ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๑๘ ภาษาบาลี อักษรไทย พระสุตตันตปิฎกเล่มที่ ๑๐ สังยุตตนิกาย สฬายตนวรรค

     [๖๐๘]   เอกํ  สมยํ  ภควา  นาฬนฺทายํ  วิหรติ ปาวาริกมฺพวเน ฯ
อถ    โข    อสิพนฺธกปุตฺโต    คามณี   นิคณฺสาวโก   เยน   ภควา
เตนุปสงฺกมิ     อุปสงฺกมิตฺวา     ฯเปฯ    เอกมนฺตํ    นิสินฺนํ    โข
อสิพนฺธกปุตฺตํ   คามณึ  ภควา  เอตทโวจ  กถํ  นุ  โข  คามณิ  นิคณฺโ
นาฏปุตฺโต   สาวกานํ   ธมฺมํ  เทเสตีติ  ฯ  เอวํ  โข  ภนฺเต  นิคณฺโ
นาฏปุตฺโต   สาวกานํ   ธมฺมํ   เทเสติ  โยโกจิ  ปาณํ  อติมาเปติ  ๑-
สพฺโพ    โส    อาปายิโก    เนรยิโก    โยโกจิ   อทินฺนํ   อาทิยติ
สพฺโพ    โส   อาปายิโก   เนรยิโก   โยโกจิ   กาเมสุ   มิจฺฉาจรติ
สพฺโพ   โส   อาปายิโก   เนรยิโก   โยโกจิ   มุสา   ภณติ   สพฺโพ
โส   อาปายิโก   เนรยิโก   ยํ   พหุลํ  ยํ  พหุลํ  วิหรติ  เตน  เตน
นิยฺยตีติ   ฯ   เอวํ   โข  ภนฺเต  นิคณฺโ  นาฏปุตฺโต  สาวกานํ  ธมฺมํ
เทเสตีติ ฯ
     [๖๐๙]   ยํ   พหุลํ   ยํ   พหุลํ  จ  คามณิ  วิหรติ  เตน  เตน
นิยฺยตีติ   ฯ   เอวํ   สนฺเต   น  โกจิ  อาปายิโก  เนรยิโก  ภวิสฺสติ
ยถา   นิคณฺสฺส   นาฏปุตฺตสฺส   วจนํ   ฯ   ตํ   กึ   มญฺสิ   คามณิ
โย   โส   ปุริโส  ปาณาติปาตี  รตฺติยา  วา  ทิวสสฺส  วา  สมยาสมยํ
อุปาทาย   กตโม   พหุตโร  สมโย  ยํ  ๒-  โส  ปาณํ  อติมาเปติ  ยํ
วา  โส  ปาณํ  นาติมาเปตีติ  ฯ  โย  โส  ภนฺเต  ปุริโส  ปาณาติปาตี
รตฺติยา   วา   ทิวสสฺส   วา   สมยาสมยํ   อุปาทาย   อปฺปตโร  โส
สมโย   ยํ   โส   ปาณํ   อติมาเปติ   ฯ   อถ  โข  เสฺวว  พหุตโร
สมโย   ยํ   โส   ปาณํ   นาติมาเปตีติ   ฯ   ยํ  พหุลํ  ยํ  พหุลํ  จ
คามณิ   วิหรติ   เตน   เตน   นิยฺยตีติ   ฯ   เอวํ  สนฺเต  น  โกจิ
อาปายิโก เนรยิโก ภวิสฺสติ ยถา นิคณฺสฺส นาฏปุตฺตสฺส วจนํ ฯ
     [๖๑๐]   ตํ   กึ   มญฺสิ  คามณิ  โย  โส  ปุริโส  อทินฺนาทายี
@เชิงอรรถ:  ม. อติปาเตติ ฯ เอวมุปริปิ ฯ   ม. ยุ. ยํ วา ฯ เอวมุปริปิ ฯ
รตฺติยา   วา   ทิวสสฺส   วา   สมยาสมยํ   อุปาทาย  กตโม  พหุตโร
