บาลีพระไตรปิฎกเล่มที่ ๑๙ - พระสุตตันตปิฎกเล่มที่ ๑๑

     [๑๔๘๒]   สาวตฺถีนิทานํ  ฯ  พฺราหฺมณา  ภิกฺขเว  อุทยคามินึ  นาม
ปฏิปทํ    ปญฺเปนฺติ   เต   สาวกํ   เอวํ   สมาทเปนฺติ   เอหิ   ตฺวํ
อมฺโภ   ปุริส   กาลสฺเสว   อุฏฺาย   ปาจีนมุโข  ยาหิ  โส  ตฺวํ  มา
โสพฺภํ    ปริวชฺเชหิ    มา   ปปาตํ   มา   ขาณุํ   มา   กณฺฏกฏฺานํ
มา  จนฺทนิกํ  ^๑-  มา  โอฬิคลฺลํ  ยตฺเถว  ^๒- ปปเตยฺยาสิ ตตฺเถว มรณํ
อาคเมยฺยาสิ   เอวํ   ตฺวํ   อมฺโภ  ปุริส  กายสฺส  เภทา  ปรํ  มรณา
สุคตึ สคฺคํ โลกํ อุปปชฺชิสฺสสีติ ฯ
@เชิงอรรถ: ^๑ ม. จนฺทนิยํ ฯ ^๒ ม. ยตฺถ ฯ
     [๑๔๘๓]   ตํ   โข   ปเนตํ  ภิกฺขเว  พฺราหฺมณานํ  พาลคมนเมตํ
มูฬฺหคมนเมตํ   น   นิพฺพิทาย  น  วิราคาย  น  นิโรธาย  น  อุปสมาย
น   อภิญฺาย   น   สมฺโพธาย   น   นิพฺพานาย   สํวตฺตติ  ฯ  อหญฺจ
โข   ภิกฺขเว   อริยสฺส  วินเย  อุทยคามินึ  ปฏิปทํ  ปญฺเปมิ  ^๑-  ยา
เอกนฺตนิพฺพิทาย   วิราคาย   นิโรธาย   อุปสมาย  อภิญฺาย  สมฺโพธาย
นิพฺพานาย สํวตฺตติ ฯ
     [๑๔๘๔]   กตมา   จ   สา   ภิกฺขเว  อุทยคามินี  ปฏิปทา  ยา
เอกนฺตนิพฺพิทาย    ฯเปฯ    นิพฺพานาย   สํวตฺตติ   ฯ   อิธ   ภิกฺขเว
อริยสาวโก   พุทฺเธ   อเวจฺจปฺปสาเทน   สมนฺนาคโต  โหติ  อิติปิ  โส
ภควา   ฯเปฯ   สตฺถา   เทวมนุสฺสานํ   พุทฺโธ   ภควาติ   ฯ  ธมฺเม
สงฺเฆ   ฯ   อริยกนฺเตหิ  สีเลหิ  สมนฺนาคโต  โหติ  อกฺขณฺเฑหิ  ฯเปฯ
สมาธิสํวตฺตนิเกหิ   ฯ  อยํ  โข  สา  ภิกฺขเว  อุทยคามินี  ปฏิปทา  ยา
เอกนฺตนิพฺพิทาย   วิราคาย   นิโรธาย   อุปสมาย  อภิญฺาย  สมฺโพธาย
นิพฺพานาย สํวตฺตตีติ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๑๙ หน้าที่ ๔๕๒-๔๕๓. https://84000.org/tipitaka/read/pali_read.php?B=19&A=8815&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=19&A=8815&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=19&item=1482&items=3 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=19&siri=330 ศึกษาอรรถกถานี้ได้ที่ :- https://84000.org/tipitaka/attha/attha.php?b=19&i=1482 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=13&A=7991 The Pali Atthakatha in Roman :- https://84000.org/tipitaka/atthapali/read_rm.php?B=13&A=7991 สารบัญพระไตรปิฎกเล่มที่ ๑๙ https://84000.org/tipitaka/read/?index_19 https://84000.org/tipitaka/english/?index_19