บาลีพระไตรปิฎกเล่มที่ ๒๑ - พระสุตตันตปิฎกเล่มที่ ๑๓

     [๕๒]   จตฺตาโรเม ภิกฺขเว ปุญฺาภิสนฺทา กุสลาภิสนฺทา สุขสฺสาหารา
โสวคฺคิกา   สุขวิปากา   สคฺคสํวตฺตนิกา   อิฏฺาย   กนฺตาย   มนาปาย
หิตาย   สุขาย   สํวตฺตนฺติ  กตเม  จตฺตาโร  อิธ  ภิกฺขเว  อริยสาวโก
พุทฺเธ   อเวจฺจปฺปสาเทน   สมนฺนาคโต  โหติ  อิติปิ  โส  ภควา  อรหํ
สมฺมาสมฺพุทฺโธ     วิชฺชาจรณสมฺปนฺโน    สุคโต    โลกวิทู    อนุตฺตโร
ปุริสทมฺมสารถิ   สตฺถา   เทวมนุสฺสานํ   พุทฺโธ   ภควาติ  อยํ  ภิกฺขเว
ปโม     ปุญฺาภิสนฺโท    กุสลาภิสนฺโท    สุขสฺสาหาโร    โสวคฺคิโก
สุขวิปาโก    สคฺคสํวตฺตนิโก    อิฏฺาย    กนฺตาย   มนาปาย   หิตาย
สุขาย สํวตฺตติ ฯ
     {๕๒.๑}   ปุน  จปรํ  ภิกฺขเว  อริยสาวโก ธมฺเม อเวจฺจปฺปสาเทน
สมนฺนาคโต   โหติ   สฺวากฺขาโต  ภควตา  ธมฺโม  สนฺทิฏฺิโก  อกาลิโก
เอหิปสฺสิโก   โอปนยิโก   ปจฺจตฺตํ   เวทิตพฺโพ   วิญฺูหีติ  อยํ  ภิกฺขเว
ทุติโย     ปุญฺาภิสนฺโท    กุสลาภิสนฺโท    สุขสฺสาหาโร    โสวคฺคิโก
สุขวิปาโก   สคฺคสํวตฺตนิโก   อิฏฺาย  กนฺตาย  มนาปาย  หิตาย  สุขาย
สํวตฺตติ ฯ
     {๕๒.๒}   ปุน  จปรํ  ภิกฺขเว  อริยสาวโก สงฺเฆ อเวจฺจปฺปสาเทน
สมนฺนาคโต    โหติ   สุปฏิปนฺโน   ภควโต   สาวกสงฺโฆ   อุชุปฏิปนฺโน
ภควโต  สาวกสงฺโฆ  ายปฏิปนฺโน  ภควโต  สาวกสงฺโฆ  สามีจิปฏิปนฺโน
ภควโต  สาวกสงฺโฆ  ยทิทํ  จตฺตาริ  ปุริสยุคานิ  อฏฺ  ปุริสปุคฺคลา เอส
ภควโต     สาวกสงฺโฆ     อาหุเนยฺโย    ปาหุเนยฺโย    ทกฺขิเณยฺโย
อญฺชลิกรณีโย    อนุตฺตรํ    ปุญฺกฺเขตฺตํ    โลกสฺสาติ    อยํ   ภิกฺขเว
ตติโย     ปุญฺาภิสนฺโท    กุสลาภิสนฺโท    สุขสฺสาหาโร    โสวคฺคิโก
สุขวิปาโก    สคฺคสํวตฺตนิโก    อิฏฺาย    กนฺตาย   มนาปาย   หิตาย
สุขาย สํวตฺตติ ฯ
     {๕๒.๓}   ปุน   จปรํ  ภิกฺขเว  อริยสาวโก  อริยกนฺเตหิ  สีเลหิ
สมนฺนาคโต    โหติ    อขณฺเฑหิ   อจฺฉิทฺเทหิ   อสพเลหิ   อกมฺมาเสหิ
ภุชิสฺเสหิ     วิญฺูปสตฺเถหิ    อปรามฏฺเหิ    สมาธิสํวตฺตนิเกหิ    อยํ
ภิกฺขเว   จตุตฺโถ  ปุญฺาภิสนฺโท  กุสลาภิสนฺโท  สุขสฺสาหาโร  โสวคฺคิโก
สุขวิปาโก    สคฺคสํวตฺตนิโก    อิฏฺาย    กนฺตาย   มนาปาย   หิตาย
สุขาย สํวตฺตติ ฯ
     {๕๒.๔}   อิเม  โข  ภิกฺขเว  จตฺตาโร ปุญฺาภิสนฺทา กุสลาภิสนฺทา
สุขสฺสาหารา     โสวคฺคิกา    สุขวิปากา    สคฺคสํวตฺตนิกา    อิฏฺาย
กนฺตาย มนาปาย หิตาย สุขาย สํวตฺตนฺตีติ ฯ
         ยสฺส สทฺธา ตถาคเต         อจลา สุปติฏฺิตา
         สีลญฺจ ยสฺส กลฺยาณํ         อริยกนฺตํ ปสํสิตํ
         สงฺเฆ ปสาโท ยสฺสตฺถิ      อุชุภูตญฺจ ทสฺสนํ
         อทฬิทฺโทติ ตํ อาหุ           อโมฆํ ตสฺส ชีวิตํ ฯ
         ตสฺมา สทฺธญฺจ สีลญฺจ     ปสาทํ ธมฺมทสฺสนํ
         อนุยุญฺเชถ เมธาวี             สรํ พุทฺธานสาสนนฺติ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๒๑ หน้าที่ ๗๓-๗๔. https://84000.org/tipitaka/read/pali_read.php?B=21&A=1517&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=21&A=1517&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=21&item=52&items=1 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=21&siri=52 ศึกษาอรรถกถานี้ได้ที่ :- https://84000.org/tipitaka/attha/attha.php?b=21&i=52 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=15&A=8080 The Pali Atthakatha in Roman :- https://84000.org/tipitaka/atthapali/read_rm.php?B=15&A=8080 สารบัญพระไตรปิฎกเล่มที่ ๒๑ https://84000.org/tipitaka/read/?index_21 https://84000.org/tipitaka/english/?index_21