปาเท   สิรสา   วนฺทตีติ   เยน  จายสฺมา  สารีปุตฺโต
เตนุปสงฺกมิ    อุปสงฺกมิตฺวา    อายสฺมนฺตํ    สารีปุตฺตํ    อภิวาเทตฺวา
เอกมนฺตํ   นิสีทิ   ฯ   เอกมนฺตํ  นิสินฺโน  โข  โส  ปุริโส  อายสฺมนฺตํ
สารีปุตฺตํ    เอตทโวจ    อนาถปิณฺฑิโก    ภนฺเต   คหปติ   อาพาธิโก
ทุกฺขิโต   พาฬฺหคิลาโน   โส   อายสฺมโต   สารีปุตฺตสฺส  ปาเท  สิรสา
วนฺทติ   เอวญฺจ   วเทติ   สาธุ   กิร   ภนฺเต   อายสฺมา  สารีปุตฺโต
เยน    อนาถปิณฺฑิกสฺส    คหปติสฺส   นิเวสนํ   เตนุปสงฺกมตุ   อนุกมฺปํ
อุปาทายาติ   ฯ  อธิวาเสสิ  โข  อายสฺมา  สารีปุตฺโต  ตุณฺหีภาเวน  ฯ
อถ  โข  อายสฺมา  สารีปุตฺโต  นิวาเสตฺวา  ปตฺตจีวรํ อาทาย อายสฺมตา
อานนฺเทน   ปจฺฉาสมเณน   เยน   อนาถปิณฺฑิกสฺส   คหปติสฺส   นิเวสนํ
เตนุปสงฺกมิ อุปสงฺกมิตฺวา ปญฺตฺเต อาสเน นิสีทิ ฯ
     [๗๒๒]   นิสชฺช   โข  อายสฺมา  สารีปุตฺโต  อนาถปิณฺฑิกํ  คหปตึ
เอตทโวจ  กจฺจิ  เต  คหปติ  ขมนียํ  กจฺจิ  ยาปนียํ  กจฺจิ [๑]- ทุกฺขา
เวทนา    ปฏิกฺกมนฺติ   โน   อภิกฺกมนฺติ   ปฏิกฺกโม   สานํ   ปญฺายติ
โน  อภิกฺกโมติ  ฯ  น  เม  ภนฺเต  สารีปุตฺต  ขมนียํ น ยาปนียํ พาฬฺหา
เม   ทุกฺขา   เวทนา   อภิกฺกมนฺติ   โน   ปฏิกฺกมนฺติ  อภิกฺกโม  สานํ
ปญฺายติ โน ปฏิกฺกโมติ ฯ
     [๗๒๓]   เสยฺยถาปิ   ภนฺเต   สารีปุตฺต  พลวา  ปุริโส  ติเณฺหน
@เชิงอรรถ: ๑ ม. เอตฺถนฺตเร เตติ ทิสฺสติ ฯ
สิขเรน  มุทฺธานํ  ๑-  อภิมตฺเถยฺย  เอวเมว  โข  เม  ภนฺเต สารีปุตฺต
อธิมตฺตา  วาตา  มุทฺธานํ  ๑-  โอหนนฺติ  ๒-  น  เม  ภนฺเต สารีปุตฺต
ขมนียํ   น   ยาปนียํ   พาฬฺหา   เม  ทุกฺขา  เวทนา  อภิกฺกมนฺติ  โน
ปฏิกฺกมนฺติ อภิกฺกโม สานํ ปญฺายติ โน ปฏิกฺกโมติ ฯ
     [๗๒๔]   เสยฺยถาปิ   ภนฺเต   สารีปุตฺต  พลวา  ปุริโส  ทเฬฺหน
วรตฺตกฺขณฺเฑน   สีเส   สีสเวฏฺนํ  ทเทยฺย  เอวเมว  โข  เม  ภนฺเต
สารีปุตฺต   อธิมตฺตา   วาตา   สีสํ  ปริกนฺตนฺติ  น  เม  ภนฺเต  ขมนียํ
