บาลีพระไตรปิฎกเล่มที่ ๓ - พระวินัยปิฎกเล่มที่ ๓

                     กุมารีภูตวคฺคสฺส ปญฺจมสิกฺขาปทํ
     [๔๑๖]   เตน  สมเยน  พุทฺโธ  ภควา  สาวตฺถิยํ  วิหรติ เชตวเน
อนาถปิณฺฑิกสฺส   อาราเม   ฯ   เตน   โข   ปน   สมเยน  ภิกฺขุนิโย
ปริปุณฺณทฺวาทสวสฺสา   สงฺเฆน   อสมฺมตา   วุฏฺาเปนฺติ  ฯ  ตา  พาลา
โหนฺติ    อพฺยตฺตา   น   ชานนฺติ   กปฺปิยํ   วา   อกปฺปิยํ   วา   ฯ
สทฺธิวิหารินิโยปิ   พาลา   โหนฺติ   อพฺยตฺตา   น  ชานนฺติ  กปฺปิยํ  วา
อกปฺปิยํ  วา  ฯ  ยา  ตา  ภิกฺขุนิโย  อปฺปิจฺฉา  ฯเปฯ  ตา  อุชฺฌายนฺติ
ขียนฺติ   วิปาเจนฺติ   กถํ   หิ   นาม   ภิกฺขุนิโย   ปริปุณฺณทฺวาทสวสฺสา
สงฺเฆน    อสมฺมตา   วุฏฺาเปสฺสนฺตีติ   ฯเปฯ   สจฺจํ   กิร   ภิกฺขเว
ภิกฺขุนิโย   ปริปุณฺณทฺวาทสวสฺสา   สงฺเฆน   อสมฺมตา   วุฏฺาเปนฺตีติ  ฯ
สจฺจํ ภควาติ ฯ
     {๔๑๖.๑}   วิครหิ  พุทฺโธ  ภควา  กถํ  หิ  นาม ภิกฺขเว ภิกฺขุนิโย
ปริปุณฺณทฺวาทสวสฺสา     สงฺเฆน    อสมฺมตา    วุฏฺาเปสฺสนฺติ    เนตํ
ภิกฺขเว  อปฺปสนฺนานํ  วา  ปสาทาย  ฯเปฯ  วิครหิตฺวา  ธมฺมึ กถํ กตฺวา
ภิกฺขู     อามนฺเตสิ     อนุชานามิ    ภิกฺขเว    ปริปุณฺณทฺวาทสวสฺสาย
ภิกฺขุนิยา    วุฏฺาปนสมฺมตึ    ทาตุํ    ฯ    เอวญฺจ    ปน   ภิกฺขเว
ทาตพฺพา     ฯ    ตาย    ปริปุณฺณทฺวาทสวสฺสาย    ภิกฺขุนิยา    สงฺฆํ
อุปสงฺกมิตฺวา   เอกํสํ   อุตฺตราสงฺคํ   กริตฺวา  วุฑฺฒานํ  ภิกฺขุนีนํ  ปาเท
วนฺทิตฺวา   อุกฺกุฏิกํ   นิสีทิตฺวา   อญฺชลึ  ปคฺคเหตฺวา  เอวมสฺส  วจนีโย
อหํ    อยฺเย    อิตฺถนฺนามา    ปริปุณฺณทฺวาทสวสฺสา    ภิกฺขุนี    สงฺฆํ
วุฏฺาปนสมฺมตึ  ยาจามีติ  ฯ  ทุติยมฺปิ  ยาจิตพฺพา  ตติยมฺปิ  ยาจิตพฺพา ฯ
สา   ภิกฺขุนี   สงฺเฆน   ปริจฺฉินฺทิตพฺพา   พฺยตฺตายํ  ภิกฺขุนี  ลชฺชินีติ  ฯ
สเจ   พาลา  จ  โหติ  อลชฺชินี  จ  น  ทาตพฺพา  สเจ  พาลา  โหติ
ลชฺชินี   น   ทาตพฺพา   สเจ   พฺยตฺตา   โหติ  อลชฺชินี  น  ทาตพฺพา
สเจ  พฺยตฺตา  จ  โหติ  ลชฺชินี  จ  ทาตพฺพา  ฯ  เอวญฺจ  ปน ภิกฺขเว
ทาตพฺพา ฯ พฺยตฺตาย ภิกฺขุนิยา ปฏิพลาย สงฺโฆ าเปตพฺโพ
     {๔๑๖.๒}   สุณาตุ  เม  อยฺเย  สงฺโฆ  อยํ  อิตฺถนฺนามา ปริปุณฺณ-
ทฺวาทสวสฺสา   ภิกฺขุนี   สงฺฆํ  วุฏฺาปนสมฺมตึ  ยาจติ  ฯ  ยทิ  สงฺฆสฺส
ปตฺตกลฺลํ    สงฺโฆ    อิตฺถนฺนามาย    ปริปุณฺณทฺวาทสวสฺสาย   ภิกฺขุนิยา
วุฏฺาปนสมฺมตึ ทเทยฺย ฯ เอสา ตฺติ ฯ
     {๔๑๖.๓}   สุณาตุ เม อยฺเย สงฺโฆ อยํ อิตฺถนฺนามา ปริปุณฺณทฺวาทสวสฺสา
ภิกฺขุนี    สงฺฆํ    วุฏฺาปนสมฺมตึ   ยาจติ   ฯ   สงฺโฆ   อิตฺถนฺนามาย