สมโย   ยํ   โส   อทินฺนํ  อาทิยติ  ยํ  วา  โส  อทินฺนํ  นาทิยตีติ  ฯ
โย   โส   ภนฺเต   ปุริโส   อทินฺนาทายี   รตฺติยา  วา  ทิวสสฺส  วา
สมยาสมยํ    อุปาทาย    อปฺปตโร   โส   สมโย   ยํ   โส   อทินฺนํ
อาทิยติ   ฯ   อถ   โข   เสฺวว   พหุตโร   สมโย   ยํ  โส  อทินฺนํ
นาทิยตีติ   ฯ   ยํ   พหุลํ   ยํ   พหุลํ  จ  คามณิ  วิหรติ  เตน  เตน
นิยฺยตีติ   ฯ   เอวํ   สนฺเต   น  โกจิ  อาปายิโก  เนรยิโก  ภวิสฺสติ
ยถา นิคณฺสฺส นาฏปุตฺตสฺส วจนํ ฯ
     [๖๑๑]   ตํ  กึ  มญฺสิ  คามณิ  โย  โส ปุริโส กาเมสุ มิจฺฉาจารี
รตฺติยา   วา   ทิวสสฺส   วา   สมยาสมยํ   อุปทาย   กตโม  พหุตโร
สมโย   ยํ   โส   กาเมสุ   มิจฺฉาจรติ  ยํ  วา  โส  กาเมสุ  มิจฺฉา
น   จรตีติ   ฯ  โย  โส  ภนฺเต  ปุริโส  กาเมสุ  มิจฺฉาจารี  รตฺติยา
วา   ทิวสสฺส   วา   สมยาสมยํ   อุปาทาย  อปฺปตโร  โส  สมโย  ยํ
โส   กาเมสุ   มิจฺฉาจรติ   ฯ   อถ  โข  เสฺวว  พหุตโร  สมโย  ยํ
โส   กาเมสุ   มิจฺฉา   น  จรตีติ  ฯ  ยํ  พหุลํ  ยํ  พหุลํ  จ  คามณิ
วิหรติ   เตน   เตน   นิยฺยตีติ  ฯ  เอวํ  สนฺเต  น  โกจิ  อาปายิโก
เนรยิโก ภวิสฺสติ ยถา นิคณฺสฺส นาฏปุตฺตสฺส วจนํ ฯ
     [๖๑๒]   ตํ  กึ  มญฺสิ  คามณิ  โย  โส  ปุริโส มุสาวาที รตฺติยา
วา   ทิวสสฺส   วา   สมยาสมยํ   อุปาทาย   กตโม   พหุตโร  สมโย
ยํ   โส   มุสา   ภณติ   ยํ  วา  โส  มุสา  น  ภณตีติ  ฯ  โย  โส
ภนฺเต   ปุริโส   มุสาวาที   รตฺติยา   วา   ทิวสสฺส   วา  สมยาสมยํ
อุปาทาย   อปฺปตโร   โส   สมโย  ยํ  โส  มุสา  ภณติ  ฯ  อถ  โข
เสฺวว   พหุตโร   สมโย   ยํ  โส  มุสา  น  ภณตีติ  ฯ  ยํ  พหุลํ  ยํ
พหุลํ  จ  คามณิ  วิหรติ  เตน  เตน  นิยฺยตีติ  ฯ  เอวํ  สนฺเต น โกจิ
อาปายิโก เนรยิโก ภวิสฺสติ ยถา นิคณฺสฺส นาฏปุตฺตสฺส วจนํ ฯ
     [๖๑๓]   อิธ  คามณิ  เอกจฺโจ  สตฺถา  เอวํวาที  โหติ  เอวํทิฏฺ
โย   โกจิ   ปาณมติมาเปติ   สพฺโพ   โส   อาปายิโก  เนรยิโก  โย
โกจิ   อทินฺนํ   อาทิยติ   สพฺโพ  โส  อาปายิโก  เนรยิโก  โย  โกจิ
กาเมสุ   มิจฺฉาจรติ   สพฺโพ   โส   อาปายิโก   เนรยิโก  โย  โกจิ
