บาลีพระไตรปิฎกเล่มที่ ๒ - พระวินัยปิฎกเล่มที่ ๒

                               นวมสิกฺขาปทํ
     [๖๖๙]   เตน  สมเยน  พุทฺโธ  ภควา  สาวตฺถิยํ  วิหรติ เชตวเน
อนาถปิณฺฑิกสฺส   อาราเม   ฯ   เตน   โข   ปน  สมเยน  ฉพฺพคฺคิยา
ภิกฺขู    ชานํ   ตถาวาทินา   อริฏฺเน   ภิกฺขุนา   อกฏานุธมฺเมน   ตํ
ทิฏฺึ    อปฺปฏินิสฺสฏฺเน    สทฺธึ    สมฺภุญฺชนฺติปิ    สํวสนฺติปิ    สหาปิ
เสยฺยํ  กปฺเปนฺติ  ฯ  เย  เต  ภิกฺขู  อปฺปิจฺฉา  ฯเปฯ  เต  อุชฺฌายนฺติ
ขียนฺติ   วิปาเจนฺติ  กถํ  หิ  นาม  ฉพฺพคฺคิยา  ภิกฺขู  ชานํ  ตถาวาทินา
อริฏฺเน   ภิกฺขุนา   อกฏานุธมฺเมน   ตํ   ทิฏฺึ  อปฺปฏินิสฺสฏฺเน  สทฺธึ
สมฺภุญฺชิสฺสนฺติปิ    สํวสิสฺสนฺติปิ   สหาปิ   เสยฺยํ   กปฺเปสฺสนฺตีติ   ฯเปฯ
สจฺจํ   กิร   ตุเมฺห   ภิกฺขเว   ชานํ   ตถาวาทินา  อริฏฺเน  ภิกฺขุนา
อกฏานุธมฺเมน    ตํ    ทิฏฺึ    อปฺปฏินิสฺสฏฺเน    สทฺธึ   สมฺภุญฺชถาปิ
สํวสถาปิ   สหาปิ   เสยฺยํ   กปฺเปถาติ   ฯ  สจฺจํ  ภควาติ  ฯ  วิครหิ
พุทฺโธ   ภควา   กถํ   หิ  นาม  ตุเมฺห  โมฆปุริสา  ชานํ  ตถาวาทินา
อริฏฺเน   ภิกฺขุนา   อกฏานุธมฺเมน   ตํ   ทิฏฺึ  อปฺปฏินิสฺสฏฺเน  สทฺธึ
สมฺภุญฺชิสฺสถาปิ    สํวสิสฺสถาปิ    สหาปิ    เสยฺยํ    กปฺเปสฺสถ   เนตํ
โมฆปุริสา   อปฺปสนฺนานํ   วา   ปสาทาย  ปสนฺนานํ  วา  ภิยฺโยภาวาย
ฯเปฯ เอวญฺจ ปน ภิกฺขเว อิมํ สิกฺขาปทํ อุทฺทิเสยฺยาถ
     {๖๖๙.๑}   โย ปน ภิกฺขุ ชานํ ตถาวาทินา ภิกฺขุนา อกฏานุธมฺเมน ตํ
ทิฏฺึ  อปฺปฏินิสฺสฏฺเน  สทฺธึ  สมฺภุญฺเชยฺย  วา  สํวเสยฺย  วา  สห  วา
เสยฺยํ กปฺเปยฺย ปาจิตฺติยนฺติ ฯ
     [๖๗๐]   โย  ปนาติ  โย  ยาทิโส  ฯเปฯ ภิกฺขูติ ฯเปฯ อยํ อิมสฺมึ
อตฺเถ  อธิปฺเปโต  ภิกฺขูติ  ฯ  ชานาติ  นาม  สามํ  วา  ชานาติ อญฺเ
วา   ตสฺส  อาโรเจนฺติ  โส  วา  อาโรเจติ  ฯ  ตถาวาทินาติ  ตถาหํ
ภควตา   ธมฺมํ   เทสิตํ   อาชานามิ  ยถา  เยเม  อนฺตรายิกา  ธมฺมา
วุตฺตา   ภควตา  เต  ปฏิเสวโต  นาลํ  อนฺตรายายาติ  เอวํวาทินา  ฯ
อกฏานุธมฺโม    นาม    อุกฺขิตฺโต    อโนสาริโต    ฯ    ตํ    ทิฏฺึ
อปฺปฏินิสฺสฏฺเน   สทฺธินฺติ   เอตํ   ทิฏฺึ   อปฺปฏินิสฺสฏฺเน   สทฺธึ   ฯ
สมฺภุญฺเชยฺย   วาติ   สมฺโภโค   นาม   เทฺว  สมฺโภคา  อามิสสมฺโภโค
จ   ธมฺมสมฺโภโค   จ   ฯ   อามิสสมฺโภโค   นาม  อามิสํ  เทติ  วา
ปฏิคฺคณฺหาติ    วา   อาปตฺติ   ปาจิตฺติยสฺส   ฯ   ธมฺมสมฺโภโค   นาม
