ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๒๓ ภาษาบาลี อักษรไทย พระสุตตันตปิฎกเล่มที่ ๑๕ สุตฺต. องฺ. (๔): สตฺตก-อฏฺฐก-นวกนิปาตา

     [๒๓๗]   ๓๓    นวยิมา    ภิกฺขเว    อนุปุพฺพวิหารสมาปตฺติโย
เทเสสฺสามิ  ตํ  สุณาถ  ฯเปฯ  กตมา  จ  ภิกฺขเว  นว  อนุปุพฺพวิหาร-
สมาปตฺติโย   ยตฺถ   กามา   นิรุชฺฌนฺติ   เย  จ  กาเม  นิโรเธตฺวา
นิโรเธตฺวา   วิหรนฺติ   อทฺธา   เต   อายสฺมนฺโต   นิจฺฉาตา  นิพฺพุตา
ติณฺณา   ปารคตา  ตทงฺเคนาติ  วทามิ  กตฺถ  กามา  นิรุชฺฌนฺติ  เก  จ
กาเม  นิโรเธตฺวา  นิโรเธตฺวา  วิหรนฺติ  อหเมตํ  น  ชานามิ  อหเมตํ
น   ปสฺสามีติ   อิติ   โย   เอวํ   วเทยฺย   โส   เอวมสฺส  วจนีโย
@เชิงอรรถ:  ม. ติานํ ฯ    ม. สตฺตสญฺา ฯ    ม. เวรา ฯ
อิธาวุโส   ภิกฺขุ  วิวิจฺเจว  กาเมหิ  วิวิจฺจ  อกุสเลหิ  ธมฺเมหิ  สวิตกฺกํ
สวิจารํ   วิเวกชํ  ปีติสุขํ  ปมชฺฌานํ  อุปสมฺปชฺช  วิหรติ  เอตฺถ  กามา
นิรุชฺฌนฺติ  เต  จ  กาเม นิโรเธตฺวา นิโรเธตฺวา วิหรนฺตีติ อทฺธา ภิกฺขเว
อสโ  อมายาวี  สาธูติ  ภาสิตํ  อภินนฺเทยฺย  อนุโมเทยฺย  สาธูติ ภาสิตํ
อภินนฺทิตฺวา อนุโมทิตฺวา นมสฺสมาโน ปญฺชลิโก ปยิรุปาเสยฺย ฯ
     {๒๓๗.๑}   ยตฺถ วิตกฺกวิจารา นิรุชฺฌนฺติ เย จ วิตกฺกวิจาเร นิโรเธตฺวา
นิโรเธตฺวา  วิหรนฺติ  อทฺธา  เต  อายสฺมนฺโต  นิจฺฉาตา  นิพฺพุตา ติณฺณา
ปารคตา   ตทงฺเคนาติ   วทามิ  กตฺถ  วิตกฺกวิจารา  นิรุชฺฌนฺติ  เก  จ
วิตกฺกวิจาเร   นิโรเธตฺวา   นิโรเธตฺวา  วิหรนฺติ  อหเมตํ  น  ชานามิ
อหเมตํ  น  ปสฺสามีติ อิติ โย เอวํ วเทยฺย โส เอวมสฺส วจนีโย อิธาวุโส
ภิกฺขุ   วิตกฺกวิจารานํ   วูปสมา   ฯเปฯ  ทุติยชฺฌานํ  อุปสมฺปชฺช  วิหรติ
เอตฺถ   วิตกฺกวิจารา   นิรุชฺฌนฺติ   เต   จ  วิตกฺกวิจาเร  นิโรเธตฺวา
นิโรเธตฺวา   วิหรนฺตีติ   อทฺธา   ภิกฺขเว   อสโ   อมายาวี   สาธูติ
ภาสิตํ    อภินนฺเทยฺย    อนุโมเทยฺย    สาธูติ    ภาสิตํ   อภินนฺทิตฺวา
อนุโมทิตฺวา นมสฺสมาโน ปญฺชลิโก ปยิรุปาเสยฺย ฯ
     {๒๓๗.๒}   ยตฺถ ปีติ นิรุชฺฌติ เย จ ปีตึ นิโรเธตฺวา นิโรเธตฺวา วิหรนฺติ
อทฺธา  เต  อายสฺมนฺโต  นิจฺฉาตา  นิพฺพุตา  ติณฺณา ปารคตา ตทงฺเคนาติ
วทามิ  กตฺถ  ปีติ  นิรุชฺฌติ  เก  จ  ปีตึ นิโรเธตฺวา นิโรเธตฺวา วิหรนฺติ
