พระไตรปิฎกเล่มที่ ๓๕ ภาษาบาลี อักษรไทย
 พระอภิธรรมปิฎกเล่มที่ ๒ อภิ. วิภงฺโค

     [๑๑๐๔]   เทวาติ   ตโย   เทวา   สมฺมติเทวา   อุปปตฺติเทวา
วิสุทฺธิเทวา   ฯ   สมฺมติเทวา   นาม   ราชาโน  เทวิโย  กุมารา  ฯ
อุปปตฺติเทวา  นาม  จาตุมฺมหาราชิเก  เทเว  อุปาทาย  ตทุปริ เทวา ฯ
วิสุทฺธิเทวา นาม อรหนฺโต วุจฺจนฺติ ฯ
     [๑๑๐๕]   ทานํ   ทตฺวา   สีลํ  สมาทยิตฺวา  อุโปสถกมฺมํ  กตฺวา
กตฺถ   อุปปชฺชนฺติ   ฯ   ทานํ   ทตฺวา   สีลํ  สมาทยิตฺวา  อุโปสถกมฺมํ
กตฺวา   อปฺเปกจฺเจ  ขตฺติยมหาสาลานํ  สหพฺยตํ  อุปปชฺชนฺติ  อปฺเปกจฺเจ
พฺราหฺมณมหาสาลานํ       สหพฺยตํ       อุปปชฺชนฺติ       อปฺเปกจฺเจ
คหปติมหาสาลานํ        สหพฺยตํ        อุปปชฺชนฺติ       อปฺเปกจฺเจ
จาตุมฺมหาราชิกานํ     เทวานํ    สหพฺยตํ    อุปปชฺชนฺติ    อปฺเปกจฺเจ
ตาวตึสานํ    เทวานํ    สหพฺยตํ    อุปปชฺชนฺติ   อปฺเปกจฺเจ   ยามานํ
เทวานํ    สหพฺยตํ    อุปปชฺชนฺติ    อปฺเปกจฺเจ    ตุสิตานํ    เทวานํ
สหพฺยตํ      อุปปชฺชนฺติ      อปฺเปกจฺเจ     นิมฺมานรตีนํ     เทวานํ
สหพฺยตํ     อุปปชฺชนฺติ     อปฺเปกจฺเจ    ปรนิมฺมิตวสวตฺตีนํ    เทวานํ
สหพฺยตํ อุปปชฺชนฺติ ฯ
     [๑๑๐๖]   มนุสฺสานํ   กิตฺตกํ   อายุปฺปมาณํ   วสฺสสตํ  อปฺปํ  วา
ภิยฺโย   วา   ฯ   จาตุมฺมหาราชิกานํ   เทวานํ   กิตฺตกํ   อายุปฺปมาณํ
ยานิ     มานุสกานิ    ปญฺาสวสฺสานิ    จาตุมฺมหาราชิกานํ    เทวานํ
เอโส   เอโก   รตฺตินฺทิโว   ตาย   รตฺติยา  ตึสรตฺติโย  มาโส  เตน
มาเสน   ทฺวาทสมาสิโย   สํวจฺฉโร   เตน   สํวจฺฉเรน  ทิพฺพานิ  ปญฺจ
วสฺสสตานิ    จาตุมฺมหาราชิกานํ    เทวานํ    อายุปฺปมาณํ    มนุสฺสานํ
คณนาย กิตฺตกํ โหติ นวุติ วสฺสสตสหสฺสานิ ฯ
     {๑๑๐๖.๑}   ตาวตึสานํ  เทวานํ  กิตฺตกํ  อายุปฺปมาณํ  ยํ  มานุสกํ
วสฺสสตํ   ตาวตึสานํ  เทวานํ  เอโส  เอโก  รตฺตินฺทิโว  ตาย  รตฺติยา
ตึสรตฺติโย  มาโส  เตน  มาเสน ทฺวาทสมาสิโย สํวจฺฉโร เตน สํวจฺฉเรน
ทิพฺพํ   วสฺสสหสฺสํ   ตาวตึสานํ  เทวานํ  อายุปฺปมาณํ  มนุสฺสานํ  คณนาย
กิตฺตกํ  โหติ  ติสฺโส  จ  วสฺสโกฏิโย  สฏฺิญฺจ วสฺสสตสหสฺสานิ ฯ ยามานํ