มุสา ภณติ สพฺโพ โส อาปายิโก เนรยิโกติ ฯ
     [๖๑๔]   ตสฺมึ   โข   ปน  คามณิ  สตฺถริ  สาวโก  อภิปฺปสนฺโน
โหติ   ตสฺส   เอวํ   โหติ   มยฺหํ   โข   สตฺถา  เอวํวาที  เอวํทิฏฺิ
โย   โกจิ   ปาณมติมาเปติ   สพฺโพ   โส   อาปายิโก  เนรยิโกติ  ฯ
อตฺถิ   โข   ปน   มยา   ปาโณ  อติมาปิโต  ๑-  อหํปมฺหิ  อาปายิโก
เนรยิโกติ   ทิฏฺึ   ปฏิลภติ   ตํ   คามณิ   วาจํ   อปฺปหาย  ตํ  จิตฺตํ
อปฺปหาย    ตํ    ทิฏฺึ   อปฺปฏินิสฺสชฺชิตฺวา   ยถาภตํ   ๒-   นิกฺขิตฺโต
เอวํ  นิรเย  ฯ  มยฺหํ  โข  สตฺถา  เอวํวาที  เอวํทิฏฺิ โย โกจิ อทินฺนํ
อาทิยติ   สพฺโพ   โส   อาปายิโก   เนรยิโกติ   ฯ   อตฺถิ  โข  ปน
มยา    อทินฺนํ    อาทินฺนํ    อหํปมฺหิ   อาปายิโก   เนรยิโกติ   ทิฏฺึ
ปฏิลภติ    ตํ   คามณิ   วาจํ   อปฺปหาย   ตํ   จิตฺตํ   อปฺปหาย   ตํ
@เชิงอรรถ:  ม. อติปาปิโต ฯ  ยุ. ยถาหตํ ฯ
ทิฏฺึ   อปฺปฏินิสฺสชฺชิตฺวา   ยถาภตํ   นิกฺขิตฺโต   เอวํ  นิรเย  ฯ  มยฺหํ
โข   สตฺถา   เอวํวาที   เอวํทิฏฺิ   โย   โกจิ   กาเมสุ  มิจฺฉาจรติ
สพฺโพ   โส  อาปายิโก  เนรยิโกติ  ฯ  อตฺถิ  โข  ปน  มยา  กาเมสุ
มิจฺฉาจารา    จิณฺณา   อหํปมฺหิ   ๑-   อาปายิโก   เนรยิโกติ   ทิฏฺึ
ปฏิลภติ   ตํ   คามณิ   วาจํ   อปฺปหาย  ตํ  จิตฺตํ  อปฺปหาย  ตํ  ทิฏฺึ
อปฺปฏินิสฺสชฺชิตฺวา   ยถาภตํ   นิกฺขิตฺโต   เอวํ   นิรเย   ฯ  มยฺหํ  โข
สตฺถา   เอวํวาที   เอวํทิฏฺิ   โย   โกจิ   มุสา   ภณติ  สพฺโพ  โส
อาปายิโก   เนรยิโกติ  ฯ  อตฺถิ  โข  ปน  มยา  มุสา  ภณิตํ  อหํปมฺหิ
อาปายิโก   เนรยิโกติ   ทิฏฺึ   ปฏิลภติ   ตํ   คามณิ  วาจํ  อปฺปหาย
ตํ   จิตฺตํ   อปฺปหาย   ตํ   ทิฏฺึ  อปฺปฏินิสฺสชฺชิตฺวา  ยถาภตํ  นิกฺขิตฺโต
เอวํ นิรเย ฯ
     [๖๑๕]   อิธ   ปน   คามณิ   ตถาคโต  โลเก  อุปฺปชฺชติ  อรหํ
สมฺมาสมฺพุทฺโธ     วิชฺชาจรณสมฺปนฺโน    สุคโต    โลกวิทู    อนุตฺตโร
ปุริสทมฺมสารถิ    สตฺถา    เทวมนุสฺสานํ    พุทฺโธ   ภควา   ฯ   โส
อเนกปริยาเยน   ปาณาติปาตํ   ครหติ  วิครหติ  ปาณาติปาตา  วิรมถาติ
จาห   ๒-  อทินฺนาทานํ  ครหติ  วิครหติ  อทินฺนาทานา  วิรมถาติ  จาห
