ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๓๑ ภาษาบาลี อักษรไทย พระสุตตันตปิฎกเล่มที่ ๒๓ สุตฺต. ขุ. ปฏิสมฺภิทามคฺโค

                                          ปญฺาวคฺเค อิทฺธิกถา
     [๖๗๙]   กา   อิทฺธิ   กติ   อิทฺธิโย  อิทฺธิยา  กติ  ภูมิโย  กติ
ปาทา   กติ   ปทานิ   กติ   มูลานิ   ฯ   กา   อิทฺธีติ   อิชฺฌนฏฺเน
อิทฺธิ   ฯ   กติ   อิทฺธิโยติ  ทส  อิทฺธิโย  ฯ  อิทฺธิยา  จตสฺโส  ภูมิโย
จตฺตาโร ปาทา อฏฺ ปทานิ โสฬส มูลานิ ฯ
     [๖๘๐]   กตมา   ทส   อิทฺธิโย  ฯ  อธิฏฺานา  อิทฺธิ  วิกุพฺพนา
อิทฺธิ   มโนมยา   อิทฺธิ   าณวิปฺผารา   อิทฺธิ   สมาธิวิปฺผารา   อิทฺธิ
อริยา    อิทฺธิ    กมฺมวิปากชา   อิทฺธิ   ปุญฺวโต   อิทฺธิ   วิชฺชามยา
อิทฺธิ ตตฺถ ตตฺถ สมฺมปฺปโยคปฺปจฺจยา ๑- อิชฺฌนฏฺเน อิทฺธิ ฯ
     [๖๘๑]   อิทฺธิยา   กตมา   จตสฺโส   ภูมิโย   ฯ   วิเวกชาภูมิมชฺฌานํ     ปีติสุขภูมิ     ทุติยชฺฌานํ    อุเปกฺขาสุขภูมิ    ตติยชฺฌานํ
อทุกฺขมสุขภูมิ     จตุตฺถชฺฌานํ    อิทฺธิยา    อิมา    จตสฺโส    ภูมิโย
อิทฺธิลาภาย      อิทฺธิปฏิลาภาย      อิทฺธิวิกุพฺพนาย      อิทฺธิวิสวิตาย
อิทฺธิวสีภาวาย อิทฺธิเวสารชฺชาย สํวตฺตนฺตีติ ฯ
     [๖๘๒]   อิทฺธิยา   กตเม   จตฺตาโร   ปาทา   ฯ   อิธ  ภิกฺขุ
ฉนฺทสมาธิปธานสงฺขารสมนฺนาคตํ     อิทฺธิปาทํ    ภาเวติ    วิริยสมาธิ-
ปธานสงฺขารสมนฺนาคตํ    อิทฺธิปาทํ   ภาเวติ   จิตฺตสมาธิปธานสงฺขาร-
สมนฺนาคตํ    อิทฺธิปาทํ    ภาเวติ    วีมํสาสมาธิปธานสงฺขารสมนฺนาคตํ
อิทฺธิปาทํ   ภาเวติ   อิทฺธิยา   อิเม   จตฺตาโร   ปาทา   อิทฺธิลาภาย
@เชิงอรรถ:  ม. ยุ. สมฺมา ปโยคปจฺจยา ฯ เอวมุปริปิ ฯ
อิทฺธิปฏิลาภาย    อิทฺธิวิกุพฺพนาย    ๑-   อิทฺธิวิสวิตาย   อิทฺธิวสีภาวาย
อิทฺธิเวสารชฺชาย สํวตฺตนฺตีติ ฯ
     [๖๘๓]   อิทฺธิยา   กตมานิ   อฏฺ   ปทานิ  ฯ  ฉนฺทญฺเจ  ภิกฺขุ
นิสฺสาย    ลภติ    สมาธึ    ลภติ   จิตฺตสฺส   เอกคฺคตํ   ฉนฺโท   น
สมาธิ    สมาธิ    น    ฉนฺโท    อญฺโ    ฉนฺโท   อญฺโ   สมาธิ
วิริยญฺเจ   ภิกฺขุ   นิสฺสาย   ลภติ   สมาธึ   ลภติ   จิตฺตสฺส  เอกคฺคตํ
วิริยํ   น   สมาธิ   สมาธิ   น   วิริยํ   อญฺ   วิริยํ  อญฺโ  สมาธิ
จิตฺตญฺเจ   ภิกฺขุ   นิสฺสาย   ลภติ   สมาธึ   ลภติ   จิตฺตสฺส  เอกคฺคตํ
จิตฺตํ   น   สมาธิ   สมาธิ   น   จิตฺตํ   อญฺ   จิตฺตํ  อญฺโ  สมาธิ
วีมํสญฺเจ   ภิกฺขุ   นิสฺสาย   ลภติ   สมาธึ   ลภติ   จิตฺตสฺส  เอกคฺคตํ
วีมํสา    น   สมาธิ   สมาธิ   น   วีมํสา   อญฺา   วีมํสา   อญฺโ
สมาธิ   อิทฺธิยา   อิมานิ   อฏฺ   ปทานิ   อิทฺธิลาภาย  อิทฺธิปฏิลาภาย
