บาลีพระไตรปิฎกเล่มที่ ๓๑ - พระสุตตันตปิฎกเล่มที่ ๒๓

     [๒๕๖]   กถํ  ปจฺจยปวตฺตานํ  ธมฺมานํ นานตฺเตกตฺตกมฺมวิปฺผารวเสน
ปริโยคาหเน      ปญฺา      ปุพฺเพนิวาสานุสฺสติาณํ      ฯ     อิธ
@เชิงอรรถ: ^๑ ม. ยุ. ปชานาติ ฯ ^๒-๓ โป. ม. ยุ. อิเม ปาา น ทิสฺสนฺติ ฯ
ภิกฺขุ   ฉนฺทสมาธิ   ฯเปฯ   มุทุํ   กริตฺวา   กมฺมนิยํ   เอวํ  ปชานาติ
อิมสฺมึ    สติ    อิทํ    โหติ   อิมสฺสุปฺปาทา   อิทํ   อุปฺปชฺชติ   ยทิทํ
อวิชฺชาปจฺจยา    สงฺขารา    สงฺขารปจฺจยา   วิญฺาณํ   วิญฺาณปจฺจยา
นามรูปํ        นามรูปปจฺจยา        สฬายตนํ       สฬายตนปจฺจยา
ผสฺโส   ผสฺสปจฺจยา   เวทนา   เวทนาปจฺจยา   ตณฺหา   ตณฺหาปจฺจยา
อุปาทานํ       อุปาทานปจฺจยา      ภโว      ภวปจฺจยา      ชาติ
ชาติปจฺจยา    ชรามรณํ    โสกปริเทวทุกฺขโทมนสฺสุปายาสา    สมฺภวนฺติ
เอวเมตสฺส    เกวลสฺส   ทุกฺขกฺขนฺธสฺส   สมุทโย   โหติ   โส   ตถา
ภาวิเตน   จิตฺเตน   ปริสุทฺเธน  ปริโยทาเตน  ปุพฺเพนิวาสานุสฺสติาณาย
จิตฺตํ    อภินีหรติ    อภินินฺนาเมติ    โส    อเนกวิหิตํ    ปุพฺเพนิวาสํ
อนุสฺสรติ
     {๒๕๖.๑}   เสยฺยถีทํ   เอกํปิ   ชาตึ   เทฺวปิ  ชาติโย  ติสฺโสปิ
ชาติโย    จตสฺโสปิ    ชาติโย    ปญฺจปิ    ชาติโย   ทสปิ   ชาติโย
วีสมฺปิ     ชาติโย     ตึสมฺปิ     ชาติโย     จตฺตารีสมฺปิ    ชาติโย
ปญฺาสมฺปิ    ชาติโย    ชาติสตมฺปิ    ชาติสหสฺสมฺปิ    ชาติสตสหสฺสมฺปิ
อเนเกปิ      สํวฏฺฏกปฺเป     อเนเกปิ     วิวฏฺฏกปฺเป     อเนเกปิ
สํวฏฺฏวิวฏฺฏกปฺเป    อมุตฺราสึ    เอวํนาโม    เอวํโคตฺโต   เอวํวณฺโณ
เอวมาหาโร   เอวํสุขทุกฺขปฏิสํเวที   เอวมายุปริยนฺโต  โส  ตโต  จุโต
อมุตฺร    อุทปาทึ    ตตฺราปาสึ   เอวํนาโม   เอวํโคตฺโต   เอวํวณฺโณ
เอวมาหาโร    เอวํสุขทุกฺขปฏิสํเวที    เอวมายุปริยนฺโต    โส   ตโต
จุโต   อิธูปปนฺโนติ   อิติ   สาการํ   สอุทฺเทสํ  อเนกวิหิตํ  ปุพฺเพนิวาสํ
อนุสฺสรติ     ตํ     าตฏฺเน     าณํ     ปชานนฏฺเน     ปญฺา
เตน   วุจฺจติ   ปจฺจยปวตฺตานํ   ธมฺมานํ   นานตฺเตกตฺตกมฺมวิปฺผารวเสน
ปริโยคาหเน ปญฺา ปุพฺเพนิวาสานุสฺสติาณํ ฯ
                                                --------

เนื้อความพระไตรปิฎกฉบับภาษาบาลี อักษรไทย เล่มที่ ๓๑ หน้าที่ ๑๖๖-๑๖๘. https://84000.org/tipitaka/read/pali_read.php?B=31&A=3321&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=31&A=3321&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=31&item=256&items=1 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=31&siri=51 ศึกษาอรรถกถานี้ได้ที่ :- https://84000.org/tipitaka/attha/attha.php?b=31&i=256 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=47&A=8195 The Pali Atthakatha in Roman :- https://84000.org/tipitaka/atthapali/read_rm.php?B=47&A=8195 สารบัญพระไตรปิฎกเล่มที่ ๓๑ https://84000.org/tipitaka/read/?index_31 https://84000.org/tipitaka/english/?index_31