กาเมสุ   มิจฺฉาจารํ   ครหติ   วิครหติ  กาเมสุ  มิจฺฉาจารา  วิรมถาติ
จาห   มุสาวาทํ   ครหติ   วิครหติ   มุสาวาทา   วิรมถาติ   จาห  ฯ
ตสฺมึ   โข   ปน   คามณิ   สตฺถริ   สาวโก   อภิปฺปสนฺโน   โหติ  ฯ
โส   อิติ   ปฏิสญฺจิกฺขติ   ภควา   โข   อเนกปริยาเยน   ปาณาติปาตํ
@เชิงอรรถ:  ม. มิจฺฉา จิณฺณํ อหมฺปมฺหิ ฯ ยุ. มิจฺฉา จิณฺณมาหมฺปมฺหิ ฯ   ยุ. อาห ฯ
ครหติ   วิครหติ   ปาณาติปาตา   วิรมถาติ   จาห  ฯ  อตฺถิ  โข  ปน
มยา   ปาโณ   อติมาปิโต   ยาวตโก   วา   ตาวตโก  วา  โย  โข
ปน   มยา   ปาโณ   อติมาปิโต   ยาวตโก   วา   ตาวตโก  วา  ตํ
น   สุฏฺฐุ   ตํ   น   สาธุ  อหญฺเจว  โข  ปน  ตปฺปจฺจยา  วิปฺปฏิสารี
อสฺสํ   น  เม  ตํ  ปาปกมฺมํ  อกตํ  ภวิสฺสตีติ  ฯ  โส  อิติ  ปฏิสงฺขาย
ตญฺเจว    ปาณาติปาตํ    ปชหติ   อายติญฺจ   ปาณาติปาตา   ปฏิวิรโต
โหติ    เอวเมตสฺส   ปาปสฺส   กมฺมสฺส   ปหานํ   โหติ   เอวเมตสฺส
ปาปสฺส กมฺมสฺส สมติกฺกโม โหติ ฯ
     [๖๑๖]   ภควา   โข   อเนกปริยาเยน   อทินฺนาทานํ   ครหติ
วิครหติ   อทินฺนาทานา   วิรมถาติ   จาห   ฯ   อตฺถิ  โข  ปน  มยา
อทินฺนํ   อาทินฺนํ   ยาวตกํ   วา   ตาวตกํ   วา   ยํ  โข  ปน  มยา
อทินฺนํ   อาทินฺนํ   ยาวตกํ   วา   ตาวตกํ   วา  ตํ  น  สุฏฺฐุ  ตํ  น
สาธุ   อหญฺเจว   โข   ปน   ตปฺปจฺจยา   วิปฺปฏิสารี   อสฺสํ  น  เม
ตํ   ปาปกมฺมํ   อกตํ   ภวิสฺสตีติ   ฯ   โส   อิติ  ปฏิสงฺขาย  ตญฺเจว
อทินฺนาทานํ      ปชหติ      อายติญฺจ     อทินฺนาทานา     ปฏิวิรโต
โหติ    เอวเมตสฺส   ปาปสฺส   กมฺมสฺส   ปหานํ   โหติ   เอวเมตสฺส
ปาปสฺส กมฺมสฺส สมติกฺกโม โหติ ฯ
     [๖๑๗]   ภควา  โข  อเนกปริยาเยน  กาเมสุ  มิจฺฉาจารํ  ครหติ
วิครหติ   กาเมสุ   มิจฺฉาจารา   วิรมถาติ   จาห  ฯ  อตฺถิ  โข  ปน
มยา   กาเมสุ   มิจฺฉา   จิณฺณํ   ยาวตกํ   วา  ตาวตกํ  วา  ยํ  โข
ปน   มยา   กาเมสุ   มิจฺฉา   จิณฺณํ   ยาวตกํ  วา  ตาวตกํ  วา  ตํ
น   สุฏฺฐุ   ตํ   น   สาธุ  อหญฺเจว  โข  ปน  ตปฺปจฺจยา  วิปฺปฏิสารี
อสฺสํ   น  เม  ตํ  ปาปกมฺมํ  อกตํ  ภวิสฺสตีติ  ฯ  โส  อิติ  ปฏิสงฺขาย
