บาลีพระไตรปิฎกเล่มที่ ๓ - พระวินัยปิฎกเล่มที่ ๓

                        ปตฺตวคฺคสฺส สตฺตมสิกฺขาปทํ
     [๑๒๒]   เตน  สมเยน  พุทฺโธ  ภควา  สาวตฺถิยํ  วิหรติ เชตวเน
อนาถปิณฺฑิกสฺส   อาราเม   ฯ   เตน   โข   ปน   สมเยน  อุปาสกา
ภิกฺขุนีสงฺฆสฺส   จีวรตฺถาย   ฉนฺทกํ   สงฺฆริตฺวา  อญฺตรสฺส  ปาวาริกสฺส
ฆเร    ปริกฺขารํ    นิกฺขิปิตฺวา   ภิกฺขุนิโย   อุปสงฺกมิตฺวา   เอตทโวจุํ
อมุกสฺส  อยฺเย  ปาวาริกสฺส  ฆเร  จีวรตฺถาย  ปริกฺขาโร นิกฺขิตฺโต ตโต
จีวรํ  อาหราเปตฺวา  ภาเชถาติ  ฯ  ภิกฺขุนิโย  เตน จ ปริกฺขาเรน สยํปิ
ยาจิตฺวา   เภสชฺชํ   เจตาเปตฺวา   ปริภุญฺชึสุ   ฯ  อุปาสกา  ชานิตฺวา
อุชฺฌายนฺติ   ขียนฺติ   วิปาเจนฺติ  กถํ  หิ  นาม  ภิกฺขุนิโย  อญฺทตฺถิเกน
ปริกฺขาเรน      อญฺุทฺทิสิเกน     สงฺฆิเกน     สญฺาจิเกน     อญฺ
เจตาเปสฺสนฺตีติ ฯ
     {๑๒๒.๑}   อสฺโสสุํ โข ภิกฺขุนิโย เตสํ อุปาสกานํ อุชฺฌายนฺตานํ ขียนฺตานํ
วิปาเจนฺตานํ  ฯ  ยา  ตา  ภิกฺขุนิโย  อปฺปิจฺฉา  ฯเปฯ  ตา  อุชฺฌายนฺติ
ขียนฺติ   วิปาเจนฺติ  กถํ  หิ  นาม  ภิกฺขุนิโย  อญฺทตฺถิเกน  ปริกฺขาเรน
อญฺุทฺทิสิเกน   สงฺฆิเกน   สญฺาจิเกน   อญฺ   เจตาเปสฺสนฺตีติ  ฯเปฯ
สจฺจํ   กิร  ภิกฺขเว  ภิกฺขุนิโย  อญฺทตฺถิเกน  ปริกฺขาเรน  อญฺุทฺทิสิเกน
สงฺฆิเกน   สญฺาจิเกน   อญฺ   เจตาเปนฺตีติ   ฯ   สจฺจํ  ภควาติ  ฯ
วิครหิ   พุทฺโธ  ภควา  กถํ  หิ  นาม  ภิกฺขเว  ภิกฺขุนิโย  อญฺทตฺถิเกน
ปริกฺขาเรน      อญฺุทฺทิสิเกน     สงฺฆิเกน     สญฺาจิเกน     อญฺ
เจตาเปสฺสนฺติ   เนตํ   ภิกฺขเว   อปฺปสนฺนานํ   วา   ปสาทาย  ฯเปฯ
เอวญฺจ ปน ภิกฺขเว ภิกฺขุนิโย อิมํ สิกฺขาปทํ อุทฺทิสนฺตุ
     {๑๒๒.๒}   ยา  ปน  ภิกฺขุนี อญฺทตฺถิเกน ปริกฺขาเรน อญฺุทฺทิสิเกน
สงฺฆิเกน สญฺาจิเกน อญฺ เจตาเปยฺย นิสฺสคฺคิยํ ปาจิตฺติยนฺติ ฯ
     [๑๒๓]   ยา  ปนาติ  ยา  ยาทิสา  ฯเปฯ  ภิกฺขุนีติ  ฯเปฯ  อยํ
อิมสฺมึ   อตฺเถ   อธิปฺเปตา   ภิกฺขุนีติ   ฯ   อญฺทตฺถิเกน  ปริกฺขาเรน
อญฺุทฺทิสิเกนาติ      อญฺสฺสตฺถาย     ทินฺเนน     ฯ     สงฺฆิเกนาติ
