ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๓ ภาษาบาลี อักษรไทย พระวินัยปิฎกเล่มที่ ๓ วินย. ภิกฺขุนีวิภงฺโค

                                 จตุตฺถปาราชิกํ
     [๒๖]   เตน  สมเยน  พุทฺโธ  ภควา  สาวตฺถิยํ  วิหรติ  เชตวเน
อนาถปิณฺฑิกสฺส   อาราเม   ฯ   เตน   โข   ปน  สมเยน  ฉพฺพคฺคิยา
ภิกฺขุนิโย    [๑]-   อวสฺสุตสฺส   ปุริสปุคฺคลสฺส   หตฺถคหณํปิ   สาทิยนฺติ
สงฺฆาฏิกณฺณคหณํปิ    สาทิยนฺติ    สนฺติฏฺนฺติปิ    สลฺลปนฺติปิ    สงฺเกตํปิ
คจฺฉนฺติ   ปุริสสฺสปิ   อพฺภาคมนํ   สาทิยนฺติ   ฉนฺนํปิ  อนุปวิสนฺติ  กายํปิ
ตทตฺถาย อุปสํหรนฺติ เอตสฺส อสทฺธมฺมสฺส ปฏิเสวนตฺถาย ฯ
     {๒๖.๑}   ยา  ตา  ภิกฺขุนิโย อปฺปิจฺฉา ฯเปฯ ตา อุชฺฌายนฺติ ขียนฺติ
วิปาเจนฺติ   กถํ   หิ  นาม  ฉพฺพคฺคิยา  ภิกฺขุนิโย  อวสฺสุตา  อวสฺสุตสฺส
ปุริสปุคฺคลสฺส       หตฺถคหณํปิ      สาทิยิสฺสนฺติ      สงฺฆาฏิกณฺณคหณํปิ
สาทิยิสฺสนฺติ  สนฺติฏฺิสฺสนฺติปิ  ๒-  สลฺลปิสฺสนฺติปิ  สงฺเกตํปิ  คจฺฉิสฺสนฺติ
ปุริสสฺสปิ    อพฺภาคมนํ    สาทิยิสฺสนฺติ   ฉนฺนํปิ   อนุปวิสิสฺสนฺติ   กายํปิ
ตทตฺถาย    อุปสํหริสฺสนฺติ    เอตสฺส    อสทฺธมฺมสฺส   ปฏิเสวนตฺถายาติ
ฯเปฯ   สจฺจํ  กิร  ภิกฺขเว  ฉพฺพคฺคิยา  ภิกฺขุนิโย  อวสฺสุตา  อวสฺสุตสฺส
ปุริสปุคฺคลสฺส       หตฺถคหณํปิ       สาทิยนฺติ       สงฺฆาฏิกณฺณคหณํปิ
สาทิยนฺติ    สนฺติฏฺนฺติปิ    สลฺลปนฺติปิ   สงฺเกตํปิ   คจฺฉนฺติ   ปุริสสฺสปิ
อพฺภาคมนํ   สาทิยนฺติ   ฉนฺนํปิ  อนุปวิสนฺติ  กายํปิ  ตทตฺถาย  อุปสํหรนฺติ
เอตสฺส    อสทฺธมฺมสฺส    ปฏิเสวนตฺถายาติ   ฯ   สจฺจํ   ภควาติ   ฯ
@เชิงอรรถ:  ม. อวสฺสุตา ฯ   สณฺสฺสนฺติปีติ อมฺหากํ มติ ฯ
วิครหิ   พุทฺโธ   ภควา   กถํ  หิ  นาม  ภิกฺขเว  ฉพฺพคฺคิยา  ภิกฺขุนิโย
อวสฺสุตา     อวสฺสุตสฺส     ปุริสปุคฺคลสฺส    หตฺถคหณํปิ    สาทิยิสฺสนฺติ
สงฺฆาฏิกณฺณคหณํปิ      สาทิยิสฺสนฺติ     สนฺติฏฺิสฺสนฺติปิ     สลฺลปิสฺสนฺติปิ
สงฺเกตํปิ    คจฺฉนฺติ    ปุริสสฺสปิ    อพฺภาคมนํ    สาทิยิสฺสนฺติ   ฉนฺนํปิ
อนุปวิสิสฺสนฺติ   กายํปิ   ตทตฺถาย   อุปสํหริสฺสนฺติ   เอตสฺส  อสทฺธมฺมสฺส
ปฏิเสวนตฺถาย  เนตํ  ภิกฺขเว  อปฺปสนฺนานํ  วา  ปสาทาย ฯเปฯ เอวญฺจ
ปน ภิกฺขเว ภิกฺขุนิโย อิมํ สิกฺขาปทํ อุทฺทิสนฺตุ
