พระไตรปิฎกเล่มที่ ๒๕ ภาษาบาลี อักษรไทย
 พระสุตตันตปิฎกเล่มที่ ๑๗ สุตฺต. ขุ. ขุทฺทกปาฐ-ธมฺมปทคาถา-อุทานํ-อิติวุตฺตก-สุตฺตนิปาตา

                      อุทาเน ฉฏฺโ ชจฺจนฺธวคฺโค
     [๑๒๗]   ๑   เอวมฺเม   สุตํ  ฯ  เอกํ  สมยํ  ภควา  เวสาลิยํ
วิหรติ   มหาวเน   กูฏาคารสาลายํ   ฯ  อถ  โข  ภควา  ปุพฺพณฺหสมยํ
นิวาเสตฺวา     ปตฺตจีวรมาทาย    เวสาลึ    ปิณฺฑาย    ปาวิสิ    ฯ
เวสาลิยํ     ปิณฺฑาย     จริตฺวา     ปจฺฉาภตฺตํ    ปิณฺฑปาตปฏิกฺกนฺโต
อายสฺมนฺตํ    อานนฺทํ   อามนฺเตสิ   คณฺหาหิ   อานนฺท   นิสีทนํ   เยน
ปาวาลเจติยํ ๑- เตนุปสงฺกมิสฺสาม ๒- ทิวาวิหารายาติ ฯ
     {๑๒๗.๑}   เอวํ ภนฺเตติ โข ๓- อายสฺมา อานนฺโท ภควโต ปฏิสฺสุตฺวา
นิสีทนํ  อาทาย  ภควนฺตํ  ปิฏฺิโต  ปิฏฺิโต  อนุพนฺธิ  ฯ  อถ  โข ภควา
เยน  ปาวาลเจติยํ  เตนุปสงฺกมิ  อุปสงฺกมิตฺวา  ปญฺตฺเต อาสเน นิสีทิ ฯ
@เชิงอรรถ: ๑ สี. สพฺพวาเรสุ จาปาลเจติยํ ฯ ม. ยุ. จาปาลํ เจติยํ ฯ
@๒ ยุ. เตนุปสงฺกมิสฺสามิ ฯ ๓ ยุ. ปน ฯ
นิสชฺช โข ภควา อายสฺมนฺตํ อานนฺทํ อามนฺเตสิ
     {๑๒๗.๒}   รมณียา  อานนฺท  เวสาลี  รมณียํ  อุเทนํ  เจติยํ ๑-
รมณียํ   โคตมกํ   เจติยํ   รมณียํ   สตฺตมฺพํ   เจติยํ   รมณียํ  พหุปุตฺตํ
เจติยํ   รมณียํ   สารนฺทํ   ๒-   เจติยํ   รมณียํ   ปาวาลํ  เจติยํ  ฯ
ยสฺส    กสฺสจิ   อานนฺท   จตฺตาโร   อิทฺธิปาทา   ภาวิตา   พหุลีกตา
ยานีกตา     วตฺถุกตา     อนุฏฺิตา    ปริจิตา    สุสมารทฺธา    โส
อากงฺขมาโน   กปฺปํ   วา   ติฏฺเยฺย  กปฺปาวเสสํ  วา  ฯ  ตถาคตสฺส
โข   อานนฺท   จตฺตาโร   อิทฺธิปาทา   ภาวิตา   พหุลีกตา   ยานีกตา
วตฺถุกตา   อนุฏฺิตา   ปริจิตา   สุสมารทฺธา   โส   ๓-  อากงฺขมาโน
อานนฺท ตถาคโต กปฺปํ วา ติฏฺเยฺย กปฺปาวเสสํ วาติ ฯ
     [๑๒๘]   เอวมฺปิ  โข อายสฺมา อานนฺโท ภควตา โอฬาริเก นิมิตฺเต
กยิรมาเน   โอฬาริเก   โอภาเส   กยิรมาเน   นาสกฺขิ  ปฏิวิชฺฌิตุํ  น
ภควนฺตํ   ยาจิ   ติฏฺตุ   ภนฺเต   ภควา   กปฺปํ  ติฏฺตุ  สุคโต  กปฺปํ
พหุชนหิตาย     พหุชนสุขาย     โลกานุกมฺปาย     อตฺถาย     หิตาย
