บาลีพระไตรปิฎกเล่มที่ ๑๘ - พระสุตตันตปิฎกเล่มที่ ๑๐

     [๓๓๙]   อถ   โข   อญฺตโร   ภิกฺขุ   เยน   อญฺตโร  ภิกฺขุ
เตนุปสงฺกิ   อุปสงฺกมิตฺวา   ตํ   ภิกฺขุํ   เอตทโวจ  กิตฺตาวตา  นุ  โข
อาวุโส   ภิกฺขุโน   ทสฺสนํ   สุวิสุทฺธํ   โหตีติ   ฯ  ยโต  โข  อาวุโส
ภิกฺขุ     ฉนฺนํ    ผสฺสายตนานํ    สมุทยญฺจ    อตฺถงฺคมญฺจ    ยถาภูตํ
ปชานาติ    เอตฺตาวตา    โข   อาวุโส   ภิกฺขุโน   ทสฺสนํ   สุวิสุทฺธํ
โหตีติ ฯ อถ โข โส ภิกฺขุ อสนฺตุฏฺโ ตสฺส ภิกฺขุสฺส ปญฺหาเวยฺยากรเณน ^๑-
เยน    อญฺตโร    ภิกฺขุ    เตนุปสงฺกมิ    อุปสงฺกมิตฺวา   ตํ   ภิกฺขุํ
เอตทโวจ   กิตฺตาวตา   นุ   โข   อาวุโส   ภิกฺขุโน  ทสฺสนํ  สุวิสุทฺธํ
โหตีติ   ฯ   ยโต   โข   อาวุโส   ภิกฺขุ   ปญฺจนฺนํ  อุปาทานกฺขนฺธานํ
สมุทยญฺจ      อตฺถงฺคมญฺจ      ยถาภูตํ     ปชานาติ     เอตฺตาวตา
โข  อาวุโส  ภิกฺขุโน  ทสฺสนํ  สุวิสุทฺธํ  โหตีติ  ฯ  อถ  โข  โส  ภิกฺขุ
อสนฺตุฏฺโ    ตสฺส    ภิกฺขุสฺส   ปญฺหาเวยฺยากรเณน   เยน   อญฺตโร
ภิกฺขุ   เตนุปสงฺกมิ   อุปสงฺกมิตฺวา   ตํ   ภิกฺขุํ   เอตทโวจ  กิตฺตาวตา
นุ  โข  อาวุโส  ภิกฺขุโน  ทสฺสนํ  สุวิสุทฺธํ  โหตีติ  ฯ  ยโต โข อาวุโส
ภิกฺขุ     จตุนฺนํ     มหาภูตานํ    สมุทยญฺจ    อตฺถงฺคมญฺจ    ยถาภูตํ
ปชานาติ    เอตฺตาวตา    โข   อาวุโส   ภิกฺขุโน   ทสฺสนํ   สุวิสุทฺธํ
โหตีติ    ฯ    อถ   โข   โส   ภิกฺขุ   อสนฺตุฏฺโ   ตสฺส   ภิกฺขุสฺส
ปญฺหาเวยฺยากรเณน      เยน     อญฺตโร     ภิกฺขุ     เตนุปสงฺกมิ
อุปสงฺกมิตฺวา  ตํ  ภิกฺขุํ  เอตทโวจ  กิตฺตาวตา  นุ  โข  อาวุโส ภิกฺขุโน
ทสฺสนํ  สุวิสุทฺธํ  โหตีติ  ฯ  ยโต  โข  อาวุโส  ภิกฺขุ ยงฺกิญฺจิ สมุทยธมฺมํ
@เชิงอรรถ: ^๑ ม. ปญฺหเวยฺยากรเณน ฯ ยุ. ปญฺหวฺยากรเณน ฯ เอวมุปริปิ ฯ
สพฺพนฺตํ   นิโรธธมฺมนฺติ   ยถาภูตํ   ปชานาติ  เอตฺตาวตา  โข  อาวุโส
ภิกฺขุโน ทสฺสนํ สุวิสุทฺธํ โหตีติ ฯ
     [๓๔๐]   อถ  โข  โส  ภิกฺขุ  อสนฺตุฏฺโ  ตสฺส  ภิกฺขุสฺส  ปญฺหา-
เวยฺยากรเณน   เยน   ภควา   เตนุปสงฺกมิ   อุปสงฺกมิตฺวา   ภควนฺตํ
