บาลีพระไตรปิฎกเล่มที่ ๒๕ - พระสุตตันตปิฎกเล่มที่ ๑๗

สุตฺตนิปาเต อุรควคฺคสฺส อฏฺฐมํ เมตฺตสุตฺตํ [๓๐๘] |๓๐๘.๕๖๖| ๘ กรณียมตฺถกุสเลน ยนฺตํ สนฺตํ ปทํ อภิสเมจฺจ สกฺโก อุชู จ สุหุชู ^๑- จ สุวโจ จสฺส มุทุ อนติมานี ฯ |๓๐๘.๕๖๗| สนฺตุสฺสโก จ สุภโร จ อปฺปกิจฺโจ จ สลฺลหุกวุตฺติ สนฺตินฺทฺริโย จ นิปโก จ อปฺปคพฺโภ กุเลสุ อนนุคิทฺโธ ฯ |๓๐๘.๕๖๘| น จ ขุทฺทํ สมาจเร กิญฺจิ เย น วิญฺญู ปเร อุปวเทยฺยุํ ฯ สุขิโน วา ^๒- เขมิโน โหนฺตุ สพฺเพ ^๓- สตฺตา ภวนฺตุ สุขิตตฺตา |๓๐๘.๕๖๙| เย เกจิ ปาณภูตตฺถิ @เชิงอรรถ: ^๑ ยุ. สูชู จ ฯ ^๒ ม. สุขิโน ว ฯ ^๓ ม. สพฺพสตฺตา ฯ

--------------------------------------------------------------------------------------------- หน้าที่ ๓๕๔.

ตสา วา ถาวรา ^๑- วา อนวเสสา ทีฆา วา เย ^๒- มหนฺตา วา มชฺฌิมา รสฺสกา อณุกถูลา |๓๐๘.๕๗๐| ทิฏฺฐา วา เย ^๓- จ อทิฏฺฐา เย ^๔- จ ทูเร วสนฺติ อวิทูเร ภูตา วา สมฺภเวสี วา ^๕- สพฺเพ สตฺตา ภวนฺตุ สุขิตตฺตา ฯ |๓๐๘.๕๗๑| น ปโร ปรํ นิกุพฺเพถ นาติมญฺเญถ กตฺถจิ ^๖- นํ กิญฺจิ พฺยาโรสนา ปฏีฆสญฺญา นาญฺญมญฺญสฺส ทุกฺขมิจฺเฉยฺย ฯ |๓๐๘.๕๗๒| มาตา ยถา นิยํ ปุตฺตํ อายุสา เอกปุตฺตมนุรกฺเข เอวมฺปิ สพฺพภูเตสุ มานสมฺภาวเย ^๗- อปริมาณํ |๓๐๘.๕๗๓| เมตฺตญฺจ สพฺพโลกสฺมึ มานสมฺภาวเย ^๗- อปริมาณํ อุทฺธํ อโธ จ ติริยญฺจ อสมฺพาธํ อเวรํ อสปตฺตํ |๓๐๘.๕๗๔| ติฏฺฐญฺจรํ นิสินฺโน วา ^๘- @เชิงอรรถ: ^๑ ม. ถาวรา อนวเสสา ฯ ^๒ ม. เยว มหนฺตา ฯ ^๓ ม. เยว อทิฏฺฐา ฯ ยุ. เย วา @อทิฏฺฐา ฯ ^๔ ม. เยว ... ฯ ^๕ ม. ภูตา ว สมฺภเวสี ว ฯ ^๖ ม. น กญฺจิ ฯ @^๗ ม. มานสํ ... ฯ ^๘ ม. นิสินฺโน ว ฯ

--------------------------------------------------------------------------------------------- หน้าที่ ๓๕๕.

สยาโน ^๑- วา ยาว ตสฺส วิคตมิทฺโธ ฯ |๓๐๘.๕๗๕| เอตํ สตึ อธิฏฺเฐยฺย พฺรหฺมเมตํ วิหารํ อิธมาหุ ฯ ทิฏฺฐิญฺจ อนุปคมฺม สีลวา ทสฺสเนน สมฺปนฺโน กาเมสุ วิเนยฺย เคธํ น หิ ชาตุ คพฺภเสยฺยํ ปุนเรตีติ ฯ เมตฺตสุตฺตํ อฏฺฐมํ ฯ -------------

เนื้อความพระไตรปิฎกฉบับภาษาบาลี อักษรไทย เล่มที่ ๒๕ หน้าที่ ๓๕๓-๓๕๕. https://84000.org/tipitaka/read/pali_read.php?B=25&A=7324&w=&modeTY=2&pagebreak=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=25&A=7324&modeTY=2&pagebreak=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=25&item=308&items=1 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=25&siri=235 ศึกษาอรรถกถานี้ได้ที่ :- https://84000.org/tipitaka/attha/attha.php?b=25&i=308 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=28&A=4805 The Pali Atthakatha in Roman :- https://84000.org/tipitaka/atthapali/read_rm.php?B=28&A=4805 สารบัญพระไตรปิฎกเล่มที่ ๒๕ https://84000.org/tipitaka/read/?index_25 https://84000.org/tipitaka/english/?index_25