อิทฺธิวิกุพฺพนาย     อิทฺธิวิสวิตาย     อิทฺธิวสีภาวาย    อิทฺธิเวสารชฺชาย
สํวตฺตนฺตีติ ฯ
     [๖๘๔]   อิทฺธิยา  กตมานิ  โสฬส  มูลานิ  ฯ  อโนนตํ  ๒-  จิตฺตํ
โกสชฺเช    น   อิญฺชตีติ   อาเนญฺชํ   อนุนฺนตํ   จิตฺตํ   อุทฺธจฺเจ   น
อิญฺชตีติ   อาเนญฺชํ   อนภินตํ   จิตฺตํ   ราเค   น   อิญฺชตีติ  อาเนญฺชํ
อนปนตํ   จิตฺตํ   พฺยาปาเท   น   อิญฺชตีติ   อาเนญฺชํ   อนิสฺสิตํ  จิตฺตํ
ทิฏฺิยา    น    อิญฺชตีติ    อาเนญฺชํ   อปฺปฏิพทฺธํ   จิตฺตํ   ฉนฺทราเค
น   อิญฺชตีติ   อาเนญฺชํ   วิปฺปมุตฺตํ   จิตฺตํ   กามราเค   น   อิญฺชตีติ
@เชิงอรรถ:  ม. อิทฺธิวิกุพฺพนตาย ฯ เอวมุปริปิ ฯ  ยุ. อโนณตํ ฯ
อาเนญฺชํ    วิสญฺุตฺตํ    จิตฺตํ    กิเลเส    น    อิญฺชตีติ   อาเนญฺชํ
วิปริยาทิกตํ  จิตฺตํ  กิเลสปริยาเท  น  อิญฺชตีติ  อาเนญฺชํ   เอกคฺคตํ ๑-
จิตฺตํ   นานตฺตกิเลเส   ๒-   น  อิญฺชตีติ  อาเนญฺชํ  สทฺธาย  ปริคฺคหิตํ
จิตฺตํ    อสฺสทฺธิเย    น    อิญฺชตีติ    อาเนญฺชํ   วิริเยน   ปริคฺคหิตํ
จิตฺตํ   โกสชฺเช   น   อิญฺชตีติ   อาเนญฺชํ   สติยา   ปริคฺคหิตํ   จิตฺตํ
ปมาเท    น    อิญฺชตีติ    อาเนญฺชํ    สมาธินา    ปริคฺคหิตํ   จิตฺตํ
อุทฺธจฺเจ    น    อิญฺชตีติ    อาเนญฺชํ    ปญฺาย    ปริคฺคหิตํ   จิตฺตํ
อวิชฺชาย   น   อิญฺชตีติ   อาเนญฺชํ   โอภาสคตํ   จิตฺตํ  อวิชฺชนฺธกาเร
น     อิญฺชตีติ     อาเนญฺชํ    อิทฺธิยา    อิมานิ    โสฬส    มูลานิ
อิทฺธิลาภาย      อิทฺธิปฏิลาภาย      อิทฺธิวิกุพฺพนาย      อิทฺธิวิสวิตาย
อิทฺธิวสีภาวาย อิทฺธิเวสารชฺชาย สํวตฺตนฺตีติ ฯ
     [๖๘๕]   กตมา อธิฏฺานา อิทฺธิ ฯ อิธ ภิกฺขุ อเนกวิหิตํ
อิทฺธิวิธํ    ปจฺจนุโภติ    เอโกปิ    หุตฺวา    พหุธา   โหติ   พหุธาปิ
หุตฺวา   เอโก   โหติ   อาวิภาวํ   ติโรภาวํ   ติโรกุฑฺฑํ   ติโรปาการํ
ติโรปพฺพตํ    อสชฺชมาโน    คจฺฉติ   เสยฺยถาปิ   อากาเส   ปวิยาปิ
อุมฺมุชฺชนิมฺมุชฺชํ    กโรติ    เสยฺยถาปิ   อุทเก   อุทเกปิ   อภิชฺชมาเน
คจฺฉติ    เสยฺยถาปิ    ปวิยํ    อากาเสปิ   ปลฺลงฺเกน   กมติ   ๓-
เสยฺยถาปิ    ปกฺขี    สกุโณ    อิเมปิ    จนฺทิมสุริเย    เอวํมหิทฺธิเก
เอวํมหานุภาเว   ปาณินา   ปรามสติ   ปริมชฺชติ   ยาว   พฺรหฺมโลกาปิ
กาเยน วสํ วตฺเตติ ฯ
@เชิงอรรถ:  ม. เอกตฺตคตํ ฯ  ม. นานตฺตกิเลเสหิ ฯ  ยุ. จงฺกมติ ฯ เอวมุปริปิ ฯ
     {๖๘๕.๑}   อิธาติ  อิมิสฺสา  ทิฏฺิยา อิมิสฺสา ขนฺติยา อิมิสฺสา รุจิยา
อิมสฺมึ   อาทาเย   อิมสฺมึ   ธมฺเม   อิมสฺมึ   วินเย  อิมสฺมึ  ปาวจเน
อิมสฺมึ พฺรหฺมจริเย อิมสฺมึ สตฺถุสาสเน เตน วุจฺจติ อิธาติ ฯ
