ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๑๗ ภาษาบาลี อักษรไทย พระสุตตันตปิฎกเล่มที่ ๙ สุตฺต. สํ. ขนฺธวารวคฺโค

     [๑๕๘]   สาวตฺถี  ฯ  ตตฺร  โข  ฯ  เย หิ เกจิ ภิกฺขเว สมณา วา
พฺราหฺมณา   วา   อเนกวิหิตํ   ปุพฺเพนิวาสํ   อนุสฺสรมานา   อนุสฺสรนฺติ
สพฺเพ   เต   ปญฺจุปาทานกฺขนฺเธ  อนุสฺสรนฺติ  เอเตสํ  วา  อญฺตรํ  ฯ
กตเม   ปญฺจ   ฯ   เอวํรูโป   อโหสึ   อตีตมทฺธานนฺติ   อิติ  วา  หิ
ภิกฺขเว   อนุสฺสรมาโน   รูปญฺเว   อนุสฺสรติ   ฯ  เอวํเวทโน  อโหสึ
อตีตมทฺธานนฺติ   อิติ   วา   หิ   ภิกฺขเว   อนุสฺสรมาโน   เวทนญฺเว
อนุสฺสรติ   ฯ   เอวํสญฺโ   อโหสึ   อตีตมทฺธานนฺติ   ฯ  เอวํสงฺขาโร
อโหสึ    อตีตมทฺธานนฺติ    ฯ   เอวํวิญฺาโณ   อโหสึ   อตีตมทฺธานนฺติ
อิติ วา หิ ภิกฺขเว อนุสฺสรมาโน วิญฺาณญฺเว อนุสฺสรติ ฯ
     [๑๕๙]   กิญฺจ  ๑-  ภิกฺขเว รูปํ วเทถ ฯ รุปฺปตีติ โข ภิกฺขเว ตสฺมา
รูปนฺติ   วุจฺจติ  ฯ  เกน  รุปฺปติ  ฯ  สีเตนปิ  รุปฺปติ  อุณฺเหนปิ  รุปฺปติ
ชิฆจฺฉายปิ     รุปฺปติ    ปิปาสายปิ    รุปฺปติ    ฑํสมกสวาตาตปสิรีสป-
สมฺผสฺเสนปิ รุปฺปติ ฯ รุปฺปตีติ โข ภิกฺขเว ตสฺมา รูปนฺติ วุจฺจติ ฯ
    กิญฺจ  ภิกฺขเว  เวทนํ  วเทถ  ฯ  เวทยตีติ  ๒- โข ภิกฺขเว ตสฺมา
เวทนาติ  วุจฺจติ  ฯ  กิญฺจ  เวทยติ  ๓-  ฯ สุขํปิ เวทยติ ทุกฺขํปิ เวทยติ
อทุกฺขมสุขํปิ เวทยติ ฯ เวทยตีติ โข ภิกฺขเว ตสฺมา เวทนาติ วุจฺจติ ฯ
    กิญฺจ   ภิกฺขเว   สญฺ  วเทถ  ฯ  สญฺชานาตีติ  ๔-  โข  ภิกฺขเว
@เชิงอรรถ:  โป. กิญฺจิ ฯ สพฺพตฺถ อีทิสเมว ฯ   ยุ. เวทิยนฺตีติ ฯ   ยุ. เวทิยติ ฯ
@ โป. ปชานาตีติ ฯ
ตสฺมา   สญฺาติ   วุจฺจติ   ฯ   กิญฺจ  สญฺชานาติ  ฯ  นีลํปิ  สญฺชานาติ
ปีตกํปิ   สญฺชานาติ   โลหิตกํปิ   สญฺชานาติ   โอทาตํปิ   สญฺชานาติ  ฯ
สญฺชานาตีติ โข ภิกฺขเว ตสฺมา สญฺาติ วุจฺจติ ฯ
    กิญฺจ  ภิกฺขเว  สงฺขาเร  วเทถ ฯ สงฺขตํ อภิสงฺขโรนฺตีติ โข ภิกฺขเว
ตสฺมา   สงฺขาราติ   วุจฺจนฺติ   ฯ  กิญฺจ  สงฺขตํ  อภิสงฺขโรนฺติ  ฯ  รูปํ