น   ยาปนียํ  พาฬฺหา  เม  ทุกฺขา  เวทนา  อภิกฺกมนฺติ  โน  ปฏิกฺกมนฺติ
อภิกฺกโม สานํ ปญฺายติ โน ปฏิกฺกโมติ ฯ
     [๗๒๕]   เสยฺยถาปิ   ภนฺเต   สารีปุตฺต  ทกฺโข  โคฆาตโก  วา
โคฆาตกนฺเตวาสี    วา   ติเณฺหน   โควิกนฺตเนน   กุจฺฉึ   ปริกนฺเตยฺย
เอวเมว  โข  เม  ภนฺเต  สารีปุตฺต  อธิมตฺตา  วาตา  กุจฺฉึ ปริกนฺตนฺติ
น  เม  ภนฺเต  สารีปุตฺต  ขมนียํ  น  ยาปนียํ พาฬฺหา เม ทุกฺขา เวทนา
อภิกฺกมนฺติ    โน    ปฏิกฺกมนฺติ    อภิกฺกโม    สานํ   ปญฺายติ   โน
ปฏิกฺกโมติ ฯ
     [๗๒๖]   เสยฺยถาปิ   ภนฺเต   สารีปุตฺต  เทฺว  พลวนฺโต  ปุริสา
ทุพฺพลตรํ      ปุริสํ     นานาพาหาสุ     คเหตฺวา     องฺคารกาสุยา
สนฺตาเปยฺยุํ   สมฺปริตาเปยฺยุํ   เอวเมว   โข   เม   ภนฺเต  สารีปุตฺต
อธิมตฺโต   กายสฺมึ   ฑาโห   น   เม   ภนฺเต   สารีปุตฺต  ขมนียํ  น
ยาปนียํ   พาฬฺหา   เม   ทุกฺขา   เวทนา  อภิกฺกมนฺติ  โน  ปฏิกฺกมนฺติ
@เชิงอรรถ: ๑-๒ ม. มุทฺธนิ อูหนนฺติ ฯ
อภิกฺกโม สานํ ปญฺายติ โน ปฏิกฺกโมติ ฯ
     [๗๒๗]   ตสฺมาติห   เต   คหปติ   เอวํ   สิกฺขิตพฺพํ   น  จกฺขุํ
อุปาทิยิสฺสามิ   น   จ   เม   จกฺขุนิสฺสิตํ   วิญฺาณํ  ภวิสฺสตีติ  เอวญฺหิ
เต   คหปติ   สิกฺขิตพฺพํ   ฯ   ตสฺมาติห   เต  คหปติ  เอวํ  สิกฺขิตพฺพํ
น   โสตํ   อุปาทิยิสฺสามิ   น   จ  เม  โสตนิสฺสิตํ  วิญฺาณํ  ภวิสฺสตีติ
เอวญฺหิ   เต   คหปติ   สิกฺขิตพฺพํ   ฯ   ตสฺมาติห   เต  คหปติ  เอวํ
สิกฺขิตพฺพํ    น    ฆานํ    อุปาทิยิสฺสามิ    น   จ   เม   ฆานนิสฺสิตํ
วิญฺาณํ   ภวิสฺสตีติ   เอวญฺหิ   เต   คหปติ   สิกฺขิตพฺพํ   ฯ  ตสฺมาติห
เต   คหปติ   เอวํ   สิกฺขิตพฺพํ   น   ชิวฺหํ  อุปาทิยิสฺสามิ  น  จ  เม
ชิวฺหานิสฺสิตํ   วิญฺาณํ   ภวิสฺสตีติ   เอวญฺหิ   เต  คหปติ  สิกฺขิตพฺพํ  ฯ
ตสฺมาติห   เต   คหปติ   เอวํ   สิกฺขิตพฺพํ   น   กายํ   อุปาทิยิสฺสามิ
น   จ   เม   กายนิสฺสิตํ   วิญฺาณํ   ภวิสฺสตีติ   เอวญฺหิ  เต  คหปติ
สิกฺขิตพฺพํ   ฯ   ตสฺมาติห   เต   คหปติ   เอวํ   สิกฺขิตพฺพํ   น   มนํ
