บาลีพระไตรปิฎกเล่มที่ ๓ - พระวินัยปิฎกเล่มที่ ๓

                        ตุวฏฺฏวคฺคสฺส ฉฏฺสิกฺขาปทํ
     [๒๗๖]   เตน  สมเยน  พุทฺโธ  ภควา  สาวตฺถิยํ  วิหรติ เชตวเน
อนาถปิณฺฑิกสฺส   อาราเม   ฯ   เตน   โข   ปน   สมเยน  จณฺฑกาลี
ภิกฺขุนี   สํสฏฺา   วิหรติ   คหปตินาปิ   คหปติปุตฺเตนปิ   ฯ   ยา  ตา
ภิกฺขุนิโย    อปฺปิจฺฉา   ฯเปฯ   ตา   อุชฺฌายนฺติ   ขียนฺติ   วิปาเจนฺติ
กถํ   หิ   นาม   อยฺยา   จณฺฑกาลี   สํสฏฺา   วิหริสฺสติ   คหปตินาปิ
คหปติปุตฺเตนปีติ    ฯเปฯ    สจฺจํ   กิร   ภิกฺขเว   จณฺฑกาลี   ภิกฺขุนี
สํสฏฺา   วิหรติ   คหปตินาปิ   คหปติปุตฺเตนปีติ   ฯ  สจฺจํ  ภควาติ  ฯ
วิครหิ   พุทฺโธ   ภควา   กถํ   หิ   นาม   ภิกฺขเว  จณฺฑกาลี  ภิกฺขุนี
สํสฏฺา    วิหริสฺสติ    คหปตินาปิ    คหปติปุตฺเตนปิ    เนตํ   ภิกฺขเว
อปฺปสนฺนานํ   วา   ปสาทาย   ฯเปฯ  เอวญฺจ  ปน  ภิกฺขเว  ภิกฺขุนิโย
อิมํ สิกฺขาปทํ อุทฺทิสนฺตุ
     {๒๗๖.๑}   ยา   ปน  ภิกฺขุนี  สํสฏฺา  วิหเรยฺย  คหปตินา  วา
คหปติปุตฺเตน  วา  ฯ  สา  ภิกฺขุนี  ภิกฺขุนีหิ  เอวมสฺส  วจนียา  มายฺเย
สํสฏฺา    วิหริ    คหปตินาปิ    คหปติปุตฺเตนปิ    วิวิจฺจาหยฺเย   ^๑-
วิเวกญฺเว   ภคินิยา   สงฺโฆ   วณฺเณตีติ   ฯ   เอวญฺจ   ^[๒]-  สา
ภิกฺขุนี    ภิกฺขุนีหิ    วุจฺจมานา    ตเถว   ปคฺคเณฺหยฺย   สา   ภิกฺขุนี
ภิกฺขุนีหิ     ยาวตติยํ    สมนุภาสิตพฺพา    ตสฺส    ปฏินิสฺสคฺคาย    ฯ
ยาวตติยญฺเจ    สมนุภาสิยมานา   ตํ   ปฏินิสฺสชฺเชยฺย   อิจฺเจตํ   กุสลํ
โน เจ ปฏินิสฺสชฺเชยฺย ปาจิตฺติยนฺติ ฯ
     [๒๗๗]   ยา  ปนาติ  ยา  ยาทิสา  ฯเปฯ  ภิกฺขุนีติ  ฯเปฯ  อยํ
อิมสฺมึ   อตฺเถ   อธิปฺเปตา   ภิกฺขุนีติ  ฯ  สํสฏฺา  นาม  อนนุโลมิเกน
กายิกวาจสิเกน    สํสฏฺา   ฯ   คหปติ   นาม   โย   โกจิ   อคารํ
อชฺฌาวสติ ฯ คหปติปุตฺโต นาม โย โกจิ ปุตฺตภาตโร ฯ
     [๒๗๘]   สา   ภิกฺขุนีติ  ยา  สา  สํสฏฺา  ภิกฺขุนี  ฯ  ภิกฺขุนีหีติ
อญฺาหิ    ภิกฺขุนีหิ    ยา   ปสฺสนฺติ   ยา   สุณนฺติ   ตาหิ   วตฺตพฺพา
มายฺเย    สํสฏฺา   วิหริ   คหปตินาปิ   คหปติปุตฺเตนปิ   วิวิจฺจาหยฺเย
วิเวกญฺเว    ภคินิยา    สงฺโฆ   วณฺเณตีติ   ฯ   ทุติยมฺปิ   วตฺตพฺพา
ตติยมฺปิ   วตฺตพฺพา   ฯ   สเจ   ปฏินิสฺสชฺชติ  อิจฺเจตํ  กุสลํ  โน  เจ
ปฏินิสฺสชฺชติ   อาปตฺติ   ทุกฺกฏสฺส   ฯ   สุตฺวา   น   วทนฺติ   อาปตฺติ
ทุกฺกฏสฺส    ฯ    สา    ภิกฺขุนี   สงฺฆมชฺฌํปิ   อากฑฺฒิตฺวา   วตฺตพฺพา
@เชิงอรรถ: ^๑ ม. ยุ. วิวิจฺจยฺเย ฯ สพฺพตฺถ เอวเมว ทิสฺสติ ฯ ^๒ ม. ยุ. เอตฺถนฺตเร
@ปนสทฺโท ทิสฺสติ ฯ
มายฺเย    สํสฏฺา   วิหริ   คหปตินาปิ   คหปติปุตฺเตนปิ   วิวิจฺจาหยฺเย
วิเวกญฺเว    ภคินิยา    สงฺโฆ   วณฺเณตีติ   ฯ   ทุติยมฺปิ   วตฺตพฺพา
