บาลีพระไตรปิฎกเล่มที่ ๒๓ - พระสุตตันตปิฎกเล่มที่ ๑๕

     [๒๐๐]   ๑๑๐  ตสฺสปาปิยฺยสิกากมฺมกเตน ^๑- ภิกฺขเว ภิกฺขุนา อฏฺสุ
ธมฺเมสุ   สมฺมาวตฺติตพฺพํ   น   อุปสมฺปาเทตพฺพํ   น  นิสฺสโย  ทาตพฺโพ
น   สามเณโร   อุปฏฺาเปตพฺโพ   น   ภิกฺขุโนวาทกสมฺมติ   สาทิตพฺพา
สมฺมเตนปิ   ภิกฺขุนิโย  น  โอวทิตพฺพา  น  กาจิ  สงฺฆสมฺมติ  สาทิตพฺพา
น   กิสฺมิญฺจิ   ปจฺเจกฏฺาเน   นิยเมตพฺพา   ^๒-  น  จ  เตน  มูเลน
วุฏฺาเปตพฺพํ     ฯ    ตสฺสปาปิยฺยสิกากมฺมกเตน    ภิกฺขเว    ภิกฺขุนา
อิเมสุ อฏฺสุ ธมฺเมสุ สมฺมาวตฺติตพฺพนฺติ ฯ
                     สติวคฺโค สมตฺโต ฯ
                        ตสฺสุทฺทานํ
           สติ ปุณฺณิยมูเลน         โจรสมเณน ปญฺจมํ
           ยโส ปตฺตาปสาเทน      ปฏิสารณียญฺจ วตฺตตีติ ^๓- ฯ
                      -----------
                       สามญฺวคฺโค
     โพชฺฌา  สิริมา  ปทุมา  สุธมฺมา  ^๔-  มณุชา อุตฺตรา มุตฺตา เขมา
รุจี  ^๕- จุนฺที พิมฺพี สุมนา มลฺลิกา ติสฺสมาตา ^๖- โสณมาตา ^๗- กาณมาตา
อุตฺตรมาตา  ^๘-  วิสาขา  มิคารมาตา  ขุชฺชุตฺตรา อุปาสิกา สามาวตี ^๙-
อุปาสิกา    สุปฺปวาสา    โกฬิยธีตา   สุปฺปิยา   อุปาสิกา   นกุลมาตา
คหปตานีติ ฯ
                    สามญฺวคฺโค ปญฺจโม
                     -------------
@เชิงอรรถ: ^๑ ม. ตสฺสปาปิยสิกกมฺมกเตน ฯ เอวมุปริปิ ฯ  ^๒ ม. เปตพฺโพ  ฯ  ^๓ ม. วตฺตนนฺติ ฯ
@^๔ ม. สุตนา ฯ ยุ. สุธนา ฯ  ^๕ ยุ. รูปี ฯ  ^๖ ยุ. ติสฺสาย มาตา ฯ  ^๗ ยุ. โสณาย
@มาตา ฯ ^๘ ม. อุตฺตรา นนฺทมาตา ฯ ยุ. อุตฺตรา ฯ  ^๙ ยุ. สามวตี ฯ
     [๒๐๑]   ๑๑๑  ราคสฺส ภิกฺขเว อภิญฺาย อฏฺ ธมฺมา ภาเวตพฺพา ฯ
กตเม  อฏฺ  ฯ  สมฺมาทิฏฺิ  สมฺมาสงฺกปฺโป  สมฺมาวาจา  สมฺมากมฺมนฺโต
สมฺมาอาชีโว      สมฺมาวายาโม     สมฺมาสติ     สมฺมาสมาธิ     ฯ
ราคสฺส ภิกฺขเว อภิญฺาย อิเม อฏฺ ธมฺมา ภาเวตพฺพา ฯ
     [๒๐๒]   ๑๑๒  ราคสฺส ภิกฺขเว อภิญฺาย อฏฺ ธมฺมา ภาเวตพฺพา ฯ
กตเม   อฏฺ   ฯ  อชฺฌตฺตํ  รูปสญฺี  พหิทฺธา  รูปานิ  ปสฺสติ  ปริตฺตานิ
สุวณฺณทุพฺพณฺณานิ    ตานิ    อภิภุยฺย    ชานามิ    ปสฺสามีติ   เอวํสญฺี
โหติ    อชฺฌตฺตํ    รูปสญฺี    พหิทฺธา   รูปานิ   ปสฺสติ   อปฺปมาณานิ
สุวณฺณทุพฺพณฺณานิ    ตานิ    อภิภุยฺย    ชานามิ    ปสฺสามีติ   เอวํสญฺี
โหติ    อชฺฌตฺตํ    อรูปสญฺี    พหิทฺธา    รูปานิ   ปสฺสติ   ปริตฺตานิ
สุวณฺณทุพฺพณฺณานิ    ตานิ    อภิภุยฺย    ชานามิ    ปสฺสามีติ   เอวํสญฺี
โหติ    อชฺฌตฺตํ    อรูปสญฺี   พหิทฺธา   รูปานิ   ปสฺสติ   อปฺปมาณานิ
สุวณฺณทุพฺพณฺณานิ    ตานิ    อภิภุยฺย    ชานามิ    ปสฺสามีติ   เอวํสญฺี
โหติ    อชฺฌตฺตํ   อรูปสญฺี   วา   พหิทฺธา   รูปานิ   ปสฺสติ   นีลานิ
นีลวณฺณานิ    นีลนิทสฺสนานิ   นีลนิภาสานิ   ฯเปฯ   ปีตานิ   ปีตวณฺณานิ
ปีตนิทสฺสนานิ     ปีตนิภาสานิ    ฯเปฯ    โลหิตกานิ    โลหิตกวณฺณานิ