อุปาทิยิสฺสามิ   น   จ   เม   มโนนิสฺสิตํ   วิญฺาณํ  ภวิสฺสตีติ  เอวญฺหิ
เต คหปติ สิกฺขิตพฺพํ ฯ
     [๗๒๘]   ตสฺมาติห   เต   คหปติ   เอวํ   สิกฺขิตพฺพํ   น   รูปํ
อุปาทิยิสฺสามิ   น   จ   เม   รูปนิสฺสิตํ   วิญฺาณํ   ภวิสฺสตีติ  เอวญฺหิ
เต   คหปติ   สิกฺขิตพฺพํ   ฯ   ตสฺมาติห   เต  คหปติ  เอวํ  สิกฺขิตพฺพํ
น   สทฺทํ   อุปาทิยิสฺสามิ  ...  น  คนฺธํ  อุปาทิยิสฺสามิ  ...  น  รสํ
อุปาทิยิสฺสามิ  ...  น  โผฏฺพฺพํ อุปาทิยิสฺสามิ ... น ธมฺมํ อุปาทิยิสฺสามิ
น   จ   เม   ธมฺมนิสฺสิตํ   วิญฺาณํ   ภวิสฺสตีติ   เอวญฺหิ  เต  คหปติ
สิกฺขิตพฺพํ ฯ
     [๗๒๙]   ตสฺมาติห  เต  คหปติ  เอวํ  สิกฺขิตพฺพํ  น  จกฺขุวิญฺาณํ
อุปาทิยิสฺสามิ    น   จ   เม   จกฺขุวิญฺาณนิสฺสิตํ   วิญฺาณํ   ภวิสฺสตีติ
เอวญฺหิ   เต   คหปติ   สิกฺขิตพฺพํ   ฯ   ตสฺมาติห   เต  คหปติ  เอวํ
สิกฺขิตพฺพํ    น   โสตวิญฺาณํ   อุปาทิยิสฺสามิ   ...   น   ฆานวิญฺาณํ
อุปาทิยิสฺสามิ  ...  น  ชิวฺหาวิญฺาณํ  อุปาทิยิสฺสามิ  ... น กายวิญฺาณํ
อุปาทิยิสฺสามิ     ...     น     มโนวิญฺาณํ     อุปาทิยิสฺสามิ    น
จ    เม    มโนวิญฺาณนิสฺสิตํ    วิญฺาณํ    ภวิสฺสตีติ   เอวญฺหิ   เต
คหปติ สิกฺขิตพฺพํ ฯ
     [๗๓๐]   ตสฺมาติห  เต  คหปติ  เอวํ  สิกฺขิตพฺพํ  น  จกฺขุสมฺผสฺสํ
อุปาทิยิสฺสามิ    น   จ   เม   จกฺขุสมฺผสฺสนิสฺสิตํ   วิญฺาณํ   ภวิสฺสตีติ
เอวญฺหิ   เต   คหปติ   สิกฺขิตพฺพํ   ฯ   ตสฺมาติห   เต  คหปติ  เอวํ
สิกฺขิตพฺพํ    น   โสตสมฺผสฺสํ   อุปาทิยิสฺสามิ   ...   น   ฆานสมฺผสฺสํ
อุปาทิยิสฺสามิ  ...  น  ชิวฺหาสมฺผสฺสํ  อุปาทิยิสฺสามิ  ... น กายสมฺผสฺสํ
อุปาทิยิสฺสามิ   ...   น   มโนสมฺผสฺสํ   อุปาทิยิสฺสามิ   น   จ   เม
มโนสมฺผสฺสนิสฺสิตํ     วิญฺาณํ    ภวิสฺสตีติ    เอวญฺหิ    เต    คหปติ
สิกฺขิตพฺพํ ฯ
     [๗๓๑]   ตสฺมาติห  เต  คหปติ  เอวํ  สิกฺขิตพฺพํ  น  จกฺขุสมฺผสฺสชํ
