ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๒ ภาษาบาลี อักษรไทย พระวินัยปิฎกเล่มที่ ๒ วินย. มหาวิภงฺโค (๒)

                               จตุตฺถสิกฺขาปทํ
     [๖๔๔]   เตน  สมเยน  พุทฺโธ  ภควา  สาวตฺถิยํ  วิหรติ เชตวเน
อนาถปิณฺฑิกสฺส   อาราเม   ฯ   เตน   โข   ปน   สมเยน  อายสฺมา
อุปนนฺโท   สกฺยปุตฺโต   สญฺเจตนิกํ   สุกฺกวิสฏฺึ   อาปตฺตึ   อาปชฺชิตฺวา
ภาตุโน   สทฺธิวิหาริกสฺส   ภิกฺขุโน  อาโรเจสิ  อหํ  อาวุโส  สญฺเจตนิกํ
สุกฺกวิสฏฺึ   อาปตฺตึ  อาปนฺโน  มา  กสฺสจิ  อาโรเจสีติ  ฯ  เตน  โข
ปน    สมเยน    อญฺตโร   ภิกฺขุ   สญฺเจตนิกํ   สุกฺกวิสฏฺึ   อาปตฺตึ
อาปชฺชิตฺวา   สงฺฆํ  ตสฺสา  อาปตฺติยา  ปริวาสํ  ยาจิ  ฯ  ตสฺส  สงฺโฆ
ตสฺสา อาปตฺติยา ปริวาสํ อทาสิ ฯ
     {๖๔๔.๑}   โส  ปริวสนฺโต  ตํ  ภิกฺขุํ  ปสฺสิตฺวา  เอตทโวจ  อหํ
อาวุโส   สญฺเจตนิกํ   สุกฺกวิสฏฺึ   อาปตฺตึ   อาปชฺชิตฺวา  สงฺฆํ  ตสฺสา
อาปตฺติยา   ปริวาสํ   ยาจึ   ตสฺส   เม   สงฺโฆ   ตสฺสา  อาปตฺติยา
ปริวาสํ   อทาสิ   โสหํ   ปริวสามิ  เวทยามหํ  ๑-  อาวุโส  เวทยตีติ
มํ   อายสฺมา   ธาเรตูติ   ฯ  กึ  นุ  โข  อาวุโส  โย  อญฺโปิ  อิมํ
อาปตฺตึ  อาปชฺชติ  โสปิ  เอวํ  กโรตีติ  ฯ  เอวมาวุโสติ ฯ อยํ อาวุโส
อายสฺมา    อุปนนฺโท    สกฺยปุตฺโต   สญฺเจตนิกํ   สุกฺกวิสฏฺึ   อาปตฺตึ
อาปชฺชิตฺวา   ๒-   โส   เม   อาโรเจสิ   อหํ   อาวุโส  สญฺเจตนิกํ
สุกฺกวิสฏฺึ   อาปตฺตึ   อาปนฺโน   ๓-  มา  กสฺสจิ  อาโรเจสีติ  ฯ  กึ
@เชิงอรรถ:  ม. เวทิยามหํ ฯ   อาปชฺชิ ฯ   ม. อหํ อาวุโส ... อาปนฺโนติ
@อิเม ปาา นตฺถิ ฯ
ปน   ตฺวํ   อาวุโส   ตํ   อาปตฺตึ  ปฏิจฺฉาเทสีติ  ฯ  เอวมาวุโสติ  ฯ
อถโข   โส   ภิกฺขุ   ภิกฺขูนํ  เอตมตฺถํ  อาโรเจสิ  ฯ  เย  เต  ภิกฺขู
อปฺปิจฺฉา    ฯเปฯ   เต   อุชฺฌายนฺติ   ขียนฺติ   วิปาเจนฺติ   กถํ   หิ
นาม    ภิกฺขุ    ภิกฺขุสฺส   ชานํ   ทุฏฺฐุลฺลํ   อาปตฺตึ   ปฏิจฺฉาเทสฺสตีติ
ฯเปฯ   สจฺจํ   กิร   ตฺวํ   ภิกฺขุ   ภิกฺขุสฺส   ชานํ   ทุฏฺลฺลํ  อาปตฺตึ
ปฏิจฺฉาเทสีติ   ฯ   สจฺจํ   ภควาติ   ฯ   วิครหิ   พุทฺโธ  ภควา  กถํ
หิ    นาม    ตฺวํ    โมฆปุริส    ภิกฺขุสฺส   ชานํ   ทุฏฺฐุลฺลํ   อาปตฺตึ
ปฏิจฺฉาเทสฺสสิ    เนตํ    โมฆปุริส    อปฺปสนฺนานํ    วา    ปสาทาย
ปสนฺนานํ   วา   ภิยฺโยภาวาย   ฯเปฯ   เอวญฺจ   ปน   ภิกฺขเว  อิมํ
สิกฺขาปทํ อุทฺทิเสยฺยาถ
     {๖๔๔.๒}   โย   ปน   ภิกฺขุ   ภิกฺขุสฺส  ชานํ  ทุฏฺฐุลฺลํ  อาปตฺตึ
ปฏิจฺฉาเทยฺย ปาจิตฺติยนฺติ ฯ
     [๖๔๕]   โย  ปนาติ  โย  ยาทิโส  ฯเปฯ ภิกฺขูติ ฯเปฯ อยํ อิมสฺมึ
อตฺเถ  อธิปฺเปโต  ภิกฺขูติ  ฯ  ภิกฺขุสฺสาติ  อญฺสฺส  ภิกฺขุสฺส  ฯ  ชานาติ