     {๖๘๕.๒}   ภิกฺขูติ  ปุถุชฺชนกลฺยาณโก  วา  โหติ  ภิกฺขุ เสกฺโข วา
อรหา วา อกุปฺปธมฺโม ฯ
     {๖๘๕.๓}   อเนกวิหิตํ  อิทฺธิวิธํ  ปจฺจนุโภตีติ นานปฺปการกํ อิทฺธิวิธํ
ปจฺจนุโภติ ฯ
     {๖๘๕.๔}   เอโกปิ  หุตฺวา  พหุธา  โหตีติ  ปกติยา เอโก พหุกํ
อาวชฺชติ   สตํ  วา  สหสฺสํ  วา  สตสหสฺสํ  วา  อาวชฺชติ  อาวชฺชิตฺวา
าเณน   อธิฏฺาติ   พหุโก   ๑-   โหมีติ   พหุโก   โหติ  ยถายสฺมา
จุลฺลปนฺถโก   เอโกปิ   หุตฺวา   พหุธา   โหติ  เอวเมว  โส  อิทฺธิมา
เจโตวสิปฺปตฺโต เอโก หุตฺวา พหุธา โหติ ฯ
     {๖๘๕.๕}   พหุธาปิ  หุตฺวา  เอโก  โหตีติ  ปกติยา  พหุโก  เอกํ
อาวชฺชติ   อาวชฺชิตฺวา  าเณน  อธิฏฺาติ  เอโก  โหมีติ  เอโก  โหติ
ยถายสฺมา   จุลฺลปนฺถโก   พหุธาปิ   หุตฺวา   เอโก   โหติ   เอวเมว
โส   อิทฺธิมา   เจโตวสิปฺปตฺโต   พหุธาปิ   หุตฺวา   เอโก   โหติ  ฯ
อาวิภาวนฺติ   เกนจิ   อนาวฏํ   โหติ   อปฺปฏิจฺฉนฺนํ   วิวฏํ  ฯ  [๒]-
ติโรภาวนฺติ   เกนจิ   อาวฏํ   โหติ   ปฏิจฺฉนฺนํ   ปิหิตํ   ปฏิกุชฺชิตํ  ฯ
ติโรกุฑฺฑํ      ติโรปาการํ      ติโรปพฺพตํ     อสชฺชมาโน     คจฺฉติ
@เชิงอรรถ:  ม. ยุ. พหุโล ฯ เอวมุปริปิ ฯ   ม. ยุ. ปากฏํ ฯ
เสยฺยถาปิ     อากาเสติ    ปกติยา    อากาสกสิณสมาปตฺติยา    ลาภี
โหติ    ติโรกุฑฺฑํ    ติโรปาการํ   ติโรปพฺพตํ   อาวชฺชติ   อาวชฺชิตฺวา
าเณน   อธิฏฺาติ   อากาโส   โหตูติ   อากาโส   โหติ   โส   ๑-
ติโรกุฑฺฑํ   ติโรปาการํ   ติโรปพฺพตํ   อสชฺชมาโน   ๒-   คจฺฉติ  ยถา
มนุสฺสา    ปกติยา    อนิทฺธิมนฺโต    เกนจิ    อนาวเฏ   อปริกฺขิตฺเต
อสชฺชมานา    คจฺฉนฺติ    เอวเมว    โส   อิทฺธิมา   เจโตวสิปฺปตฺโต
ติโรกุฑฺฑํ   ติโรปาการํ   ติโรปพฺพตํ   อสชฺชมาโน   คจฺฉติ   เสยฺยถาปิ
อากาเส ฯ
     {๖๘๕.๖}   ปวิยาปิ  อุมฺมุชฺชนิมฺมุชฺชํ  กโรติ  เสยฺยถาปิ  อุทเกติ
ปกติยา    อาโปกสิณสมาปตฺติยา    ลาภี    โหติ    ปวึ    อาวชฺชติ
อาวชฺชิตฺวา    าเณน    อธิฏฺาติ    อุทกํ    โหตูติ    อุทกํ   โหติ
โส    ปวิยา    อุมฺมุชฺชนิมฺมุชฺชํ    กโรติ   ยถา   มนุสฺสา   ปกติยา
อนิทฺธิมนฺโต   อุทเก   อุมฺมุชฺชนิมฺมุชฺชํ   กโรติ   เอวเมว  โส  อิทฺธิมา
เจโตวสิปฺปตฺโต ปวิยา อุมฺมุชฺชนิมฺมุชฺชํ กโรติ เสยฺยถาปิ อุทเก ฯ
     อุทเกปิ   อภิชฺชมาเน   คจฺฉติ   เสยฺยถาปิ   ปวิยนฺติ   ปกติยา
ปวีกสิณสมาปตฺติยา    ลาภี    โหติ    อุทกํ   อาวชฺชติ   อาวชฺชิตฺวา
าเณน   อธิฏฺาติ   ปวี   โหตูติ   ปวี   โหติ   โส   อภิชฺชมาเน
อุทเก   คจฺฉติ   ยถา   มนุสฺสา   ปกติยา   อนิทฺธิมนฺโต  อภิชฺชมานาย
ปวิยา     คจฺฉนฺติ    เอวเมว    โส    อิทฺธิมา    เจโตวสิปฺปตฺโต