อหเมตํ น ชานามิ อหเมตํ น ปสฺสามีติ อิติ โย เอวํ วเทยฺย  โส เอวมสฺส
วจนีโย  อิธาวุโส  ภิกฺขุ  ปีติยา  จ  วิราคา ฯเปฯ ตติยชฺฌานํ อุปสมฺปชฺช
วิหรติ  เอตฺถ  ปีติ  นิรุชฺฌติ  เต จ ปีตึ นิโรเธตฺวา นิโรเธตฺวา วิหรนฺตีติ
อทฺธา  ภิกฺขเว  อสโ  อมายาวี  สาธูติ  ภาสิตํ อภินนฺเทยฺย อนุโมเทยฺย
สาธูติ    ภาสิตํ    อภินนฺทิตฺวา   อนุโมทิตฺวา   นมสฺสมาโน   ปญฺชลิโก
ปยิรุปาเสยฺย ฯ
     {๒๓๗.๓}   ยตฺถ อุเปกฺขาสุขํ นิรุชฺฌติ เย จ อุเปกฺขาสุขํ นิโรเธตฺวา
นิโรเธตฺวา  วิหรนฺติ  อทฺธา  เต  อายสฺมนฺโต  นิจฺฉาตา  นิพฺพุตา ติณฺณา
ปารคตา   ตทงฺเคนาติ   วทามิ   กตฺถ   อุเปกฺขาสุขํ  นิรุชฺฌติ  เก  จ
อุเปกฺขาสุขํ   นิโรเธตฺวา   นิโรเธตฺวา   วิหรนฺติ  อหเมตํ  น  ชานามิ
อหเมตํ  น  ปสฺสามีติ  อิติ  โย  เอวํ  วเทยฺย  โส  เอวมสฺส  วจนีโย
อิธาวุโส   ภิกฺขุ   สุขสฺส   จ  ปหานา  ฯเปฯ  จตุตฺถชฺฌานํ  อุปสมฺปชฺช
วิหรติ   เอตฺถ  อุเปกฺขาสุขํ  นิรุชฺฌติ  เต  จ  อุเปกฺขาสุขํ  นิโรเธตฺวา
นิโรเธตฺวา  วิหรนฺตีติ  อทฺธา  ภิกฺขเว  อสโ  อมายาวี  สาธูติ  ภาสิตํ
อภินนฺเทยฺย   อนุโมเทยฺย   สาธูติ   ภาสิตํ   อภินนฺทิตฺวา   อนุโมทิตฺวา
นมสฺสมาโน ปญฺชลิโก ปยิรุปาเสยฺย ฯ
     {๒๓๗.๔}   ยตฺถ  รูปสญฺา  นิรุชฺฌนฺติ  เย จ รูปสญฺา นิโรเธตฺวา
นิโรเธตฺวา   วิหรนฺติ   อทฺธา   เต   อายสฺมนฺโต   นิจฺฉาตา  นิพฺพุตา
ติณฺณา   ปารคตา   ตทงฺเคนาติ   วทามิ   กตฺถ   รูปสญฺา   นิรุชฺฌนฺติ
เก  จ  รูปสญฺา  นิโรเธตฺวา  นิโรเธตฺวา  วิหรนฺติ  อหเมตํ น ชานามิ
อหเมตํ  น  ปสฺสามีติ  อิติ  โย  เอวํ  วเทยฺย  โส  เอวมสฺส  วจนีโย
อิธาวุโส    ภิกฺขุ    สพฺพโส    รูปสญฺานํ    สมติกฺกมา   ปฏิฆสญฺานํ
อตฺถงฺคมา     นานตฺตสญฺานํ     อมนสิการา    อนนฺโต    อากาโสติ
อากาสานญฺจายตนํ   อุปสมฺปชฺช   วิหรติ   เอตฺถ   รูปสญฺา   นิรุชฺฌนฺติ
เต   จ  รูปสญฺา  นิโรเธตฺวา  นิโรเธตฺวา  วิหรนฺตีติ  อทฺธา  ภิกฺขเว
อสโ  อมายาวี  สาธูติ  ภาสิตํ  อภินนฺเทยฺย  อนุโมเทยฺย  สาธูติ ภาสิตํ
อภินนฺทิตฺวา อนุโมทิตฺวา นมสฺสมาโน ปญฺชลิโก ปยิรุปาเสยฺย ฯ
     {๒๓๗.๕}   ยตฺถ   อากาสานญฺจายตนสญฺา   นิรุชฺฌติ   เย   จ
อากาสานญฺจายตนสญฺ   นิโรเธตฺวา   นิโรเธตฺวา  วิหรนฺติ  อทฺธา  เต
อายสฺมนฺโต   นิจฺฉาตา   นิพฺพุตา  ติณฺณา  ปารคตา  ตทงฺเคนาติ  วทามิ
