บาลีพระไตรปิฎกเล่มที่ ๒ - พระวินัยปิฎกเล่มที่ ๒

                              ปญฺจมสิกฺขาปทํ
     [๔๔๒]   เตน  สมเยน  พุทฺโธ  ภควา  สาวตฺถิยํ  วิหรติ เชตวเน
อนาถปิณฺฑิกสฺส   อาราเม  ฯ  เตน  โข  ปน  สมเยน  อญฺตโร  ภิกฺขุ
สาวตฺถิยํ    อญฺตริสฺสา    วิสิขาย   ปิณฺฑาย   จรติ   ฯ   อญฺตราปิ
ภิกฺขุนี   ตสฺสา   วิสิขาย   ปิณฺฑาย   จรติ   ฯ  อถโข  โส  ภิกฺขุ  ตํ
ภิกฺขุนึ   เอตทโวจ   คจฺฉ  ภคินิ  อมุกสฺมึ  โอกาเส  ภิกฺขา  ทียตีติ  ฯ
สาปิ   ^[๑]-   เอวมาห   คจฺฉ  อยฺย  ^๒-  อมุกสฺมึ  โอกาเส  ภิกฺขา
ทียตีติ   ฯ   เต   อภิณฺหทสฺสเนน   สนฺทิฏฺา   อเหสุํ   ฯ  เตน  โข
ปน สมเยน สงฺฆสฺส จีวรํ ภาชิยติ ^๓- ฯ
     {๔๔๒.๑}   อถโข  สา  ภิกฺขุนี  โอวาทํ  คนฺตฺวา  เยน  โส ภิกฺขุ
เตนุปสงฺกมิ    อุปสงฺกมิตฺวา    ตํ    ภิกฺขุํ    อภิวาเทตฺวา   เอกมนฺตํ
อฏฺาสิ  ฯ  เอกมนฺตํ  ิตํ  โข  ตํ  ภิกฺขุนึ  โส ภิกฺขุ เอตทโวจ อยํ เม
ภคินิ จีวรปฏิวิโส ^๔- สาทิยิสฺสสีติ ฯ  อาม อยฺย ทุพฺพลจีวรมฺหีติ ฯ
     {๔๔๒.๒}   อถโข  โส  ภิกฺขุ  ตสฺสา ภิกฺขุนิยา จีวรํ อทาสิ ฯ โสปิ
โข  ภิกฺขุ  ทุพฺพลจีวโร  โหติ  ฯ  ภิกฺขู ตํ ภิกฺขุํ เอตทโวจุํ กโรหิทานิ เต
อาวุโส   จีวรนฺติ  ฯ  อถโข  โส ภิกฺขุ ภิกฺขูนํ เอตมตฺถํ อาโรเจสิ ฯ เย
เต  ภิกฺขู  อปฺปิจฺฉา  ฯเปฯ  เต  อุชฺฌายนฺติ  ขียนฺติ  วิปาเจนฺติ  กถํ หิ
นาม   ภิกฺขุ   ภิกฺขุนิยา   จีวรํ  ทสฺสตีติ  ฯเปฯ  สจฺจํ  กิร  ตฺวํ  ภิกฺขุ
ภิกฺขุนิยา    จีวรํ    อทาสีติ    ฯ    สจฺจํ    ภควาติ   ฯ   าติกา
@เชิงอรรถ: ^๑ ม. โข ฯ  ^๒ ม. คจฺฉายฺย ฯ  ^๓ ม. ภาชียติ ฯ  ^๔ ม. จีวรปฏิวีโส ฯ
@สี. จีวรปฏิวึโส ฯ
เต   ภิกฺขุ   อญฺาติกาติ   ฯ   อญฺาติกา   ภควาติ   ฯ   อญฺาตโก
โมฆปุริส   อญฺาติกาย   น   ชานาติ   ปฏิรูปํ   วา   อปฺปฏิรูปํ   วา
สนฺตํ   วา   อสนฺตํ   วา   กถํ  หิ  นาม  ตฺวํ  โมฆปุริส  อญฺาติกาย
ภิกฺขุนิยา    จีวรํ    ทสฺสสิ    เนตํ    โมฆปุริส    อปฺปสนฺนานํ   วา
ปสาทาย ฯเปฯ เอวญฺจ ปน ภิกฺขเว อิมํ สิกฺขาปทํ อุทฺทิเสยฺยาถ
     {๔๔๒.๓}   โย  ปน  ภิกฺขุ  อญฺาติกาย  ภิกฺขุนิยา  จีวรํ  ทเทยฺย
ปาจิตฺติยนฺติ ฯ เอวญฺจิทํ ภควตา ภิกฺขูนํ สิกฺขาปทํ ปญฺตฺตํ โหติ ฯ
     [๔๔๓]   เตน  โข  ปน  สมเยน  ภิกฺขู  กุกฺกุจฺจายนฺตา  ภิกฺขุนีนํ
ปาริวฏฺฏกํ  จีวรํ  น  เทนฺติ  ฯ  ภิกฺขุนิโย  อุชฺฌายนฺติ  ขียนฺติ วิปาเจนฺติ
กถํ  หิ  นาม  อยฺยา  อมฺหากํ  ปาริวฏฺฏกํ  จีวรํ  น ทสฺสนฺตีติ ฯ อสฺโสสุํ
โข  ภิกฺขู  ตาสํ  ภิกฺขุนีนํ  อุชฺฌายนฺตีนํ  ขียนฺตีนํ  วิปาเจนฺตีนํ  ฯ  อถโข
เต  ภิกฺขู  ภควโต  เอตมตฺถํ  อาโรเจสุํ ฯ อถโข ภควา เอตสฺมึ นิทาเน
