พระไตรปิฎกเล่มที่ ๒ ภาษาบาลี อักษรไทย
 พระวินัยปิฎกเล่มที่ ๒ วินย. มหาวิภงฺโค (๒)

                             สตฺตมสิกฺขาปทํ
     [๑๕๗]   เตน  สมเยน  พุทฺโธ  ภควา  สาวตฺถิยํ  วิหรติ เชตวเน
อนาถปิณฺฑิกสฺส   อาราเม   ฯ   เตน   โข   ปน   สมเยน  อญฺตโร
ปุริโส  ปวาสํ  คจฺฉนฺโต  ปชาปตึ  เอตทโวจ  สุตฺตํ  ธารยิตฺวา  อมุกสฺส
ตนฺตวายสฺส   เทหิ   จีวรํ  วายาเปตฺวา  นิกฺขิปาหิ  ๑-  อาคโต  อยฺยํ
อุปนนฺทํ    จีวเรน    อจฺฉาเทสฺสามีติ   ฯ   อสฺโสสิ   โข   อญฺตโร
ปิณฺฑจาริโก    ภิกฺขุ   ตสฺส   ปุริสสฺส   อิมํ   วาจํ   ภาสมานสฺส   ฯ
อถโข   โส   ภิกฺขุ   เยนายสฺมา   อุปนนฺโท   สกฺยปุตฺโต  เตนุปสงฺกมิ
อุปสงฺกมิตฺวา   อายสฺมนฺตํ   อุปนนฺทํ   สกฺยปุตฺตํ  เอตทโวจ  มหาปุญฺโสิ
ตฺวํ   อาวุโส   อุปนนฺท   อมุกสฺมึ   โอกาเส  อญฺตโร  ปุริโส  ปวาสํ
คจฺฉนฺโต   ปชาปตึ   เอตทโวจ  สุตฺตํ  ธารยิตฺวา  อมุกสฺส  ตนฺตวายสฺส
เทหิ   จีวรํ   วายาเปตฺวา  นิกฺขิปาหิ  อาคโต  อยฺยํ  อุปนนฺทํ  จีวเรน
อจฺฉาเทสฺสามีติ  ฯ  อตฺถาวุโส  มํ โส อุปฏฺาโกติ ฯ โสปิ โข ตนฺตวาโย
อายสฺมโต  อุปนนฺทสฺส  สกฺยปุตฺตสฺส  อุปฏฺาโก  โหติ  ฯ อถโข อายสฺมา
อุปนนฺโท   สกฺยปุตฺโต  เยน  โส  ตนฺตวาโย  เตนุปสงฺกมิ  อุปสงฺกมิตฺวา
ตํ  ๒-  ตนฺตวายํ  เอตทโวจ  อิทํ  โข  อาวุโส  จีวรํ  มํ อุทฺทิสฺส วียติ
อายตญฺจ    กโรหิ    วิตฺถตญฺจ    อปฺปิตญฺจ    สุวีตญฺจ   สุปฺปวายิตญฺจ
@เชิงอรรถ: ๑ ม. ยุ. นิกฺขิป ฯ เอวมุปริปิ ฯ  ๒ ม. ยุ. อยํ ปาโ นตฺถิ ฯ
สุวิเลขิตญฺจ   สุวิตจฺฉิตญฺจ   กโรหีติ  ฯ  เอเต  โข  เม  ภนฺเต  สุตฺตํ
ธารยิตฺวา   อทํสุ   อิมินา   สุตฺเตน  จีวรํ  วินาหีติ  น  ภนฺเต  สกฺกา
อายตํ   วา   วิตฺถตํ   วา  อปฺปิตํ  วา  กาตุํ  สกฺกา  จ  โข  ภนฺเต
สุวีตญฺจ    สุปฺปวายิตญฺจ    สุวิเลขิตญฺจ    สุวิตจฺฉิตญฺจ    กาตุนฺติ   ฯ
อิงฺฆ    ตฺวํ   อาวุโส   อายตญฺจ   กโรหิ   วิตฺถตญฺจ   อปฺปิตญฺจ   น
เตน สุตฺเตน ปฏิพทฺธํ ภวิสฺสตีติ ฯ
     {๑๕๗.๑}   อถโข   โส   ตนฺตวาโย   ยถาอาภตํ  สุตฺตํ  ตนฺเต
อุปเนตฺวา   เยน   สา   อิตฺถี   เตนุปสงฺกมิ   อุปสงฺกมิตฺวา  ตํ  อิตฺถึ
เอตทโวจ  สุตฺเตน  อยฺเย  อตฺโถติ  ฯ  นนุ  ตฺวํ  อยฺย ๑- มยา วุตฺโต
อิมินา  สุตฺเตน  จีวรํ  วินาหีติ  ฯ  สจฺจาหํ  อยฺเย  ตยา  วุตฺโต อิมินา