อภิวาเทตฺวา   เอกมนฺตํ   นิสีทิ  ฯ  เอกมนฺตํ  นิสินฺโน  โข  โส  ภิกฺขุ
ภควนฺตํ   เอตทโวจ   อิธาหํ   ภนฺเต   เยนญฺตโร  ภิกฺขุ  เตนุปสงฺกมึ
อุปสงฺกมิตฺวา   ตํ   ภิกฺขุํ   เอตทโวจํ   กิตฺตาวตา   นุ   โข  อาวุโส
ภิกฺขุโน   ทสฺสนํ   สุวิสุทฺธํ  โหตีติ  ฯ  เอวํ  วุตฺเต  ภนฺเต  โส  ภิกฺขุ
มํ   เอตทโวจ   ยโต   โข   อาวุโส  ภิกฺขุ  ^๑-  ฉนฺนํ  ผสฺสายตนานํ
สมุทยญฺจ   อตฺถงฺคมญฺจ   ยถาภูตํ   ปชานาติ   เอตฺตาวตา  ^[๒]-  โข
อาวุโส   ภิกฺขุโน   ทสฺสนํ   สุวิสุทฺธํ  โหติ  ^๓-  ฯ  อถ  โขหํ  ภนฺเต
อสนฺตุฏฺโ      ตสฺส      ภิกฺขุสฺส      ปญฺหาเวยฺยากรเณน     เยน
อญฺตโร   ภิกฺขุ   เตนุปสงฺกมึ   อุปสงฺกมิตฺวา   ตํ   ภิกฺขุํ   เอตทโวจํ
กิตฺตาวตา   นุ   โข   อาวุโส   ภิกฺขุโน   ทสฺสนํ  สุวิสุทฺธํ  โหตีติ  ฯ
เอวํ  วุตฺเต  ภนฺเต  โส  ภิกฺขุ  มํ  เอตทโวจ  ยโต  โข อาวุโส ภิกฺขุ
ปญฺจนฺนํ    อุปาทานกฺขนฺธานํ    ฯเปฯ   จตุนฺนํ   มหาภูตานํ   สมุทยญฺจ
อตฺถงฺคมญฺจ    ยถาภูตํ    ปชานาติ    ฯเปฯ    ยงฺกิญฺจิ    สมุทยธมฺมํ
สพฺพนฺตํ   นิโรธธมฺมนฺติ   ยถาภูตํ   ปชานาติ  เอตฺตาวตา  โข  อาวุโส
ภิกฺขุโน  ทสฺสนํ  สุวิสุทฺธํ  โหตีติ  ฯ  อถ  โขหํ  ภนฺเต  อสนฺตุฏฺโ ตสฺส
ภิกฺขุสฺส    ปญฺหาเวยฺยากรเณน    เยน   ภควา   เตนุปสงฺกมึ   ฯเปฯ
@เชิงอรรถ: ^๑ ยุ. อยํ ปาโ นตฺถิ ฯ ^๒ ยุ. นุ ... ฯ  ^๓ ม. ยุ. โหตีติ ฯ
กิตฺตาวตา นุ โข ภนฺเต ภิกฺขุโน ทสฺสนํ สุวิสุทฺธํ โหตีติ ฯ
     [๓๔๑]   เสยฺยถาปิ  ภิกฺขุ  ปุริสสฺส  กึสุโก  อทิฏฺปุพฺโพ  อสฺส  ฯ
โส  เยนญฺตโร  ปุริโส  กึสุกสฺส  ทสฺสาวี  เตนุปสงฺกเมยฺย อุปสงฺกมิตฺวา
ตํ  ปุริสํ  เอวํ  วเทยฺย  กีทิโส  โภ  ปุริส  กึสุโกติ ฯ โส เอวํ วเทยฺย
กาฬโก  โข  อมฺโภ  ปุริส  กึสุโก  เสยฺยถาปิ ฌามขาณูติ ฯ เตน โข ปน
ภิกฺขุ  สมเยน  ตาทิโสวสฺส  กึสุโก  ยถา  ^๑-  ตสฺส  ปุริสสฺส  ทสฺสนํ ฯ
อถ  โข  โส  ภิกฺขุ  ปุริโส  อสนฺตุฏฺโ ตสฺส ปุริสสฺส ปญฺหาเวยฺยากรเณน
เยนญฺตโร   ปุริโส   กึสุกสฺส   ทสฺสาวี  เตนุปสงฺกเมยฺย  อุปสงฺกมิตฺวา
ตํ  ปุริสํ  เอวํ  วเทยฺย  กีทิโส  อมฺโภ ปุริส กึสุโกติ ฯ โส เอวํ วเทยฺย
