บาลีพระไตรปิฎกเล่มที่ ๒ - พระวินัยปิฎกเล่มที่ ๒

                               สตฺตมสิกฺขาปทํ
     [๔๕๑]   เตน  สมเยน  พุทฺโธ  ภควา  สาวตฺถิยํ  วิหรติ เชตวเน
อนาถปิณฺฑิกสฺส   อาราเม   ฯ   เตน   โข   ปน  สมเยน  ฉพฺพคฺคิยา
ภิกฺขู   ภิกฺขุนีหิ   สทฺธึ  สํวิธาย  เอกทฺธานมคฺคํ  ปฏิปชฺชนฺติ  ฯ  มนุสฺสา
อุชฺฌายนฺติ   ขียนฺติ   วิปาเจนฺติ   ยเถว  มยํ  สปฺปชาปติกา  อาหิณฺฑาม
เอวเมวิเม   สมณา   สกฺยปุตฺติยา   ภิกฺขุนีหิ   สทฺธึ   อาหิณฺฑนฺตีติ   ฯ
อสฺโสสุํ    โข    ภิกฺขู    เตสํ   มนุสฺสานํ   อุชฺฌายนฺตานํ   ขียนฺตานํ
วิปาเจนฺตานํ   ฯ   เย   เต  ภิกฺขู  อปฺปิจฺฉา  ฯเปฯ  เต  อุชฺฌายนฺติ
ขียนฺติ   วิปาเจนฺติ   กถํ   หิ   นาม  ฉพฺพคฺคิยา  ภิกฺขู  ภิกฺขุนีหิ  สทฺธึ
สํวิธาย   เอกทฺธานมคฺคํ   ปฏิปชฺชิสฺสนฺตีติ   ฯเปฯ   สจฺจํ   กิร  ตุเมฺห
ภิกฺขเว   ภิกฺขุนีหิ   สทฺธึ   สํวิธาย   เอกทฺธานมคฺคํ   ปฏิปชฺชถาติ   ฯ
สจฺจํ   ภควาติ   ฯ   วิครหิ   พุทฺโธ   ภควา   กถํ  หิ  นาม  ตุเมฺห
โมฆปุริสา    ภิกฺขุนีหิ    สทฺธึ   สํวิธาย   เอกทฺธานมคฺคํ   ปฏิปชฺชิสฺสถ
เนตํ    โมฆปุริสา    อปฺปสนฺนานํ   วา   ปสาทาย   ฯเปฯ   เอวญฺจ
ปน ภิกฺขเว อิมํ สิกฺขาปทํ อุทฺทิเสยฺยาถ
     {๔๕๑.๑}   โย  ปน  ภิกฺขุ  ภิกฺขุนิยา  สทฺธึ สํวิธาย เอกทฺธานมคฺคํ
ปฏิปชฺเชยฺย อนฺตมโส คามนฺตรมฺปิ ปาจิตฺติยนฺติ ฯ
     {๔๕๑.๒}   เอวญฺจิทํ ภควตา ภิกฺขูนํ สิกฺขาปทํ ปญฺตฺตํ โหติ ฯ
     [๔๕๒]   เตน  โข  ปน  สมเยน  สมฺพหุลา  ภิกฺขู  จ  ภิกฺขุนิโย
จ   สาเกตา   สาวตฺถึ   อทฺธานมคฺคปฏิปนฺนา   โหนฺติ  ฯ  อถโข  ตา
ภิกฺขุนิโย   เต   ภิกฺขู   ปสฺสิตฺวา   เอตทโวจุํ   มยํปิ   อยฺเยหิ  สทฺธึ
คมิสฺสามาติ    ฯ    น    ภคินิ   กปฺปติ   ภิกฺขุนิยา   สทฺธึ   สํวิธาย
เอกทฺธานมคฺคํ    ปฏิปชฺชิตุํ   ตุเมฺห   วา   ปมํ   คจฺฉถ   มยํ   วา
คมิสฺสามาติ  ฯ  อยฺยา  ภนฺเต  อคฺคปุริสา  อยฺยา  ว  ปมํ คจฺฉนฺตูติ ฯ
อถโข  ตาสํ  ภิกฺขุนีนํ  ปจฺฉา  คจฺฉนฺตีนํ  อนฺตรามคฺเค  โจรา  อจฺฉินฺทึสุ
เจว   ทูเสสุญฺจ   ฯ  อถโข  ตา  ภิกฺขุนิโย  สาวตฺถึ  คนฺตฺวา  ภิกฺขุนีนํ
เอตมตฺถํ  อาโรเจสุํ  ฯ  ภิกฺขุนิโย  ภิกฺขูนํ  เอตมตฺถํ  อาโรเจสุํ ฯ ภิกฺขู
ภควโต  เอตมตฺถํ  อาโรเจสุํ  ฯ  อถโข  ภควา เอตสฺมึ นิทาเน เอตสฺมึ
ปกรเณ   ธมฺมึ   กถํ   กตฺวา   ภิกฺขู   อามนฺเตสิ  อนุชานามิ  ภิกฺขเว
สตฺถคมนีเย    มคฺเค    สาสงฺกสมฺมเต   สปฺปฏิภเย   ภิกฺขุนิยา   สทฺธึ
สํวิธาย    เอกทฺธานมคฺคํ    ปฏิปชฺชิตุํ   เอวญฺจ   ปน   ภิกฺขเว   อิมํ
สิกฺขาปทํ อุทฺทิเสยฺยาถ
     {๔๕๒.๑}   โย  ปน  ภิกฺขุ  ภิกฺขุนิยา  สทฺธึ สํวิธาย เอกทฺธานมคฺคํ
ปฏิปชฺเชยฺย   อนฺตมโส   คามนฺตรมฺปิ   อญฺตฺร   สมยา   ปาจิตฺติยํ  ฯ
ตตฺถายํ   สมโย   สตฺถคมนีโย  โหติ  มคฺโค  สาสงฺกสมฺมโต  สปฺปฏิภโย
อยํ ตตฺถ สมโยติ ฯ
     [๔๕๓]   โย   ปนาติ  โย  ยาทิโส  ฯเปฯ  ภิกฺขูติ  ฯเปฯ  อยํ