รูปตฺตาย    สงฺขตํ    อภิสงฺขโรนฺติ    เวทนํ    เวทนตฺตาย    สงฺขตํ
อภิสงฺขโรนฺติ    สญฺ    สญฺตฺตาย   สงฺขตํ   อภิสงฺขโรนฺติ   สงฺขาเร
สงฺขารตฺตาย     สงฺขตํ     อภิสงฺขโรนฺติ     วิญฺาณํ    วิญฺาณตฺตาย
สงฺขตํ   อภิสงฺขโรนฺติ   ฯ  สงฺขตํ  อภิสงฺขโรนฺตีติ  โข  ภิกฺขเว  ตสฺมา
สงฺขาราติ วุจฺจนฺติ ฯ
    กิญฺจิ   ภิกฺขเว   วิญฺาณํ   วเทถ   ฯ   วิชานาตีติ  โข  ภิกฺขเว
ตสฺมา   วิญฺาณนฺติ   วุจฺจติ   ฯ   กิญฺจ   วิชานนฺติ   ๑-  ฯ  อมฺพิลํปิ
วิชานาติ   ติตฺตกํปิ   วิชานาติ   กฏุกํปิ   วิชานาติ   มธุรํปิ   วิชานาติ
ขาริกํปิ   วิชานาติ   อขาริกํปิ   วิชานาติ  โลณิกํปิ  วิชานาติ  อโลณิกํปิ
วิชานาติ ฯ วิชานาตีติ โข ภิกฺขเว ตสฺมา วิญฺาณนฺติ วุจฺจติ ฯ
     [๑๖๐]   ตตฺร   ภิกฺขเว   สุตวา   อริยสาวโก  อิติ  ปฏิสญฺจิกฺขติ
อหํ   โข   เอตรหิ   รูเปน   ขชฺชามิ   อตีตํปาหํ   อทฺธานํ  เอวเมว
รูเปน   ขชฺชึ   เสยฺยถาปิ   เอตรหิ   ปจฺจุปฺปนฺเนน   รูเปน   ขชฺชามิ
อหญฺเจว   โข   ปน   อนาคตํ  รูปํ  อภินนฺเทยฺยํ  อนาคตํปาหํ  อทฺธานํ
เอวเมว    รูเปน    ขชฺเชยฺยํ    เสยฺยถาปิ   เอตรหิ   ปจฺจุปฺปนฺเนน
รูเปน   ขชฺชามีติ  ฯ  โส  อิติ  ปฏิสงฺขาย  อตีตสฺมึ  รูปสฺมึ  อนเปกฺโข
@เชิงอรรถ:  โป. ยุ. วิชานาติ ฯ
โหติ    อนาคตํ   รูปํ   นาภินนฺทติ   ปจฺจุปฺปนฺนสฺส   รูปสฺส   นิพฺพิทาย
วิราคาย นิโรธาย ปฏิปนฺโน โหติ ฯ
     {๑๖๐.๑}   อหํ  โข  เอตรหิ  เวทนาย  ขชฺชามิ อตีตํปาหํ อทฺธานํ
เอวเมว   เวทนาย  ขชฺชึ  เสยฺยถาปิ  เอตรหิ  ปจฺจุปฺปนฺนาย  เวทนาย
ขชฺชามิ   อหญฺเจว  โข  ปน  อนาคตํ  เวทนํ  อภินนฺเทยฺยํ  อนาคตํปาหํ
อทฺธานํ  เอวเมว  เวทนาย  ขชฺเชยฺยํ  เสยฺยถาปิ  เอตรหิ ปจฺจุปฺปนฺนาย
เวทนาย  ขชฺชามีติ  ฯ  โส  อิติ  ปฏิสงฺขาย อตีตาย เวทนาย อนเปกฺโข
โหติ   อนาคตํ   เวทนํ   นาภินนฺทติ  ปจฺจุปฺปนฺนาย  เวทนาย  นิพฺพิทาย
วิราคาย นิโรธาย ปฏิปนฺโน โหติ ฯ
     {๑๖๐.๒}   อหํ  โข  เอตรหิ  สญฺาย  ขชฺชามิ ฯ อหํ โข เอตรหิ
สงฺขาเรหิ   ขชฺชามิ   อตีตํปาหํ   อทฺธานํ   เอวเมว  สงฺขาเรหิ  ขชฺชึ