สุขาย    เทวมนุสฺสานนฺติ    ยถาตํ    มาเรน    ปริยุฏฺิตจิตฺโต    ฯ
ทุติยมฺปิ     โข     ภควา     อายสฺมนฺตํ     อานนฺทํ     อามนฺเตสิ
รมณียา    อานนฺท    เวสาลี    รมณียํ    อุเทนํ    เจติยํ    รมณียํ
โคตมกํ    เจติยํ    รมณียํ    สตฺตมฺพํ    เจติยํ    รมณียํ    พหุปุตฺตํ
เจติยํ    รมณียํ    สารนฺทํ    เจติยํ    รมณียํ   ปาวาลํ   ฯ   ยสฺส
@เชิงอรรถ: ๑ ม. อุเทนเจติยํ ฯ ปญฺจวาเรสุ เอวํ ฯ  ๒ โป. ม. ยุ. สารนฺททํ อานนฺทเจติยํ ฯ
@๓ ม. ยุ. อยํ ปาโ น ทิสฺสติ ฯ
กสฺสจิ   อานนฺท   จตฺตาโร   อิทฺธิปาทา   ภาวิตา  พหุลีกตา  ยานีกตา
วตฺถุกตา    อนุฏฺิตา    ปริจิตา    สุสมารทฺธา    โส   อากงฺขมาโน
กปฺปํ   วา   ติฏฺเยฺย   กปฺปาวเสสํ  วา  ฯ  ตถาคตสฺส  โข  อานนฺท
จตฺตาโร   อิทฺธิปาทา  ภาวิตา  พหุลีกตา  ยานีกตา  วตฺถุกตา  อนุฏฺิตา
ปริจิตา    สุสมารทฺธา    โส    อากงฺขมาโน    อานนฺท    ตถาคโต
กปฺปํ   วา   ติฏฺเยฺย   กปฺปาวเสสํ  วาติ  ฯ  เอวมฺปิ  โข  อายสฺมา
อานนฺโท  ภควตา  โอฬาริเก  นิมิตฺเต  กยิรมาเน  โอฬาริเก  โอภาเส
กยิรมาเน   นาสกฺขิ   ปฏิวิชฺฌิตุํ   น   ภควนฺตํ   ยาจิ   ติฏฺตุ  ภนฺเต
ภควา    กปฺปํ    ติฏฺตุ    สุคโต   กปฺปํ   พหุชนหิตาย   พหุชนสุขาย
โลกานุกมฺปาย      อตฺถาย     หิตาย     สุขาย     เทวมนุสฺสานนฺติ
ยถาตํ มาเรน ปริยุฏฺิตจิตฺโต ฯ
     {๑๒๘.๑}   ตติยมฺปิ  โข  ภควา  อายสฺมนฺตํ  อานนฺทํ  อามนฺเตสิ
รมณียา   อานนฺท   เวสาลี   รมณียํ   อุเทนํ   เจติยํ  รมณียํ  โคตมกํ
เจติยํ   รมณียํ   สตฺตมฺพํ   เจติยํ   รมณียํ   พหุปุตฺตํ   เจติยํ   รมณียํ
สารนฺทํ  เจติยํ  รมณียํ  ปาวาลํ  เจติยํ  ฯ ยสฺส กสฺสจิ อานนฺท จตฺตาโร
อิทฺธิปาทา   ภาวิตา   พหุลีกตา  ยานีกตา  วตฺถุกตา  อนุฏฺิตา  ปริจิตา
สุสมารทฺธา   โส   อากงฺขมาโน   กปฺปํ   วา   ติฏฺเยฺย  กปฺปาวเสสํ
วา   ฯ   ตถาคตสฺส   โข   อานนฺท   จตฺตาโร   อิทฺธิปาทา  ภาวิตา
พหุลีกตา    ยานีกตา    วตฺถุกตา    อนุฏฺิตา   ปริจิตา   สุสมารทฺธา