อุทฺทิสติ   วา   อุทฺทิสาเปติ  วา  ฯ  ปเทน  อุทฺทิสติ  วา  อุทฺทิสาเปติ
วา   ปเท   ปเท   อาปตฺติ   ปาจิตฺติยสฺส  ฯ  อกฺขราย  อุทฺทิสติ  วา
อุทฺทสาเปติ   วา   อกฺขรกฺขราย   อาปตฺติ   ปาจิตฺติยสฺส  ฯ  สํวเสยฺย
วาติ   อุกฺขิตฺตเกน   สทฺธึ   อุโปสถํ  วา  ปวารณํ  วา  สงฺฆกมฺมํ  วา
กโรติ  อาปตฺติ  ปาจิตฺติยสฺส  ฯ  สห  วา เสยฺยํ กปฺเปยฺยาติ เอกจฺฉนฺเน
อุกฺขิตฺตเก   นิปนฺเน   ภิกฺขุ   นิปชฺชติ   อาปตฺติ  ปาจิตฺติยสฺส  ฯ  ภิกฺขุ
นิปนฺเน   อุกฺขิตฺตโก   นิปชฺชติ   อาปตฺติ   ปาจิตฺติยสฺส   ฯ  อุโภ  วา
นิปชฺชนฺติ   อาปตฺติ   ปาจิตฺติยสฺส   ฯ   อุฏฺหิตฺวา   ปุนปฺปุนํ   นิปชฺชติ
อาปตฺติ ปาจิตฺติยสฺส ฯ
     [๖๗๑]   อุกฺขิตฺตเก   อุกฺขิตฺตกสญฺี   สมฺภุญฺชติ  วา  สํวสติ  วา
สห  วา  เสยฺยํ  กปฺเปติ  อาปตฺติ  ปาจิตฺติยสฺส  ฯ  อุกฺขิตฺตเก เวมติโก
สมฺภุญฺชติ  วา  สํวสติ  วา  สห  วา  เสยฺยํ กปฺเปติ อาปตฺติ ทุกฺกฏสฺส ฯ
อุกฺขิตฺตเก   อนุกฺขิตฺตกสญฺี   สมฺภุญฺชติ   วา   สํวสติ   วา   สห  วา
เสยฺยํ   กปฺเปติ   อนาปตฺติ   ฯ   อนุกฺขิตฺตเก   อุกฺขิตฺตกสญฺี  อาปตฺติ
ทุกฺกฏสฺส  ฯ  อนุกฺขิตฺตเก  เวมติโก  อาปตฺติ  ทุกฺกฏสฺส  ฯ  อนุกฺขิตฺตเก
อนุกฺขิตฺตกสญฺี อนาปตฺติ ฯ
     [๖๗๒]   อนาปตฺติ   อนุกฺขิตฺโตติ  ชานาติ  อุกฺขิตฺโต  โอสาริโตติ
ชานาติ   อุกฺขิตฺโต   ^๑-  ตํ  ทิฏฺึ  ปฏินิสฺสฏฺโติ  ชานาติ  อุมฺมตฺตกสฺส
อาทิกมฺมิกสฺสาติ ฯ
                          นวมสิกฺขาปทํ นิฏฺิตํ ฯ
                                   -------
@เชิงอรรถ: ^๑ ม. อยํ ปาโ นตฺถิ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๒ หน้าที่ ๔๓๘-๔๔๐. https://84000.org/tipitaka/read/pali_read.php?B=2&A=7881&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=2&A=7881&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=2&item=669&items=4 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=2&siri=105 ศึกษาอรรถกถานี้ได้ที่ :- https://84000.org/tipitaka/attha/attha.php?b=2&i=669 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=2&A=9826 The Pali Atthakatha in Roman :- https://84000.org/tipitaka/atthapali/read_rm.php?B=2&A=9826 สารบัญพระไตรปิฎกเล่มที่ ๒ https://84000.org/tipitaka/read/?index_2 https://84000.org/tipitaka/english/?index_2