@เชิงอรรถ:  ม. อยํ ปาโ นตฺถิ ฯ  ยุ. อาวชฺชมาโน ฯ
อภิชฺชมาเน อุทเก คจฺฉติ เสยฺยถาปิ ปวิยํ ฯ
     {๖๘๕.๗}   อากาเสปิ  ปลฺลงฺเกน  กมติ  เสยฺยถาปิ  ปกฺขี สกุโณติ
ปกติยา   ปวีกสิณสมาปตฺติยา   ลาภี   โหติ   อากาเส  ๑-  อาวชฺชติ
อาวชฺชิตฺวา  าเณน  อธิฏฺาติ  ปวี  โหตูติ  ปวี  โหติ  โส อากาเส
อนฺตลิกฺเข   จงฺกมติปิ   ติฏฺติปิ   นิสีทติปิ   เสยฺยมฺปิ   กปฺเปติ   ยถา
มนุสฺสา    ปกติยา    อนิทฺธิมนฺโต    ปวิยา    จงฺกมนฺติปิ   ติฏฺนฺติปิ
นิสีทนฺติปิ   เสยฺยมฺปิ  กปฺเปนฺติ  เอวเมว  โส  อิทฺธิมา  เจโตวสิปฺปตฺโต
อากาเส   อนฺตลิกฺเข   จงฺกมติปิ   ติฏฺติปิ  นิสีทติปิ  เสยฺยมฺปิ  กปฺเปติ
เสยฺยถาปิ ปกฺขี สกุโณ ฯ
     {๖๘๕.๘}   อิเมปิ   จนฺทิมสุริเย  เอวํมหิทฺธิเก  เอวํมหานุภาเว
ปาณินา   ปรามสติ   ปริมชฺชตีติ   อิธ   โส   อิทฺธิมา  เจโตวสิปฺปตฺโต
นิสินฺนโก   วา   นิปนฺนโก   วา   จนฺทิมสุริเย   อาวชฺชติ  อาวชฺชิตฺวา
าเณน    อธิฏฺาติ    หตฺถปาเส    โหตูติ   หตฺถปาเส   โหติ   โส
นิสินฺนโก    วา    นิปนฺนโก    วา   จนฺทิมสุริเย   ปาณินา   อามสติ
ปรามสติ   ปริมชฺชติ   ยถา   มนุสฺสา   ปกติยา  อนิทฺธิมนฺโต  กิญฺจิเทว
รูปคตํ    หตฺถปาเส    อามสนฺติ    ปรามสนฺติ   ปริมชฺชนฺติ   เอวเมว
โส  อิทฺธิมา  เจโตวสิปฺปตฺโต  นิสินฺนโก  วา  นิปนฺนโก  วา จนฺทิมสุริเย
ปาณินา อามสติ ปรามสติ ปริมชฺชติ ฯ
     {๖๘๕.๙}   ยาว  พฺรหฺมโลกาปิ  กาเยน  วสํ  วตฺเตตีติ สเจ โส
อิทฺธิมา   เจโตวสิปฺปตฺโต  พฺรหฺมโลกํ  คนฺตุกาโม  โหติ  ทูเรปิ  สนฺติเก
@เชิงอรรถ:  ม. ยุ. อากาสํ ฯ
อธิฏฺาติ    สนฺติเก    โหตูติ    สนฺติเกปิ    โหติ   สนฺติเกปิ   ทูเร
อธิฏฺาติ    ทูเร    โหตูติ   ทูเร   โหติ   พหุกํปิ   โถกํ   อธิฏฺาติ
โถกํ    โหตูติ    โถกํ    โหติ    โถกมฺปิ   พหุกํ   อธิฏฺาติ   พหุกํ
โหตูติ    พหุกํ    โหติ    ทิพฺเพน   จกฺขุนา   ตสฺส   พฺรหฺมุโน   รูปํ
ปสฺสติ    ทิพฺพาย    โสตธาตุยา    ตสฺส    พฺรหฺมุโน   สทฺทํ   สุณาติ
เจโตปริยาเณน    ตสฺส    พฺรหฺมุโน   จิตฺตํ   ปชานาติ   สเจ   โส
อิทฺธิมา     เจโตวสิปฺปตฺโต     ทิสฺสมาเนน     กาเยน    พฺรหฺมโลกํ
คนฺตุกาโม   โหติ   กายวเสน   จิตฺตํ   ปริณาเมติ   กายวเสน   จิตฺตํ
อธิฏฺาติ    กายวเสน    จิตฺตํ    ปริณาเมตฺวา    กายวเสน    จิตฺตํ
อธิฏฺหิตฺวา     สุขสญฺญฺจ    ลหุสญฺญฺจ    โอกฺกมิตฺวา    ทิสฺสมาเนน
กาเยน พฺรหฺมโลกํ คจฺฉติ
     {๖๘๕.๑๐}   สเจ   โส  อิทฺธิมา  เจโตวสิปฺปตฺโต  อทิสฺสมาเนน
กาเยน   พฺรหฺมโลกํ   คนฺตุกาโม   โหติ   จิตฺตวเสน  กายํ  ปริณาเมติ
จิตฺตวเสน   กายํ  อธิฏฺาติ  จิตฺตวเสน  กายํ  ปริณาเมตฺวา  จิตฺตวเสน
