บาลีพระไตรปิฎกเล่มที่ ๓๑ - พระสุตตันตปิฎกเล่มที่ ๒๓

     [๖๔]   กถํ   อิเม  ธมฺมา  ปหาตพฺพาติ  โสตาวธานํ  ตํปชานนา
ปญฺา    สุตมเย    าณํ    เอโก   ธมฺโม   ปหาตพฺโพ   อสฺมิมาโน
เทฺว   ธมฺมา   ปหาตพฺพา   อวิชฺชา   จ   ภวตณฺหา  จ  ตโย  ธมฺมา
ปหาตพฺพา   ติสฺโส   ตณฺหา   จตฺตาโร   ธมฺมา   ปหาตพฺพา  จตฺตาโร
โอฆา    ปญฺจ    ธมฺมา   ปหาตพฺพา   ปญฺจ   นีวรณานิ   ฉ   ธมฺมา
ปหาตพฺพา   ฉ   ตณฺหากายา   สตฺต   ธมฺมา   ปหาตพฺพา  สตฺตานุสยา
อฏฺ     ธมฺมา     ปหาตพฺพา    อฏฺ    มิจฺฉตฺตา    นว    ธมฺมา
ปหาตพฺพา   นว   ตณฺหามูลกา   ธมฺมา   ทส   ธมฺมา  ปหาตพฺพา  ทส
มิจฺฉตฺตา ฯ
     [๖๕]   เทฺว   ปหานานิ   สมุจฺเฉทปฺปหานํ   ปฏิปฺปสฺสทฺธิปฺปหานํ
สมุจฺเฉทปฺปหานญฺจ        โลกุตฺตรํ       ขยคามิมคฺคํ       ภาวยโต
ปฏิปฺปสฺสทฺธิปฺปหานญฺจ    ผลกฺขเณ    ฯ   ตีณิ   ปหานานิ   กามานเมตํ
นิสฺสรณํ   ยทิทํ   เนกฺขมฺมํ   รูปานเมตํ   นิสฺสรณํ   ยทิทํ   อารุปฺปํ  ยํ
โข   ปน  กิญฺจิ  ภูตํ  สงฺขตํ  ปฏิจฺจ  สมุปฺปนฺนํ  นิโรโธ  ตสฺส  นิสฺสรณํ
เนกฺขมฺมํ   ปฏิลทฺธสฺส   กามา   ปหีนา   เจว   โหนฺติ  ปริจฺจตฺตา  จ
อารุปฺปํ   ปฏิลทฺธสฺส   รูปา   ปหีนา   เจว   โหนฺติ   ปริจฺจตฺตา   จ
นิโรธํ   ปฏิลทฺธสฺส   สงฺขารา  ปหีนา  เจว  โหนฺติ  ปริจฺจตฺตา  จ  ฯ
จตฺตาริ     ปหานานิ     ทุกฺขสจฺจํ     ปริญฺาปฏิเวธํ     ปฏิวิชฺฌนฺโต
ปชหติ   สมุทยสจฺจํ   ปหานปฺปฏิเวธํ   ปฏิวิชฺฌนฺโต   ปชหติ   นิโรธสจฺจํ
สจฺฉิกิริยาปฏิเวธํ    ปฏิวิชฺฌนฺโต    ปชหติ    มคฺคสจฺจํ   ภาวนาปฏิเวธํ
ปฏิวิชฺฌนฺโต   ปชหติ   ฯ  ปญฺจปฺปหานานิ  วิกฺขมฺภนปฺปหานํ  ตทงฺคปฺปหานํ
สมุจฺเฉทปฺปหานํ           ปฏิปฺปสฺสทฺธิปฺปหานํ          นิสฺสรณปฺปหานํ
วิกฺขมฺภนปฺปหานญฺจ   นีวรณานํ   ปมชฺฌานํ   ภาวยโต   ตทงฺคปฺปหานญฺจ
ทิฏฺิคตานํ    นิพฺเพธภาคิยํ    สมาธึ    ภาวยโต    สมุจฺเฉทปฺปหานญฺจ
โลกุตฺตรํ       ขยคามิมคฺคํ       ภาวยโต      ปฏิปฺปสฺสทฺธิปฺปหานญฺจ
ผลกฺขเณ นิสฺสรณปฺปหานญฺจ นิโรโธ นิพฺพานํ ฯ
     [๖๖]   สพฺพํ  ภิกฺขเว  ปหาตพฺพํ  กิญฺจ  ภิกฺขเว  สพฺพํ  ปหาตพฺพํ
จกฺขุํ   ภิกฺขเว   ปหาตพฺพํ   รูปา   ปหาตพฺพา   จกฺขุวิญฺาณํ  ปหาตพฺพํ
จกฺขุสมฺผสฺโส    ปหาตพฺโพ    ยมฺปิทํ    จกฺขุสมฺผสฺสปจฺจยา    อุปฺปชฺชติ
เวทยิตํ   สุขํ   วา  ทุกฺขํ  วา  อทุกฺขมสุขํ  วา  ตมฺปิ  ปหาตพฺพํ  โสตํ
ปหาตพฺพํ    สทฺทา    ปหาตพฺพา    ฯเปฯ   ฆานํ   ปหาตพฺพํ   คนฺธา
ปหาตพฺพา   ชิวฺหา   ปหาตพฺพา   รสา   ปหาตพฺพา  กาโย  ปหาตพฺโพ
โผฏฺพฺพา    ปหาตพฺพา    มโน    ปหาตพฺโพ    ธมฺมา    ปหาตพฺพา
มโนวิญฺาณํ      ปหาตพฺพํ     มโนสมฺผสฺโส     ปหาตพฺโพ     ยมฺปิทํ
มโนสมฺผสฺสปจฺจยา    อุปฺปชฺชติ    เวทยิตํ    สุขํ    วา   ทุกฺขํ   วา
อทุกฺขมสุขํ วา ตมฺปิ ปหาตพฺพํ ฯ
     {๖๖.๑}   รูปํ  ปสฺสนฺโต  ปชหติ  เวทนํ  ปสฺสนฺโต  ปชหติ  สญฺ
ปสฺสนฺโต     ปชหติ     สงฺขาเร     ปสฺสนฺโต     ปชหติ    วิญฺาณํ
ปสฺสนฺโต    ปชหติ    จกฺขุํ    ฯเปฯ   ชรามรณํ   อมโตคธํ   นิพฺพานํ
ปริโยสานฏฺเน   ปสฺสนฺโต   ปชหติ   เย   เย  ธมฺมา  ปหีนา  โหนฺติ
เต    เต    ธมฺมา    ปริจฺจตฺตา    โหนฺติ   ตํ   าตฏฺเน   าณํ
ปชานนฏฺเน    ปญฺา    เตน   วุจฺจติ   อิเม   ธมฺมา   ปหาตพฺพาติ
โสตาวธานํ ตํปชานนา ปญฺา สุตมเย าณํ ฯ
                                           ตติยภาณวารํ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๓๑ หน้าที่ ๓๘-๔๐. https://84000.org/tipitaka/read/pali_read.php?B=31&A=729&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=31&A=729&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=31&item=64&items=3 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=31&siri=7 ศึกษาอรรถกถานี้ได้ที่ :- https://84000.org/tipitaka/attha/attha.php?b=31&i=64 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=47&A=2836 The Pali Atthakatha in Roman :- https://84000.org/tipitaka/atthapali/read_rm.php?B=47&A=2836 สารบัญพระไตรปิฎกเล่มที่ ๓๑ https://84000.org/tipitaka/read/?index_31 https://84000.org/tipitaka/english/?index_31