สุตฺเตน   จีวรํ   วินาหีติ   อปิจ  มํ  อยฺโย  อุปนนฺโท  เอวมาห  อิงฺฆ
ตฺวํ    อาวุโส   อายตญฺจ   กโรหิ   วิตฺถตญฺจ   อปฺปิตญฺจ   น   เตน
สุตฺเตน   ปฏิพทฺธํ   ภวิสฺสตีติ   ฯ   อถโข   สา   อิตฺถี   ยตฺตกญฺเว
สุตฺตํ ปมํ อทาสิ ตตฺตกํ ปจฺฉา อทาสิ ฯ
     {๑๕๗.๒}   อสฺโสสิ   โข   อายสฺมา  อุปนนฺโท  สกฺยปุตฺโต  โส
กิร   ปุริโส   ปวาสโต   อาคโตติ   ฯ   อถโข   อายสฺมา  อุปนนฺโท
สกฺยปุตฺโต   เยน   ตสฺส   ปุริสสฺส  นิเวสนํ  เตนุปสงฺกมิ  อุปสงฺกมิตฺวา
ปญฺตฺเต    อาสเน   นิสีทิ   ฯ   อถโข   โส   ปุริโส   เยนายสฺมา
อุปนนฺโท     สกฺยปุตฺโต     เตนุปสงฺกมิ    อุปสงฺกมิตฺวา    อายสฺมนฺตํ
อุปนนฺทํ    สกฺยปุตฺตํ   อภิวาเทตฺวา   เอกมนฺตํ   นิสีทิ   ฯ   เอกมนฺตํ
@เชิงอรรถ: ๑ ม. ยุ. อยฺโย ฯ
นิสินฺโน  โข  โส  ปุริโส  ปชาปตึ  เอตทโวจ  วายาปิตํ  ๑- จีวรนฺติ ฯ
อาม  อยฺย  วายาปิตํ  ๒-  จีวรนฺติ  ฯ  อาหร  อยฺยํ  อุปนนฺทํ  จีวเรน
อจฺฉาเทสฺสามีติ   ฯ   อถโข  สา  อิตฺถี  ตํ  จีวรํ  นีหริตฺวา  สามิกสฺส
ทตฺวา   เอตมตฺถํ   อาโรเจสิ   ฯ   อถโข   โส   ปุริโส  อายสฺมโต
อุปนนฺทสฺส   สกฺยปุตฺตสฺส   ตํ   ๓-   จีวรํ   ทตฺวา   อุชฺฌายติ   ขียติ
วิปาเจติ   มหิจฺฉา   อิเม   สมณา   สกฺยปุตฺติยา   อสนฺตุฏฺา   นยิเม
สุกรา  จีวเรน  อจฺฉาเทตุํ  กถํ  หิ  นาม  อยฺโย  อุปนนฺโท มยา ปุพฺเพ
อปฺปวาริโต ตนฺตวาเย ๔- อุปสงฺกมิตฺวา จีวเร วิกปฺปํ อาปชฺชิสฺสตีติ ฯ
     {๑๕๗.๓}   อสฺโสสุํ  โข  ภิกฺขู ตสฺส ปุริสสฺส อุชฺฌายนฺตสฺส ขียนฺตสฺส
วิปาเจนฺตสฺส  ฯ  เย  เต  ภิกฺขู  อปฺปิจฺฉา  ฯเปฯ เต อุชฺฌายนฺติ ขียนฺติ
วิปาเจนฺติ   กถํ   หิ   นาม   อายสฺมา   อุปนนฺโท  สกฺยปุตฺโต  ปุพฺเพ
อปฺปวาริโต    คหปติกสฺส   ตนฺตวาเย   อุปสงฺกมิตฺวา   จีวเร   วิกปฺปํ
อาปชฺชิสฺสตีติ  ฯ  อถโข  เต  ภิกฺขู  ภควโต เอตมตฺถํ อาโรเจสุํ ฯ สจฺจํ
กิร    ตฺวํ    อุปนนฺท   ปุพฺเพ   อปฺปวาริโต   คหปติกสฺส   ตนฺตวาเย
อุปสงฺกมิตฺวา   จีวเร   วิกปฺปํ   อาปชฺชสีติ  ๕-  ฯ  สจฺจํ  ภควาติ  ฯ
าตโก   เต   อุปนนฺท   อญฺาตโกติ   ฯ   อญฺาตโก   ภควาติ   ฯ
อญฺาตโก    โมฆปุริส    อญฺาตกสฺส    น    ชานาติ   ปฏิรูปํ   วา
อปฺปฏิรูปํ  วา  สนฺตํ  วา  อสนฺตํ  วา  ตตฺถ  นาม  ตฺวํ โมฆปุริส ปุพฺเพ
@เชิงอรรถ: ๑-๒ ม. ยุ. วีตํ ตํ ฯ  ๓ ม. ยุ. อยํ ปาโ นตฺถิ ฯ  ๔ ยุ. คหปติกสฺส