กายํ      อธิฏฺหิตฺวา      สุขสญฺญฺจ     ลหุสญฺญฺจ     โอกฺกมิตฺวา
อทิสฺสมาเนน    กาเยน   พฺรหฺมโลกํ   คจฺฉติ   โส   ตสฺส   พฺรหฺมุโน
ปุรโต    รูปํ    ๑-    อภินิมฺมินาติ    มโนมยํ   สพฺพงฺคปจฺจงฺคํ   ๒-
อหีนินฺทฺริยํ      สเจ      โส     อิทฺธิมา     จงฺกมติ     นิมฺมิโตปิ
ตตฺถ    จงฺกมติ    สเจ    โส   อิทฺธิมา   ติฏฺติ   นิมฺมิโตปิ   ตตฺถ
ติฏฺติ    สเจ    โส    อิทฺธิมา   นิสีทติ   นิมฺมิโตปิ   ตตฺถ   นิสีทติ
สเจ   โส   อิทฺธิมา  เสยฺยํ  กปฺเปติ  นิมฺมิโตปิ  ตตฺถ  เสยฺยํ  กปฺเปติ
@เชิงอรรถ: ๑-๒ ม. รูปึ... สพฺพงฺคปจฺจงฺคึ ฯ เอวมุปริปิ ฯ
สเจ    โส    อิทฺธิมา   ธูมายติ   นิมฺมิโตปิ   ตตฺถ   ธูมายติ   สเจ
โส    อิทฺธิมา    ปชฺชลติ    นิมฺมิโตปิ   ตตฺถ   ปชฺชลติ   สเจ   โส
อิทฺธิมา    ธมฺมํ    ภาสติ    นิมฺมิโตปิ   ตตฺถ   ธมฺมํ   ภาสติ   สเจ
โส   อิทฺธิมา   ปญฺหํ   ปุจฺฉติ   นิมฺมิโตปิ   ตตฺถ   ปญฺหํ  ปุจฺฉติ  สเจ
โส   อิทฺธิมา   ปญฺหํ   ปุฏฺโ   วิสฺสชฺเชติ  ๑-  นิมฺมิโตปิ  ตตฺถ  ปญฺหํ
ปุฏฺโ    วิสฺสชฺเชติ   สเจ   โส   อิทฺธิมา   เตน   พฺรหฺมุนา   สทฺธึ
สนฺติฏฺติ    สลฺลปติ    สากจฺฉํ   สมาปชฺชติ   นิมฺมิโตปิ   ตตฺถ   เตน
พฺรหฺมุนา     สทฺธึ     สนฺติฏฺติ     สลฺลปติ    สากจฺฉํ    สมาปชฺชติ
ยญฺเทว   [๒]-   โส   อิทฺธิมา   กโรติ  ตนฺตเทว  หิ  โส  นิมฺมิโต
กโรตีติ อยํ อธิฏฺานา อิทฺธิ ฯ
     [๖๘๖]   กตมา   วิกุพฺพนา   อิทฺธิ  ฯ  สิขิสฺส  ภควโต  อรหโต
สมฺมาสมฺพุทฺธสฺส  อภิภู  นาม  สาวโก  พฺรหฺมโลเก  ิโต  สหสฺสีโลกธาตุํ
สเรน   วิญฺาเปสิ   โส   ทิสฺสมาเนนปิ   กาเยน  ธมฺมํ  เทเสสิ  ๓-
อทิสฺสมาเนนปิ    กาเยน   ธมฺมํ   เทเสสิ   ทิสฺสมาเนนปิ   เหฏฺิเมน
อุปฑฺฒกาเยน       อทิสฺสมาเนนปิ       อุปริเมน       อุปฑฺฒกาเยน
ธมฺมํ   เทเสสิ   ทิสฺสมาเนนปิ   อุปริเมน  อุปฑฺฒกาเยน  อทิสฺสมาเนนปิ
เหฏฺิเมน     อุปฑฺฒกาเยน     ธมฺมํ     เทเสสิ    โส    ปกติวณฺณํ
วิชหิตฺวา    กุมารกวณฺณํ    วา    ทสฺเสติ   นาควณฺณํ   วา   ทสฺเสติ
สุปณฺณวณฺณํ    วา    ทสฺเสติ    ยกฺขวณฺณํ    วา   ทสฺเสติ   อสุรวณฺณํ
วา     ทสฺเสติ     อินฺทวณฺณํ     วา    ทสฺเสติ    เทววณฺณํ    วา
@เชิงอรรถ:  ม. สพฺพตฺถ วิสชฺเชติ ฯ  ยุ. หิ ฯ  ยุ. เทเสติ ฯ เอวมุปริปิ ฯ
ทสฺเสติ    พฺรหฺมวณฺณํ    วา    ทสฺเสติ    สมุทฺทวณฺณํ   วา   ทสฺเสติ
ปพฺพตวณฺณํ    วา    ทสฺเสติ    วนวณฺณํ    วา    ทสฺเสติ    สีหวณฺณํ
วา    ทสฺเสติ   พฺยคฺฆวณฺณํ   วา   ทสฺเสติ   ทีปิวณฺณํ   วา   ทสฺเสติ
หตฺถึปิ    ๑-    ทสฺเสติ   อสฺสํปิ   ทสฺเสติ   รถํปิ   ทสฺเสติ   ปตฺตึปิ
