บาลีพระไตรปิฎกเล่มที่ ๓ - พระวินัยปิฎกเล่มที่ ๓

                     กุมารีภูตวคฺคสฺส ทฺวาทสมสิกฺขาปทํ
     [๔๓๘]   เตน  สมเยน  พุทฺโธ  ภควา  สาวตฺถิยํ  วิหรติ เชตวเน
อนาถปิณฺฑิกสฺส   อาราเม   ฯ   เตน   โข   ปน   สมเยน  ภิกฺขุนิโย
อนุวสฺสํ    วุฏฺาเปนฺติ    ฯ    อุปสฺสโย   น   สมฺมติ   ฯ   มนุสฺสา
อุชฺฌายนฺติ   ขียนฺติ   วิปาเจนฺติ   กถํ   หิ   นาม   ภิกฺขุนิโย  อนุวสฺสํ
วุฏฺาเปสฺสนฺติ อุปสฺสโย น สมฺมตีติ ฯ
     {๔๓๘.๑}   อสฺโสสุํ  โข  ภิกฺขุนิโย  เตสํ  มนุสฺสานํ  อุชฺฌายนฺตานํ
ขียนฺตานํ   วิปาเจนฺตานํ  ฯ  ยา  ตา  ภิกฺขุนิโย  อปฺปิจฺฉา  ฯเปฯ  ตา
อุชฺฌายนฺติ   ขียนฺติ   วิปาเจนฺติ   กถํ   หิ   นาม   ภิกฺขุนิโย  อนุวสฺสํ
วุฏฺาเปสฺสนฺตีติ  ฯเปฯ สจฺจํ กิร ภิกฺขเว ภิกฺขุนิโย อนุวสฺสํ วุฏฺาเปนฺตีติ ฯ
สจฺจํ  ภควาติ  ฯ  วิครหิ  พุทฺโธ  ภควา  กถํ  หิ นาม ภิกฺขเว ภิกฺขุนิโย
อนุวสฺสํ   วุฏฺาเปสฺสนฺติ   เนตํ   ภิกฺขเว   อปฺปสนฺนานํ  วา  ปสาทาย
ฯเปฯ เอวญฺจ ปน ภิกฺขเว ภิกฺขุนิโย อิมํ สิกฺขาปทํ อุทฺทิสนฺตุ
     {๔๓๘.๒}   ยา ปน ภิกฺขุนี อนุวสฺสํ วุฏฺาเปยฺย ปาจิตฺติยนฺติ ฯ
     [๔๓๙]   ยา  ปนาติ  ยา  ยาทิสา  ฯเปฯ  ภิกฺขุนีติ  ฯเปฯ  อยํ
อิมสฺมึ   อตฺเถ   อธิปฺเปตา   ภิกฺขุนีติ   ฯ   อนุวสฺสนฺติ  อนุสํวจฺฉรํ  ฯ
วุฏฺาเปยฺยาติ   อุปสมฺปาเทยฺย   ฯ  วุฏฺาเปสฺสามีติ  คณํ  วา  อาจรินึ
วา   ปตฺตํ   วา   จีวรํ   วา  ปริเยสติ  สีมํ  วา  สมฺมนฺนติ  อาปตฺติ
ทุกฺกฏสฺส    ฯ    ตฺติยา    ทุกฺกฏํ    ทฺวีหิ    กมฺมวาจาหิ   ทุกฺกฏา
กมฺมวาจาปริโยสาเน    อุปชฺฌายาย    อาปตฺติ    ปาจิตฺติยสฺส   คณสฺส
จ อาจรินิยา จ อาปตฺติ ทุกฺกฏสฺส ฯ
     [๔๔๐]   อนาปตฺติ    เอกนฺตริกํ    วุฏฺาเปติ    อุมฺมตฺติกาย
อาทิกมฺมิกายาติ ฯ
                                     -------

เนื้อความพระไตรปิฎกฉบับภาษาบาลี อักษรไทย เล่มที่ ๓ หน้าที่ ๒๔๐-๒๔๑. https://84000.org/tipitaka/read/pali_read.php?B=3&A=4863&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=3&A=4863&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=3&item=438&items=3 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=3&siri=110 ศึกษาอรรถกถานี้ได้ที่ :- https://84000.org/tipitaka/attha/attha.php?b=3&i=438 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=2&A=11874 The Pali Atthakatha in Roman :- https://84000.org/tipitaka/atthapali/read_rm.php?B=2&A=11874 สารบัญพระไตรปิฎกเล่มที่ ๓ https://84000.org/tipitaka/read/?index_3 https://84000.org/tipitaka/english/?index_3