อิมสฺมึ   อตฺเถ   อธิปฺเปโต   ภิกฺขูติ   ฯ   ภิกฺขุนี   นาม  อุภโตสงฺเฆ
อุปสมฺปนฺนา   ฯ   สทฺธินฺติ   เอกโต   ฯ   สํวิธายาติ   คจฺฉาม  ภคินิ
คจฺฉาม   อยฺย   คจฺฉาม   อยฺย   ^๑-   คจฺฉาม   ภคินิ   อชฺช   วา
@เชิงอรรถ: ^๑ ม. คจฺฉามายฺย คจฺฉามายฺย ฯ เอวมีทิเสสุ าเนสุ ฯ
หิยฺโย   วา   ปเร   วา   คจฺฉามาติ  สํวิทหติ  อาปตฺติ  ทุกฺกฏสฺส  ฯ
อนฺตมโส   คามนฺตรมฺปีติ   กุกฺกุฏสมฺปาเต   คาเม   คามนฺตเร  อาปตฺติ
ปาจิตฺติยสฺส    ฯ    อคามเก    อรญฺเ    อฑฺฒโยชเน   อฑฺฒโยชเน
อาปตฺติ   ปาจิตฺติยสฺส   ฯ   อญฺตฺร   สมยาติ   เปตฺวา   สมยํ   ฯ
สตฺถคมนีโย   นาม   มคฺโค  น  สกฺกา  โหติ  วินา  สตฺเถน  คนฺตุํ  ฯ
สาสงฺกํ  นาม  ตสฺมึ  มคฺเค  โจรานํ  นิวิฏฺโกาโส  ทิสฺสติ  ภุตฺโตกาโส
ทิสฺสติ    ิโตกาโส    ทิสฺสติ    นิสินฺโนกาโส   ทิสฺสติ   นิปนฺโนกาโส
ทิสฺสติ   ฯ   สปฺปฏิภยํ   นาม   ตสฺมึ   มคฺเค  โจเรหิ  มนุสฺสา  หตา
ทิสฺสนฺติ    วิลุตฺตา    ทิสฺสนฺติ    อาโกฏิตา   ทิสฺสนฺติ   ฯ   สปฺปฏิภยํ
คนฺตฺวา อปฺปฏิภยํ ปสฺสิตฺวา ^๑- อุยฺโยเชตพฺพา คจฺฉถ ภคินิโยติ ฯ
     [๔๕๔]   สํวิทหิเต    สํวิทหิตสญฺี    เอกทฺธานมคฺคํ   ปฏิปชฺชติ
อนฺตมโส   คามนฺตรมฺปิ   อญฺตฺร   สมยา   อาปตฺติ   ปาจิตฺติยสฺส   ฯ
สํวิทหิเต   เวมติโก   เอกทฺธานมคฺคํ   ปฏิปชฺชติ  อนฺตมโส  คามนฺตรมฺปิ
อญฺตฺร   สมยา   อาปตฺติ   ปาจิตฺติยสฺส   ฯ   สํวิทหิเต  อสํวิทหิตสญฺี
เอกทฺธานมคฺคํ     ปฏิปชฺชติ     อนฺตมโส     คามนฺตรมฺปิ     อญฺตฺร
สมยา   อาปตฺติ   ปาจิตฺติยสฺส   ฯ  ภิกฺขุ  สํวิทหติ  ภิกฺขุนี  น  สํวิทหติ
อาปตฺติ   ทุกฺกฏสฺส   ฯ  อสํวิทหิเต  สํวิทหิตสญฺี  อาปตฺติ  ทุกฺกฏสฺส  ฯ
อสํวิทหิเต   เวมติโก   อาปตฺติ  ทุกฺกฏสฺส  ฯ  อสํวิทหิเต  อสํวิทหิตสญฺี
อนาปตฺติ ฯ
     [๔๕๕]   อนาปตฺติ    สมเย    อสํวิทหิตฺวา   คจฺฉนฺติ   ภิกฺขุนี
@เชิงอรรถ: ^๑ ม. ทสฺเสตฺวา ฯ
สํวิทหติ    ภิกฺขุ    น    สํวิทหติ    วิสงฺเกเตน   คจฺฉนฺติ   อาปทาสุ
อุมฺมตฺตกสฺส อาทิกมฺมิกสฺสาติ ฯ
                         สตฺตมสิกฺขาปทํ นิฏฺิตํ ฯ
                                    -------

เนื้อความพระไตรปิฎกฉบับภาษาบาลี อักษรไทย เล่มที่ ๒ หน้าที่ ๒๙๐-๒๙๓. https://84000.org/tipitaka/read/pali_read.php?B=2&A=5226&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=2&A=5226&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=2&item=451&items=5 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=2&siri=63 ศึกษาอรรถกถานี้ได้ที่ :- https://84000.org/tipitaka/attha/attha.php?b=2&i=451 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=2&A=7949 The Pali Atthakatha in Roman :- https://84000.org/tipitaka/atthapali/read_rm.php?B=2&A=7949 สารบัญพระไตรปิฎกเล่มที่ ๒ https://84000.org/tipitaka/read/?index_2 https://84000.org/tipitaka/english/?index_2