เสยฺยถาปิ   เอตรหิ   ปจฺจุปฺปนฺเนหิ  สงฺขาเรหิ  ขชฺชามิ  อหญฺเจว  โข
ปน   อนาคเต   สงฺขาเร  อภินนฺเทยฺยํ  อนาคตํปาหํ  อทฺธานํ  เอวเมว
สงฺขาเรหิ   ขชฺเชยฺยํ   เสยฺยถาปิ   เอตรหิ   ปจฺจุปฺปนฺเนหิ  สงฺขาเรหิ
ขชฺชามีติ  ฯ  โส  อิติ  ปฏิสงฺขาย  อตีเตสุ  สงฺขาเรสุ  อนเปกฺโข โหติ
อนาคเต   สงฺขาเร   นาภินนฺทติ   ปจฺจุปฺปนฺนานํ   สงฺขารานํ  นิพฺพิทาย
วิราคาย นิโรธาย ปฏิปนฺโน โหติ ฯ
     {๑๖๐.๓}   อหํ  โข  เอตรหิ  วิญฺาเณน ขชฺชามิ อตีตํปาหํ อทฺธานํ
เอวเมว    วิญฺาเณน    ขชฺชึ    เสยฺยถาปิ   เอตรหิ   ปจฺจุปฺปนฺเนน
วิญฺาเณน    ขชฺชามิ    อหญฺเจว    โข    ปน    อนาคตํ   วิญฺาณํ
อภินนฺเทยฺยํ   อนาคตํปาหํ   อทฺธานํ   เอวเมว   วิญฺาเณน   ขชฺเชยฺยํ
เสยฺยถาปิ   เอตรหิ   ปจฺจุปฺปนฺเนน   วิญฺาเณน   ขชฺชามีติ   ฯ   โส
อิติ   ปฏิสงฺขาย   อตีตสฺมึปิ   วิญฺาณสฺมึ   อนเปกฺโข   โหติ   อนาคตํ
วิญฺาณํ      นาภินนฺทติ     ปจฺจุปฺปนฺนสฺส     วิญฺาณสฺส     นิพฺพิทาย
วิราคาย นิโรธาย ปฏิปนฺโน โหติ ฯ
     [๑๖๑]   ตํ  กึ  มญฺถ  ภิกฺขเว  รูปํ  นิจฺจํ  วา  อนิจฺจํ  วาติ  ฯ
อนิจฺจํ   ภนฺเต   ฯ  ยํ  ปนานิจฺจํ  ทุกฺขํ  วา  ตํ  สุขํ  วาติ  ฯ  ทุกฺขํ
ภนฺเต   ฯ  ยํ  ปนานิจฺจํ  ทุกฺขํ  วิปริณามธมฺมํ  กลฺลํ  นุ  ตํ  สมนุปสฺสิตุํ
เอตํ  มม  เอโสหมสฺมิ  เอโส  เม  อตฺตาติ  ฯ  โน เหตํ ๑- ภนฺเต ฯ
เวทนา   ฯ   สญฺา   ฯ   สงฺขารา   ฯ  วิญฺาณํ  นิจฺจํ  วา  อนิจฺจํ
วาติ  ฯ  อนิจฺจํ  ภนฺเต  ฯ  ยํ  ปนานิจฺจํ  ทุกฺขํ  วา  ตํ  สุขํ  วาติ ฯ
ทุกฺขํ   ภนฺเต   ฯ   ยํ   ปนานิจฺจํ   ทุกฺขํ  วิปริณามธมฺมํ  กลฺลํ  นุ  ตํ
สมนุปสฺสิตุํ   เอตํ   มม   เอโสหมสฺมิ   เอโส   เม  อตฺตาติ  ฯ  โน
เหตํ ภนฺเต ฯ
     [๑๖๒]   ตสฺมา  ติห  ภิกฺขเว  ยงฺกิญฺจิ  รูปํ  อตีตานาคตปจฺจุปฺปนฺนํ
อชฺฌตฺตํ    วา    พหิทฺธา   วา   โอฬาริกํ   วา   สุขุมํ   วา   หีนํ
วา   ปณีตํ  วา  ยํ  ทูเร  [๒]-  สนฺติเก  วา  สพฺพํ  รูปํ  เนตํ  มม
เนโสหมสฺมิ   น   เมโส   อตฺตาติ   เอวเมตํ   ยถาภูตํ  สมฺมปฺปญฺาย