นาม  สามํ  วา ชานาติ อญฺเ วา ตสฺส อาโรเจนฺติ โส วา อาโรเจติ ฯ
ทุฏฺฐุลฺลา  นาม  อาปตฺติ  จตฺตาริ จ ปาราชิกานิ เตรส จ สงฺฆาทิเสสา ฯ
ปฏิจฺฉาเทยฺยาติ   อิมํ   ชานิตฺวา   โจเทสฺสนฺติ  สาเรสฺสนฺติ  ขุํเสสฺสนฺติ
วมฺเภสฺสนฺติ  มงฺกุํ  กริสฺสนฺติ  นาโรเจสฺสามีติ  ธุรํ  นิกฺขิตฺตมตฺเต อาปตฺติ
ปาจิตฺติยสฺส ฯ
     [๖๔๖]   ทุฏฺฐุลฺลาย   อาปตฺติยา   ทุฏฺฐุลฺลาปตฺติสญฺี  ปฏิจฺฉาเทติ
อาปตฺติ     ปาจิตฺติยสฺส    ฯ    ทุฏฺฐุลฺลาย    อาปตฺติยา    เวมติโก
ปฏิจฺฉาเทติ     อาปตฺติ    ทุกฺกฏสฺส    ฯ    ทุฏฺฐุลฺลาย    อาปตฺติยา
อทุฏฺฐุลฺลาปตฺติสญฺี    ปฏิจฺฉาเทติ   อาปตฺติ   ทุกฺกฏสฺส   ฯ   อทุฏฺฐุลฺลํ
อาปตฺตึ    ปฏิจฺฉาเทติ    อาปตฺติ    ทุกฺกฏสฺส    ฯ    อนุปสมฺปนฺนสฺส
ทุฏฺฐุลฺลํ    วา    อทุฏฺฐุลฺลํ   วา   อชฺฌาจารํ   ปฏิจฺฉาเทติ   อาปตฺติ
ทุกฺกฏสฺส    ฯ   อทุฏฺฐุลฺลาย   อาปตฺติยา   ทุฏฺฐุลฺลาปตฺติสญฺี   อาปตฺติ
ทุกฺกฏสฺส   ฯ  อทุฏฺฐุลฺลาย  อาปตฺติยา  เวมติโก  อาปตฺติ  ทุกฺกฏสฺส  ฯ
อทุฏฺฐุลฺลาย อาปตฺติยา อทุฏฺฐุลฺลาปตฺติสญฺี อาปตฺติ ทุกฺกฏสฺส ฯ
     [๖๔๗]   อนาปตฺติ  สงฺฆสฺส  ภณฺฑนํ  วา  กลโห  วา  วิคฺคโห วา
วิวาโท  วา  ภวิสฺสตีติ  นาโรเจติ  สงฺฆเภโท วา สงฺฆราชิ วา ภวิสฺสตีติ
นาโรเจติ  อยํ  กกฺขโฬ  ผรุโส  ชีวิตนฺตรายํ  วา  พฺรหฺมจริยนฺตรายํ วา
กริสฺสตีติ   นาโรเจติ   อญฺเ   ปฏิรูเป   ภิกฺขู  อปสฺสนฺโต  นาโรเจติ
นจฺฉาเทตุกาโม   นาโรเจติ  ปญฺายิสฺสติ  สเกน  กมฺเมนาติ  นาโรเจติ
อุมฺมตฺตกสฺส อาทิกมฺมิกสฺสาติ ฯ
                         จตุตฺถสิกฺขาปทํ นิฏฺิตํ ฯ
                                 ---------


             เนื้อความพระไตรปิฎกฉบับภาษาบาลี อักษรไทย เล่มที่ ๒ หน้าที่ ๔๑๘-๔๒๐. https://84000.org/tipitaka/read/pali_read.php?B=2&A=7513&w=&modeTY=1              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=2&A=7513&modeTY=1              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=2&item=644&items=4              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=2&siri=100              ศึกษาอรรถกถานี้ได้ที่ :- https://84000.org/tipitaka/attha/attha.php?b=2&i=644              อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=2&A=9702              The Pali Atthakatha in Roman :- https://84000.org/tipitaka/atthapali/read_rm.php?B=2&A=9702              สารบัญพระไตรปิฎกเล่มที่ ๒ https://84000.org/tipitaka/read/?index_2 https://84000.org/tipitaka/english/?index_2

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]