บาลีพระไตรปิฎกเล่มที่ ๒๑ - พระสุตตันตปิฎกเล่มที่ ๑๓

     [๔๐]   อถโข   อุทายิ   พฺราหฺมโณ   เยน  ภควา  เตนุปสงฺกมิ
อุปสงฺกมิตฺวา   ภควตา   สทฺธึ   สมฺโมทิ   สมฺโมทนียํ   กถํ   สาราณียํ
วีติสาเรตฺวา  เอกมนฺตํ  นิสีทิ  เอกมนฺตํ  นิสินฺโน  โข  อุทายิ พฺราหฺมโณ
ภควนฺตํ   เอตทโวจ   ภวํปิ   โน   โคตโม   ยญฺ   วณฺเณตีติ  ฯ  น
โข   อหํ   พฺราหฺมณ   สพฺพํ   ยญฺ   วณฺเณมิ   น   ปนาหํ  พฺราหฺมณ
สพฺพํ   ยญฺ   น   วณฺเณมิ   ยถารูเป   โข  พฺราหฺมณ  ยญฺเ  คาโว
หญฺนฺติ     อเชฬกา     หญฺนฺติ    กุกฺกุฏสูกรา    หญฺนฺติ    วิวิธา
ปาณา   สงฺฆาตํ   อาปชฺชนฺติ   เอวรูปํ   โข   อหํ  พฺราหฺมณ  สารมฺภํ
ยญฺ   น   วณฺเณมิ   ตํ   กิสฺส   เหตุ  เอวรูปญฺหิ  พฺราหฺมณ  สารมฺภํ
ยญฺ   น   อุปสงฺกมนฺติ   อรหนฺโต   วา  อรหตฺตมคฺคํ  วา  สมาปนฺนา
ยถารูเป   จ   โข   พฺราหฺมณ   ยญฺเ   เนว   คาโว   หญฺนฺติ  น
อเชฬกา   หญฺนฺติ   น   กุกฺกุฏสูกรา   หญฺนฺติ   น   วิวิธา   ปาณา
สงฺฆาตํ   อาปชฺชนฺติ   เอวรูปํ   โข   อหํ   พฺราหฺมณ  นิรารมฺภํ  ยญฺ
@เชิงอรรถ: ^๑ ม. ยุ. เย จ ยญฺา นิรารมฺภา ฯ ^๒ โป. ยตฺถ น หญฺเร ฯ ม. ยุ. เนตฺถ
@หญฺเร ฯ ^๓-๔ ม. ยุ. เอตํ ฯ
วณฺเณมิ     ยทิทํ     นิจฺจทานํ     อนุกุลยญฺ    ตํ    กิสฺส    เหตุ
เอวรูปญฺหิ       พฺราหฺมณ      นิรารมฺภํ      ยญฺ      อุปสงฺกมนฺติ
อรหนฺโต วา อรหตฺตมคฺคํ วา สมาปนฺนาติ ฯ
         อภิสงฺขตํ นิรารมฺภํ             ยญฺ กาเลน กปฺปิยํ
         ตาทิสํ อุปสํยนฺติ                สญฺตา พฺรหฺมจารโย ^๑-
         วิวฏฺฏจฺฉทา จ เย โลเก      วีติวตฺตา กุลํ คตึ
         ยญฺเมตํ ปสํสนฺติ             พุทฺธา ปุญฺสฺส ^๒- โกวิทา
         ยญฺเ วา ยทิ วา สทฺเธ       หุญฺ ^๓- กตฺวา ยถารหํ
         ปสนฺนจิตฺโต ยชติ             สุเขตฺเต พฺรหฺมจาริสุ
         สุหุตํ สุยิฏฺ สมฺปตฺตํ ^๔-    ทกฺขิเณยฺเยสุ ยํ กตํ
         ยญฺโ จ วิปุโล โหติ        ปสีทนฺติ จ เทวตา ฯ
         เอวํ ยชิตฺวา เมธาวี             สทฺโธ มุตฺเตน เจตสา
         อพฺยาปชฺฌํ สุขํ โลกํ          ปณฺฑิโต อุปปชฺชตีติ ฯ
                     จกฺกวคฺโค จตุตฺโถ ฯ
                        ตสฺสุทฺทานํ
         จกฺโก สงฺคโห สีโห ปสาโท   วสฺสกาเรน ปญฺจมํ
         โทโณ อปริหานิ ปฏิลีโน       อุชฺชโย อุทาเยน เต ทสาติ ฯ
                   -----------------
@เชิงอรรถ: ^๑ ยุ. พฺรหฺมจริยา ฯ ^๒ ม. ยญฺสฺส ฯ ^๓ ม. หพฺยํ ฯ ยุ. ภพฺยํ ฯ
@^๔ ม. ยุ. สุปฺปตฺตํ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๒๑ หน้าที่ ๕๕-๕๖. https://84000.org/tipitaka/read/pali_read.php?B=21&A=1146&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=21&A=1146&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=21&item=40&items=1 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=21&siri=40 ศึกษาอรรถกถานี้ได้ที่ :- https://84000.org/tipitaka/attha/attha.php?b=21&i=40 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=15&A=7905 The Pali Atthakatha in Roman :- https://84000.org/tipitaka/atthapali/read_rm.php?B=15&A=7905 สารบัญพระไตรปิฎกเล่มที่ ๒๑ https://84000.org/tipitaka/read/?index_21 https://84000.org/tipitaka/english/?index_21