เทวานํ   กิตฺตกํ   อายุปฺปมาณํ   ยานิ   มานุสกานิ   เทฺว   วสฺสสตานิ
ยามานํ   เทวานํ  เอโส  เอโก  รตฺตินฺทิโว  ตาย  รตฺติยา  ตึสรตฺติโย
มาโส   เตน   มาเสน   ทฺวาทสมาสิโย   สํวจฺฉโร   เตน  สํวจฺฉเรน
ทิพฺพานิ    เทฺว    วสฺสสหสฺสานิ    ยามานํ    เทวานํ    อายุปฺปมาณํ
มนุสฺสานํ   คณนาย   กิตฺตกํ  โหติ  จุทฺทส  จ  วสฺสโกฏิโย  จตฺตาลีสญฺจ
วสฺสสตสหสฺสานิ ฯ
     {๑๑๐๖.๒}   ตุสิตานํ    เทวานํ   กิตฺตกํ   อายุปฺปมาณํ   ยานิ
มานุสกานิ   จตฺตาริ   วสฺสสตานิ   ตุสิตานํ   เทวานํ   เอโส   เอโก
รตฺตินฺทิโว  ตาย  รตฺติยา  ตึสรตฺติโย  มาโส เตน มาเสน ทฺวาทสมาสิโย
สํวจฺฉโร    เตน    สํวจฺฉเรน    ทิพฺพานิ    จตฺตาริ    วสฺสสหสฺสานิ
ตุสิตานํ    เทวานํ   อายุปฺปมาณํ   มนุสฺสานํ   คณนาย   กิตฺตกํ   โหติ
สตฺตปญฺาส วสฺสโกฏิโย สฏฺิญฺจ วสฺสสตสหสฺสานิ ฯ
     {๑๑๐๖.๓}   นิมฺมานรตีนํ   เทวานํ   กิตฺตกํ   อายุปฺปมาณํ  ยานิ
มานุสกานิ   อฏฺ   วสฺสสตานิ   นิมฺมานรตีนํ   เทวานํ   เอโส  เอโก
รตฺตินฺทิโว  ตาย  รตฺติยา  ตึสรตฺติโย  มาโส เตน มาเสน ทฺวาทสมาสิโย
สํวจฺฉโร   เตน   สํวจฺฉเรน  ทิพฺพานิ  อฏฺ  วสฺสสหสฺสานิ  นิมฺมานรตีนํ
เทวานํ    อายุปฺปมาณํ    มนุสฺสานํ    คณนาย   กิตฺตกํ   โหติ   เทฺว
วสฺสโกฏิสตานิ ตึสญฺจ วสฺสโกฏิโย จตฺตาลีสญฺจ วสฺสสตสหสฺสานิ ฯ
     {๑๑๐๖.๔}   ปรนิมฺมิตวสวตฺตีนํ  เทวานํ  กิตฺตกํ  อายุปฺปมาณํ  ยานิ
มานุสกานิ  โสฬส  วสฺสสตานิ  ปรนิมฺมิตวสวตฺตีนํ  เทวานํ  เอโส  เอโก
รตฺตินฺทิโว  ตาย  รตฺติยา  ตึสรตฺติโย  มาโส เตน มาเสน ทฺวาทสมาสิโย
สํวจฺฉโร     เตน    สํวจฺฉเรน    ทิพฺพานิ    โสฬส    วสฺสสหสฺสานิ
ปรนิมฺมิตวสวตฺตีนํ     เทวานํ     อายุปฺปมาณํ     มนุสฺสานํ    คณนาย
กิตฺตกํ    โหติ    นว   จ   วสฺสโกฏิสตานิ   เอกวีสญฺจ   วสฺสโกฏิโย
สฏฺิญฺจ วสฺสสตสหสฺสานีติ ฯ
          ฉปฺปิ เต กามาวจรา        สพฺพกามสมิทฺธิโน
          สพฺเพสํ เอกสงฺขาโต       อายุ ภวติ กิตฺตโก
          ทฺวาทสโกฏิสตํ เตสํ        อฏฺวีสญฺจ โกฏิโย
          ปญฺาส สตสหสฺสานิ    วสฺสคฺเคน ปกาสิตาติ ฯ