สงฺฆสฺสตฺถาย   น   คณสฺส   น   เอกภิกฺขุนิยา  ฯ  สญฺาจิเกนาติ  สยํ
ยาจิตฺวา   ฯ   อญฺ   เจตาเปยฺยาติ  ยํ  อตฺถาย  ทินฺนํ  ตํ  เปตฺวา
อญฺ    เจตาเปติ    ปโยเค   ทุกฺกฏํ   ปฏิลาเภน   นิสฺสคฺคิยํ   โหติ
นิสฺสชฺชิตพฺพํ   สงฺฆสฺส  วา  คณสฺส  วา  เอกภิกฺขุนิยา  วา  ฯ  เอวญฺจ
ปน   ภิกฺขเว   นิสฺสชฺชิตพฺพํ   ฯเปฯ   อิทํ   เม  อยฺเย  อญฺทตฺถิเกน
ปริกฺขาเรน      อญฺุทฺทิสิเกน     สงฺฆิเกน     สญฺาจิเกน     อญฺ
เจตาปิตํ   นิสฺสคฺคิยํ   อิมาหํ   สงฺฆสฺส  นิสฺสชฺชามีติ  ฯเปฯ  ทเทยฺยาติ
ฯเปฯ ทเทยฺยุนฺติ ฯเปฯ อยฺยาย ทมฺมีติ ฯ
     [๑๒๔]   อญฺทตฺถิเก    อญฺทตฺถิกสญฺา    อญฺ    เจตาเปติ
นิสฺสคฺคิยํ   ปาจิตฺติยํ   ฯ   อญฺทตฺถิเก   เวมติกา   อญฺ   เจตาเปติ
นิสฺสคฺคิยํ    ปาจิตฺติยํ    ฯ    อญฺทตฺถิเก    อนญฺทตฺถิกสญฺา   อญฺ
เจตาเปติ   นิสฺสคฺคิยํ   ปาจิตฺติยํ   ฯ   นิสฺสฏฺ  ปฏิลภิตฺวา  ยถาทาเน
อุปเนตพฺพํ      ฯ      อนญฺทตฺถิเก     อญฺทตฺถิกสญฺา     อาปตฺติ
ทุกฺกฏสฺส    ฯ    อนญฺสทตฺถิเก   เวมติกา   อาปตฺติ   ทุกฺกฏสฺส   ฯ
อนญฺทตฺถิเก อนญฺทตฺถิกสญฺา อนาปตฺติ ฯ
     [๑๒๕]   อนาปตฺติ   เสสกํ   อุปเนติ   สามิเก   อปโลเกตฺวา
อุปเนติ อาปทาสุ อุมฺมตฺติกาย อาทิกมฺมิกายาติ ฯ
                                   ----------

เนื้อความพระไตรปิฎกฉบับภาษาบาลี อักษรไทย เล่มที่ ๓ หน้าที่ ๘๐-๘๒. https://84000.org/tipitaka/read/pali_read.php?B=3&A=1583&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=3&A=1583&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=3&item=122&items=4 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=3&siri=22 ศึกษาอรรถกถานี้ได้ที่ :- https://84000.org/tipitaka/attha/attha.php?b=3&i=122 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=2&A=11187 The Pali Atthakatha in Roman :- https://84000.org/tipitaka/atthapali/read_rm.php?B=2&A=11187 สารบัญพระไตรปิฎกเล่มที่ ๓ https://84000.org/tipitaka/read/?index_3 https://84000.org/tipitaka/english/?index_3