บาลีพระไตรปิฎกเล่มที่ ๓ - พระวินัยปิฎกเล่มที่ ๓

                       คพฺภินีวคฺคสฺส สตฺตมสิกฺขาปทํ
     [๓๘๘]   เตน  สมเยน  พุทฺโธ  ภควา  สาวตฺถิยํ  วิหรติ เชตวเน
อนาถปิณฺฑิกสฺส   อาราเม   ฯ   เตน   โข   ปน   สมเยน  ภิกฺขุนิโย
@เชิงอรรถ: ^๑-๒-๓ ม. เอตฺถนฺตเร วุฏฺาเปตีติ ทิสฺสติ ฯ
ปริปุณฺณทฺวาทสวสฺสํ   คิหิคตํ   เทฺว   วสฺสานิ   ฉสุ  ธมฺเมสุ  สิกฺขิตสิกฺขํ
สงฺเฆน    อสมฺมตํ    วุฏฺาเปนฺติ   ฯ   ภิกฺขุนิโย   เอวมาหํสุ   เอถ
สิกฺขมานา   อิมํ   ชานาถ   อิมํ   เทถ   อิมํ  อาหรถ  อิมินา  อตฺโถ
อิมํ   กปฺปิยํ  กโรถาติ  ฯ  ตา  เอวมาหํสุ  น  มยํ  อยฺเย  สิกฺขมานา
ภิกฺขุนิโย   มยนฺติ   ฯ   ยา   ตา   ภิกฺขุนิโย   อปฺปิจฺฉา  ฯเปฯ  ตา
อุชฺฌายนฺติ   ขียนฺติ   วิปาเจนฺติ   กถํ   หิ   นาม  ภิกฺขุนิโย  ปริปุณฺณ-
ทฺวาทสวสฺสํ    คิหิคตํ    เทฺว   วสฺสานิ   ฉสุ   ธมฺเมสุ   สิกฺขิตสิกฺขํ
สงฺเฆน    อสมฺมตํ    วุฏฺาเปสฺสนฺตีติ   ฯเปฯ   สจฺจํ   กิร   ภิกฺขเว
ภิกฺขุนิโย   ปริปุณฺณทฺวาทสวสฺสํ   คิหิคตํ   เทฺว   วสฺสานิ   ฉสุ  ธมฺเมสุ
สิกฺขิตสิกฺขํ สงฺเฆน อสมฺมตํ วุฏฺาเปนฺตีติ ฯ สจฺจํ ภควาติ ฯ
     {๓๘๘.๑}   วิครหิ  พุทฺโธ  ภควา  กถํ  หิ  นาม ภิกฺขเว ภิกฺขุนิโย
ปริปุณฺณทฺวาทสวสฺสํ   คิหิคตํ   เทฺว   วสฺสานิ   ฉสุ  ธมฺเมสุ  สิกฺขิตสิกฺขํ
สงฺเฆน   อสมฺมตํ   วุฏฺาเปสฺสนฺติ   เนตํ   ภิกฺขเว   อปฺปสนฺนานํ  วา
ปสาทาย   ฯเปฯ   วิครหิตฺวา   ธมฺมึ   กถํ   กตฺวา  ภิกฺขู  อามนฺเตสิ
อนุชานามิ   ภิกฺขเว   ปริปุณฺณทฺวาทสวสฺสาย   คิหิคตาย   เทฺว  วสฺสานิ
ฉสุ   ธมฺเมสุ   สิกฺขิตสิกฺขาย   วุฏฺานสมฺมตึ   ทาตุํ   ฯ  เอวญฺจ  ปน
ภิกฺขเว   ทาตพฺพา   ฯ   ตาย   ปริปุณฺณทฺวาทสวสฺสาย  คิหิคตาย  เทฺว
วสฺสานิ   ฉสุ   ธมฺเมสุ   สิกฺขิตสิกฺขาย   สงฺฆํ   อุปสงฺกมิตฺวา   เอกํสํ
อุตฺตราสงฺคํ   กริตฺวา   ภิกฺขุนีนํ   ปาเท   วนฺทิตฺวา  อุกฺกุฏิกํ  นิสีทิตฺวา
อญฺชลึ   ปคฺคเหตฺวา   เอวมสฺส   วจนีโย   อหํ   อยฺเย   อิตฺถนฺนามา