     [๑๑๐๗]   ปมํ   ฌานํ   ปริตฺตํ   ภาเวตฺวา   กตฺถ  อุปปชฺชนฺติ
ปมํ   ฌานํ   ปริตฺตํ   ภาเวตฺวา   พฺรหฺมปาริสชฺชานํ  เทวานํ  สหพฺยตํ
อุปปชฺชนฺติ    เตสํ   กิตฺตกํ   อายุปฺปมาณํ   กปฺปสฺส   ตติโย   จตุตฺโถ
ภาโค   ฯ   ปมํ   ฌานํ   มชฺฌิมํ  ภาเวตฺวา  กตฺถ  อุปปชฺชนฺติ  ปมํ
ฌานํ    มชฺฌิมํ    ภาเวตฺวา    พฺรหฺมปุโรหิตานํ    เทวานํ    สหพฺยตํ
อุปปชฺชนฺติ    เตสํ    กิตฺตกํ    อายุปฺปมาณํ   อุปฑฺฒกปฺโป   ฯ   ปมํ
ฌานํ    ปณีตํ    ภาเวตฺวา   กตฺถ   อุปปชฺชนฺติ   ปมํ   ฌานํ   ปณีตํ
ภาเวตฺวา    มหาพฺรหฺมานํ    เทวานํ    สหพฺยตํ    อุปปชฺชนฺติ   เตสํ
กิตฺตกํ อายุปฺปมาณํ เอโก กปฺโป ฯ
     {๑๑๐๗.๑}   ทุติยํ   ฌานํ   ปริตฺตํ  ภาเวตฺวา  กตฺถ  อุปปชฺชนฺติ
ทุติยํ    ฌานํ    ปริตฺตํ   ภาเวตฺวา   ปริตฺตาภานํ   เทวานํ   สหพฺยตํ
อุปปชฺชนฺติ    เตสํ   กิตฺตกํ   อายุปฺปมาณํ   เทฺว   กปฺปา   ฯ   ทุติยํ
ฌานํ   มชฺฌิมํ   ภาเวตฺวา   กตฺถ   อุปปชฺชนฺติ   ทุติยํ   ฌานํ   มชฺฌิมํ
ภาเวตฺวา      อปฺปมาณาภานํ     เทวานํ     สหพฺยตํ     อุปปชฺชนฺติ
เตสํ    กิตฺตกํ    อายุปฺปมาณํ   จตฺตาโร   กปฺปา   ฯ   ทุติยํ   ฌานํ
ปณีตํ   ภาเวตฺวา   กตฺถ   อุปปชฺชนฺติ   ทุติยํ   ฌานํ  ปณีตํ  ภาเวตฺวา
อาภสฺสรานํ   เทวานํ   สหพฺยตํ   อุปปชฺชนฺติ  เตสํ  กิตฺตกํ  อายุปฺปมาณํ
อฏฺ กปฺปา ฯ
     {๑๑๐๗.๒}   ตติยํ  ฌานํ  ปริตฺตํ  ภาเวตฺวา  กตฺถ อุปปชฺชนฺติ ตติยํ
ฌานํ   ปริตฺตํ   ภาเวตฺวา   ปริตฺตสุภานํ   เทวานํ  สหพฺยตํ  อุปปชฺชนฺติ
เตสํ   กิตฺตกํ   อายุปฺปมาณํ   โสฬส   กปฺปา   ฯ  ตติยํ  ฌานํ  มชฺฌิมํ
ภาเวตฺวา    กตฺถ    อุปปชฺชนฺติ    ตติยํ   ฌานํ   มชฺฌิมํ   ภาเวตฺวา
อปฺปมาณสุภานํ     เทวานํ    สหพฺยตํ    อุปปชฺชนฺติ    เตสํ    กิตฺตกํ
อายุปฺปมาณํ   ทฺวตฺตึส   กปฺปา   ฯ   ตติยํ   ฌานํ   ปณีตํ   ภาเวตฺวา
กตฺถ    อุปปชฺชนฺติ    ตติยํ    ฌานํ    ปณีตํ   ภาเวตฺวา   สุภกิณฺหานํ
เทวานํ   สหพฺยตํ   อุปปชฺชนฺติ   เตสํ   กิตฺตกํ   อายุปฺปมาณํ   จตุสฏฺี
กปฺปา ฯ
     {๑๑๐๗.๓}   จตุตฺถํ    ฌานํ    ภาเวตฺวา   อารมฺมณนานตฺตตา