ทสฺเสติ วิวิธํปิ เสนาพฺยูหํ ทสฺเสติ ๒- อยํ วิกุพฺพนา อิทฺธิ ฯ
     [๖๘๗]   กตมา  มโนมยา  อิทฺธิ  ฯ  อิธ  ภิกฺขุ  อิมมฺหา  กายา
อญฺ   กายํ   อภินิมฺมินาติ   รูปึ   มโนมยํ   สพฺพงฺคปจฺจงฺคํ  อหีนินฺทฺริยํ
เสยฺยถาปิ    ปุริโส    มุญฺชมฺหา    อิสิกํ    ๓-    ปวาเหยฺย   ตสฺส
เอวมสฺส   อยํ   มุญฺโช   อยํ   อิสิกา   ๓-   อญฺโ   มุญฺโช  อญฺา
อิสิกา   ๓-  มุญฺชมฺหา  เตฺวว  อิสิกา  ๓-  ปวาฬฺหาติ  เสยฺยถาปิ  วา
ปน   ปุริโส   อสึ   โกสิยา   ปวาเหยฺย   ตสฺส   เอวมสฺส  อยํ  อสิ
อยํ   โกสิ  อญฺโ  อสิ  อญฺา  โกสิ  โกสิยา  เตฺวว  อสิ  ปวาโฬฺหติ
เสยฺยถาปิ   วา  ปน  ปุริโส  อหึ  กรณฺฑา  อุทฺธเรยฺย  ตสฺส  เอวมสฺส
อยํ   อหิ   ๔-   อยํ   กรณฺโฑ  อญฺโ  อหิ  อญฺโ  กรณฺโฑ  กรณฺฑา
เตฺวว   อหิ   อุพฺภโตติ   เอวเมว  ภิกฺขุ  อิมมฺหา  กายา  อญฺ  กายํ
อภินิมฺมินาติ     รูปํ    มโนมยํ    สพฺพงฺคปจฺจงฺคํ    อหีนินฺทฺริยํ    อยํ
มโนมยา อิทฺธิ ฯ
     [๖๘๘]   กตมา   าณวิปฺผารา   อิทฺธิ   ฯ   อนิจฺจานุปสฺสนาย
นิจฺจสญฺาย   ปหานฏฺโ   อิชฺฌตีติ  าณวิปฺผารา  อิทฺธิ  ทุกฺขานุปสฺสนาย
สุขสญฺาย      อนตฺตานุปสฺสนาย     อตฺตสญฺาย     นิพฺพิทานุปสฺสนาย
@เชิงอรรถ:  ยุ. หตฺถิวณฺณํปิ ฯ  ม. ทสฺเสตีติ ฯ  ม. อีสิกํ ฯ อีสิกา ฯ
@ ยุ. อสิ ฯ เอวมุปริปิ ฯ
นนฺทิยา       วิราคานุปสฺสนาย       ราคสฺส       นิโรธานุปสฺสนาย
สมุทยสฺส       ปฏินิสฺสคฺคานุปสฺสนาย       อาทานสฺส      ปหานฏฺโ
อิชฺฌตีติ       าณวิปฺผารา      อิทฺธิ      อายสฺมโต      พกฺกุลสฺส
าณวิปฺผารา    อิทฺธิ   อายสฺมโต   สงฺกิจฺจสฺส    าณวิปฺผารา   อิทฺธิ
อายสฺมโต    ภูตปาลสฺส    าณวิปฺผารา    อิทฺธิ   อยํ   าณวิปฺผารา
อิทฺธิ ฯ
     [๖๘๙]   กตมา  สมาธิวิปฺผารา  อิทฺธิ  ฯ  ปมชฺฌาเนน  นีวรณานํ
ปหานฏฺโ      อิชฺฌตีติ     สมาธิวิปฺผารา     อิทฺธิ     ทุติยชฺฌาเนน
วิตกฺกวิจารานํ   ปหานฏฺโ  อิชฺฌตีติ  สมาธิวิปฺผารา  อิทฺธิ  ตติยชฺฌาเนน
ปีติยา    ปหานฏฺโ    อิชฺฌตีติ    ฯเปฯ   จตุตฺถชฺฌาเนน   สุขทุกฺขานํ
ปหานฏฺโ      อิชฺฌตีติ      ฯเปฯ      อากาสานญฺจายตนสมาปตฺติยา
รูปสญฺาย     ปฏิฆสญฺาย     นานตฺตสญฺาย    ปหานฏฺโ    อิชฺฌตีติ
ฯเปฯ       วิญฺาณญฺจายตนสมาปตฺติยา       อากาสานญฺจายตนสญฺาย
ปหานฏฺโ       อิชฺฌตีติ       ฯเปฯ      อากิญฺจญฺายตนสมาปตฺติยา
วิญฺาณญฺจายตนสญฺาย        ปหานฏฺโ        อิชฺฌตีติ       ฯเปฯ
เนวสญฺานาสญฺายตนสมาปตฺติยา อากิญฺจญฺายตนสญฺาย
ปหานฏฺโ   อิชฺฌตีติ   สมาธิวิปฺผารา   อิทฺธิ   อายสฺมโต   สารีปุตฺตสฺส