อิตฺถนฺนามาย   อยฺยาย   ปริปุณฺณทฺวาทสวสฺสา   คิหิคตา   เทฺว  วสฺสานิ
ฉสุ   ธมฺเมสุ   สิกฺขิตสิกฺขา  สงฺฆํ  วุฏฺานสมฺมตึ  ยาจามีติ  ฯ  ทุติยมฺปิ
ยาจิตพฺพา   ตติยมฺปิ   ยาจิตพฺพา   ฯ   พฺยตฺตาย   ภิกฺขุนิยา  ปฏิพลาย
สงฺโฆ าเปตพฺโพ
     {๓๘๘.๒}   สุณาตุ  เม  อยฺเย สงฺโฆ อยํ อิตฺถนฺนามา อิตฺถนฺนามาย
อยฺยาย   ปริปุณฺณทฺวาทสวสฺสา   คิหิคตา   เทฺว   วสฺสานิ  ฉสุ  ธมฺเมสุ
สิกฺขิตสิกฺขา   สงฺฆํ   วุฏฺานสมฺมตึ   ยาจติ  ฯ  ยทิ  สงฺฆสฺส  ปตฺตกลฺลํ
สงฺโฆ   อิตฺถนฺนามาย   ปริปุณฺณทฺวาทสวสฺสาย   คิหิคตาย  เทฺว  วสฺสานิ
ฉสุ ธมฺเมสุ สิกฺขิตสิกฺขาย วุฏฺานสมฺมตึ ทเทยฺย ฯ เอสา ตฺติ ฯ
     {๓๘๘.๓}   สุณาตุ  เม  อยฺเย สงฺโฆ อยํ อิตฺถนฺนามา อิตฺถนฺนามาย
อยฺยาย   ปริปุณฺณทฺวาทสวสฺสา   คิหิคตา   เทฺว   วสฺสานิ  ฉสุ  ธมฺเมสุ
สิกฺขิตสิกฺขา   สงฺฆํ   วุฏฺานสมฺมตึ   ยาจติ   ฯ   สงฺโฆ  อิตฺถนฺนามาย
ปริปุณฺณทฺวาทสวสฺสาย    คิหิคตาย    เทฺว    วสฺสานิ    ฉสุ   ธมฺเมสุ
สิกฺขิตสิกฺขาย  วุฏฺานสมฺมตึ  เทติ  ฯ  ยสฺสา  อยฺยาย ขมติ อิตฺถนฺนามาย
ปริปุณฺณทฺวาทสวสฺสาย    คิหิคตาย    เทฺว    วสฺสานิ    ฉสุ   ธมฺเมสุ
สิกฺขิตสิกฺขาย   วุฏฺานสมฺมติยา   ทานํ   สา   ตุณฺหสฺส  ยสฺสา  นกฺขมติ
สา ภาเสยฺย ฯ
     {๓๘๘.๔}   ทินฺนา   สงฺเฆน  อิตฺถนฺนามาย  ปริปุณฺณทฺวาทสวสฺสาย
คิหิคตาย   เทฺว  วสฺสานิ  ฉสุ  ธมฺเมสุ  สิกฺขิตสิกฺขาย  วุฏฺานสมฺมติ  ฯ
ขมติ สงฺฆสฺส ตสฺมา ตุณฺหี ฯ เอวเมตํ ธารยามีติ ฯ
     {๓๘๘.๕}   อถโข   ภควา   ตา   ภิกฺขุนิโย   อเนกปริยาเยน
วิครหิตฺวา     ทุพฺภรตาย     ฯเปฯ     เอวญฺจ     ปน     ภิกฺขเว
ภิกฺขุนิโย อิมํ สิกฺขาปทํ อุทฺทิสนฺตุ
     {๓๘๘.๖}   ยา  ปน  ภิกฺขุนี ปริปุณฺณทฺวาทสวสฺสํ คิหิคตํ เทฺว วสฺสานิ
ฉสุ ธมฺเมสุ สิกฺขิตสิกฺขํ สงฺเฆน อสมฺมตํ วุฏฺาเปยฺย ปาจิตฺติยนฺติ ฯ
     [๓๘๙]   ยา  ปนาติ  ยา  ยาทิสา  ฯเปฯ  ภิกฺขุนีติ  ฯเปฯ  อยํ
อิมสฺมึ    อตฺเถ    อธิปฺเปตา    ภิกฺขุนีติ    ฯ    ปริปุณฺณทฺวาทสวสฺสา
นาม   ปตฺตทฺวาทสวสฺสา   ฯ   คิหิคตา  นาม  ปุริสนฺตรคตา  วุจฺจติ  ฯ