โลหิตโก  โข  อมฺโภ  ปุริส  กึสุโก  เสยฺยถาปิ มํสเปสีติ ฯ เตน โข ปน
ภิกฺขุ   สมเยน   ตาทิโสวสฺส  กึสุโก  ยถาปิ  ตสฺส  ปุริสสฺส  ทสฺสนํ  ฯ
อถ  โข  โส  ภิกฺขุ  ปุริโส  อสนฺตุฏฺโ ตสฺส ปุริสสฺส ปณฺหาเวยฺยากรเณน
เยนญฺตโร   ปุริโส   กึสุกสฺส   ทสฺสาวี  เตนุปสงฺกเมยฺย  อุปสงฺกมิตฺวา
ตํ  ปุริสํ  เอวํ  วเทยฺย  กีทิโส  โภ  ปุริส  กึสุโกติ ฯ โส เอวํ วเทยฺย
โอจีรกชาโต    ^๒-    โข   อมฺโภ   ปุริส   กึสุโก   อาทิณฺณสิปาฏิโก
เสยฺยถาปิ    สิรีโสติ   ฯ  เตน  โข  ปน  ภิกฺขุ  สมเยน  ตาทิโสวสฺส
กึสุโก   ยถาปิ  ตสฺส  ปุริสสฺส  ทสฺสนํ  ฯ  อถ  โข  โส  ภิกฺขุ  ปุริโส
อสนฺตุฏโ     ตสฺส     ปุริสสฺส    ปญฺหาเวยฺยากรเณน    เยนญฺตโร
ปุริโส      กึสุกสฺส     ทสฺสาวี     เตนุปสงฺกเมยฺย     อุปสงฺกมิตฺวา
@เชิงอรรถ: ^๑ ม. ยุ. ยถาปิ ฯ   ^๒ ยุ. โอทีรกชาโต ฯ
ตํ   ปุริสํ   เอวํ   วเทยฺย  กีทิโส  โภ  ปุริส  กึสุโกติ  ฯ  โส  เอวํ
วเทยฺย   พหลปตฺตปลาโส   สณฺฑจฺฉาโย  ^๑-  โข  อมฺโภ  ปุริส  กึสุโก
เสยฺยถาปิ   นิโคฺรโธติ  ฯ  เตน  โข  ปน  ภิกฺขุ  สมเยน  ตาทิโสวสฺส
กึสุโก   ยถาปิ   ตสฺส  ปุริสสฺส  ทสฺสนํ  ฯ  เอวเมว  โข  ภิกฺขุ  ยถา
ยถา   อธิมุตฺตานํ   เตสํ   สปฺปุริสานํ   ทสฺสนํ   สุวิสุทฺธํ   โหติ   ^๒-
ตถา ตถา โข เฉเกหิ ^๓- สปฺปุริเสหิ พฺยากตํ ฯ
     [๓๔๒]   เสยฺยถาปิ   ภิกฺขุ   รญฺโ  ปจฺจนฺติมํ  นครํ  ทฬฺหํ  ^๔-
ปาการโตรณํ    ฉทฺวารํ    ตตฺรสฺส    โทวาริโก    ปณฺฑิโต   พฺยตฺโต
เมธาวี   อญฺาตานํ   นิวาเรตา   าตานํ   ปเวเสตา  ฯ  ปุรตฺถิมาย
ทิสาย  อาคนฺตฺวา  สีฆํ  ทูตยุคํ  ตํ  โทวาริกํ  เอวํ วเทยฺย กตฺถมฺโภ ^๕-
ปุริส  อิมสฺส  นครสฺส  นครสามีติ  ฯ  โส  เอวํ  วเทยฺย  เอโส ภนฺเต
มชฺเฌ  สิงฺฆาฏเก  นิสินฺโนติ  ฯ  อถ  โข  ตํ  สีฆํ  ทูตยุคํ  นครสามิสฺส
ยถาภูตํ   วจนํ   นียาเทตฺวา   ยถาคตมคฺคํ   ปฏิปชฺเชยฺย  ฯ  ปจฺฉิมาย
ทิสาย   อาคนฺตฺวา   สีฆํ   ทูตยุคํ   ฯเปฯ  อุตฺตราย  ทิสาย  ทกฺขิณาย
ทิสาย   อาคนฺตฺวา  สีฆํ  ทูตยุคํ  ตํ  โทวาริกํ  เอวํ  วเทยฺย  กตฺถมฺโภ
ปุริส   อิมสฺส   นครสฺส   นครสามีติ   ฯ   โส  เอวํ  วเทยฺย  เอโส