เอตสฺมึ  ปกรเณ  ธมฺมึ  กถํ  กตฺวา  ภิกฺขู  อามนฺเตสิ อนุชานามิ ภิกฺขเว
ปญฺจนฺนํ   ปาริวฏฺฏกํ  ทาตุํ  ภิกฺขุสฺส  ภิกฺขุนิยา  สิกฺขมานาย  สามเณรสฺส
สามเณริยา   อนุชานามิ   ภิกฺขเว   อิเมสํ   ปญฺจนฺนํ  ปาริวฏฺฏกํ  ทาตุํ
เอวญฺจ ปน ภิกฺขเว อิมํ สิกฺขาปทํ อุทฺทิเสยฺยาถ
     {๔๔๓.๑}   โย  ปน  ภิกฺขุ  อญฺาติกาย  ภิกฺขุนิยา  จีวรํ  ทเทยฺย
อญฺตฺร ปาริวฏฺฏกา ปาจิตฺติยนฺติ ฯ
     [๔๔๔]   โย  ปนาติ  โย  ยาทิโส  ฯเปฯ ภิกฺขูติ ฯเปฯ อยํ อิมสฺมึ
อตฺเถ    อธิปฺเปโต    ภิกฺขูติ    ฯ    อญฺาติกา    นาม    มาติโต
วา  ปิติโต  วา  ยาว  สตฺตมา  ปิตามหยุคา  อสมฺพทฺธา  ฯ ภิกฺขุนี นาม
อุภโตสงฺเฆ  อุปสมฺปนฺนา  ฯ  จีวรํ  นาม  ฉนฺนํ  จีวรานํ  อญฺตรํ  จีวรํ
วิกปฺปนุปคํ  ปจฺฉิมํ  ^๑-  ฯ  อญฺตฺร  ปาริวฏฺฏกาติ  เปตฺวา  ปาริวฏฺฏกํ
เทติ อาปตฺติ ปาจิตฺติยสฺส ฯ
     [๔๔๕]   อญฺาติกาย    อญฺาติกสญฺี   จีวรํ   เทติ   อญฺตฺร
ปาริวฏฺฏกา    อาปตฺติ    ปาจิตฺติยสฺส    ฯ    อญฺาติกาย   เวมติโก
จีวรํ    เทติ    อญฺตฺร    ปาริวฏฺฏกา    อาปตฺติ   ปาจิตฺติยสฺส   ฯ
อญฺาติกาย     าติกสญฺี    จีวรํ    เทติ    อญฺตฺร    ปาริวฏฺฏกา
อาปตฺติ    ปาจิตฺติยสฺส    ฯ    เอกโต   อุปสมฺปนฺนาย   จีวรํ   เทติ
อญฺตฺร     ปาริวฏฺฏกา     อาปตฺติ     ทุกฺกฏสฺส     ฯ    าติกาย
อญฺาติกสญฺี     อาปตฺติ     ทุกฺกฏสฺส    ฯ    าติกาย    เวมติโก
อาปตฺติ ทุกฺกฏสฺส ฯ าติกาย าติกสญฺี อนาปตฺติ ฯ
     [๔๔๖]   อนาปตฺติ    าติกาย    ปาริวฏฺฏกํ   ปริตฺเตน   วา
วิปุลํ   วิปุเลน   วา   ปริตฺตํ   ภิกฺขุนี   วิสฺสาสํ   คณฺหาติ  ตาวกาลิกํ
คณฺหาติ    จีวรํ    เปตฺวา    อญฺ   ปริกฺขารํ   เทติ   สิกฺขมานาย
สามเณริยา อุมฺมตฺตกสฺส อาทิกมฺมิกสฺสาติ ฯ
                         ปญฺจมสิกฺขาปทํ นิฏฺิตํ ฯ
                                    -------
@เชิงอรรถ: ^๑ สี. ยุ. วิกปฺปนุปคปจฺฉิมํ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๒ หน้าที่ ๒๘๔-๒๘๖. https://84000.org/tipitaka/read/pali_read.php?B=2&A=5113&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=2&A=5113&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=2&item=442&items=5 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=2&siri=61 ศึกษาอรรถกถานี้ได้ที่ :- https://84000.org/tipitaka/attha/attha.php?b=2&i=442 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=2&A=7911 The Pali Atthakatha in Roman :- https://84000.org/tipitaka/atthapali/read_rm.php?B=2&A=7911 สารบัญพระไตรปิฎกเล่มที่ ๒ https://84000.org/tipitaka/read/?index_2 https://84000.org/tipitaka/english/?index_2