สมาธิวิปฺผารา     อิทฺธิ     อายสฺมโต     สญฺชีวสฺส    สมาธิวิปฺผารา
อิทฺธิ      อายสฺมโต     ขาณุโกณฺฑญฺสฺส     สมาธิวิปฺผารา     อิทฺธิ
อุตฺตราย      อุปาสิกาย     สมาธิวิปฺผารา     อิทฺธิ     สามาวติยา
อุปาสิกาย สมาธิวิปฺผารา อิทฺธิ อยํ สมาธิวิปฺผารา อิทฺธิ ฯ
     [๖๙๐]   กตมา   อริยา   อิทฺธิ  ฯ  อิธ  ภิกฺขุ  สเจ  อากงฺขติ
ปฏิกูเล      อปฺปฏิกูลสญฺี     วิหเรยฺยนฺติ     อปฺปฏิกูลสญฺี     ตตฺถ
วิหรติ    สเจ    อากงฺขติ    อปฺปฏิกูเล    ปฏิกูลสญฺี    วิหเรยฺยนฺติ
ปฏิกูลสญฺี   ตตฺถ   วิหรติ   สเจ   อากงฺขติ   ปฏิกูเล  จ  อปฺปฏิกูเล
จ     อปฺปฏิกูลสญฺี    วิหเรยฺยนฺติ    อปฺปฏิกูลสญฺี    ตตฺถ    วิหรติ
สเจ   อากงฺขติ   อปฺปฏิกูเล   จ  ปฏิกูเล  จ  ปฏิกูลสญฺี  วิหเรยฺยนฺติ
ปฏิกูลสญฺี   ตตฺถ   วิหรติ   สเจ   อากงฺขติ   ปฏิกูเล  จ  อปฺปฏิกูเล
จ   ตทุภยํ   อภินิวชฺเชตฺวา   อุเปกฺขโก   วิหเรยฺยํ  สโต  สมฺปชาโนติ
อุเปกฺขโก ตตฺถ วิหรติ สโต สมฺปชาโน ฯ
     {๖๙๐.๑}   กถํ   ปฏิกูเล   อปฺปฏิกูลสญฺี  วิหรติ  ฯ  อนิฏฺสฺมึ
วตฺถุสฺมึ   เมตฺตาย   วา  ผรติ  ธาตุโต  วา  อุปสํหรติ  เอวํ  ปฏิกูเล
อปฺปฏิกูลสญฺี วิหรติ ฯ
     {๖๙๐.๒}   กถํ   อปฺปฏิกูเล   ปฏิกูลสญฺี   วิหรติ  ฯ  อิฏฺสฺมึ
วตฺถุสฺมึ  อสุภาย  วา  ผรติ  อนิจฺจโต  วา  อุปสํหรติ  เอวํ  อปฺปฏิกูเล
ปฏิกูลสญฺี วิหรติ ฯ
     {๖๙๐.๓}   กถํ  ปฏิกูเล  จ  อปฺปฏิกูเล จ อปฺปฏิกูลสญฺี วิหรติ ฯ
อนิฏฺสฺมึ   จ   อิฏฺสฺมึ   จ   วตฺถุสฺมึ   เมตฺตาย  วา  ผรติ  ธาตุโต
วา   อุปสํหรติ   เอวํ   ปฏิกูเล   จ   อปฺปฏิกูเล   จ   อปฺปฏิกูลสญฺี
วิหรติ ฯ
     {๖๙๐.๔}   กถํ  อปฺปฏิกูเล  จ  ปฏิกูเล  จ  ปฏิกูลสญฺี  วิหรติ ฯ
อิฏฺสฺมึ   จ   อนิฏฺสฺมึ  จ  [๑]-  อสุภาย  วา  ผรติ  อนิจฺจโต  วา
อุปสํหรติ เอวํ อปฺปฏิกูเล จ ปฏิกูเล จ ปฏิกูลสญฺี วิหรติ ฯ
     {๖๙๐.๕}   กถํ  ปฏิกูเล  จ  อปฺปฏิกูเล  จ  ตทุภยํ อภินิวชฺเชตฺวา
อุเปกฺขโก   วิหรติ   สโต   สมฺปชาโน   ฯ   อิธ  ภิกฺขุ  จกฺขุนา  รูปํ
ทิสฺวา   เนว   สุมโน   โหติ   น   ทุมฺมโน  อุเปกฺขโก  วิหรติ  สโต
สมฺปชาโน   โสเตน   สทฺทํ   สุตฺวา  ฆาเนน  คนฺธํ  ฆายิตฺวา  ชิวฺหาย
รสํ   สายิตฺวา   กาเยน   โผฏฺพฺพํ   ผุสิตฺวา   มนสา  ธมฺมํ  วิญฺาย
เนว   สุมโน   โหติ  น  ทุมฺมโน  อุเปกฺขโก  วิหรติ  สโต  สมฺปชาโน
เอวํ   ปฏิกูเล   จ   อปฺปฏิกูเล  จ  ตทุภยํ  อภินิวชฺเชตฺวา  อุเปกฺขโก
วิหรติ สโต สมฺปชาโน อยํ อริยา อิทฺธิ ฯ
     [๖๙๑]   กตมา  กมฺมวิปากชา  อิทฺธิ  ฯ  สพฺเพสํ  ปกฺขีนํ  สพฺเพสํ
เทวานํ    เอกจฺจานํ    มนุสฺสานํ    เอกจฺจานํ    วินิปาติกานํ    อยํ