ตญฺเจว   กาเมสุ   มิจฺฉาจารํ   ปชหติ  อายติญฺจ  กาเมสุ  มิจฺฉาจารา
ปฏิวิรโต   โหติ   ฯ   เอวเมตสฺส   ปาปสฺส   กมฺมสฺส   ปหานํ  โหติ
เอวเมตสฺส ปาปสฺส กมฺมสฺส สมติกฺกโม โหติ ฯ
     [๖๑๘]   ภควา   โข   ปน   อเนกปริยาเยน  มุสาวาทํ  ครหติ
วิครหติ   มุสาวาทา   วิรมถาติ  จาห  ฯ  อตฺถิ  โข  ปน  มยา  มุสา
ภณิตํ   ยาวตกํ   วา   ตาวตกํ   วา  ยํ  โข  ปน  มยา  มุสา  ภณิตํ
ยาวตกํ  วา  ตาวตกํ  วา  ตํ  น  สุฏฺฐุ  ตํ  น  สาธุ อหญฺเจว โข ปน
ตปฺปจฺจยา  วิปฺปฏิสารี  อสฺสํ  น  เม  ตํ  ปาปกมฺมํ  อกตํ  ภวิสฺสตีติ  ฯ
โส   อิติ   ปฏิสงฺขาย  ตญฺเจว  มุสาวาทํ  ปชหติ  อายติญฺจ  มุสาวาทา
ปฏิวิรโต   โหติ   ฯ   เอวเมตสฺส   ปาปสฺส   กมฺมสฺส   ปหานํ  โหติ
เอวเมตสฺส ปาปสฺส กมฺมสฺส สมติกฺกโม โหติ ฯ
     [๖๑๙]   โส  ปาณาติปาตํ  ปหาย  ปาณาติปาตา  ปฏิวิรโต  โหติ
อทินฺนาทานํ    ปหาย    อทินฺนาทานา    ปฏิวิรโต    โหติ    กาเมสุ
มิจฺฉาจารํ   ปหาย   กาเมสุ   มิจฺฉาจารา   ปฏิวิรโต  โหติ  มุสาวาทํ
ปหาย   มุสาวาทา   ปฏิวิรโต   โหติ   ปิสุณํ   วาจํ   ปหาย  ปิสุณาย
วาจาย  ปฏิวิรโต  โหติ  ผรุสํ  วาจํ  ปหาย  ผรุสาย  วาจาย ปฏิวิรโต
โหติ   สมฺผปฺปลาปํ   ปหาย   สมฺผปฺปลาปา   ปฏิวิรโต   โหติ   อภิชฺฌํ
ปหาย    อนภิชฺฌาลุ   โหติ   พฺยาปาทปโทสํ   ปหาย   อพฺยาปนฺนจิตฺโต
โหติ มิจฺฉาทิฏฺึ ปหาย สมฺมาทิฏฺิโก โหติ ฯ
     {๖๑๙.๑}   สโข   โส   คามณิ  อริยสาวโก  เอวํ  วิคตาภิชฺโฌ
วิคตพฺยาปาโท    อสมฺมูโฬฺห    สมฺปชาโน   ปฏิสฺสโต   เมตฺตาสหคเตน
เจตสา   เอกํ   ทิสํ  ผริตฺวา  วิหรติ  ตถา  ทุติยํ  ฯ  ตถา  ตติยํ  ฯ
ตถา    จตุตฺถํ    ฯ    อิติ   อุทฺธมโธ   ติริยํ   สพฺพธิ   สพฺพตฺตตาย
สพฺพาวนฺตํ    โลกํ    เมตฺตาสหคเตน   เจตสา   วิปุเลน   มหคฺคเตน
อปฺปมาเณน     อเวเรน     อพฺยาปชฺเฌน    ผริตฺวา    วิหรติ    ฯ
เสยฺยถาปิ    คามณิ    พลวา    สงฺขธโม   อปฺปกสิเรเนว   จตุทฺทิสา
วิญฺาเปยฺย   ฯ   เอวเมว   โข   คามณิ   เอวํ  ภาวิตาย  เมตฺตาย
เจโตวิมุตฺติยา    เอวํ    พหุลีกตาย   ยํ   ปมาณกตํ   กมฺมํ   น   ตํ
