บาลีพระไตรปิฎกเล่มที่ ๑๘ - พระสุตตันตปิฎกเล่มที่ ๑๐

     [๒๓๘]   สเจ   โว   ภิกฺขเว   อญฺติตฺถิยา  ปริพฺพาชกา  เอวํ
ปุจฺเฉยฺยุํ   กิมตฺถิยํ   อาวุโส   สมเณ  โคตเม  พฺรหฺมจริยํ  วุสฺสตีติ  ฯ
เอวํ   ปุฏฺา   ตุเมฺห   ภิกฺขเว   เตสํ   อญฺติตฺถิยานํ   ปริพฺพาชกานํ
เอวํ    พฺยากเรยฺยาถ    ทุกฺขสฺส   โข   อาวุโส   ปริญฺาย   ภควติ
พฺรหฺมจริยํ    วุสฺสตีติ   ฯ   สเจ   ปน   โว   ภิกฺขเว   อญฺติตฺถิยา
ปริพฺพาชกา    เอวํ   ปุจฺเฉยฺยุํ   กตมํ   ปน   อาวุโส   ทุกฺขํ   ยสฺส
ปริญฺาย   สมเณ   โคตเม   พฺรหฺมจริยํ   วุสฺสตีติ   ฯ   เอวํ  ปุฏฺา
ตุเมฺห     ภิกฺขเว     เตสํ    อญฺติตฺถิยานํ    ปริพฺพาชกานํ    เอวํ
พฺยากเรยฺยาถ
     {๒๓๘.๑}   จกฺขุํ   โข   อาวุโส  ทุกฺขํ  ตสฺส  ปริญฺาย  ภควติ
พฺรหฺมจริยํ    วุสฺสติ    รูปา    ทุกฺขา    เตสํ    ปริญฺาย    ภควติ
พฺรหฺมจริยํ     วุสฺสติ     จกฺขุวิญฺาณํ     ทุกฺขํ     ตสฺส    ปริญฺาย
ภควติ   พฺรหฺมจริยํ   วุสฺสติ   จกฺขุสมฺผสฺโส   ทุกฺโข   ตสฺส   ปริญฺาย
ภควติ    พฺรหฺมจริยํ    วุสฺสติ   ยมฺปิทํ   จกฺขุสมฺผสฺสปจฺจยา   อุปฺปชฺชติ
เวทยิตํ   สุขํ   วา   ทุกฺขํ   วา   อทุกฺขมสุขํ  วา  ตมฺปิ  ทุกฺขํ  ตสฺส
ปริญฺาย   ภควติ   พฺรหฺมจริยํ   วุสฺสติ   ฯเปฯ   ชิวฺหา  ทุกฺขา  มโน
ทุกฺโข    ตสฺส    ปริญฺาย    ภควติ    พฺรหฺมจริยํ    วุสฺสติ   ฯเปฯ
ยมฺปิทํ   มโนสมฺผสฺสปจฺจยา   อุปฺปชฺชติ   เวทยิตํ   สุขํ  วา  ทุกฺขํ  วา
@เชิงอรรถ: ^๑ ยุ. วุจฺจติ ฯ
อทุกฺขมสุขํ   วา   ตมฺปิ   ทุกฺขํ   ตสฺส   ปริญฺาย   ภควติ  พฺรหฺมจริยํ
วุสฺสติ  ฯ  อิทํ  โข  อาวุโส  ทุกฺขสฺส  ^๑-  ปริญฺาย  ภควติ พฺรหฺมจริยํ
วุสฺสตีติ   ฯ   เอวํ   ปุฏฺา   ตุเมฺห   ภิกฺขเว   เตสํ   อญฺติตฺถิยานํ
ปริพฺพาชกานํ เอวํ พฺยากเรยฺยาถาติ ฯ สตฺตมํ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๑๘ หน้าที่ ๑๗๒-๑๗๓. https://84000.org/tipitaka/read/pali_read.php?B=18&A=3492&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=18&A=3492&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=18&item=238&items=1 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=18&siri=130 ศึกษาอรรถกถานี้ได้ที่ :- https://84000.org/tipitaka/attha/attha.php?b=18&i=238 สารบัญพระไตรปิฎกเล่มที่ ๑๘ https://84000.org/tipitaka/read/?index_18 https://84000.org/tipitaka/english/?index_18