     {๒๖.๒}   ยา   ปน  ภิกฺขุนี  อวสฺสุตา  อวสฺสุตสฺส  ปุริสปุคฺคลสฺส
หตฺถคหณํ  วา  สาทิเยยฺย  สงฺฆาฏิกณฺณคหณํ  วา  สาทิเยยฺย  สนฺติฏฺเยฺย
วา   สลฺลเปยฺย  วา  สงฺเกตํ  วา  คจฺเฉยฺย  ปุริสสฺส  วา  อพฺภาคมนํ
สาทิเยยฺย   ฉนฺนํ   วา  อนุปวิเสยฺย  กายํ  วา  ตทตฺถาย  อุปสํหเรยฺย
เอตสฺส    อสทฺธมฺมสฺส    ปฏิเสวนตฺถาย    อยมฺปิ   ปาราชิกา   โหติ
อสํวาสา อฏฺวตฺถุกาติ ฯ
     [๒๗]   ยา   ปนาติ  ยา  ยาทิสา  ฯเปฯ  ภิกฺขุนีติ  ฯเปฯ  อยํ
อิมสฺมึ   อตฺเถ   อธิปฺเปตา   ภิกฺขุนีติ   ฯ   อวสฺสุตา  นาม  สารตฺตา
อเปกฺขวตี  ๑-  ปฏิพทฺธจิตฺตา  ฯ  อวสฺสุโต  นาม  สารตฺโต  อเปกฺขวา
ปฏิพทฺธจิตฺโต   ฯ   ปุริสปุคฺคโล   นาม   มนุสฺสปุริโส   น   ยกฺโข  น
เปโต   น   ติรจฺฉานคโต   วิญฺู   ปฏิพโล  กายสํสคฺคํ  สมาปชฺชิตุํ  ฯ
@เชิงอรรถ:  ม. ยุ. อเปกฺขวา ฯ
หตฺถคหณํ   วา   สาทิเยยฺยาติ   หตฺโถ   นาม  กปฺปุรํ  อุปาทาย  ยาว
อคฺคนขา    ฯ    เอตสฺส    อสทฺธมฺมสฺส    ปฏิเสวนตฺถาย   อุพฺภกฺขกํ
อโธชานุมณฺฑลํ     คหณํ     สาทิยติ     อาปตฺติ    ถุลฺลจฺจยสฺส    ฯ
สงฺฆาฏิกณฺณคหณํ     วา     สาทิเยยฺยาติ     เอตสฺส     อสทฺธมฺมสฺส
ปฏิเสวนตฺถาย   นิวตฺถํ   วา   ปารุตํ   วา   คหณํ   สาทิยติ  อาปตฺติ
ถุลฺลจฺจยสฺส ฯ
     {๒๗.๑}   สนฺติฏฺเยฺย  วาติ  เอตสฺส  อสทฺธมฺมสฺส  ปฏิเสวนตฺถาย
ปุริสสฺส   หตฺถปาเส   ติฏฺติ   อาปตฺติ   ถุลฺลจฺจยสฺส   ฯ   สลฺลเปยฺย
วาติ    เอตสฺส    อสทฺธมฺมสฺส   ปฏิเสวนตฺถาย   ปุริสสฺส   หตฺถปาเส
ิตา   สลฺลปติ   อาปตฺติ   ถุลฺลจฺจยสฺส   ฯ  สงฺเกตํ  วา  คจฺเฉยฺยาติ
เอตสฺส   อสทฺธมฺมสฺส   ปฏิเสวนตฺถาย   ปุริเสน   อิตฺถนฺนามํ   โอกาสํ
อาคจฺฉาติ   วุตฺตา   คจฺฉติ   ปเท   ปเท  อาปตฺติ  ทุกฺกฏสฺส  ปุริสสฺส
หตฺถปาสํ   โอกฺกนฺตมตฺเต   อาปตฺติ   ถุลฺลจฺจยสฺส   ฯ   ปุริสสฺส   วา
อพฺภาคมนํ    สาทิเยยฺยาติ    เอตสฺส    อสทฺธมฺมสฺส    ปฏิเสวนตฺถาย
ปุริสสฺส     อพฺภาคมนํ    สาทิยติ    อาปตฺติ    ทุกฺกฏสฺส    หตฺถปาสํ
โอกฺกนฺตมตฺเต   อาปตฺติ   ถุลฺลจฺจยสฺส   ฯ   ฉนฺนํ  วา  อนุปวิเสยฺยาติ
เอตสฺส    อสทฺธมฺมสฺส    ปฏิเสวนตฺถาย    เยน    เกนจิ   ปฏิจฺฉนฺนํ
โอกาสํ   ปวิฏฺมตฺเต   อาปตฺติ   ถุลฺลจฺจยสฺส  ฯ  กายํ  วา  ตทตฺถาย
อุปสํหเรยฺยาติ     เอตสฺส    อสทฺธมฺมสฺส    ปฏิเสวนตฺถาย    ปุริสสฺส
