บาลีพระไตรปิฎกเล่มที่ ๒ - พระวินัยปิฎกเล่มที่ ๒

                               ทุติยสิกฺขาปทํ
     [๖๘๕]   เตน  สมเยน  พุทฺโธ  ภควา  สาวตฺถิยํ  วิหรติ เชตวเน
อนาถปิณฺฑิกสฺส   อาราเม   ฯ  เตน  โข  ปน  สมเยน  ภควา  ภิกฺขูนํ
อเนกปริยาเยน     วินยกถํ     กเถติ     วินยสฺส    วณฺณํ    ภาสติ
วินยปริยตฺติยา     วณฺณํ    ภาสติ    อาทิสฺส    อาทิสฺส    อายสฺมโต
อุปาลิสฺส   วณฺณํ   ภาสติ   ฯ   ภิกฺขู   ภควา   โข   อเนกปริยาเยน
วินยกถํ    กเถติ    วินยสฺส    วณฺณํ   ภาสติ   วินยปริยตฺติยา   วณฺณํ
ภาสติ    อาทิสฺส    อาทิสฺส    อายสฺมโต   อุปาลิสฺส   วณฺณํ   ภาสติ
หนฺท    มยํ    อาวุโส    อายสฺมโต    อุปาลิสฺส    สนฺติเก    วินยํ
ปริยาปุณามาติ   ฯ   เต  จ  พหู  ภิกฺขู  เถรา  จ  นวา  จ  มชฺฌิมา
จ อายสฺมโต อุปาลิสฺส สนฺติเก วินยํ ปริยาปุณนฺติ ฯ
     {๖๘๕.๑}   อถโข  ฉพฺพคฺคิยานํ  ภิกฺขูนํ  เอตทโหสิ  เอตรหิ  โข
อาวุโส  พหู  ภิกฺขู  เถรา  จ  นวา  จ  มชฺฌิมา จ อายสฺมโต อุปาลิสฺส
สนฺติเก   วินยํ   ปริยาปุณนฺติ  สเจ  อิเม  วินเย  ปกตญฺุโน  ภวิสฺสนฺติ
อเมฺห  ^[๑]-  ยถิจฺฉกํ ^[๒]- อากฑฺฒิสฺสนฺติ ปริกฑฺฒิสฺสนฺติ หนฺท มยํ อาวุโส
วินยํ  วิวณฺเณมาติ  ฯ  อถโข  ฉพฺพคฺคิยา  ภิกฺขู  ภิกฺขู อุปสงฺกมิตฺวา เอวํ
วเทนฺติ   ^๓-   กึ   ปนิเมหิ   ขุทฺทานุขุทฺทเกหิ  สิกฺขาปเทหิ  อุทฺทิฏฺเหิ
ยาวเทว  กุกฺกุจฺจาย  วิเหสาย  วิเลขาย  สํวตฺตนฺตีติ  ฯ  เย  เต ภิกฺขู
อปฺปิจฺฉา    ฯเปฯ    เต    อุชฺฌายนฺติ    ขียนฺติ    วิปาเจนฺติ   กถํ
@เชิงอรรถ: ^๑ ม. เยนิจฺฉกํ ฯ  ^๒ ม. ยาวทิจฺฉกํ ฯ  ^๓ ม. ยุ. วทนฺติ ฯ
หิ   นาม   ฉพฺพคฺคิยา   ภิกฺขู  วินยํ  วิวณฺเณสฺสนฺตีติ  ฯเปฯ  สจฺจํ  กิร
ตุเมฺห  ภิกฺขเว  วินยํ  วิวณฺเณถาติ  ฯ  สจฺจํ  ภควาติ  ฯ  วิครหิ พุทฺโธ
ภควา   กถํ   หิ   นาม   ตุเมฺห  โมฆปุริสา  วินยํ  วิวณฺเณสฺสถ  เนตํ
โมฆปุริสา   อปฺปสนฺนานํ   วา   ปสาทาย  ปสนฺนานํ  วา  ภิยฺโยภาวาย
ฯเปฯ เอวญฺจ ปน ภิกฺขเว อิมํ สิกฺขาปทํ อุทฺทิเสยฺยาถ
     {๖๘๕.๒}   โย  ปน  ภิกฺขุ  ปาติโมกฺเข อุทฺทิสฺสมาเน เอวํ วเทยฺย
กึ    ปนิเมหิ    ขุทฺทานุขุทฺทเกหิ   สิกฺขาปเทหิ   อุทฺทิฏฺเหิ   ยาวเทว
กุกฺกุจฺจาย   วิเหสาย   วิเลขาย   สํวตฺตนฺตีติ   สิกฺขาปทวิวณฺณนเก  ^๑-
ปาจิตฺติยนฺติ ฯ
     [๖๘๖]   โย   ปนาติ  โย  ยาทิโส  ฯเปฯ  ภิกฺขูติ  ฯเปฯ  อยํ
อิมสฺมึ   อตฺเถ   อธิปฺเปโต   ภิกฺขูติ   ฯ   ปาติโมกฺเข  อุทฺทิสฺสมาเนติ
อุทฺทิสฺสนฺเต   ^๒-  วา  อุทฺทิสาเปนฺเต  วา  สชฺฌายํ  วา  กโรนฺเต  ฯ
