พระไตรปิฎกเล่มที่ ๓๑ ภาษาบาลี อักษรไทย
 พระสุตตันตปิฎกเล่มที่ ๒๓ สุตฺต. ขุ. ปฏิสมฺภิทามคฺโค

                                        ปญฺาวคฺเค อภิสมยกถา
     [๖๙๕]   อภิสมโยติ   เกน  อภิสเมติ  ฯ  จิตฺเตน  อภิสเมติ  ฯ
@เชิงอรรถ: ๑ สี. ปริทเมตฺวา ฯ ม. ปริชปฺเปตฺวา ฯ
หญฺจิ    จิตฺเตน    อภิสเมติ    เตนหิ   อญฺาณี   อภิสเมติ   ฯ   น
อญฺาณี    อภิสเมติ    าเณน    อภิสเมติ    ฯ    หญฺจิ    าเณน
อภิสเมติ  เตนหิ  [๑]-  อจิตฺตโก  อภิสเมติ  ฯ  น  อจิตฺตโก อภิสเมติ
จิตฺเตน   จ   าเณน   จ   อภิสเมติ  ฯ  หญฺจิ  จิตฺเตน  จ  าเณน
จ   อภิสเมติ   เตนหิ  กามาวจรจิตฺเตน  จ  าเณน  จ  อภิสเมติ  ฯ
น  กามาวจรจิตฺเตน  จ  าเณน  จ  อภิสเมติ  เตนหิ  รูปาวจรจิตฺเตน
จ   าเณน   จ   อภิสเมติ   ฯ  น  รูปาวจรจิตฺเตน  จ  าเณน  จ
อภิสเมติ   ฯ   เตนหิ  อรูปาวจรจิตฺเตน  จ  าเณน  จ  อภิสเมติ  ฯ
น อรูปาวจรจิตฺเตน จ าเณน จ อภิสเมติ ฯ
     {๖๙๕.๑}   เตนหิ   กมฺมสฺสกตาจิตฺเตน   ๒-   จ   าเณน  จ
อภิสเมติ  ฯ  น  กมฺมสฺสกตาจิตฺเตน  ๒-  จ  าเณน  จ  อภิสเมติ  ฯ
เตนหิ    สจฺจานุโลมิกจิตฺเตน   จ   าเณน   จ   อภิสเมติ   ฯ   น
สจฺจานุโลมิกจิตฺเตน   จ  าเณน  จ  อภิสเมติ  ฯ  เตนหิ  อตีตจิตฺเตน
จ  าเณน  จ  อภิสเมติ  ฯ  น  อตีตจิตฺเตน  จ าเณน จ อภิสเมติ ฯ
เตนหิ  อนาคตจิตฺเตน  จ  าเณน  จ  อภิสเมติ  ฯ  น  อนาคตจิตฺเตน
จ    าเณน    จ    อภิสเมติ   ฯ   เตนหิ   ปจฺจุปฺปนฺนโลกิยจิตฺเตน
จ   าเณน   จ  อภิสเมติ  ฯ  น  ปจฺจุปฺปนฺนโลกิยจิตฺเตน  จ  าเณน
จ    อภิสเมติ    โลกุตฺตรมคฺคกฺขเณ   ปจฺจุปฺปนฺนจิตฺเตน   จ   าเณน
จ อภิสเมติ ฯ
     [๖๙๖]   กถํ    โลกุตฺตรมคฺคกฺขเณ    ปจฺจุปฺปนฺนจิตฺเตน    จ
@เชิงอรรถ: ๑ ม. อจิตฺเตน จ าเณน จ ฯ ๒ ม. กมฺมสฺสกตจิตฺเตน ฯ ยุ. กมฺมสฺสกจิตฺเตน ฯ
าเณน   จ   อภิสเมติ  ฯ  โลกุตฺตรมคฺคกฺขเณ  อุปฺปาทาธิปเตยฺยํ  จิตฺตํ
าณสฺส    เหตุ    ปจฺจโย    จ    ตํสมฺปยุตฺตํ    จิตฺตํ   นิโรธโคจรํ
ทสฺสนาธิปเตยฺยํ    าณํ    จิตฺตสฺส   เหตุ   ปจฺจโย   จ   ตํสมฺปยุตฺตํ
าณํ    นิโรธโคจรํ    เอวํ    โลกุตฺตรมคฺคกฺขเณ    ปจฺจุปฺปนฺนจิตฺเตน
จ าเณน จ อภิสเมติ ฯ
     [๖๙๗]   กินฺนุ  เอตฺตโกเยว  อภิสมโยติ ฯ น หิ โลกุตฺตรมคฺคกฺขเณ
ทสฺสนาภิสมโย     สมฺมาทิฏฺิ     อภินิโรปนาภิสมโย     สมฺมาสงฺกปฺโป