โส    อากงฺขมาโน    อานนฺท    ตถาคโต    กปฺปํ   วา   ติฏฺเยฺย
กปฺปาวเสสํ   วาติ   ฯ   เอวมฺปิ   โข   อายสฺมา  อานนฺโท  ภควตา
โอฬาริเก  นิมิตฺเต  กยิรมาเน  โอฬาริเก  โอภาเส  กยิรมาเน นาสกฺขิ
ปฏิวิชฺฌิตุํ   น   ภควนฺตํ   ยาจิ   ติฏฺตุ   ภนฺเต  ภควา  กปฺปํ  ติฏฺตุ
สุคโต    กปฺปํ    พหุชนหิตาย   พหุชนสุขาย   โลกานุกมฺปาย   อตฺถาย
หิตาย สุขาย เทวมนุสฺสานนฺติ ยถาตํ มาเรน ปริยุฏฺิตจิตฺโต ฯ
     [๑๒๙]   อถ  โข  ภควา  อายสฺมนฺตํ  อานนฺทํ  อามนฺเตสิ  คจฺฉ
ตฺวํ  อานนฺท  ยสฺสทานิ  กาลํ  มญฺสีติ  ฯ  เอวํ  ภนฺเตติ  โข อายสฺมา
อานนฺโท  ภควนฺตํ  ๑-  ปฏิสฺสุตฺวา  อุฏฺายาสนา  ภควนฺตํ  อภิวาเทตฺวา
ปทกฺขิณํ กตฺวา ภควโต อวิทูเร อญฺตรสฺมึ รุกฺขมูเล นิสีทิ ฯ
     [๑๓๐]   อถ   โข   มาโร  ปาปิมา  อจิรปกฺกนฺเต  อายสฺมนฺเต
อานนฺเท    เยน    ภควา    เตนุปสงฺกมิ    อุปสงฺกมิตฺวา   เอกมนฺตํ
อฏฺาสิ ฯ เอกมนฺตํ ิโต โข มาโร ปาปิมา ภควนฺตํ เอตทโวจ
     {๑๓๐.๑}   ปรินิพฺพาตุทานิ   ภนฺเต   ภควา  ปรินิพฺพาตุ  สุคโต
ปรินิพฺพานกาโลทานิ   ภนฺเต   ภควโต   ภาสิตา   โข  ปเนสา  ภนฺเต
ภควตา   วาจา  น  ตาวาหํ  ปาปิม  ปรินิพฺพายิสฺสามิ  ยาว  เม  ภิกฺขู
น  สาวกา  ภวิสฺสนฺติ  วิยตฺตา  วินีตา วิสารทปฺปตฺตา ๒- โยคกฺเขมกามา
พหุสฺสุตา       ธมฺมธรา      ธมฺมานุธมฺมปฏิปนฺนา      สามีจิปฏิปนฺนา
อนุธมฺมจาริโน   สกํ   อาจริยกํ   อุคฺคเหตฺวา  อาจิกฺขิสฺสนฺติ  เทสิสฺสนฺติ
ปญฺเปสฺสนฺติ   ปฏฺเปสฺสนฺติ   วิวริสฺสนฺติ   วิภชิสฺสนฺติ  อุตฺตานีกริสฺสนฺติ
@เชิงอรรถ: ๑ ม. ยุ. ภควโต ฯ  ๒ โป. วิสารทา ปตฺตโยคกฺเขมา ฯ ม. วิสารทา
@โยคกฺเขมกามาติ น ทิลฺสติ ฯ  ๓ ยุ. โยคกฺเขมา ฯ
อุปฺปนฺนํ      ปรปฺปวาทํ      สหธมฺเมน     สุนิคฺคหิตํ     นิคฺคเหตฺวา
สปฺปาฏิหาริยํ   ธมฺมํ  เทสิสฺสนฺตีติ  เอตรหิ  ๑-  โข  ปน  ภนฺเต  ภิกฺขู
ภควโต   สาวกา   วิยตฺตา   วินีตา   วิสารทปฺปตฺตา   โยคกฺเขมกามา
พหุสฺสุตา       ธมฺมธรา      ธมฺมานุธมฺมปฏิปนฺนา      สามีจิปฏิปนฺนา
อนุธมฺมจาริโน    สกํ   อาจริยกํ   อุคฺคเหตฺวา   อาจิกฺขนฺติ   เทเสนฺติ