ตตฺราวสิสฺสติ น ตํ ตตฺราวติฏฺติ ฯ
     {๖๑๙.๒}   สโข   โส   คามณิ  อริยสาวโก  เอวํ  วิคตาภิชฺโฌ
วิคตพฺยาปาโท    อสมฺมูโฬฺห    สมฺปชาโน    ปฏิสฺสโต   กรุณาสหคเตน
เจตสา   ฯ   มุทิตาสหคเตน   เจตสา   ฯ  อุเปกฺขาสหคเตน  เจตสา
เอกํ  ทิสํ  ผริตฺวา  วิหรติ  ตถา  ทุติยํ  ฯ  ตถา ตติยํ ฯ ตถา จตุตฺถํ ฯ
อิติ    อุทฺธมโธ    ติริยํ    สพฺพธิ    สพฺพตฺตตาย   สพฺพาวนฺตํ   โลกํ
อุเปกฺขาสหคเตน   เจตสา   วิปุเลน  มหคฺคเตน  อปฺปมาเณน  อเวเรน
อพฺยาปชฺเฌน   ผริตฺวา  วิหรติ  ฯ  เสยฺยถาปิ  คามณิ  พลวา  สงฺขธโม
อปฺปกสิเรเนว   จตุทฺทิสา  วิญฺาเปยฺย  ฯ  เอวเมว  โข  คามณิ  เอวํ
ภาวิตาย   อุเปกฺขาย   เจโตวิมุตฺติยา   เอวํ  พหุลีกตาย  ยํ  ปมาณกตํ
กมฺมํ   น   ตํ   ตตฺราวสิสฺสติ  น  ตํ  ตตฺราวติฏฺตีติ  ฯ  เอวํ  วุตฺเต
อสิพนฺธกปุตฺโต     คามณี     นิคณฺสาวโก     ภควนฺตํ     เอตทโวจ
อภิกฺกนฺตํ   ภนฺเต   อภิกฺกนฺตํ   ภนฺเต   ฯเปฯ   อุปาสกํ   มํ   ภควา
ธาเรตุ อชฺชตคฺเค ปาณุเปตํ สรณงฺคตนฺติ ฯ อฏฺมํ ฯ


             เนื้อความพระไตรปิฎกฉบับภาษาบาลี อักษรไทย เล่มที่ ๑๘ หน้าที่ ๓๙๐-๓๙๘. https://84000.org/tipitaka/read/pali_read.php?B=18&A=7941&w=&modeTY=1              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=18&A=7941&modeTY=1              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=18&item=608&items=12              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=18&siri=274              ศึกษาอรรถกถานี้ได้ที่ :- https://84000.org/tipitaka/attha/attha.php?b=18&i=608              อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=13&A=3646              The Pali Atthakatha in Roman :- https://84000.org/tipitaka/atthapali/read_rm.php?B=13&A=3646              สารบัญพระไตรปิฎกเล่มที่ ๑๘ https://84000.org/tipitaka/read/?index_18 https://84000.org/tipitaka/english/?index_18

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]