ปริคฺคหาภิสมโย     สมฺมาวาจา     สมุฏฺานาภิสมโย    สมฺมากมฺมนฺโต
โวทานาภิสมโย     สมฺมาอาชีโว     ปริคฺคหาภิสมโย    สมฺมาวายาโม
อุปฏฺานาภิสมโย      สมฺมาสติ      อวิกฺเขปาภิสมโย     สมฺมาสมาธิ
อุปฏฺานาภิสมโย     สติสมฺโพชฺฌงฺโค     ฯเปฯ     ปฏิสงฺขานาภิสมโย
อุเปกฺขาสมฺโพชฺฌงฺโค      อสฺสทฺธิเย     อกมฺปิยาภิสมโย     สทฺธาพลํ
โกสชฺเช     อกมฺปิยาภิสมโย    วิริยพลํ    ปมาเท    อกมฺปิยาภิสมโย
สติพลํ      อุทฺธจฺเจ      อกมฺปิยาภิสมโย     สมาธิพลํ     อวิชฺชาย
อกมฺปิยาภิสมโย       ปญฺาพลํ      อธิโมกฺขาภิสมโย      สทฺธินฺทฺริยํ
ปคฺคหาภิสมโย       วิริยินฺทฺริยํ       อุปฏฺานาภิสมโย      สตินฺทฺริยํ
อวิกฺเขปาภิสมโย      สมาธินฺทฺริยํ      ทสฺสนาภิสมโย      ปญฺินฺทฺริยํ
อาธิปเตยฺยฏฺเน     อินฺทฺริยาภิสมโย     อกมฺปิยฏฺเน     พลาภิสมโย
นิยฺยานฏฺเน      โพชฺฌงฺคาภิสมโย      เหตฏฺเน      มคฺคาภิสมโย
อุปฏฺานฏฺเน        สติปฏฺานาภิสมโย       ปทหนฏฺเน       ๑-
@เชิงอรรถ: ๑ ม. ปทหฏฺเน ฯ
สมฺมปฺปธานาภิสมโย     อิชฺฌนฏฺเน     อิทฺธิปาทาภิสมโย     ตถฏฺเน
สจฺจาภิสมโย      อวิกฺเขปฏฺเน      สมถาภิสมโย     อนุปสฺสนฏฺเน
วิปสฺสนาภิสมโย    เอกรสฏฺเน   สมถวิปสฺสนาภิสมโย   อนติวตฺตนฏฺเน
ยุคนทฺธาภิสมโย   ๑-   สํวรฏฺเน   สีลวิสุทฺธิ  อภิสมโย  อวิกฺเขปฏฺเน
จิตฺตวิสุทฺธิ    ๒-    อภิสมโย    ทสฺสนฏฺเน    ทิฏฺิวิสุทฺธิ   อภิสมโย
มุตฺตฏฺเน      อธิโมกฺขาภิสมโย      ปฏิเวธฏฺเน      วิชฺชาภิสมโย
ปริจฺจาคฏฺเน    วิมุตฺติ    อภิสมโย    สมุจฺเฉทฏฺเน    ขเย   าณํ
อภิสมโย    ฉนฺโท   มูลฏฺเน   อภิสมโย   มนสิกาโร   สมุฏฺานฏฺเน
อภิสมโย   ผสฺโส   สโมธานฏฺเน   อภิสมโย   เวทนา  สโมสรณฏฺเน
อภิสมโย  สมาธิ  ปมุขฏฺเน  อภิสมโย  สติ  อาธิปเตยฺยฏฺเน  อภิสมโย
ปญฺา    ตทุตฺตรฏฺเน    อภิสมโย    วิมุตฺติ    สารฏฺเน   อภิสมโย
อมโตคธํ นิพฺพานํ ปริโยสานฏฺเน อภิสมโย ฯ
     [๖๙๘]   กินฺนุ  เอตฺตโกเยว อภิสมโยติ ฯ น หิ โสตาปตฺติมคฺคกฺขเณ
ทสฺสนาภิสมโย   สมฺมาทิฏฺิ   ฯเปฯ  อมโตคธํ  นิพฺพานํ  ปริโยสานฏฺเน
อภิสมโย ฯ
     {๖๙๘.๑}   กินฺนุ เอตฺตโกเยว อภิสมโยติ ฯ น หิ โสตาปตฺติผลกฺขเณ
ทสฺสนาภิสมโย    สมฺมาทิฏฺิ    ฯเปฯ    ปฏิปฺปสฺสทฺธฏฺเน   อนุปฺปาเท
าณํ      อภิสมโย     ฉนฺโท     มูลฏฺเน     อภิสมโย     ฯเปฯ