@ตนฺตวาเย ฯ  ๕ ม. ยุ. อาปชฺชีติ ฯ
อปฺปวาริโต    อญฺาตกสฺส    คหปติกสฺส    ตนฺตวาเย    อุปสงฺกมิตฺวา
จีวเร    วิกปฺปํ    อาปชฺชิสฺสสิ   เนตํ   โมฆปุริส   อปฺปสนฺนานํ   วา
ปสาทาย   ปสนฺนานํ   วา  ภิยฺโยภาวาย  ฯเปฯ  เอวญฺจ  ปน  ภิกฺขเว
อิมํ สิกฺขาปทํ อุทฺทิเสยฺยาถ
     {๑๕๗.๔}   ภิกฺขุํ  ปเนว  อุทฺทิสฺส  อญฺาตโก  คหปติ วา คหปตานี
วา  ตนฺตวาเยหิ จีวรํ วายาเปยฺย ฯ ตตฺร เจ โส ภิกฺขุ ปุพฺเพ อปฺปวาริโต
ตนฺตวาเย  อุปสงฺกมิตฺวา  จีวเร  วิกปฺปํ อาปชฺเชยฺย อิทํ โข อาวุโส จีวรํ
มํ   อุทฺทิสฺส   วียติ   อายตญฺจ   กโรถ   วิตฺถตญฺจ  อปฺปิตญฺจ  สุวีตญฺจ
สุปฺปวายิตญฺจ   สุวิเลขิตญฺจ   สุวิตจฺฉิตญฺจ   กโรถ   อปฺเปวนาม  มยมฺปิ
อายสฺมนฺตานํ   กิญฺจิมตฺตํ   อนุปทชฺเชยฺยามาติ   ฯ   เอวญฺจ  โส  ภิกฺขุ
วตฺวา    กิญฺจิมตฺตํ    อนุปทชฺเชยฺย   ๑-   อนฺตมโส   ปิณฺฑปาตมตฺตมฺปิ
นิสฺสคฺคิยํ ปาจิตฺติยนฺติ ฯ
     [๑๕๘]   ภิกฺขุํ  ปเนว  อุทฺทิสฺสาติ  ภิกฺขุสฺสตฺถาย  ภิกฺขุํ  อารมฺมณํ
กตฺวา   ภิกฺขุํ   อจฺฉาเทตุกาโม   ฯ   อญฺาตโก   นาม  มาติโต  วา
ปิติโต   วา   ยาว   สตฺตมา   ปิตามหยุคา   อสมฺพทฺโธ   ฯ   คหปติ
นาม   โย   โกจิ   อคารํ  อชฺฌาวสติ  ฯ  คหปตานี  นาม  ยา  กาจิ
อคารํ   อชฺฌาวสติ   ฯ   ตนฺตวาเยหีติ   เปสกาเรหิ   ฯ  จีวรํ  นาม
ฉนฺนํ   จีวรานํ   อญฺตรํ   จีวรํ  วิกปฺปนุปคํ  ปจฺฉิมํ  ฯ  วายาเปยฺยาติ
วินาเปติ   ฯ   ตตฺร  เจ  โส  ภิกฺขูติ  ยํ  ภิกฺขุํ  อุทฺทิสฺส  จีวรํ  วียติ
@เชิงอรรถ: ๑ อนุปฺปทชฺเชยฺยาติ อมฺหากํ มติ ฯ
โส  ภิกฺขุ  ฯ  ปุพฺเพ อปฺปวาริโตติ ปุพฺเพ อวุตฺโต โหติ กีทิเสน เต ภนฺเต
จีวเรน  อตฺโถ  กีทิสํ  เต  จีวรํ วายาเปมีติ ฯ ตนฺตวาเย อุปสงฺกมิตฺวาติ
ฆรํ  คนฺตฺวา  ยตฺถ  กตฺถจิ  อุปสงฺกมิตฺวา  ฯ จีวเร วิกปฺปํ อาปชฺเชยฺยาติ
อิทํ  โข  อาวุโส  จีวรํ  มํ  อุทฺทิสฺส  วียติ  อายตญฺจ  กโรถ  วิตฺถตญฺจ
อปฺปิตญฺจ   สุวีตญฺจ   สุปฺปวายิตญฺจ   สุวิเลขิตญฺจ   สุวิตจฺฉิตญฺจ   กโรถ
อปฺเปวนาม มยมฺปิ อายสฺมนฺตานํ  กิญฺจิมตฺตํ อนุปทชฺเชยฺยามาติ ฯ
     {๑๕๘.๑}   เอวญฺจ   โส  ภิกฺขุ  วตฺวา  กิญฺจิมตฺตํ  อนุปทชฺเชยฺย
อนฺตมโส    ปิณฺฑปาตมตฺตมฺปีติ    ปิณฺฑปาโต    นาม    ยาคุปิ   ภตฺตํปิ
ขาทนียํปิ    จุณฺณปิณฺโฑปิ    ทนฺตกฏฺปิ   ทสิกสุตฺตํปิ   อนฺตมโส   ธมฺมํปิ