เอวํ    วเทยฺยาติ    กึ    ปนิเมหิ    ขุทฺทานุขุทฺทเกหิ    สิกฺขาปเทหิ
อุทฺทิฏฺเหิ    ยาวเทว    กุกฺกุจฺจาย   วิเหสาย   วิเลขาย   สํวตฺตนฺติ
เย   อิมํ   ปริยาปุณนฺติ   เตสํ  กุกฺกุจฺจํ  โหติ  วิเหสา  โหติ  วิเลขา
โหติ   เย   อิมํ   น   ปริยาปุณนฺติ  เตสํ  กุกฺกุจฺจํ  น  โหติ  วิเหสา
น   โหติ   วิเลขา  น  โหติ  อนุทฺทิฏฺ  อิทํ  วรํ  อนุคฺคหิตํ  อิทํ  วรํ
อปริยาปุตํ   ^๓-  อิทํ  วรํ  อธาริตํ  อิทํ  วรํ  วินโย  วา  อนฺตรธายตุ
อิเม    วา    ภิกฺขู    อปกตญฺุโน    โหนฺตูติ   อุปสมฺปนฺนสฺส   วินยํ
วิวณฺเณติ อาปตฺติ ปาจิตฺติยสฺส ฯ
     [๖๘๗]   อุปสมฺปนฺเน   อุปสมฺปนฺนสญฺี   วินยํ  วิวณฺเณติ  อาปตฺติ
@เชิงอรรถ: ^๑ ม. สิกฺขาปทวิวณฺณเก ฯ  ^๒ ม. อุทฺทิสนฺเต วา ฯ  ^๓ ม. อปริยาปุฏํ ฯ
ปาจิตฺติยสฺส   ฯ   อุปสมฺปนฺเน   เวมติโก   วินยํ   วิวณฺเณติ   อาปตฺติ
ปาจิตฺติยสฺส    ฯ    อุปสมฺปนฺเน    อนุปสมฺปนฺนสญฺี   วินยํ   วิวณฺเณติ
อาปตฺติ    ปาจิตฺติยสฺส    ฯ    อญฺ    ธมฺมํ    วิวณฺเณติ    อาปตฺติ
ทุกฺกฏสฺส    ฯ    อนุปสมฺปนฺนสฺส    วินยํ    วา   อญฺ   วา   ธมฺมํ
วิวณฺเณติ    อาปตฺติ    ทุกฺกฏสฺส    ฯ   อนุปสมฺปนฺเน   อุปสมฺปนฺนสญฺี
อาปตฺติ   ทุกฺกฏสฺส   ฯ  อนุปสมฺปนฺเน  เวมติโก  อาปตฺติ  ทุกฺกฏสฺส  ฯ
อนุปสมฺปนฺเน อนุปสมฺปนฺนสญฺี อาปตฺติ ทุกฺกฏสฺส ฯ
     [๖๘๘]   อนาปตฺติ   น   วิวณฺเณตุกาโม   อิงฺฆ  ตาว  สุตฺตนฺเต
วา    คาถาโย    วา   อภิธมฺมํ   วา   ปริยาปุณสฺสุ   ปจฺฉา   วินยํ
ปริยาปุณิสฺสสีติ ภณติ อุมฺมตฺตกสฺส อาทิกมฺมิกสฺสาติ ฯ
                          ทุติยสิกฺขาปทํ นิฏฺิตํ ฯ
                                   --------

เนื้อความพระไตรปิฎกฉบับภาษาบาลี อักษรไทย เล่มที่ ๒ หน้าที่ ๔๕๒-๔๕๔. https://84000.org/tipitaka/read/pali_read.php?B=2&A=8136&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=2&A=8136&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=2&item=685&items=4 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=2&siri=108 ศึกษาอรรถกถานี้ได้ที่ :- https://84000.org/tipitaka/attha/attha.php?b=2&i=685 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=2&A=9863 The Pali Atthakatha in Roman :- https://84000.org/tipitaka/atthapali/read_rm.php?B=2&A=9863 สารบัญพระไตรปิฎกเล่มที่ ๒ https://84000.org/tipitaka/read/?index_2 https://84000.org/tipitaka/english/?index_2