ทฏฺพฺพํ   ฯ  ยา  กาจิ  เวทนา  ฯ  ยา  กาจิ  สญฺา  ฯ  เย  เกจิ
สงฺขารา    ฯ    ยงฺกิญฺจิ    วิญฺาณํ    อตีตานาคตปจฺจุปฺปนฺนํ   ฯเปฯ
ยํ   ทูเร   สนฺติเก   วา   สพฺพํ   วิญฺาณํ   เนตํ   มม  เนโสหมสฺมิ
@เชิงอรรถ:  ยุ. โน เอตํ ภนฺเต ฯ   โป. เอตฺถนฺตเร วาสทฺโท ทิสฺสติ ฯ
น   เมโส   อตฺตาติ   เอวเมตํ   ยถาภูตํ   สมฺมปฺปญฺาย  ทฏฺพฺพํ  ฯ
อยํ   วุจฺจติ   ภิกฺขเว   อริยสาวโก   อปจินาติ  โน  อาจินาติ  ปชหติ
น ๑- อุปาทิยติ วิสิเนติ น ๒- อุสฺสิเนติ วิธูเปติ น สนฺธูเปติ ฯ
     [๑๖๓]   กิญฺจ   อปจินาติ  โน  อาจินาติ  ฯ  รูปํ  อปจินาติ  โน
อาจินาติ   ฯ   เวทนํ   ฯ  สญฺ  ฯ  สงฺขาเร  ฯ  วิญฺาณํ  อปจินาติ
โน   อาจินาติ   ฯ   กิญฺจ   ปชหติ  น  อุปาทิยติ  ฯ  รูปํ  ปชหติ  น
อุปาทิยติ   ฯ   เวทนํ   ฯ   สญฺ   ฯ  สงฺขาเร  ฯ  วิญฺาณํ  ปชหติ
น   อุปาทิยติ   ฯ   กิญฺจ  วิสิเนติ  น  อุสฺสิเนติ  ฯ  รูปํ  วิสิเนติ  น
อุสฺสิเนติ   ฯ   เวทนํ   ฯ   สญฺ  ฯ  สงฺขาเร  ฯ  วิญฺาณํ  วิสิเนติ
น   อุสฺสิเนติ   ฯ   กิญฺจ  วิธูเปติ  น  สนฺธูเปติ  ฯ  รูปํ  วิธูเปติ  น
สนฺธูเปติ   ฯ   เวทนํ   ฯ   สญฺ  ฯ  สงฺขาเร  ฯ  วิญฺาณํ  วิธูเปติ
น   สนฺธูเปติ   ฯ   เอวํ  ปสฺสํ  ภิกฺขเว  สุตวา  อริยสาวโก  รูปสฺมึปิ
นิพฺพินฺทติ   เวทนายปิ   ฯ   สญฺายปิ  ฯ  สงฺขาเรสุปิ  ฯ  วิญฺาณสฺมึปิ
นิพฺพินฺทติ    นิพฺพินฺทํ    วิรชฺชติ    วิราคา    วิมุจฺจติ   ฯ   วิมุตฺตสฺมึ
วิมุตฺตมิติ   าณํ   โหติ  ฯ  ขีณา  ชาติ  วุสิตํ  พฺรหฺมจริยํ  กตํ  กรณียํ
นาปรํ   อิตฺถตฺตายาติ   ปชานาติ  ฯ  อยํ  วุจฺจติ  ภิกฺขเว  ภิกฺขุ  เนว
อาจินาติ   น   อปจินาติ  อปจินิตฺวา  ิโต  เนว  ปชหติ  น  อุปาทิยติ
ปชหิตฺวา   ิโต   เนว  วิสิเนติ  น  อุสฺสิเนติ  วิสิเนตฺวา  ิโต  เนว
วิธูเปติ น สนฺธูเปติ วิธูเปตฺวา ิโต ฯ
     [๑๖๔]   กิญฺจ  เนว  อาจินาติ  น  อปจินาติ  อปจินิตฺวา  ิโต  ฯ
@เชิงอรรถ: ๑-๒ ยุ. โน ฯ
รูปํ   เนว   อาจินาติ   น  อปจินาติ  อปจินิตฺวา  ิโต  ฯ  เวทนํ  ฯ