@เชิงอรรถ: ๑ สี. ยุคนนฺทาภิสมโย ฯ ๒ ม. วิสุทฺธิ ฯ
อมโตคธํ นิพฺพานํ ปริโยสานฏฺเน อภิสมโย ฯ
     {๖๙๘.๒}   กินฺนุ เอตฺตโกเยว อภิสมโยติ ฯ น หิ สกทาคามิมคฺคกฺขเณ
ฯเปฯ     สกทาคามิผลกฺขเณ    อนาคามิมคฺคกฺขเณ    อนาคามิผลกฺขเณ
อรหตฺตมคฺคกฺขเณ           อรหตฺตผลกฺขเณ           ทสฺสนาภิสมโย
สมฺมาทิฏฺิ       อภินิโรปนาภิสมโย       สมฺมาสงฺกปฺโป       ฯเปฯ
ปฏิปฺปสฺสทฺธฏฺเน      อนุปฺปาเท      าณํ      อภิสมโย     ฉนฺโท
มูลฏฺเน    อภิสมโย    ฯเปฯ   อมโตคธํ   นิพฺพานํ   ปริโยสานฏฺเน
อภิสมโย   สฺวายํ   [๑]-   อตีเต  กิเลเส  ปชหติ  อนาคเต  กิเลเส
ปชหติ ปจฺจุปฺปนฺเน กิเลเส ปชหติ ฯ
     [๖๙๙]   อตีเต   กิเลเส   ปชหตีติ   หญฺจิ   อตีเต   กิเลเส
ปชหติ    เตนหิ   ขีณํ   เขเปติ   นิรุทฺธํ   นิโรเธติ   วิคตํ   วิคเมติ
อตฺถงฺคตํ   อตฺถงฺคเมติ   อตีตํ   ยํ   นตฺถิ   ตํ   ปชหตีติ   น  อตีเต
กิเลเส ปชหติ ๒- ฯ
     {๖๙๙.๑}   อนาคเต  กิเลเส  ปชหตีติ  หญฺจิ  อนาคเต  กิเลเส
ปชหติ   เตนหิ   อชาตํ   ปชหติ   อนิพฺพตฺตํ   ปชหติ  อนุปฺปนฺนํ  ปชหติ
อปาตุภูตํ   ปชหติ   อนาคตํ   ยํ   นตฺถิ   ตํ   ปชหตีติ   น  อนาคเต
กิเลเส ปชหติ ๒- ฯ
     {๖๙๙.๒}   ปจฺจุปฺปนฺเน   กิเลเส  ปชหตีติ  หญฺจิ  ปจฺจุปฺปนฺเน
กิเลเส   ปชหติ   เตนหิ   รตฺโต   ราคํ  ปชหติ  ทุฏฺโ  โทสํ  ปชหติ
มูโฬฺห   โมหํ   ปชหติ   วินิพนฺโธ   มานํ   ปชหติ   ปรามฏฺโ   ทิฏฺึ
@เชิงอรรถ: ๑ ม. ยฺวายํ กิเลเส ปชหติ ฯ ๒ ม. ยุ. อิติสทฺโท ทิสฺสติ ฯ
ปชหติ    วิกฺเขปคโต   ๑-   อุทฺธจฺจํ   ปชหติ   อนิฏฺงฺคโต   วิจิกิจฺฉํ
ปชหติ     ถามคโต    อนุสยํ    ปชหติ    กณฺหสุกฺกธมฺมา    ยุคนทฺธา
ปวตฺตนฺติ  ๒-  ตํสงฺกิเลสิกา  ๓- มคฺคภาวนา โหตีติ ๔- น อตีเต กิเลเส
ปชหติ อนาคเต กิเลเส ปชหติ ปจฺจุปฺปนฺเน กิเลเส ปชหตีติ ฯ
     [๗๐๐]   หญฺจิ  น  อตีเต  กิเลเส  ปชหติ  น  อนาคเต  กิเลเส
ปชหติ   น   ปจฺจุปฺปนฺเน   กิเลเส   ปชหติ  เตนหิ  นตฺถิ  มคฺคภาวนา
นตฺถิ   ผลสจฺฉิกิริยา   นตฺถิ   กิเลสปฺปหานํ   นตฺถิ   ธมฺมาภิสมโย   ฯ
น   หิ   อตฺถิ   มคฺคภาวนา   อตฺถิ  ผลสจฺฉิกิริยา  อตฺถิ  กิเลสปฺปหานํ
อตฺถิ   ธมฺมาภิสมโย  ยถา  กถํ  วิย  ยถาปิ  ตรุโณ  รุกฺโข  อชาตผโล
ตเมนํ  ปุริโส  มูเล  ฉินฺเทยฺย  เย  ตสฺส รุกฺขสฺส อชาตผลา อชาตาเยว