ภนฺเต   มชฺเฌ   สิงฺฆาฏเก   นิสินฺโนติ   ฯ  อถ  โข  ตํ  สีฆํ  ทูตยุคํ
นครสามิสฺส   ยถาภูตํ   วจนํ  นียาเทตฺวา  ยถาคตมคฺคํ  ปฏิปชฺเชยฺย  ฯ
อุปมา   โข   มฺยายํ   ภิกฺขุ   กตา  อตฺถสฺส  วิญฺาปนาย  อยญฺเจตฺถ
@เชิงอรรถ: ^๑ ม. สนฺทจฺฉาโย ฯ ^๒ ยุ. อยํ ปาโ นตฺถิ ฯ ^๓ สี. ม. ยุ. เตหิ ฯ
@^๔ ม. ทฬฺหุทฺธาปํ ฯ ยุ. ทฬฺหุทฺทาปํ ฯ ^๕ ม. กหํ โภ ฯ ยุ. กหมฺโภ ฯ เอวมุปริปิ ฯ
อตฺโถ   นครนฺติ   โข   ภิกฺขุ   อิมสฺเสตํ   จาตุมฺมหาภูติกสฺส   กายสฺส
อธิวจนํ           มาตาเปตฺติกสมฺภวสฺส          โอทนกุมฺมาสูปจยสฺส
นิจฺจุจฺฉาทนปริมทฺทนเภทนวิทฺธํสนธมฺมสฺส  ฯ ^๑- ฉทฺวาราติ โข ภิกฺขุ ฉนฺเนตํ
อชฺฌตฺติกานํ   อายตนานํ   อธิวจนํ   ฯ  โทวาริโกติ  โข  ภิกฺขุ  สติยา
เอตํ   อธิวจนํ   ฯ   สีฆํ   ทูตยุคนฺติ   โข   ภิกฺขุ  สมถวิปสฺสนานเมตํ
อธิวจนํ   ฯ   นครสามีติ  โข  ภิกฺขุ  วิญฺาณสฺเสตํ  อธิวจนํ  ฯ  มชฺเฌ
สิงฺฆาฏกาติ  ^๒-  โข  ภิกฺขุ  จตุนฺเนตํ  มหาภูตานํ  อธิวจนํ  ปวีธาตุยา
อาโปธาตุยา   เตโชธาตุยา   วาโยธาตุยา   ฯ  ยถาภูตํ  วจนนฺติ  โข
ภิกฺขุ   นิพฺพานสฺเสตํ  อธิวจนํ  ฯ  ยถาคตมคฺโคติ  โข  ภิกฺขุ  อริยสฺเสตํ
อฏฺงฺคิกสฺส   มคฺคสฺส   อธิวจนํ  ฯ  เสยฺยถีทํ  ฯ  สมฺมาทิฏฺิยา  ฯเปฯ
สมฺมาสมาธิสฺสาติ ฯ อฏฺมํ ฯ
เนื้อความพระไตรปิฎกฉบับภาษาบาลี อักษรไทย เล่มที่ ๑๘ หน้าที่ ๒๓๘-๒๔๒. https://84000.org/tipitaka/read/pali_read.php?B=18&A=4839&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=18&A=4839&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=18&item=339&items=4 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=18&siri=191 ศึกษาอรรถกถานี้ได้ที่ :- https://84000.org/tipitaka/attha/attha.php?b=18&i=339 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=13&A=2508 The Pali Atthakatha in Roman :- https://84000.org/tipitaka/atthapali/read_rm.php?B=13&A=2508 สารบัญพระไตรปิฎกเล่มที่ ๑๘ https://84000.org/tipitaka/read/?index_18 https://84000.org/tipitaka/english/?index_18