เทฺว   วสฺสานีติ  เทฺว  สํวจฺฉรานิ  ฯ  สิกฺขิตสิกฺขา  นาม  ฉสุ  ธมฺเมสุ
สิกฺขิตสิกฺขา   ฯ   อสมฺมตา   นาม  ตฺติทุติเยน  กมฺเมน  วุฏฺานสมฺมติ
น  ทินฺนา  โหติ  ฯ  วุฏฺาเปยฺยาติ  อุปสมฺปาเทยฺย  ฯ  วุฏฺาเปสฺสามีติ
คณํ  วา  อาจรินึ  วา  ปตฺตํ  วา  จีวรํ  วา ปริเยสติ สีมํ วา สมฺมนฺนติ
อาปตฺติ    ทุกฺกฏสฺส   ตฺติยา   ทุกฺกฏํ   ทฺวีหิ   กมฺมวาจาหิ   ทุกฺกฏา
กมฺมวาจาปริโยสาเน    อุปชฺฌายาย    อาปตฺติ    ปาจิตฺติยสฺส   คณสฺส
จ อาจรินิยา จ อาปตฺติ ทุกฺกฏสฺส ฯ
     [๓๙๐]   ธมฺมกมฺเม    ธมฺมกมฺมสญฺา    วุฏฺาเปติ    อาปตฺติ
ปาจิตฺติยสฺส     ฯ    ธมฺมกมฺเม    เวมติกา    วุฏฺาเปติ    อาปตฺติ
ปาจิตฺติยสฺส    ฯ   ธมฺมกมฺเม   อธมฺมกมฺมสญฺา   วุฏฺาเปติ   อาปตฺติ
ปาจิตฺติยสฺส      ฯ      อธมฺมกมฺเม      ธมฺมกมฺมสญฺา     อาปตฺติ
ทุกฺกฏสฺส    ฯ    อธมฺมกมฺเม    เวมติกา    อาปตฺติ   ทุกฺกฏสฺส   ฯ
อธมฺมกมฺเม อธมฺมกมฺมสญฺา อาปตฺติ ทุกฺกฏสฺส ฯ
     [๓๙๑]   อนาปตฺติ   ปริปุณฺณทฺวาทสวสฺสํ   คิหิคตํ   เทฺว  วสฺสานิ
ฉสุ   ธมฺเมสุ   สิกฺขิตสิกฺขํ   สงฺเฆน   สมฺมตํ   วุฏฺาเปติ  อุมฺมตฺติกาย
อาทิกมฺมิกายาติ ฯ
                                   ----------

เนื้อความพระไตรปิฎกฉบับภาษาบาลี อักษรไทย เล่มที่ ๓ หน้าที่ ๒๑๐-๒๑๔. https://84000.org/tipitaka/read/pali_read.php?B=3&A=4262&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=3&A=4262&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=3&item=388&items=4 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=3&siri=95 ศึกษาอรรถกถานี้ได้ที่ :- https://84000.org/tipitaka/attha/attha.php?b=3&i=388 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=2&A=11769 The Pali Atthakatha in Roman :- https://84000.org/tipitaka/atthapali/read_rm.php?B=2&A=11769 สารบัญพระไตรปิฎกเล่มที่ ๓ https://84000.org/tipitaka/read/?index_3 https://84000.org/tipitaka/english/?index_3