ปญฺเปนฺติ    ปฏฺเปนฺติ   วิวรนฺติ   วิภชนฺติ   อุตฺตานีกโรนฺติ   อุปฺปนฺนํ
ปรปฺปวาทํ   สหธมฺเมน   สุนิคฺคหิตํ   นิคฺคเหตฺวา   สปฺปาฏิหาริยํ   ธมฺมํ
เทเสนฺติ ฯ
     {๑๓๐.๒}   ปรินิพฺพาตุทานิ   ภนฺเต   ภควา  ปรินิพฺพาตุ  สุคโต
ปรินิพฺพานกาโลทานิ  ภนฺเต  ภควโต  ภาสิตา  โข ปเนสา ๒- ภนฺเต ๓-
ภควตา   วาจา   น   ตาวาหํ   ปาปิม   ปรินิพฺพายิสฺสามิ   ยาว  เม
ภิกฺขุนิโย   น   ๔-  สาวิกา  ภวิสฺสนฺติ  วิยตฺตา  วินีตา  วิสารทปฺปตฺตา
โยคกฺเขมกามินิโย      พหุสฺสุตา     ธมฺมธรา     ธมฺมานุธมฺมปฏิปนฺนา
สามีจิปฏิปนฺนา     อนุธมฺมจารินิโย     สกํ    อาจริยกํ    อุคฺคเหตฺวา
อาจิกฺขิสฺสนฺติ    เทสิสฺสนฺติ    ปญฺเปสฺสนฺติ   ปฏฺเปสฺสนฺติ   วิวริสฺสนฺติ
วิภชิสฺสนฺติ     อุตฺตานีกริสฺสนฺติ     อุปฺปนฺนํ    ปรปฺปวาทํ    สหธมฺเมน
สุนิคฺคหิตํ    นิคฺคเหตฺวา   สปฺปาฏิหาริยํ   ธมฺมํ   เทสิสฺสนฺตีติ   เอตรหิ
โข  ปน  ภนฺเต  ภิกฺขุนิโย  ภควโต สาวิกา วิยตฺตา วินีตา วิสารทปฺปตฺตา
โยคกฺเขมกามินิโย      พหุสฺสุตา     ธมฺมธรา     ธมฺมานุธมฺมปฏิปนฺนา
สามีจิปฏิปนฺนา     อนุธมฺมจารินิโย     สกํ    อาจริยกํ    อุคฺคเหตฺวา
อาจิกฺขนฺติ    เทเสนฺติ    ปญฺเปนฺติ    ปฏฺเปนฺติ   วิวรนฺติ   วิภชนฺติ
@เชิงอรรถ: ๑ โป. ตํ โข ปน เอตรหิ ฯ ยุ. สนฺติ โข ปน ภนฺเต เอตรหิ ฯ  ๒ โป. อยํ
@ปาโ นตฺถิ ฯ  ๓ ยุ. อยํ ปาโ นตฺถิ ฯ  ๔ ยุ. นสทฺโท นตฺถิ ฯ
อุตฺตานีกโรนฺติ     อุปฺปนฺนํ     ปรปฺปวาทํ     สหธมฺเมน     สุนิคฺคหิตํ
นิคฺคเหตฺวา สปฺปาฏิหาริยํ ธมฺมํ เทเสนฺติ ฯ
     {๑๓๐.๓}   ปรินิพฺพาตุทานิ   ภนฺเต   ภควา  ปรินิพฺพาตุ  สุคโต
ปรินิพฺพานกาโลทานิ   ภนฺเต   ภควโต   ภาสิตา   โข  ปเนสา  ภนฺเต
ภควตา  วาจา  น  ตาวาหํ  ปาปิม  ปรินิพฺพายิสฺสามิ  ยาว เม อุปาสกา
น   สาวกา  ภวิสฺสนฺติ  วิยตฺตา  วินีตา  วิสารทปฺปตฺตา  โยคกฺเขมกามา
พหุสฺสุตา       ธมฺมธรา      ธมฺมานุธมฺมปฏิปนฺนา      สามีจิปฏิปนฺนา
อนุธมฺมจาริโน   สกํ   อาจริยกํ   อุคฺคเหตฺวา  อาจิกฺขิสฺสนฺติ  เทสิสฺสนฺติ