เวทนํ    อุปาทิยิสฺสามิ    น    จ    เม    จกฺขุสมฺผสฺสชเวทนานิสฺสิตํ
วิญฺาณํ   ภวิสฺสตีติ   เอวญฺหิ   เต   คหปติ   สิกฺขิตพฺพํ   ฯ  ตสฺมาติห
เต     คหปติ     เอวํ    สิกฺขิตพฺพํ    น    โสตสมฺผสฺสชํ    เวทนํ
อุปาทิยิสฺสามิ   ...   น  ฆานสมฺผสฺสชํ  เวทนํ  อุปาทิยิสฺสามิ  ...  น
ชิวฺหาสมฺผสฺสชํ   เวทนํ   อุปาทิยิสฺสามิ   ...  น  กายสมฺผสฺสชํ  เวทนํ
อุปาทิยิสฺสามิ   ...   น   มโนสมฺผสฺสชํ   เวทนํ  อุปาทิยิสฺสามิ  น  จ
เม     มโนสมฺผสฺสชเวทนานิสฺสิตํ     วิญฺาณํ     ภวิสฺสตีติ    เอวญฺหิ
เต คหปติ สิกฺขิตพฺพํ ฯ
     [๗๓๒]   ตสฺมาติห   เต   คหปติ  เอวํ  สิกฺขิตพฺพํ  น  ปวีธาตุํ
อุปาทิยิสฺสามิ    น    จ    เม   ปวีธาตุนิสฺสิตํ   วิญฺาณํ   ภวิสฺสตีติ
เอวญฺหิ   เต   คหปติ   สิกฺขิตพฺพํ   ฯ   ตสฺมาติห   เต  คหปติ  เอวํ
สิกฺขิตพฺพํ  น อาโปธาตุํ อุปาทิยิสฺสามิ ... น เตโชธาตุํ อุปาทิยิสฺสามิ ...
น  วาโยธาตุํ  อุปาทิยิสฺสามิ  ...  น  อากาสธาตุํ  อุปาทิยิสฺสามิ  ...
น    วิญฺาณธาตุํ    อุปาทิยิสฺสามิ    น   จ   เม   วิญฺาณธาตุนิสฺสิตํ
วิญฺาณํ ภวิสฺสตีติ เอวญฺหิ เต คหปติ สิกฺขิตพฺพํ ฯ
     [๗๓๓]   ตสฺมาติห   เต   คหปติ   เอวํ   สิกฺขิตพฺพํ   น   รูปํ
อุปาทิยิสฺสามิ   น   จ   เม   รูปนิสฺสิตํ   วิญฺาณํ   ภวิสฺสตีติ  เอวญฺหิ
เต   คหปติ   สิกฺขิตพฺพํ  ฯ  ตสฺมาติห  เต  คหปติ  เอวํ  สิกฺขิตพฺพํ  น
เวทนํ  อุปาทิยิสฺสามิ  ...  น  สญฺ  อุปาทิยิสฺสามิ  ...  น  สงฺขาเร
อุปาทิยิสฺสามิ  ...  น  วิญฺาณํ  อุปาทิยิสฺสามิ  น  จ  เม วิญฺาณนิสฺสิตํ
วิญฺาณํ ภวิสฺสตีติ เอวญฺหิ เต คหปติ สิกฺขิตพฺพํ ฯ
     [๗๓๔]   ตสฺมาติห  เต  คหปติ เอวํ สิกฺขิตพฺพํ น อากาสานญฺจายตนํ
อุปาทิยิสฺสามิ       น      จ      เม      อากาสานญฺจายตนนิสฺสิตํ
วิญฺาณํ   ภวิสฺสตีติ   เอวญฺหิ  เต  คหปติ  สิกฺขิตพฺพํ  ฯ  ตสฺมาติห  เต
คหปติ   เอวํ   สิกฺขิตพฺพํ   น   วิญฺาณญฺจายตนํ   อุปาทิยิสฺสามิ   ...
