บาลีพระไตรปิฎกเล่มที่ ๑๙ - พระสุตตันตปิฎกเล่มที่ ๑๑

     [๑๕๗๔]   สาวตฺถีนิทานํ   ฯ  เอกมนฺตํ  นิสินฺนํ  โข  อนาถปิณฺฑิกํ
คหปตึ    ภควา    เอตทโวจ    ยโต    โข   คหปติ   อริยสาวกสฺส
ปญฺจ  ภยานิ  เวรานิ  วูปสนฺตานิ  จ  โหนฺติ  จตูหิ  จ โสตาปตฺติยงฺเคหิ
สมนฺนาคโต   โหติ   อริโย   จสฺส   าโย   ปญฺาย   สุทิฏฺโ  โหติ
สุปฺปฏิวิทฺโธ   ฯ   โส   อากงฺขมาโน   อตฺตนาว  อตฺตานํ  พฺยากเรยฺย
ขีณนิรโยมฺหิ      ขีณติรจฺฉานโยนิโย      ขีณปิตฺติวิสโย      ขีณาปาย-
ทุคฺคติวินิปาโต      โสตาปนฺโนหมสฺมิ      อวินิปาตธมฺโม      นิยโต
สมฺโพธิปรายโน ฯ
@เชิงอรรถ: ^๑-๒ ม. ยุ. โหมิ ฯ
     [๑๕๗๕]   กตมานิ  ปญฺจ  ภยานิ  เวรานิ  วูปสนฺตานิ  โหนฺติ  ฯ
ยํ    คหปติ    ปาณาติปาตี    ปาณาติปาตปจฺจยา   ทิฏฺธมฺมิกมฺปิ   ภยํ
เวรํ   ปสวติ   สมฺปรายิกมฺปิ   ภยํ   เวรํ   ปสวติ   เจตสิกมฺปิ  ทุกฺขํ
โทมนสฺสํ    ปฏิสํเวทยติ    ปาณาติปาตา    ปฏิวิรตสฺส   เอวนฺตํ   ภยํ
เวรํ   วูปสนฺตํ   โหติ   ฯ   ยํ   คหปติ   อทินฺนาทายี  ฯ  ยํ  คหปติ
กาเมสุ  มิจฺฉาจารี  ฯ  ยํ  คหปติ  มุสาวาที  ฯ  ยํ  คหปติ สุราเมรย-
มชฺชปมาทฏฺายี      สุราเมรยมชฺชปมาทฏฺานปจฺจยา     ทิฏฺธมฺมิกมฺปิ
ภยํ   เวรํ   ปสวติ  สมฺปรายิกมฺปิ  ภยํ  เวรํ  ปสวติ  เจตสิกมฺปิ  ทุกฺขํ
โทมนสฺสํ     ปฏิสํเวทยติ     สุราเมรยมชฺชปมาทฏฺานา     ปฏิวิรตสฺส
เอวนฺตํ   ภยํ   เวรํ  วูปสนฺตํ  โหติ  ฯ  อิมานิ  ปญฺจ  ภยานิ  เวรานิ
วูปสนฺตานิ โหนฺติ ฯ
     [๑๕๗๖]   กตเมหิ  จตูหิ  โสตาปตฺติยงฺเคหิ  สมนฺนาคโต  โหติ  ฯ
อิธ    คหปติ    อริยสาวโก   พุทฺเธ   อเวจฺจปฺปสาเทน   สมนฺนาคโต
โหติ  อิติปิ  โส  ภควา  ฯเปฯ  สตฺถา  เทวมนุสฺสานํ  พุทฺโธ ภควาติ ฯ
ธมฺเม  สงฺเฆ  ฯ  อริยกนฺเตหิ  สีเลหิ  สมนฺนาคโต  โหติ  อกฺขณฺเฑหิ ฯ
ฯเปฯ    สมาธิสํวตฺตนิเกหิ    ฯ    อิเมหิ    จตูหิ   โสตาปตฺติยงฺเคหิ
สมนฺนาคโต โหติ ฯ
     [๑๕๗๗]   กตโม   จสฺส  อริโย  าโย  ปญฺาย  สุทิฏฺโ  โหติ
สุปฺปฏิวิทฺโธ    ฯ    อิธ    คหปติ   อริยสาวโก   ปฏิจฺจสมุปฺปาทญฺเว
สาธุกํ   โยนิโส  มนสิกโรติ  อิติ  อิมสฺมึ  สติ  อิทํ  โหติ  อิมสฺสุปฺปาทา
ปาทา   อิทํ   อุปฺปชฺชติ   อิติ   อิมสฺมึ   อสติ   อิทํ  น  โหติ  อิมสฺส
นิโรธา  อิทํ  นิรุชฺฌติ  ฯ  ยทิทํ  อวิชฺชาปจฺจยา  สงฺขารา สงฺขารปจฺจยา
วิญฺาณํ    ฯเปฯ    เอวเมตสฺส    เกวลสฺส   ทุกฺขกฺขนฺธสฺส   สมุทโย
โหติ   ฯ   อวิชฺชาย  เตฺวว  อเสสวิราคนิโรธา  สงฺขารนิโรโธ  ฯเปฯ
เอวเมตสฺส   เกวลสฺส   ทุกฺขกฺขนฺธสฺส   นิโรโธ   โหติ   ฯ   อยมสฺส
อริโย าโย ปญฺาย สุทิฏฺโ โหติ สุปฺปฏิวิทฺโธ ฯ
     [๑๕๗๘]   ยโต  โข  คหปติ  อริยสาวกสฺส  อิมานิ  ปญฺจ  ภยานิ
เวรานิ  วูปสนฺตานิ  โหนฺติ  อิเมหิ  จตูหิ  โสตาปตฺติยงฺเคหิ  สมนฺนาคโต
โหติ  อยญฺจสฺส  อริโย  าโย  ปญฺาย  สุทิฏฺโ  โหติ  สุปฺปฏิวิทฺโธ  ฯ
โส    อากงฺขมาโน    อตฺตนาว   อตฺตานํ   พฺยากเรยฺย   ขีณนิรโยมฺหิ
ขีณติรจฺฉานโยนิโย         ขีณปิตฺติวิสโย        ขีณาปายทุคฺคติวินิปาโต
โสตาปนฺโนหมสฺมิ อวินิปาตธมฺโม นิยโต สมฺโพธิปรายโนติ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๑๙ หน้าที่ ๔๘๘-๔๙๐. https://84000.org/tipitaka/read/pali_read.php?B=19&A=9529&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=19&A=9529&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=19&item=1574&items=5 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=19&siri=346 ศึกษาอรรถกถานี้ได้ที่ :- https://84000.org/tipitaka/attha/attha.php?b=19&i=1574 สารบัญพระไตรปิฎกเล่มที่ ๑๙ https://84000.org/tipitaka/read/?index_19 https://84000.org/tipitaka/english/?index_19