หตฺถปาเส ิตา กายํ อุปสํหรติ อาปตฺติ ถุลฺลจฺจยสฺส ฯ
     [๒๘]   อยมฺปีติ  ปุริมาโย  อุปาทาย  วุจฺจติ  ฯ  ปาราชิกา โหตีติ
เสยฺยถาปิ   นาม  ตาโล  มตฺถกจฺฉินฺโน  อภพฺโพ  ปุนวิรุฬฺหิยา  เอวเมว
ภิกฺขุนี  อฏฺมํ  วตฺถุํ  ปริปูเรนฺตี  อสฺสมณี  โหติ  อสกฺยธีตา  เตน วุจฺจติ
ปาราชิกา  โหตีติ  ฯ  อสํวาสาติ  สํวาโส  นาม  เอกกมฺมํ  เอกุทฺเทโส
สมสิกฺขาตา  เอโส  สํวาโส  นาม  โส  ตาย  สทฺธึ  นตฺถิ  เตน วุจฺจติ
อสํวาสาติ ฯ
     [๒๙]   อนาปตฺติ   อสญฺจิจฺจ  อสติยา  อชานนฺติยา  อสาทิยนฺติยา
อุมฺมตฺติกาย ขิตฺตจิตฺตาย เวทนฏฺฏาย อาทิกมฺมิกายาติ ฯ
                            จตุตฺถปาราชิกํ นิฏฺิตํ ฯ
                                     ---------
     [๓๐]   อุทฺทิฏฺา  โข  อยฺยาโย  อฏฺ  ปาราชิกา  ธมฺมา  เยสํ
ภิกฺขุนี   อญฺตรํ   วา   อญฺตรํ   วา  อาปชฺชิตฺวา  น  ลภติ  ภิกฺขุนีหิ
สทฺธึ  สํวาสํ  ยถา  ปุเร  ตถา  ปจฺฉา  ปาราชิกา  โหติ  อสํวาสา  ฯ
ตตฺถยฺยาโย    ปุจฺฉามิ    กจฺจิตฺถ   ปริสุทฺธา   ฯ   ทุติยมฺปิ   ปุจฺฉามิ
กจฺจิตฺถ   ปริสุทฺธา   ฯ   ตติยมฺปิ   ปุจฺฉามิ   กจฺจิตฺถ   ปริสุทฺธา   ฯ
ปริสุทฺเธตฺถยฺยาโย ตสฺมา ตุณฺหี ฯ เอวเมตํ ธารยามีติ ฯ
                            ปาราชิกกณฺฑํ นิฏฺิตํ ฯ


             เนื้อความพระไตรปิฎกฉบับภาษาบาลี อักษรไทย เล่มที่ ๓ หน้าที่ ๑๙-๒๒. https://84000.org/tipitaka/read/pali_read.php?B=3&A=340&w=&modeTY=1              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=3&A=340&modeTY=1              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=3&item=26&items=5              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=3&siri=4              ศึกษาอรรถกถานี้ได้ที่ :- https://84000.org/tipitaka/attha/attha.php?b=3&i=26              อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=2&A=10810              The Pali Atthakatha in Roman :- https://84000.org/tipitaka/atthapali/read_rm.php?B=2&A=10810              สารบัญพระไตรปิฎกเล่มที่ ๓ https://84000.org/tipitaka/read/?index_3 https://84000.org/tipitaka/english/?index_3

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]