น   อากิญฺจญฺายตนํ   อุปาทิยิสฺสามิ   ...   น  เนวสญฺานาสญฺายตนํ
อุปาทิยิสฺสามิ    น    จ   เม   เนวสญฺานาสญฺายตนนิสฺสิตํ   วิญฺาณํ
ภวิสฺสตีติ เอวญฺหิ เต คหปติ สิกฺขิตพฺพํ ฯ
     [๗๓๕]   ตสฺมาติห   เต   คหปติ   เอวํ  สิกฺขิตพฺพํ  น  อิธโลกํ
อุปาทิยิสฺสามิ    น    จ    เม    อิธโลกนิสฺสิตํ   วิญฺาณํ   ภวิสฺสตีติ
เอวญฺหิ   เต   คหปติ   สิกฺขิตพฺพํ   ฯ   ตสฺมาติห   เต  คหปติ  เอวํ
สิกฺขิตพฺพํ   น   ปรโลกํ   อุปาทิยิสฺสามิ   น   จ   เม   ปรโลกนิสฺสิตํ
วิญฺาณํ ภวิสฺสตีติ เอวญฺหิ เต คหปติ สิกฺขิตพฺพํ ฯ
     [๗๓๖]   ตสฺมาติห  เต  คหปติ  เอวํ  สิกฺขิตพฺพํ ยมฺปิ ๑- เม ทิฏฺ
สุตํ   มุตํ   วิญฺาตํ  [๒]-  ปริเยสิตํ  อนุวิจริตํ  ๓-  มนสา  ตมฺปิ  น
อุปาทิยิสฺสามิ     น    จ    เม    ตนฺนิสฺสิตํ    วิญฺาณํ    ภวิสฺสตีติ
เอวญฺหิ เต คหปติ สิกฺขิตพฺพนฺติ ฯ
     [๗๓๗]   เอวํ   วุตฺเต   อนาถปิณฺฑิโก   คหปติ   ปโรทิ  อสฺสูนิ
ปวตฺเตสิ   ฯ   อถ   โข   อายสฺมา   อานนฺโท   อนาถปิณฺฑิกํ  คหปตึ
เอตทโวจ  โอเลยฺยาสิ  ๔-  โข  ตฺวํ คหปติ สํสีทิ ๕- โข ตฺวํ คหปตีติ ฯ
นาหํ  ภนฺเต  อานนฺท  โอเลยฺยามิ ๖- น [๗]- สํสีทามิ อปิจ เม ทีฆรตฺตํ
สตฺถา   ปยิรุปาสิโต   มโนภาวนียา  จ  ภิกฺขู  น  [๘]-  เม  เอวรูปี
@เชิงอรรถ: ๑ ยุ. ยมฺปิทํ ฯ ๒-๓ ม. เอตฺถนฺตเร ปตฺตํ อนุจริตนฺติ ทิสฺสนฺติ ฯ
@๔ โป. ม. ยุ. โอลิยสิ ฯ ๕ ม. สํสีทสิ ฯ ๖ ม. โอลิยามิ ฯ
@๗ ม. เอตฺถนฺตเร ปิสทฺโท อตฺถิ ฯ  ๘ ม. จสทฺโท อตฺถิ ฯ
ธมฺมิกถา   สุตปุพฺพาติ   ฯ   น   โข   คหปติ   คิหีนํ   โอทาตวสนานํ
เอวรูปี  ธมฺมิกถา  ปฏิภาติ  ปพฺพชิตานํ  [๑]-  คหปติ  เอวรูปี ธมฺมิกถา
ปฏิภาตีติ   ฯ  เตนหิ  ภนฺเต  สารีปุตฺต  คิหีนํปิ  โอทาตวสนานํ  เอวรูปี
ธมฺมิกถา   ปฏิภาตุ   สนฺติ   หิ   ภนฺเต   กุลปุตฺตา   อปฺปรชกฺขชาติกา
อสฺสวนตา   ธมฺมสฺส   ปริหายนฺติ   ภวิสฺสนฺติ  ธมฺมสฺส  อญฺาตาโรติ  ฯ
อถ  โข  อายสฺมา  จ  สารีปุตฺโต  อายสฺมา  จ  อานนฺโท  อนาถปิณฺฑิกํ
คหปตึ อิมินา โอวาเทน โอวทิตฺวา อุฏฺายาสนา ปกฺกมึสุ ฯ
