บาลีพระไตรปิฎกเล่มที่ ๓ - พระวินัยปิฎกเล่มที่ ๓

                         คพฺภินีวคฺคสฺส ตติยสิกฺขาปทํ
     [๓๗๒]   เตน  สมเยน  พุทฺโธ  ภควา  สาวตฺถิยํ  วิหรติ เชตวเน
อนาถปิณฺฑิกสฺส   อาราเม   ฯ   เตน   โข   ปน   สมเยน  ภิกฺขุนิโย
เทฺว   วสฺสานิ   ฉสุ   ธมฺเมสุ  อสิกฺขิตสิกฺขํ  สิกฺขมานํ  วุฏฺาเปนฺติ  ฯ
ตา   พาลา   โหนฺติ   อพฺยตฺตา   น   ชานนฺติ   กปฺปิยํ  วา  อกปฺปิยํ
วา   ฯ   ยา   ตา   ภิกฺขุนิโย   อปฺปิจฺฉา   ฯเปฯ   ตา  อุชฺฌายนฺติ
ขียนฺติ   วิปาเจนฺติ   กถํ   หิ   นาม   ภิกฺขุนิโย   เทฺว  วสฺสานิ  ฉสุ
ธมฺเมสุ    อสิกฺขิตสิกฺขํ    สิกฺขมานํ    วุฏฺาเปสฺสนฺตีติ   ฯเปฯ   สจฺจํ
กิร   ภิกฺขเว   ภิกฺขุนิโย   เทฺว   วสฺสานิ   ฉสุ  ธมฺเมสุ  อสิกฺขิตสิกฺขํ
สิกฺขมานํ   วุฏฺาเปนฺตีติ   ฯ  สจฺจํ  ภควาติ  ฯ  วิครหิ  พุทฺโธ  ภควา
กถํ   หิ   นาม   ภิกฺขเว   ภิกฺขุนิโย   เทฺว   วสฺสานิ   ฉสุ  ธมฺเมสุ
อสิกฺขิตสิกฺขํ   สิกฺขมานํ   วุฏฺาเปสฺสนฺติ   เนตํ   ภิกฺขเว   อปฺปสนฺนานํ
วา    ปสาทาย    ฯเปฯ    วิครหิตฺวา   ธมฺมึ   กถํ   กตฺวา   ภิกฺขู
อามนฺเตสิ   อนุชานามิ   ภิกฺขเว   สิกฺขมานาย   เทฺว   วสฺสานิ   ฉสุ
ธมฺเมสุ   สิกฺขาสมฺมตึ   ทาตุํ   ฯ  เอวญฺจ  ปน  ภิกฺขเว  ทาตพฺพา  ฯ
ตาย   สิกฺขมานาย   สงฺฆํ   อุปสงฺกมิตฺวา  เอกํสํ  อุตฺตราสงฺคํ  กริตฺวา
ภิกฺขุนีนํ   ปาเท   วนฺทิตฺวา   อุกฺกุฏิกํ   นิสีทิตฺวา   อญฺชลึ  ปคฺคเหตฺวา
เอวมสฺส   วจนีโย   อหํ   อยฺเย   อิตฺถนฺนามา  อิตฺถนฺนามาย  อยฺยาย
สิกฺขมานา   สงฺฆํ   เทฺว   วสฺสานิ   ฉสุ   ธมฺเมสุ   สิกฺขาสมฺมตึ  ^๑-
ยาจามีติ   ฯ   ทุติยมฺปิ   ยาจิตพฺพา  ตติยมฺปิ  ยาจิตพฺพา  ฯ  พฺยตฺตาย
ภิกฺขุนิยา ปฏิพลาย สงฺโฆ าเปตพฺโพ
     {๓๗๒.๑}   สุณาตุ  เม  อยฺเย สงฺโฆ อยํ อิตฺถนฺนามา อิตฺถนฺนามาย
อยฺยาย   สิกฺขมานา   สงฺฆํ   เทฺว  วสฺสานิ  ฉสุ  ธมฺเมสุ  สิกฺขาสมฺมตึ
ยาจติ   ฯ   ยทิ  สงฺฆสฺส  ปตฺตกลฺลํ  สงฺโฆ  อิตฺถนฺนามาย  สิกฺขมานาย
เทฺว วสฺสานิ ฉสุ ธมฺเมสุ สิกฺขาสมฺมตึ ทเทยฺย ฯ เอสา ตฺติ ฯ
     {๓๗๒.๒}   สุณาตุ  เม  อยฺเย สงฺโฆ อยํ อิตฺถนฺนามา อิตฺถนฺนามาย
อยฺยาย   สิกฺขมานา   สงฺฆํ   เทฺว  วสฺสานิ  ฉสุ  ธมฺเมสุ  สิกฺขาสมฺมตึ
ยาจติ  ฯ  สงฺโฆ  อิตฺถนฺนามาย  สิกฺขมานาย  เทฺว  วสฺสานิ ฉสุ ธมฺเมสุ
สิกฺขาสมฺมตึ  เทติ  ฯ  ยสฺสา  อยฺยาย  ขมติ  อิตฺถนฺนามาย  สิกฺขมานาย
เทฺว   วสฺสานิ   ฉสุ   ธมฺเมสุ   สิกฺขาสมฺมติยา   ทานํ   สา  ตุณฺหสฺส
@เชิงอรรถ: ^๑ ม. ยุ. สิกฺขาสมฺมุตึ สพฺพตฺถ เอวเมว ทิสฺสติ ฯ
ยสฺสา นกฺขมติ สา ภาเสยฺย ฯ
     {๓๗๒.๓}   ทินฺนา   สงฺเฆน   อิตฺถนฺนามาย   สิกฺขมานาย  เทฺว
วสฺสานิ  ฉสุ  ธมฺเมสุ  สิกฺขาสมฺมติ  ฯ  ขมติ  สงฺฆสฺส  ตสฺมา  ตุณฺหี  ฯ
เอวเมตํ ธารยามีติ ฯ
     {๓๗๒.๔}   สา  สิกฺขมานา  เอวํ  วเทหีติ  วตฺตพฺพา ปาณาติปาตา