โลหิตกนิทสฺสนานิ       โลหิตกนิภาสานิ       ฯเปฯ       โอทาตานิ
โอทาตวณฺณานิ       โอทาตนิทสฺสนานิ      โอทาตนิภาสานิ      ตานิ
อภิภุยฺย   ชานามิ   ปสฺสามีติ   เอวํสญฺี   โหติ   ฯ  ราคสฺส  ภิกฺขเว
อภิญฺาย อิเม อฏฺ ธมฺมา ภาเวตพฺพา ฯ
     [๒๐๓]   ๑๑๓  ราคสฺส ภิกฺขเว อภิญฺาย อฏฺ ธมฺมา ภาเวตพฺพา ฯ
กตเม  อฏฺ  ฯ  รูปี  รูปานิ  ปสฺสติ  อชฺฌตฺตํ  อรูปสญฺี  พหิทฺธา รูปานิ
ปสฺสติ   สุภนฺเตว   อธิมุตฺโต   โหติ   สพฺพโส   รูปสญฺานํ  สมติกฺกมา
ปฏิฆสญฺานํ        อตฺถงฺคมา       นานตฺตสญฺานํ       อมนสิการา
อนนฺโต     อากาโสติ     อากาสานญฺจายตนํ     อุปสมฺปชฺช    วิหรติ
สพฺพโส     อากาสานญฺจายตนํ     สมติกฺกมฺม     อนนฺตํ    วิญฺาณนฺติ
วิญฺาณญฺจายตนํ     อุปสมฺปชฺช    วิหรติ    สพฺพโส    วิญฺาณญฺจายตนํ
สมติกฺกมฺม    นตฺถิ    กิญฺจีติ    อากิญฺจญฺายตนํ    อุปสมฺปชฺช   วิหรติ
สพฺพโส    อากิญฺจญฺายตนํ    สมติกฺกมฺม    เนวสญฺานา    สญฺายตนํ
อุปสมฺปชฺช    วิหรติ    สพฺพโส    เนวสญฺานาสญฺายตนํ    สมติกฺกมฺม
สญฺาเวทยิตนิโรธํ   อุปสมฺปชฺช   วิหรติ  ฯ  ราคสฺส  ภิกฺขเว  อภิญฺาย
อิเม อฏฺ ธมฺมา ภาเวตพฺพา ฯ
     [๒๐๔]   ๑๑๔  ราคสฺส ภิกฺขเว ปริญฺาย ปริกฺขยาย ปหานาย ขยาย
วยาย   วิราคาย  นิโรธาย  จาคาย  ปฏินิสฺสคฺคาย  อิเม  อฏฺ  ธมฺมา
ภาเวตพฺพาติ  ฯ  โทสสฺส  โมหสฺส  โกธสฺส  อุปนาหสฺส มกฺขสฺส ปลาสสฺส
อิสฺสาย   มจฺฉริยสฺส  มายาย  สาเถยฺยสฺส  ถมฺภสฺส  สารมฺภสฺส  มานสฺส
อติมานสฺส   มทสฺส  ปมาทสฺส  อภิญฺาย  ปริญฺาย  ปริกฺขยาย  ปหานาย
ขยาย   วยาย  วิราคาย  นิโรธาย  จาคาย  ปฏินิสฺสคฺคาย  อิเม  อฏฺ
ธมฺมา ภาเวตพฺพาติ ฯ
                          ^[๑]-
                    อฏฺกนิปาโต สมตฺโต
                     -------------
@เชิงอรรถ: ^๑ ม. ราคเปยฺยาลํ นิฏฺิตํ ฯ
@เชิงอรรถ:            ******************************
@           ^*     หน้า ๓๖๒ นี้ไม่มีข้อมูล       *
@           ******************************

เนื้อความพระไตรปิฎกฉบับภาษาบาลี อักษรไทย เล่มที่ ๒๓ หน้าที่ ๓๕๙-๓๖๒. https://84000.org/tipitaka/read/pali_read.php?B=23&A=7616&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=23&A=7616&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=23&item=200&items=5 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=23&siri=163 ศึกษาอรรถกถานี้ได้ที่ :- https://84000.org/tipitaka/attha/attha.php?b=23&i=200 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=16&A=6384 The Pali Atthakatha in Roman :- https://84000.org/tipitaka/atthapali/read_rm.php?B=16&A=6384 สารบัญพระไตรปิฎกเล่มที่ ๒๓ https://84000.org/tipitaka/read/?index_23 https://84000.org/tipitaka/english/?index_23