บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

                                           ๑๐ มณิชาตกํ ^๔-
     [๙๖๓]        จิรสฺสํ วต ปสฺสามิ           สหายํ มณิธารินํ
                       สุกตา ^๕- มสฺสุกุตฺติยา    โสภเต วต เม สขา ฯ
     [๙๖๔]        ปรูฬฺหกจฺฉนขโลโม         อหํ กมฺเม สุพฺยาวโฏ
                       จิรสฺสํ นหาปิตํ ลทฺธา      โลมนฺตมชฺชหารยิ ^๖- ฯ
     [๙๖๕]        ยํ นุ โลมํ อหาเรสิ           ทุลฺลภํ ลทฺธกปฺปกํ
                       อถ กิญฺจิ หิ เต สมฺม        กณฺเฐ กึนิกิลายติ ^๗- ฯ
     [๙๖๖]        มนุสฺสสุขุมาลานํ            มณิ กณฺเฐสุ ลมฺพติ
@เชิงอรรถ: ^๑ ม. อทูรคมเนน จ ฯ  ^๒ ม. อปฺปจินฺตสุขสฺส จ ฯ  ^๓ ม. สุสงฺคหิตมานสฺส ฯ
@^๔ สี. ยุ. กากชาตกํ ฯ ม. ปาราวตชาตกํ ฯ  ^๕ สี. ยุ. สุกตาย ฯ
@^๖ ม. โลมํ ตํ อชฺช หารยึ ฯ  ^๗ สี. ม. อถ กิญฺจรหิ เต สมฺม กณฺเฐ กิณิกิณายติ ฯ
                       เตสาหํ อนุสิกฺขามิ          มา ตฺวํ มญฺญิ ทวา กตํ ฯ
     [๙๖๗]        สเจปิมํ ปิหยสิ               มสฺสุกุตฺตึ สุการิตํ
                       การยิสฺสามิ เต สมฺม       มณึ จาปิ ททามิ เต ฯ
     [๙๖๘]        ตฺวญฺเญว มณินา ฉนฺโน   สุกตาย จ มสฺสุยา
                       อามนฺต โข ตํ คจฺฉามิ      ปิยํ เม ตว ทสฺสนนฺติ ฯ
                                           มณิชาตกํ ทสมํ ฯ
                                      ขุรปุตฺตวคฺโค ^๑- ทุติโย ฯ
                                                ---------
                                            ตสฺสุทฺทานํ
                                  อถ ปสฺส สสูจิ จ ตุณฺฑิลโก
                                  มิค มยฺหกปญฺจมปกฺขิวโร
                                  อถ ปญฺชลิ วาริช มชฺฌ ปุน
                                  อถ วฏฺฏก กโปฏวเรน ทส ฯ
                                                ---------
                                       ตตฺร วคฺคุทฺทานํ ภวติ ฯ
                        อถ วคฺคํ ปกิตฺติสฺสํ           ฉนิปาตํ วรุตฺตเม
                        อาวาริยา จ สูจิ ^๒- จ       เทฺว จ วุตฺตา สุพฺยญฺชนา ฯ
                                          ฉกฺกนิปาตํ นิฏฺฐิตํ ฯ
                                                ---------
@เชิงอรรถ: ^๑ สี. เสนกวคฺโค ฯ ม. ขรปุตฺตวคฺโค ฯ  ^๒ ม. อวาริยา จ ขโร จ ฯ สี. เสนกา ฯ

เนื้อความพระไตรปิฎกฉบับภาษาบาลี อักษรไทย เล่มที่ ๒๗ หน้าที่ ๒๐๙-๒๑๐. https://84000.org/tipitaka/read/pali_read.php?B=27&A=4254&w=&modeTY=2 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=27&A=4254&modeTY=2 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=27&item=963&items=6 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=27&siri=395 ศึกษาอรรถกถาชาดกนี้ได้ที่ :- https://84000.org/tipitaka/attha/attha.php?b=27&i=963 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=39&A=2281 The Pali Atthakatha in Roman :- https://84000.org/tipitaka/atthapali/read_rm.php?B=39&A=2281 สารบัญพระไตรปิฎกเล่มที่ ๒๗ https://84000.org/tipitaka/read/?index_27 https://84000.org/tipitaka/english/?index_27