น    ชายนฺติ    อนิพฺพตฺตาเยว   น   นิพฺพตฺตนฺติ   อนุปฺปนฺนาเยว   น
อุปฺปชฺชนฺติ อปาตุภูตาเยว
     {๗๐๐.๑}   น   ปาตุภวนฺติ  เอวเมว  อุปฺปาโท  เหตุ  อุปฺปาโท
ปจฺจโย   กิเลสานํ   นิพฺพตฺติยา   อุปฺปาเท  อาทีนวํ  ทิสฺวา  อนุปฺปาเท
จิตฺตํ     ปกฺขนฺทติ     อนุปฺปาเท     จิตฺตสฺส    ปกฺขนฺทนตฺตา    เย
อุปฺปาทปจฺจยา   กิเลสา   นิพฺพตฺเตยฺยุํ   เต   อชาตาเยว  น  ชายนฺติ
อนิพฺพตฺตาเยว    น    นิพฺพตฺตนฺติ    อนุปฺปนฺนาเยว    น   อุปฺปชฺชนฺติ
อปาตุภูตาเยว    น    ปาตุภวนฺติ    เอวํ   เหตุนิโรธา   ทุกฺขนิโรโธ
ปวตฺตเหตุ    นิมิตฺตเหตุ   อายุหนเหตุ   อายุหนา   ปจฺจโย   กิเลสานํ
นิพฺพตฺติยา   อายุหเน   อาทีนวํ   ทิสฺวา   อนายุหเน   จิตฺตํ  ปกฺขนฺทติ
@เชิงอรรถ: ๑ ยุ. อวิกฺเขปคโต ฯ ๒ ม. สมเมว วตฺตนฺติ ฯ ๓ ม. ยุ. สงฺกิเลสิกา ฯ
@๔ ม. อิติสทฺโท น ทิสฺสติ ฯ
อนายุหเน    จิตฺตสฺส    ปกฺขนฺทนตฺตา   เย   อายุหนปจฺจยา   กิเลสา
นิพฺพตฺเตยฺยุํ    เต    อชาตาเยว   น   ชายนฺติ   อนิพฺพตฺตาเยว   น
นิพฺพตฺตนฺติ    อนุปฺปนฺนาเยว    น    อุปฺปชฺชนฺติ    อปาตุภูตาเยว   น
ปาตุภวนฺติ   เอวํ   เหตุนิโรธา   ทุกฺขนิโรโธ  เอวํ  อตฺถิ  มคฺคภาวนา
อตฺถิ       ผลสจฺฉิกิริยา       อตฺถิ       กิเลสปฺปหานํ       อตฺถิ
ธมฺมาภิสมโยติ ฯ
                                           อภิสมยกถา นิฏฺิตา ฯ
                                                 ----------

             เนื้อความพระไตรปิฎกฉบับภาษาบาลี อักษรไทย เล่มที่ ๓๑ หน้าที่ ๖๐๑-๖๐๗.
https://84000.org/tipitaka/read/pali_read.php?B=31&A=12098&w=&modeTY=1
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=31&A=12098&modeTY=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=31&item=695&items=6
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=31&siri=82
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=31&i=695
             อ่านอรรถกถาภาษาบาลีอักษรไทย :-
https://84000.org/tipitaka/atthapali/read_th.php?B=48&A=7967
             The Pali Atthakatha in Roman :-
https://84000.org/tipitaka/atthapali/read_rm.php?B=48&A=7967
             สารบัญพระไตรปิฎกเล่มที่ ๓๑
https://84000.org/tipitaka/read/?index_31
https://84000.org/tipitaka/english/?index_31