     [๗๓๘]   อถ  โข  อนาถปิณฺฑิโก  คหปติ  อจิรปกฺกนฺเต อายสฺมนฺเต
จ  สารีปุตฺเต  อายสฺมนฺเต  จ  อานนฺเท  [๒]-  กาลมกาสิ  ตุสิตํ กายํ
อุปปชฺชีติ    ฯ    อถ   โข   อนาถปิณฺฑิโก   เทวปุตฺโต   อภิกฺกนฺตาย
รตฺติยา    อภิกฺกนฺตวณฺโณ   เกวลกปฺป   เชตวนํ   โอภาเสตฺวา   เยน
ภควา   เตนุปสงฺกมิ   อุปสงฺกมิตฺวา   ภควนฺตํ   อภิวาเทตฺวา  เอกมนฺตํ
อฏฺาสิ   ฯ   เอกมนฺตํ   ิโต  โข  อนาถปิณฺฑิโก  เทวปุตฺโต  ภควนฺตํ
คาถาหิ อชฺฌภาสิ
          อิทํ หิตํ เชตวนํ                  อิสิสงฺฆนิเสวิตํ
          อาวุตฺถํ ธมฺมราเชน            ปีติสญฺชนนํ มม
          กมฺมํ วิชฺชา จ ธมฺมา ๓- จ  สีลํ ชีวิตมุตฺตมํ
          เอเตน มจฺจา สุชฺฌนฺติ       น โคตฺเตน น ธเนน วา
          ตสฺมา หิ ปณฺฑิโต โปโส   สมฺปสฺสํ อตฺถมตฺตโน
          โยนิโส วิจิเน ธมฺมํ            เอวํ ตตฺถ วิสุชฺฌติ
@เชิงอรรถ: ๑ ม. ยุ. โขสทฺโท อตฺถิ ฯ  ๒ ยุ. กายสฺส เภทา ปรมฺมรณา ตุสิตํ กายํ อุปปชฺชีติ ฯ
@๓ โป. ม. ยุ. ธมฺโม ฯ
          สารีปุตฺโตว ปญฺาย         สีเลน อุปสเมน จ
          โย หิ ๑- ปารคโต ภิกฺขุ     เอตาวปรโม สิยาติ ฯ
อิทมโวจ   อนาถปิณฺฑิโก   เทวปุตฺโต   ฯ  สมนุญฺโ  สตฺถา  อโหสิ  ฯ
อถ    โข    อนาถปิณฺฑิโก    เทวปุตฺโต    สมนุญฺโ   เม   สตฺถาติ
ภควนฺตํ อภิวาเทตฺวา ปทกฺขิณํ กตฺวา ตตฺเถวนฺตรธายิ ฯ
     [๗๓๙]   อถ   โข   ภควา   ตสฺสา   รตฺติยา  อจฺจเยน  ภิกฺขู
อามนฺเตสิ   อิมํ   ภิกฺขเว   รตฺตึ   อญฺตโร   เทวปุตฺโต  อภิกฺกนฺตาย
รตฺติยา   อภิกฺกนฺตวณฺโณ   เกวลกปฺปํ   เชตวนํ   โอภาเสตฺวา  เยนาหํ
เตนุปสงฺกมิ   อุปสงฺกมิตฺวา   มํ   อภิวาเทตฺวา   เอกมนฺตํ  อฏฺาสิ  ฯ
เอกมนฺตํ ิโต โข โส เทวปุตฺโต มํ อิมาหิ คาถาหิ อชฺฌภาสิ
          อิทํ หิตํ เชตวนํ                  อิสสงฺฆนิเสวิตํ
          อาวุตฺถํ ธมฺมราเชน            ปีติสญฺชนนํ มม
          กมฺมํ วิชฺชา จ ธมฺมา ๒- จ  สีลํ ชีวิตมุตฺตมํ
          เอเตน มจฺจา สุชฺฌนฺติ       น โคตฺเตน น ธเนน วา
          ตสฺมา หิ ปณฺฑิโต โปโส   สมฺปสฺสํ อตฺถมตฺตโน
