บาลีพระไตรปิฎกเล่มที่ ๒๑ - พระสุตตันตปิฎกเล่มที่ ๑๓

                      ทุติยปณฺณาสโก
                   ปุญฺาภิสนฺทวคฺโค ปโม
     [๕๑]   จตฺตาโรเม    ภิกฺขเว    ปุญฺาภิสนฺทา   กุสลาภิสนฺทา
สุขสฺสาหารา   โสวคฺคิกา   สุขวิปากา  สคฺคสํวตฺตนิกา  อิฏฺาย  กนฺตาย
มนาปาย   หิตาย   สุขาย   สํวตฺตนฺติ  กตเม  จตฺตาโร  ยสฺส  ภิกฺขเว
ภิกฺขุ   จีวรํ   ปริภุญฺชมาโน   อปฺปมาณํ  เจโตสมาธึ  อุปสมฺปชฺช  วิหรติ
อปฺปมาโณ   ตสฺส  ปุญฺาภิสนฺโท  กุสลาภิสนฺโท  สุขสฺสาหาโร  โสวคฺคิโก
สุขวิปาโก    สคฺคสํวตฺตนิโก    อิฏฺาย    กนฺตาย   มนาปาย   หิตาย
สุขาย   สํวตฺตติ   ยสฺส   ภิกฺขเว  ภิกฺขุ  ปิณฺฑปาตํ  ปริภุญฺชมาโน  ...
ยสฺส  ภิกฺขเว  ภิกฺขุ  เสนาสนํ  ปริภุญฺชมาโน  ...  ยสฺส  ภิกฺขเว ภิกฺขุ
คิลานปจฺจยเภสชฺชปริกฺขารํ     ปริภุญฺชมาโน    อปฺปมาณํ    เจโตสมาธึ
อุปสมฺปชฺช    วิหรติ   อปฺปมาโณ   ตสฺส   ปุญฺาภิสนฺโท   กุสลาภิสนฺโท
สุขสฺสาหาโร   โสวคฺคิโก   สุขวิปาโก  สคฺคสํวตฺตนิโก  อิฏฺาย  กนฺตาย
มนาปาย   หิตาย   สุขาย   สํวตฺตติ   อิเม   โข   ภิกฺขเว  จตฺตาโร
ปุญฺาภิสนฺทา    กุสลาภิสนฺทา    สุขสฺสาหารา   โสวคฺคิกา   สุขวิปากา
สคฺคสํวตฺตนิกา อิฏฺาย กนฺตาย มนาปาย หิตาย สุขาย สํวตฺตนฺติ ฯ
     {๕๑.๑}   อิเมหิ   จ   ปน   ภิกฺขเว   จตูหิ   ปุญฺาภิสนฺเทหิ
กุสลาภิสนฺเทหิ      สมนฺนาคตสฺส      อริยสาวกสฺส      น     สุกรํ
ปุญฺสฺส     ปมาณํ     คเหตุํ     ^๑-     เอตฺตโก     ปุญฺาภิสนฺโท
กุสลาภิสนฺโท        สุขสฺสาหาโร        โสวคฺคิโก       สุขวิปาโก
@เชิงอรรถ: ^๑ โป. คเณตุํ ฯ
สคฺคสํวตฺตนิโก   อิฏฺาย   กนฺตาย   มนาปาย  หิตาย  สุขาย  สํวตฺตตีติ
อถโข  อสงฺเขยฺโย  อปฺปเมยฺโย  มหาปุญฺกฺขนฺโธเตฺวว  สงฺขํ  ^๑- คจฺฉติ
เสยฺยถาปิ  ภิกฺขเว  มหาสมุทฺเท  น  สุกรํ  อุทกสฺส  ปมาณํ  คเหตุํ  ^๒-
เอตฺตกานิ     อุทกาฬฺหกานีติ    วา    เอตฺตกานิ    อุทกาฬฺหกสตานีติ
วา   เอตฺตกานิ   อุทกาฬฺหกสหสฺสานีติ   วา   เอตฺตกานิ   อุทกาฬฺหก-
สตสหสฺสานีติ   วา   อถโข   อสงฺเขยฺโย   อปฺปเมยฺโย   มหาอุทกกฺ-
ขนฺโธเตฺวว สงฺขํ คจฺฉติ
     {๕๑.๒}   เอวเมว   โข  ภิกฺขเว  อิเมหิ  จตูหิ  ปุญฺาภิสนฺเทหิ
กุสลาภิสนฺเทหิ    สมนฺนาคตสฺส    อริยสาวกสฺส    น   สุกรํ   ปุญฺสฺส
ปมาณํ   คเหตุํ   เอตฺตโก   ปุญฺาภิสนฺโท   กุสลาภิสนฺโท  สุขสฺสาหาโร
โสวคฺคิโก   สุขวิปาโก   สคฺคสํวตฺตนิโก   อิฏฺาย   กนฺตาย   มนาปาย
หิตาย     สุขาย    สํวตฺตตีติ    อถโข    อสงฺเขยฺโย    อปฺปเมยฺโย
มหาปุญฺกฺขนฺโธเตฺวว สงฺขํ คจฺฉตีติ ฯ
               มโหทธึ อปริมิตํ มหาสรํ
               พหุเภรวํ รตนคณานมาลยํ ^๓-
               นชฺโช ยถา มจฺฉคณสงฺฆเสวิตา ^๔-
               ปุถู สวนฺตี อุปยนฺติ สาครํ ฯ
               เอวํ นรํ อนฺนทปานวตฺถทํ
               เสยฺยานิสชฺชตฺถรณสฺส ทายกํ
               ปุญฺสฺส ธารา อุปยนฺติ ปณฺฑิตํ
               นชฺโช ยถา วาริวหาว สาครนฺติ ฯ
@เชิงอรรถ: ^๑ โป. ม. สงฺขฺยํ ฯ  ^๒ โป. คเณตุํ ฯ  ^๓ ม. รตนวรานมาลยํ ฯ
@^๔ ม. ยุ. นรคณสงฺฆเสวิตา ฯ

เนื้อความพระไตรปิฎกฉบับภาษาบาลี อักษรไทย เล่มที่ ๒๑ หน้าที่ ๗๑-๗๒. https://84000.org/tipitaka/read/pali_read.php?B=21&A=1473&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=21&A=1473&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=21&item=51&items=1 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=21&siri=51 ศึกษาอรรถกถานี้ได้ที่ :- https://84000.org/tipitaka/attha/attha.php?b=21&i=51 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=15&A=8052 The Pali Atthakatha in Roman :- https://84000.org/tipitaka/atthapali/read_rm.php?B=15&A=8052 สารบัญพระไตรปิฎกเล่มที่ ๒๑ https://84000.org/tipitaka/read/?index_21 https://84000.org/tipitaka/english/?index_21