ตติยมฺปิ   วตฺตพฺพา   ฯ   สเจ   ปฏินิสฺสชฺชติ  อิจฺเจตํ  กุสลํ  โน  เจ
ปฏินิสฺสชฺชติ อาปตฺติ ทุกฺกฏสฺส ฯ
     [๒๗๙]   สา   ภิกฺขุนี  สมนุภาสิตพฺพา  ฯ  เอวญฺจ  ปน  ภิกฺขเว
สมนุภาสิตพฺพา ฯ พฺยตฺตาย ภิกฺขุนิยา ปฏิพลาย สงฺโฆ าเปตพฺโพ
     {๒๗๙.๑}   สุณาตุ  เม อยฺเย สงฺโฆ อยํ อิตฺถนฺนามา ภิกฺขุนี สํสฏฺา
วิหรติ  คหปตินาปิ  คหปติปุตฺเตนปิ  ฯ  สา  ตํ  วตฺถุํ  นปฺปฏินิสฺสชฺชติ  ฯ
ยทิ   สงฺฆสฺส  ปตฺตกลฺลํ  สงฺโฆ  อิตฺถนฺนามํ  ภิกฺขุนึ  สมนุภาเสยฺย  ตสฺส
วตฺถุสฺส ปฏินิสฺสคฺคาย ฯ เอสา ตฺติ ฯ
     {๒๗๙.๒}   สุณาตุ  เม อยฺเย สงฺโฆ อยํ อิตฺถนฺนามา ภิกฺขุนี สํสฏฺา
วิหรติ  คหปตินาปิ  คหปติปุตฺเตนปิ  ฯ  สา  ตํ  วตฺถุํ  นปฺปฏินิสฺสชฺชติ  ฯ
สงฺโฆ   อิตฺถนฺนามํ  ภิกฺขุนึ  สมนุภาสติ  ตสฺส  วตฺถุสฺส  ปฏินิสฺสคฺคาย  ฯ
ยสฺสา   อยฺยาย   ขมติ   อิตฺถนฺนามาย   ภิกฺขุนิยา   สมนุภาสนา  ตสฺส
วตฺถุสฺส ปฏินิสฺสคฺคาย สา ตุณฺหสฺส ยสฺสา นกฺขมติ สา ภาเสยฺย ฯ
     {๒๗๙.๓}   ทุติยมฺปิ  เอตมตฺถํ  วทามิ  ฯเปฯ  ตติยมฺปิ  เอตมตฺถํ
วทามิ   ฯเปฯ  สมนุภฏฺา  สงฺเฆน  อิตฺถนฺนามา  ภิกฺขุนี  ตสฺส  วตฺถุสฺส
ปฏินิสฺสคฺคาย ฯ ขมติ สงฺฆสฺส ตสฺมา ตุณฺหี ฯ เอวเมตํ ธารยามีติ ฯ
     [๒๘๐]   ตฺติยา    ทุกฺกฏํ    ทฺวีหิ    กมฺมวาจาหิ    ทุกฺกฏา
กมฺมวาจาปริโยสาเน อาปตฺติ ปาจิตฺติยสฺส ฯ
     [๒๘๑]   ธมฺมกมฺเม   ธมฺมกมฺมสญฺา   นปฺปฏินิสฺสชฺชติ   อาปตฺติ
ปาจิตฺติยสฺส    ฯ    ธมฺมกมฺเม    เวมติกา   นปฺปฏินิสฺสชฺชติ   อาปตฺติ
ปาจิตฺติยสฺส     ฯ     ธมฺมกมฺเม    อธมฺมกมฺมสญฺา    นปฺปฏินิสฺสชฺชติ
อาปตฺติ    ปาจิตฺติยสฺส    ฯ    อธมฺมกมฺเม   ธมฺมกมฺมสญฺา   อาปตฺติ
ทุกฺกฏสฺส    ฯ    อธมฺมกมฺเม    เวมติกา    อาปตฺติ   ทุกฺกฏสฺส   ฯ
อธมฺมกมฺเม อธมฺมกมฺมสญฺา อาปตฺติ ทุกฺกฏสฺส ฯ
     [๒๘๒]   อนาปตฺติ      อสมนุภาสนฺติยา     ปฏินิสฺสชฺชนฺติยา
อุมฺมตฺติกาย อาทิกมฺมิกายาติ ฯ
                                     --------

เนื้อความพระไตรปิฎกฉบับภาษาบาลี อักษรไทย เล่มที่ ๓ หน้าที่ ๑๕๖-๑๕๙. https://84000.org/tipitaka/read/pali_read.php?B=3&A=3140&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=3&A=3140&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=3&item=276&items=7 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=3&siri=64 ศึกษาอรรถกถานี้ได้ที่ :- https://84000.org/tipitaka/attha/attha.php?b=3&i=276 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=2&A=11572 The Pali Atthakatha in Roman :- https://84000.org/tipitaka/atthapali/read_rm.php?B=2&A=11572 สารบัญพระไตรปิฎกเล่มที่ ๓ https://84000.org/tipitaka/read/?index_3 https://84000.org/tipitaka/english/?index_3