สญฺ   ฯ   สงฺขาเร   ฯ   วิญฺาณํ   เนว   อาจินาติ   น  อปจินาติ
อปจินิตฺวา   ิโต   ฯ   กิญฺจ   เนว   ปชหติ  น  อุปาทิยติ  ปชหิตฺวา
ิโต  ฯ  รูปํ  เนว  ปชหติ  น  อุปาทิยติ  ปชหิตฺวา  ิโต  ฯ เวทนํ ฯ
สญฺ    ฯ   สงฺขาเร   ฯ   วิญฺาณํ   เนว   ปชหติ   น   อุปาทิยติ
ปชหิตฺวา   ิโต   ฯ   กิญฺจ   เนว  วิสิเนติ  น  อุสฺสิเนติ  วิสิเนตฺวา
ิโต  ฯ  รูเป  ๑- เนว วิสิเนติ น อุสฺสิเนติ วิสิเนตฺวา ิโต ฯ เวทนํ ฯ
สญฺ  ฯ  สงฺขาเร  ฯ  วิญฺาณํ  เนว  วิสิเนติ  น  อุสฺสิเนติ วิสิเนตฺวา
ิโต  ฯ  กิญฺจ  เนว  วิธูเปติ  น  สนฺธูเปติ  วิธูเปตฺวา  ิโต  ฯ  รูปํ
เนว  วิธูเปติ  น  สนฺธูเปติ  วิธูเปตฺวา  ิโต  ฯ  เวทนํ  ฯ  สญฺ  ฯ
สงฺขาเร   ฯ   วิญฺาณํ   เนว   วิธูเปติ   น   สนฺธูเปติ   วิธูเปตฺวา
ิโต   ฯ   เอวํ   วิมุตฺตจิตฺตํ   โข   ภิกฺขเว   ภิกฺขุํ  สอินฺทา  เทวา
สพฺรหฺมกา สปชาปติกา อารกาว นมสฺสนฺติ
         นโม เต ปุริสาชญฺ         นโม เต ปุริสุตฺตม
         ยสฺส เต นาภิชานาม         ยมฺปิ นิสฺสาย ฌายสีติ ฯ


             เนื้อความพระไตรปิฎกฉบับภาษาบาลี อักษรไทย เล่มที่ ๑๗ หน้าที่ ๑๐๕-๑๑๐. https://84000.org/tipitaka/read/pali_read.php?B=17&A=2112&w=&modeTY=1              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=17&A=2112&modeTY=1              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=17&item=158&items=7              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=17&siri=79              ศึกษาอรรถกถานี้ได้ที่ :- https://84000.org/tipitaka/attha/attha.php?b=17&i=158              อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=12&A=6992              The Pali Atthakatha in Roman :- https://84000.org/tipitaka/atthapali/read_rm.php?B=12&A=6992              สารบัญพระไตรปิฎกเล่มที่ ๑๗ https://84000.org/tipitaka/read/?index_17 https://84000.org/tipitaka/english/?index_17

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]