ปญฺเปสฺสนฺติ   ปฏฺเปสฺสนฺติ   วิวริสฺสนฺติ   วิภชิสฺสนฺติ  อุตฺตานีกริสฺสนฺติ
อุปฺปนฺนํ   ปรปฺปวาทํ   สหธมฺเมน   สุนิคฺคหิตํ  นิคฺคเหตฺวา  สปฺปาฏิหาริยํ
ธมฺมํ  เทสิสฺสนฺตีติ  เอตรหิ  โข  ปน  ภนฺเต  อุปาสกา  ภควโต สาวกา
วิยตฺตา   วินีตา   วิสารทปฺปตฺตา   โยคกฺเขมกามา  พหุสฺสุตา  ธมฺมธรา
ธมฺมานุธมฺมปฏิปนฺนา    สามีจิปฏิปนฺนา   อนุธมฺมจาริโน   สกํ   อาจริยกํ
อุคฺคเหตฺวา   อาจิกฺขนฺติ   เทเสนฺติ   ปญฺเปนฺติ   ปฏฺเปนฺติ   วิวรนฺติ
วิภชนฺติ   อุตฺตานีกโรนฺติ   อุปฺปนฺนํ   ปรปฺปวาทํ   สหธมฺเมน   สุนิคฺคหิตํ
นิคฺคเหตฺวา สปฺปาฏิหาริยํ ธมฺมํ เทเสนฺติ ฯ
     {๑๓๐.๔}   ปรินิพฺพาตุทานิ   ภนฺเต   ภควา  ปรินิพฺพาตุ  สุคโต
ปรินิพฺพานกาโลทานิ  ภนฺเต  ภควโต  ภาสิตา  โข ปเนสา ภนฺเต ภควตา
วาจา  น  ตาวาหํ  ปาปิม  ปรินิพฺพายิสฺสามิ ยาว เม อุปาสิกา น สาวิกา
ภวิสฺสนฺติ   วิยตฺตา  วินีตา  วิสารทปฺปตฺตา  โยคกฺเขมกามินิโย  ธมฺมธรา
พหุสฺสุตา     ธมฺมานุธมฺมปฏิปนฺนา     สามีจิปฏิปนฺนา    อนุธมฺมจารินิโย
สกํ   อาจริยกํ   อุคฺคเหตฺวา   อาจิกฺขิสฺสนฺติ   เทสิสฺสนฺติ  ปญฺเปสฺสนฺติ
ปฏฺเปสฺสนฺติ    วิวริสฺสนฺติ    วิภชิสฺสนฺติ    อุตฺตานีกริสฺสนฺติ   อุปฺปนฺนํ
ปรปฺปวาทํ     สหธมฺเมน     สุนิคฺคหิตํ    นิคฺคเหตฺวา    สปฺปาฏิหาริยํ
ธมฺมํ  เทสิสฺสนฺตีติ  เอตรหิ  โข  ปน  ภนฺเต  อุปาสิกา  ภควโต สาวิกา
วิยตฺตา     วินีตา    วิสารทปฺปตฺตา    โยคกฺเขมกามินิโย    ธมฺมธรา
พหุสฺสุตา     ธมฺมานุธมฺมปฏิปนฺนา     สามีจิปฏิปนฺนา    อนุธมฺมจารินิโย
สกํ    อาจริยกํ    อุคฺคเหตฺวา    อาจิกฺขนฺติ    เทเสนฺติ   ปญฺเปนฺติ
ปฏฺเปนฺติ    วิวรนฺติ   วิภชนฺติ   อุตฺตานีกโรนฺติ   อุปฺปนฺนํ   ปรปฺปวาทํ
สหธมฺเมน สุนิคฺคหิตํ นิคฺคเหตฺวา สปฺปาฏิหาริยํ ธมฺมํ เทเสนฺติ ฯ
     {๑๓๐.๕}   ปรินิพฺพาตุทานิ   ภนฺเต   ภควา  ปรินิพฺพาตุ  สุคโต
ปรินิพฺพานกาโลทานิ   ภนฺเต   ภควโต   ภาสิตา   โข  ปเนสา  ภนฺเต
ภควตา   วาจา   น   ตาวาหํ   ปาปิม   ปรินิพฺพายิสฺสามิ   ยาว  เม
