บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

หน้าที่ ๒๒๕.

๒ มหากปิชาตกํ [๑๐๕๐] อตฺตานํ สงฺกมํ กตฺวา โย โสตฺถึ สมตารยิ กึ ตฺวํ เตสํ กึเม ^๑- ตุยฺหํ โหนฺติ เหเต ^๒- มหากปิ ฯ [๑๐๕๑] ราชาหํ อิสฺสโร เตสํ ยูถสฺส ปริหารโก เตสํ โสกปเรตานํ ภึตานนฺเต อรินฺทม ฯ [๑๐๕๒] อุลฺลงฺฆยิตฺวา อตฺตานํ วิสฺสฏฺฐธนุโน สตํ ตโต อปรปาเทสุ ทฬฺหํ พนฺธํ ลตาคุลํ ^๓- ฯ [๑๐๕๓] ฉินฺนพฺภมิว วาเตน นุณฺโณ รุกฺขมุปาคมึ โสหํ อปฺปภวํ ตตฺถ สาขํ หตฺเถหิ อคฺคหึ ฯ [๑๐๕๔] ตํ มํ วีณายตํ สนฺตํ สาขาย จ ลตาย จ สมนุกฺกมนฺตา ปาเทหิ โสตฺถึ สาขมิคา คตา ฯ [๑๐๕๕] ตํ มํ น ตปฺปตี ^๔- พนฺโธ วโธ ^๕- เม น ตเปสฺสติ สุขมาหริตํ เตสํ เยสํ รชฺชมการยึ ฯ [๑๐๕๖] เอสา เต อุปมา ราช ตํ สุณาหิ อรินฺทมํ ^๖- รญฺญา รฏฺฐสฺส โยคฺคสฺส พลสฺส นิคมสฺส จ สพฺเพสํ สุขเมตพฺพํ ขตฺติเยน ปชานตาติ ฯ มหากปิชาตกํ ทุติยํ ฯ --------- @เชิงอรรถ: ^๑ ม. กิเม ฯ สี. ยุ. กิโม ฯ ^๒ ม. เอเต ฯ ^๓ ม. ลตาคุนํ ฯ ^๔ ม. ตปเต ฯ @^๕ ม. มโต ฯ ^๖ สี. ยุ. อตฺถสนฺทสฺสนี กตา ฯ