บาลีพระไตรปิฎกเล่มที่ ๒๑ - พระสุตตันตปิฎกเล่มที่ ๑๓

     [๓๙]   อถโข   อุชฺชโย   พฺราหฺมโณ  เยน  ภควา  เตนุปสงฺกมิ
อุปสงฺกมิตฺวา   ภควตา   สทฺธึ   สมฺโมทิ   สมฺโมทนียํ   กถํ   สาราณียํ
วีติสาเรตฺวา  เอกมนฺตํ  นิสีทิ  เอกมนฺตํ  นิสินฺโน  โข อุชฺชโย พฺราหฺมโณ
ภควนฺตํ   เอตทโวจ   ภวํปิ   โน   โคตโม   ยญฺ   วณฺเณตีติ  ฯ  น
โข   อหํ   พฺราหฺมณ   สพฺพํ   ยญฺ   วณฺเณมิ   น   ปนาหํ  พฺราหฺมณ
สพฺพํ   ยญฺ   น   วณฺเณมิ   ยถารูเป   โข  พฺราหฺมณ  ยญฺเ  คาโว
หญฺนฺติ     อเชฬกา     หญฺนฺติ    กุกฺกุฏสูกรา    หญฺนฺติ    วิวิธา
ปาณา   สงฺฆาตํ   อาปชฺชนฺติ   เอวรูปํ   โข   อหํ  พฺราหฺมณ  สารมฺภํ
ยญฺ    น    วณฺเณมิ    ตํ    กิสฺส    เหตุ   เอวรูปญฺหิ   พฺราหฺมณ
สารมฺภํ   ยญฺ   น   อุปสงฺกมนฺติ   อรหนฺโต   วา   อรหตฺตมคฺคํ  วา
สมาปนฺนา   ยถารูเป  จ  โข  พฺราหฺมณ  ยญฺเ  เนว  คาโว  หญฺนฺติ
น    อเชฬกา    หญฺนฺติ    น   กุกฺกุฏสูกรา   หญฺนฺติ   น   วิวิธา
ปาณา   สงฺฆาตํ   อาปชฺชนฺติ   เอวรูปํ   โข  อหํ  พฺราหฺมณ  นิรารมฺภํ
ยญฺ    วณฺเณมิ    ยทิทํ    นิจฺจทานํ   อนุกุลยญฺ   ตํ   กิสฺส   เหตุ
เอวรูปญฺหิ   พฺราหฺมณ   นิรารมฺภํ   ยญฺ   อุปสงฺกมนฺติ   อรหนฺโต  วา
อรหตฺตมคฺคํ วา สมาปนฺนาติ ฯ
         อสฺสเมธํ ปุริสเมธํ               สมฺมาปาสํ วาชเปยฺยํ นิรคฺคฬํ
         มหายญฺา มหารมฺภา       น เต โหนฺติ มหปฺผลา ฯ
         อเชฬกา จ คาโว จ            วิวิธา ยตฺถ หญฺเร
         น ตํ สมฺมคฺคตา ยญฺ       อุปยนฺติ มเหสิโน ฯ
         ยญฺจ ยญฺ นิรารมฺภํ ^๑-     ยชนฺตฺยนุกุลํ สทา
         นาเชฬกา จ คาโว จ          วิวิธา ยตฺถ ^๒- หญฺเร
         ตญฺจ สมฺมคฺคตา ยญฺ      อุปยนฺติ มเหสิโน ฯ
         เอวํ ^๓- ยเชถ เมธาวี           เอโส ยญฺโ มหปฺผโล ฯ
         เอวํ ^๔- หิ ยชมานสฺส         เสยฺโย โหติ น ปาปิโย
         ยญฺโ จ วิปุโล โหติ         ปสีทนฺติ จ เทวตาติ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๒๑ หน้าที่ ๕๔-๕๕. https://84000.org/tipitaka/read/pali_read.php?B=21&A=1120&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=21&A=1120&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=21&item=39&items=1 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=21&siri=39 ศึกษาอรรถกถานี้ได้ที่ :- https://84000.org/tipitaka/attha/attha.php?b=21&i=39 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=15&A=7883 The Pali Atthakatha in Roman :- https://84000.org/tipitaka/atthapali/read_rm.php?B=15&A=7883 สารบัญพระไตรปิฎกเล่มที่ ๒๑ https://84000.org/tipitaka/read/?index_21 https://84000.org/tipitaka/english/?index_21