บาลีพระไตรปิฎกเล่มที่ ๒๑ - พระสุตตันตปิฎกเล่มที่ ๑๓

จกฺกวคฺโค จตุตฺโถ [๓๑] จตฺตารีมานิ ภิกฺขเว จกฺกานิ เยหิ สมนฺนาคตานํ เทวมนุสฺสานํ จตุจกฺกํ ปวตฺตติ เยหิ สมนฺนาคตา เทวมนุสฺสา นจิรสฺเสว มหนฺตตฺตํ เวปุลฺลตฺตํ ปาปุณนฺติ โภเคสุ กตมานิ จตฺตาริ ปฏิรูปเทสวาโส สปฺปุริสูปสฺสโย ^๒- อตฺตสมฺมาปณิธิ ปุพฺเพ จ กตปุญฺญตา อิมานิ โข ภิกฺขเว จตฺตาริ จกฺกานิ เยหิ สมนฺนาคตานํ เทวมนุสฺสานํ จตุจกฺกํ ปวตฺตติ เยหิ สมนฺนาคตา เทวมนุสฺสา นจิรสฺเสว มหนฺตตฺตํ เวปุลฺลตฺตํ ปาปุณนฺติ โภเคสูติ ฯ @เชิงอรรถ: ^๑ ยุ. จทฺโท นตฺถิ ฯ ^๒ ม. สปุปุริสาวสฺสโย ฯ

--------------------------------------------------------------------------------------------- หน้าที่ ๔๒.

ปฏิรูเป วเส เทเส อริยมิตฺตกโร สิยา สมฺมาปณิธิสมฺปนฺโน ปุพฺเพ ปุญฺญกโต นโร ฯ ธญฺญํ ธนํ ยโส กิตฺติ สุขญฺเจตํธิวตฺตตีติ ฯ