อิทํ   พฺรหฺมจริยํ   น   อิทฺธญฺจ   ภวิสฺสติ   ผีตญฺจ   วิตฺถาริกํ  พหุชญฺ
ปุถุภูตํ   ยาว   เทวมนุสฺเสหิ   สุปฺปกาสิตนฺติ  เอตรหิ  โข  ปน  ภนฺเต
ภควโต    พฺรหฺมจริยํ   อิทฺธญฺจ   ผีตญฺจ   วิตฺถาริกํ   พหุชญฺ   ปุถุภูตํ
ยาว   เทวมนุสฺเสหิ   สุปฺปกาสิตํ   ฯ   ปรินิพฺพาตุทานิ   ภนฺเต  ภควา
ปรินิพฺพาตุ สุคโต ปรินิพฺพานกาโลทานิ ภนฺเต ภควโตติ ฯ
     [๑๓๑]   เอวํ   วุตฺเต   ภควา   มารํ   ปาปิมนฺตํ   เอตทโวจ
อปฺโปสฺสุโก   ตฺวํ   ปาปิม   โหหิ   น   จิรํ   ตถาคตสฺส   ปรินิพฺพานํ
ภวิสฺสติ   อิโต  ติณฺณํ  มาสานํ  อจฺจเยน  ตถาคโต  ปรินิพฺพายิสฺสตีติ  ฯ
อถ    โข   ภควา   ปาวาลเจติเย   สโต   สมฺปชาโน   อายุสงฺขารํ
โอสฺสชฺชิ   ฯ   โอสฏฺเ   จ   ภควตา   อายุสงฺขาเร   มหาภูมิจาโล
อโหสิ  ภึสนโก  โลมหํโส  เทวทุนฺทุภิโย  จ  ผลึสุ  ฯ  อถ  โข  ภควา
เอตมตฺถํ วิทิตฺวา ตายํ เวลายํ อิมํ อุทานํ อุทาเนสิ
               ตุลมตุลญฺจ สมฺภวํ
               ภวสงฺขารมวสฺสชฺชิ มุนิ
               อชฺฌตฺตรโต สมาหิโต
               อภินฺทิ กวจมิวตฺตสมฺภวนฺติ ฯ สุตฺตํ ปมํ ฯ

             เนื้อความพระไตรปิฎกฉบับภาษาบาลี อักษรไทย เล่มที่ ๒๕ หน้าที่ ๑๖๙-๑๗๖.
https://84000.org/tipitaka/read/pali_read.php?B=25&A=3470&w=&modeTY=1
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=25&A=3470&modeTY=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=25&item=127&items=5
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=25&siri=86
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=25&i=127
             อ่านอรรถกถาภาษาบาลีอักษรไทย :-
https://84000.org/tipitaka/atthapali/read_th.php?B=26&A=7720
             The Pali Atthakatha in Roman :-
https://84000.org/tipitaka/atthapali/read_rm.php?B=26&A=7720
             สารบัญพระไตรปิฎกเล่มที่ ๒๕
https://84000.org/tipitaka/read/?index_25
https://84000.org/tipitaka/english/?index_25