กตฺถ   อากาสานญฺจายตนสญฺา  นิรุชฺฌติ  เก  จ  อากาสานญฺจายตนสญฺ
นิโรเธตฺวา  นิโรเธตฺวา  วิหรนฺติ  อหเมตํ น ชานามิ อหเมตํ น ปสฺสามีติ
อิติ  โย  เอวํ  วเทยฺย  โส  เอวมสฺส  วจนีโย  อิธาวุโส ภิกฺขุ สพฺพโส
อากาสานญฺจายตนํ    สมติกฺกมฺม   อนนฺตํ   วิญฺาณนฺติ   วิญฺาณญฺจายตนํ
อุปสมฺปชฺช   วิหรติ   เอตฺถ   อากาสานญฺจายตนสญฺา  นิรุชฺฌติ  เต  จ
อากาสานญฺจายตนสญฺ    นิโรเธตฺวา   นิโรเธตฺวา   วิหรนฺตีติ   อทฺธา
ภิกฺขเว  อสโ  อมายาวี  สาธูติ  ภาสิตํ  อภินนฺเทยฺย อนุโมเทยฺย สาธูติ
ภาสิตํ อภินนฺทิตฺวา อนุโมทิตฺวา นมสฺสมาโน ปญฺชลิโก ปยิรุปาเสยฺย ฯ
     {๒๓๗.๖}   ยตฺถ    วิญฺาณญฺจายตนสญฺา   นิรุชฺฌติ   เย   จ
วิญฺาณญฺจายตนสญฺ       นิโรเธตฺวา       นิโรเธตฺวา      วิหรนฺติ
อทฺธา    เต    อายสฺมนฺโต   นิจฺฉาตา   นิพฺพุตา   ติณฺณา   ปารคตา
ตทงฺเคนาติ     วทามิ     กตฺถ     วิญฺาณญฺจายตนสญฺา     นิรุชฺฌติ
เก    จ    วิญฺาณญฺจายตนสญฺ   นิโรเธตฺวา   นิโรเธตฺวา   วิหรนฺติ
อหเมตํ  น  ชานามิ  อหเมตํ  น  ปสฺสามีติ  อิติ  โย  เอวํ วเทยฺย โส
เอวมสฺส    วจนีโย    อิธาวุโส    ภิกฺขุ    สพฺพโส   วิญฺาณญฺจายตนํ
สมติกฺกมฺม   นตฺถิ   กิญฺจีติ   อากิญฺจญฺายตนํ  อุปสมฺปชฺช  วิหรติ  เอตฺถ
วิญฺาณญฺจายตนสญฺา     นิรุชฺฌติ     เต    จ    วิญฺาณญฺจายตนสญฺ
นิโรเธตฺวา   นิโรเธตฺวา   วิหรนฺตีติ  อทฺธา  ภิกฺขเว  อสโ  อมายาวี
สาธูติ   ภาสิตํ   อภินนฺเทยฺย   อนุโมเทยฺย  สาธูติ  ภาสิตํ  อภินนฺทิตฺวา
อนุโมทิตฺวา นมสฺสมาโน ปญฺชลิโก ปยิรุปาเสยฺย ฯ
     {๒๓๗.๗}   ยตฺถ    อากิญฺจญฺายตนสญฺา   นิรุชฺฌติ   เย   จ
อากิญฺจญฺายตนสญฺ    นิโรเธตฺวา    นิโรเธตฺวา    วิหรนฺติ    อทฺธา
เต   อายสฺมนฺโต   นิจฺฉาตา   นิพฺพุตา   ติณฺณา  ปารคตา  ตทงฺเคนาติ
วทามิ     กตฺถ     อากิญฺจญฺายตนสญฺา     นิรุชฺฌติ     เก     จ
อากิญฺจญฺายตนสญฺ       นิโรเธตฺวา       นิโรเธตฺวา      วิหรนฺติ
อหเมตํ   น   ชานามิ  อหเมตํ  น  ปสฺสามีติ  อิติ  โย  เอวํ  วเทยฺย
โส   เอวมสฺส   วจนีโย   อิธาวุโส   ภิกฺขุ   สพฺพโส  อากิญฺจญฺายตนํ
สมติกฺกมฺม     เนวสญฺานาสญฺายตนํ    อุปสมฺปชฺช    วิหรติ    เอตฺถ
อากิญฺจญฺายตนสญฺา     นิรุชฺฌติ     เต    จ    อากิญฺจญฺายตนสญฺ