กมฺมวิปากชา อิทฺธิ ฯ
     [๖๙๒]   กตมา   ปุญฺวโต  อิทฺธิ  ฯ  ราชา  จกฺกวตฺติ  เวหาสํ
คจฺฉติ    สทฺธึ    จตุรงฺคินิยา    เสนาย   อนฺตมโส   อสฺสพนฺธโคปเก
ปุริเส   ๒-   อุปาทาย   โชติยสฺส   ๓-   คหปติสฺส   ปุญฺวโต  อิทฺธิ
ชฏิลสฺส     คหปติสฺส     ปุญฺวโต    อิทฺธิ    เมณฺฑกสฺส    คหปติสฺส
@เชิงอรรถ:  ม. ยุ. วตฺถุสฺมึ ฯ  สี. อสฺสพนฺธเน ปุริเส ฯ ม. อสฺสพนฺธโคปุริเส ฯ
@ สี. ยุ. โชติกสฺส ฯ
ปุญฺวโต    อิทฺธิ    โฆสิตสฺส   คหปติสฺส   ปุญฺวโต   อิทฺธิ   ปญฺจนฺนํ
มหาปุญฺานํ ปุญฺวโต อิทฺธิ อยํ ปุญฺวโต อิทฺธิ ฯ
     [๖๙๓]   กตมา  วิชฺชามยา อิทฺธิ ฯ วิชฺชาธรา วิชฺชํ ปริชเปตฺวา ๑-
เวหาสํ     คจฺฉนฺติ    อากาเส    อนฺตลิกฺเข    หตฺถิมฺปิ    ทสฺเสนฺติ
อสฺสมฺปิ     ทสฺเสนฺติ     รถมฺปิ     ทสฺเสนฺติ    ปตฺติมฺปิ    ทสฺเสนฺติ
วิวิธมฺปิ เสนาพฺยูหํ ทสฺเสนฺติ อยํ วิชฺชามยา อิทฺธิ ฯ
     [๖๙๔]   กถํ   ตตฺถ   ตตฺถ   สมฺมปฺปโยคปฺปจฺจยา   อิชฺฌนฏฺเ
อิทฺธิ    ฯ   เนกฺขมฺเมน   กามจฺฉนฺทสฺส   ปหานฏฺโ   อิชฺฌตีติ   ตตฺถ
ตตฺถ     สมฺมปฺปโยคปฺปจฺจยา     อิชฺฌนฏฺเน    อิทฺธิ    อพฺยาปาเทน
พฺยาปาทสฺส   ปหานฏฺโ   อิชฺฌตีติ   ฯเปฯ   อาโลกสญฺาย  ถีนมิทฺธสฺส
ฯเปฯ    อรหตฺตมคฺเคน    สพฺพกิเลสานํ   ปหานฏฺโ   อิชฺฌตีติ   ตตฺถ
ตตฺถ   สมฺมปฺปโยคปฺปจฺจยา   อิชฺฌนฏฺเน   อิทฺธิ   เอวํ   ตตฺถ   ตตฺถ
สมฺมปฺปโยคปฺปจฺจยา อิชฺฌนฏฺเน อิทฺธิ อิมา ทส อิทฺธิโยติ ฯ
                                             อิทฺธิกถา นิฏฺิตา ฯ
                                                 ----------


             เนื้อความพระไตรปิฎกฉบับภาษาบาลี อักษรไทย เล่มที่ ๓๑ หน้าที่ ๕๘๙-๖๐๑. https://84000.org/tipitaka/read/pali_read.php?B=31&A=11835&w=&modeTY=1              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=31&A=11835&modeTY=1              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=31&item=679&items=16              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=31&siri=81              ศึกษาอรรถกถานี้ได้ที่ :- https://84000.org/tipitaka/attha/attha.php?b=31&i=679              อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=48&A=6954              The Pali Atthakatha in Roman :- https://84000.org/tipitaka/atthapali/read_rm.php?B=48&A=6954              สารบัญพระไตรปิฎกเล่มที่ ๓๑ https://84000.org/tipitaka/read/?index_31 https://84000.org/tipitaka/english/?index_31

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]