เวรมณึ  เทฺว  วสฺสานิ  อวีติกฺกมสมาทานํ  ^๑-  สมาทิยามิ  อทินฺนาทานา
เวรมณึ   เทฺว   วสฺสานิ   อวีติกฺกมสมาทานํ   สมาทิยามิ  อพฺรหฺมจริยา
เวรมณึ  เทฺว  วสฺสานิ  อวีติกฺกมสมาทานํ  สมาทิยามิ  มุสาวาทา เวรมณึ
เทฺว   วสฺสานิ  อวีติกฺกมสมาทานํ  สมาทิยามิ  สุราเมรยมชฺชปมาทฏฺานา
เวรมณึ  เทฺว  วสฺสานิ  อวีติกฺกมสมาทานํ สมาทิยามิ วิกาลโภชนา เวรมณึ
เทฺว วสฺสานิ อวีติกฺกมสมาทานํ สมาทิยามีติ ฯ
     {๓๗๒.๕}   อถโข  ภควา  ตา ภิกฺขุนิโย อเนกปริยาเยน วิครหิตฺวา
ทุพฺภรตาย  ฯเปฯ  เอวญฺจ  ปน  ภิกฺขเว ภิกฺขุนิโย อิมํ สิกฺขาปทํ อุทฺทิสนฺตุ
ยา   ปน   ภิกฺขุนี  เทฺว  วสฺสานิ  ฉสุ  ธมฺเมสุ  อสิกฺขิตสิกฺขํ  สิกฺขมานํ
วุฏฺาเปยฺย ปาจิตฺติยนฺติ ฯ
     [๓๗๓]   ยา  ปนาติ  ยา  ยาทิสา  ฯเปฯ  ภิกฺขุนีติ  ฯเปฯ  อยํ
อิมสฺมึ  อตฺเถ  อธิปฺเปตา  ภิกฺขุนีติ  ฯ  เทฺว วสฺสานีติ เทฺว สํวจฺฉรานิ ฯ
อสิกฺขิตสิกฺขา   นาม   สิกฺขา   วา   น   ทินฺนา   โหติ   ทินฺนา  วา
สิกฺขา   กุปิตา   ฯ  วุฏฺาเปยฺยาติ  อุปสมฺปาเทยฺย  ฯ  วุฏฺาเปสฺสามีติ
คณํ   วา   อาจรินึ   วา   ปตฺตํ   วา   จีวรํ   วา   ปริเยสติ  สีมํ
วา    สมฺมนฺนติ    อาปตฺติ    ทุกฺกฏสฺส    ตฺติยา    ทุกฺกฏํ    ทฺวีหิ
@เชิงอรรถ: ^๑ ม. ยุ. อวีติกฺกมฺม สมาทานํ สพฺพตฺถ เอวเมว ทิสฺสติ ฯ
กมฺมวาจาหิ    ทุกฺกฏา    กมฺมวาจาปริโยสาเน   อุปชฺฌายาย   อาปตฺติ
ปาจิตฺติยสฺส คณสฺส จ อาจรินิยา จ อาปตฺติ ทุกฺกฏสฺส ฯ
     [๓๗๔]   ธมฺมกมฺเม    ธมฺมกมฺมสญฺา    วุฏฺาเปติ    อาปตฺติ
ปาจิตฺติยสฺส     ฯ    ธมฺมกมฺเม    เวมติกา    วุฏฺาเปติ    อาปตฺติ
ปาจิตฺติยสฺส    ฯ   ธมฺมกมฺเม   อธมฺมกมฺมสญฺา   วุฏฺาเปติ   อาปตฺติ
ปาจิตฺติยสฺส   ฯ   อธมฺมกมฺเม   ธมฺมกมฺมสญฺา   อาปตฺติ  ทุกฺกฏสฺส  ฯ
อธมฺมกมฺเม     เวมติกา    อาปตฺติ    ทุกฺกฏสฺส    ฯ    อธมฺมกมฺเม
อธมฺมกมฺมสญฺา อาปตฺติ ทุกฺกฏสฺส ฯ
     [๓๗๕]   อนาปตฺติ  เทฺว  วสฺสานิ  ฉสุ ธมฺเมสุ สิกฺขิตสิกฺขํ สิกฺขมานํ
วุฏฺาเปติ อุมฺมตฺติกาย อาทิกมฺมิกายาติ ฯ
                                    ---------

เนื้อความพระไตรปิฎกฉบับภาษาบาลี อักษรไทย เล่มที่ ๓ หน้าที่ ๑๙๙-๒๐๒. https://84000.org/tipitaka/read/pali_read.php?B=3&A=4027&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=3&A=4027&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=3&item=372&items=4 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=3&siri=91 ศึกษาอรรถกถานี้ได้ที่ :- https://84000.org/tipitaka/attha/attha.php?b=3&i=372 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=2&A=11747 The Pali Atthakatha in Roman :- https://84000.org/tipitaka/atthapali/read_rm.php?B=2&A=11747 สารบัญพระไตรปิฎกเล่มที่ ๓ https://84000.org/tipitaka/read/?index_3 https://84000.org/tipitaka/english/?index_3