          โยนิโส วิจิเน ธมฺมํ            เอวํ ตตฺถ วิสุชฺฌติ
          สารีปุตฺโตว ปญฺาย         สีเลน อุปสเมน จ
          โย หิ ๓- ปารคโต ภิกฺขุ     เอตาวปรโม สิยาติ ฯ
อิทมโวจ   ภิกฺขเว   โส   เทวปุตฺโต   สมนุญฺโ   เม   สตฺถาติ   มํ
อภิวาเทตฺวา ปทกฺขิณํ กตฺวา ตตฺเถวนฺตรธายีติ ฯ
@เชิงอรรถ: ๑-๓ โป. ม. ปิ ฯ  ๒ โป. ม. ยุ. ธมฺโม ฯ
     [๗๔๐]   เอวํ   วุตฺเต  อายสฺมา  อานนฺโท  ภควนฺตํ  เอตทโวจ
โส    หิ    นูน   โส   ภนฺเต   อนาถปิณฺฑิโก   เทวปุตฺโต   ภวิสฺสติ
อนาถปิณฺฑิโก      ภนฺเต      คหปติ      อายสฺมนฺเต     สารีปุตฺเต
อภิปฺปสนฺโน  ๑-  อโหสีติ  ฯ  สาธุ  สาธุ  อานนฺท  ยาวตกํ โข อานนฺท
ตกฺกาย  ปตฺตพฺพํ  อนุปฺปตฺตํ [๒]- ตยา อนาถปิณฺฑิโก โส [๓]- เทวปุตฺโต
นญฺโติ ๔- ฯ
     อิทมโวจ    ภควา    อตฺตมโน   อายสฺมา   อานนฺโท   ภควโต
ภาสิตํ อภินนฺทีติ ฯ
               อนาถปิณฺฑิโกวาทสุตฺตํ นิฏฺิตํ ปมํ ฯ
                       --------
@เชิงอรรถ: ๑ สี. ยุ. อเวจฺจปฺปสนฺโน ฯ ๒ โป. ม. เอตฺถนฺตเร ตนฺติ ทิสฺสติ ฯ
@๓ ม. ยุ. เอตถนฺตเร อานนฺทาติ อตฺถิ ฯ ๔ โป. ม. นญฺโติ น ทิสฺสติ ฯ

             เนื้อความพระไตรปิฎกฉบับภาษาบาลี อักษรไทย เล่มที่ ๑๔ หน้าที่ ๔๖๔-๔๗๓.
https://84000.org/tipitaka/read/pali_read.php?B=14&A=9280&w=&modeTY=1
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=14&A=9280&modeTY=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=14&item=720&items=21
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=14&siri=43
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=14&i=720
             อ่านอรรถกถาภาษาบาลีอักษรไทย :-
https://84000.org/tipitaka/atthapali/read_th.php?B=10&A=5954
             The Pali Atthakatha in Roman :-
https://84000.org/tipitaka/atthapali/read_rm.php?B=10&A=5954
             สารบัญพระไตรปิฎกเล่มที่ ๑๔
https://84000.org/tipitaka/read/?index_14
https://84000.org/tipitaka/english/?index_14