ปริปุณฺณทฺวาทสวสฺสาย    ภิกฺขุนิยา   วุฏฺาปนสมฺมตึ   เทติ   ฯ   ยสฺสา
อยฺยาย     ขมติ    อิตฺถนฺนามาย    ปริปุณฺณทฺวาทสวสฺสาย    ภิกฺขุนิยา
วุฏฺาปนสมฺมติยา ทานํ สา ตุณฺหสฺส ยสฺสา นกฺขมติ สา ภาเสยฺย ฯ
     {๔๑๖.๔}   ทินฺนา   สงฺเฆน  อิตฺถนฺนามาย  ปริปุณฺณทฺวาทสวสฺสาย
ภิกฺขุนิยา  วุฏฺาปนสมฺมติ  ฯ  ขมติ  สงฺฆสฺส  ตสฺมา  ตุณฺหี  ฯ  เอวเมตํ
ธารยามีติ ฯ
     {๔๑๖.๕}   อถโข  ภควา  ตา ภิกฺขุนิโย อเนกปริยาเยน วิครหิตฺวา
ทุพฺภรตาย  ฯเปฯ  เอวญฺจ  ปน  ภิกฺขเว ภิกฺขุนิโย อิมํ สิกฺขาปทํ อุทฺทิสนฺตุ
ยา   ปน   ภิกฺขุนี  ปริปุณฺณทฺวาทสวสฺสา  สงฺเฆน  อสมฺมตา  วุฏฺาเปยฺย
ปาจิตฺติยนฺติ ฯ
     [๔๑๗]   ยา  ปนาติ  ยา  ยาทิสา  ฯเปฯ  ภิกฺขุนีติ  ฯเปฯ  อยํ
อิมสฺมึ   อตฺเถ   อธิปฺเปตา   ภิกฺขุนีติ   ฯ   ปริปุณฺณทฺวาทสวสฺสา  นาม
ปตฺตทฺวาทสวสฺสา    ฯ    อสมฺมตา    นาม    ตฺติทุติเยน    กมฺเมน
วุฏฺาปนสมฺมติ   น  ทินฺนา  โหติ  ฯ  วุฏฺาเปยฺยาติ  อุปสมฺปาเทยฺย  ฯ
วุฏฺาเปสฺสามีติ  คณํ  วา  อาจรินึ  วา  ปตฺตํ  วา  จีวรํ  วา ปริเยสติ
สีมํ   วา   สมฺมนฺนติ   อาปตฺติ   ทุกฺกฏสฺส   ฯ  ตฺติยา  ทุกฺกฏํ  ทฺวีหิ
กมฺมวาจาหิ       ทุกฺกฏา      กมฺมวาจาปริโยสาเน      อุปชฺฌายาย
อาปตฺติ ปาจิตฺติยสฺส คณสฺส จ อาจรินิยา จ อาปตฺติ ทุกฺกฏสฺส ฯ
     [๔๑๘]   ธมฺมกมฺเม    ธมฺมกมฺมสญฺา    วุฏฺาเปติ    อาปตฺติ
ปาจิตฺติยสฺส     ฯ    ธมฺมกมฺเม    เวมติกา    วุฏฺาเปติ    อาปตฺติ
ปาจิตฺติยสฺส    ฯ   ธมฺมกมฺเม   อธมฺมกมฺมสญฺา   วุฏฺาเปติ   อาปตฺติ
ปาจิตฺติยสฺส   ฯ   อธมฺมกมฺเม   ธมฺมกมฺมสญฺา   อาปตฺติ  ทุกฺกฏสฺส  ฯ
อธมฺมกมฺเม     เวมติกา    อาปตฺติ    ทุกฺกฏสฺส    ฯ    อธมฺมกมฺเม
อธมฺมกมฺมสญฺา อาปตฺติ ทุกฺกฏสฺส ฯ
     [๔๑๙]   อนาปตฺติ    ปริปุณฺณทฺวาทสวสฺสา    สงฺเฆน   สมฺมตา
วุฏฺาเปติ อุมฺมตฺติกาย อาทิกมฺมิกายาติ ฯ
                                    ---------

เนื้อความพระไตรปิฎกฉบับภาษาบาลี อักษรไทย เล่มที่ ๓ หน้าที่ ๒๒๘-๒๓๐. https://84000.org/tipitaka/read/pali_read.php?B=3&A=4612&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=3&A=4612&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=3&item=416&items=4 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=3&siri=103 ศึกษาอรรถกถานี้ได้ที่ :- https://84000.org/tipitaka/attha/attha.php?b=3&i=416 สารบัญพระไตรปิฎกเล่มที่ ๓ https://84000.org/tipitaka/read/?index_3 https://84000.org/tipitaka/english/?index_3