ภณติ  ฯ  ตสฺส  วจเนน  อายตํ  วา วิตฺถตํ วา อปฺปิตํ วา กโรติ ปโยเค
ทุกฺกฏํ   ปฏิลาเภน   นิสฺสคฺคิยํ  โหติ  นิสฺสชฺชิตพฺพํ  สงฺฆสฺส  วา  คณสฺส
วา  ปุคฺคลสฺส  วา  ฯ  เอวญฺจ  ปน  ภิกฺขเว  นิสฺสชฺชิตพฺพํ  ฯเปฯ  อิทํ
เม    ภนฺเต   จีวรํ   ปุพฺเพ   อปฺปวาริโต   อญฺาตกสฺส   คหปติกสฺส
ตนฺตวาเย   อุปสงฺกมิตฺวา   จีวเร   วิกปฺปํ   อาปนฺนํ  นิสฺสคฺคิยํ  อิมาหํ
สงฺฆสฺส   นิสฺสชฺชามีติ   ฯเปฯ   ทเทยฺยาติ   ฯเปฯ  ทเทยฺยุนฺติ  ฯเปฯ
อายสฺมโต ทมฺมีติ ฯ
     [๑๕๙]   อญฺาตเก    อญฺาตกสญฺี    ปุพฺเพ    อปฺปวาริโต
คหปติกสฺส  ตนฺตวาเย  อุปสงฺกมิตฺวา  จีวเร  วิกปฺปํ  อาปชฺชติ  นิสฺสคฺคิยํ
ปาจิตฺติยํ   ฯ   อญฺาตเก   เวมติโก   ปุพฺเพ  อปฺปวาริโต  คหปติกสฺส
ตนฺตวาเย    อุปสงฺกมิตฺวา    จีวเร    วิกปฺปํ    อาปชฺชติ   นิสฺสคฺคิยํ
ปาจิตฺติยํ     ฯ     อญฺาตเก    าตกสญฺี    ปุพฺเพ    อปฺปวาริโต
คหปติกสฺส    ตนฺตวาเย    อุปสงฺกมิตฺวา    จีวเร   วิกปฺปํ   อาปชฺชติ
นิสฺสคฺคิยํ     ปาจิตฺติยํ     ฯ     าตเก    อญฺาตกสญฺี    อาปตฺติ
ทุกฺกฏสฺส   ฯ   าตเก   เวมติโก   อาปตฺติ   ทุกฺกฏสฺส   ฯ  าตเก
าตกสญฺี อนาปตฺติ ฯ
     [๑๖๐]   อนาปตฺติ    าตกานํ    ปวาริตานํ    อญฺสฺสตฺถาย
อตฺตโน    ธเนน    มหคฺฆํ    วายาเปตุกามสฺส   อปฺปคฺฆํ   วายาเปติ
อุมฺมตฺตกสฺส อาทิกมฺมิกสฺสาติ ฯ
                         สตฺตมสิกฺขาปทํ นิฏฺิตํ ฯ
                                   -------

             เนื้อความพระไตรปิฎกฉบับภาษาบาลี อักษรไทย เล่มที่ ๒ หน้าที่ ๑๓๕-๑๔๐.
https://84000.org/tipitaka/read/pali_read.php?B=2&A=2380&w=&modeTY=1
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=2&A=2380&modeTY=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=2&item=157&items=4
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=2&siri=27
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=2&i=157
             อ่านอรรถกถาภาษาบาลีอักษรไทย :-
https://84000.org/tipitaka/atthapali/read_th.php?B=2&A=5771
             The Pali Atthakatha in Roman :-
https://84000.org/tipitaka/atthapali/read_rm.php?B=2&A=5771
             สารบัญพระไตรปิฎกเล่มที่ ๒
https://84000.org/tipitaka/read/?index_2
https://84000.org/tipitaka/english/?index_2