นิโรเธตฺวา   นิโรเธตฺวา   วิหรนฺตีติ  อทฺธา  ภิกฺขเว  อสโ  อมายาวี
สาธูติ   ภาสิตํ   อภินนฺเทยฺย   อนุโมเทยฺย  สาธูติ  ภาสิตํ  อภินนฺทิตฺวา
อนุโมทิตฺวา นมสฺสมาโน ปญฺชลิโก ปยิรุปาเสยฺย ฯ
     {๒๓๗.๘}   ยตฺถ   เนวสญฺานาสญฺายตนสญฺา  นิรุชฺฌติ  เย  จ
เนวสญฺานาสญฺายตนสญฺ   นิโรเธตฺวา   นิโรเธตฺวา   วิหรนฺติ  อทฺธา
เต   อายสฺมนฺโต   นิจฺฉาตา   นิพฺพุตา   ติณฺณา  ปารคตา  ตทงฺเคนาติ
วทามิ    กตฺถ    เนวสญฺานาสญฺายตนสญฺา    นิรุชฺฌติ    เก    จ
เนวสญฺานาสญฺายตนสญฺ     นิโรเธตฺวา     นิโรเธตฺวา     วิหรนฺติ
อหเมตํ  น  ชานามิ  อหเมตํ  น  ปสฺสามีติ  อิติ  โย  เอวํ วเทยฺย โส
เอวมสฺส   วจนีโย   อิธาวุโส   ภิกฺขุ   สพฺพโส  เนวสญฺานาสญฺายตนํ
สมติกฺกมฺม     สญฺาเวทยิตนิโรธํ     อุปสมฺปชฺช     วิหรติ     เอตฺถ
เนวสญฺานาสญฺายตนสญฺา     นิรุชฺฌติ     เต     จ    เนวสญฺา-
นาสญฺายตนสญฺ    นิโรเธตฺวา    นิโรเธตฺวา    วิหรนฺตีติ    อทฺธา
ภิกฺขเว   อสโ   อมายาวี   สาธูติ   ภาสิตํ  อภินนฺเทยฺย  อนุโมเทยฺย
สาธูติ    ภาสิตํ    อภินนฺทิตฺวา   อนุโมทิตฺวา   นมสฺสมาโน   ปญฺชลิโก
ปยิรุปาเสยฺย ฯ อิมา โข ภิกฺขเว นว อนุปุพฺพวิหารสมาปตฺติโยติ ฯ


             เนื้อความพระไตรปิฎกฉบับภาษาบาลี อักษรไทย เล่มที่ ๒๓ หน้าที่ ๔๒๔-๔๒๙. https://84000.org/tipitaka/read/pali_read.php?B=23&A=8958&w=&modeTY=1              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=23&A=8958&modeTY=1              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=23&item=237&items=1              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=23&siri=196              ศึกษาอรรถกถานี้ได้ที่ :- https://84000.org/tipitaka/attha/attha.php?b=23&i=237              อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=16&A=6932              The Pali Atthakatha in Roman :- https://84000.org/tipitaka/atthapali/read_rm.php?B=16&A=6932              สารบัญพระไตรปิฎกเล่มที่ ๒๓ https://84000.org/tipitaka/read/?index_23 https://84000.org/tipitaka/english/?index_23

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]