มนสิการนานตฺตตา           ฉนฺทนานตฺตตา           ปณิธินานตฺตตา
อธิโมกฺขนานตฺตตา         อภินิหารนานตฺตตา         ปญฺานานตฺตตา
อปฺเปกจฺเจ   อสญฺสตฺตานํ   เทวานํ   สหพฺยตํ  อุปปชฺชนฺติ  อปฺเปกจฺเจ
เวหปฺผลานํ  เทวานํ  สหพฺยตํ  อุปปชฺชนฺติ  อปฺเปกจฺเจ  อวิหานํ  เทวานํ
สหพฺยตํ  อุปปชฺชนฺติ  อปฺเปกจฺเจ  อตปฺปานํ  เทวานํ  สหพฺยตํ  อุปปชฺชนฺติ
อปฺเปกจฺเจ    สุทสฺสานํ   เทวานํ   สหพฺยตํ   อุปปชฺชนฺติ   อปฺเปกจฺเจ
สุทสฺสีนํ   เทวานํ  สหพฺยตํ  อุปปชฺชนฺติ  อปฺเปกจฺเจ  อกนิฏฺานํ  เทวานํ
สหพฺยตํ    อุปปชฺชนฺติ   อปฺเปกจฺเจ   อากาสานญฺจายตนูปคานํ   เทวานํ
สหพฺยตํ    อุปปชฺชนฺติ    อปฺเปกจฺเจ    วิญฺาณญฺจายตนูปคานํ   เทวานํ
สหพฺยตํ    อุปปชฺชนฺติ    อปฺเปกจฺเจ    อากิญฺจญฺายตนูปคานํ   เทวานํ
สหพฺยตํ     อุปปชฺชนฺติ     อปฺเปกจฺเจ     เนวสญฺานาสญฺายตนูปคานํ
เทวานํ สหพฺยตํ อุปปชฺชนฺติ ฯ
     {๑๑๐๗.๔}   อสญฺสตฺตานญฺจ   เวหปฺผลานญฺจ   เทวานํ   กิตฺตกํ
อายุปฺปมาณํ    ปญฺจ    กปฺปสตานิ    ฯ    อวิหานํ   เทวานํ   กิตฺตกํ
อายุปฺปมาณํ   กปฺปสหสฺสํ   ฯ   อตปฺปานํ   เทวานํ  กิตฺตกํ  อายุปฺปมาณํ
เทฺว    กปฺปสหสฺสานิ   ฯ   สุทสฺสานํ   เทวานํ   กิตฺตกํ   อายุปฺปมาณํ
จตฺตาริ   กปฺปสหสฺสานิ   ฯ   สุทสฺสีนํ   เทวานํ   กิตฺตกํ   อายุปฺปมาณํ
อฏฺ   กปฺปสหสฺสานิ   ฯ   อกนิฏฺานํ   เทวานํ   กิตฺตกํ   อายุปฺปมาณํ
โสฬส     กปฺปสหสฺสานิ     ฯ     อากาสานญฺจายตนูปคานํ    เทวานํ
กิตฺตกํ อายุปฺปมาณํ วีสติ กปฺปสหสฺสานิ ฯ
     {๑๑๐๗.๕}   วิญฺาณญฺจายตนูปคานํ      เทวานํ      กิตฺตกํ
อายุปฺปมาณํ    จตฺตาลีส    กปฺปสหสฺสานิ    ฯ    อากิญฺจญฺายตนูปคานํ
เทวานํ   กิตฺตกํ   อายุปฺปมาณํ   สฏฺี   กปฺปสหสฺสานิ   ฯ  เนวสญฺา-
นาสญฺายตนูปคานํ        เทวานํ        กิตฺตกํ        อายุปฺปมาณํ
จตุราสีติ กปฺปสหสฺสานีติ ฯ
          อุกฺขิตฺตา ปุญฺเตเชน      กามรูปคตึ คตา
          ภวคฺคํ วาปิ สมฺปตฺตา        ปุน คจฺฉนฺติ ทุคฺคตึ
          ตาวทีฆายุกา สตฺตา          จวนฺติ อายุสงฺขยา
          นตฺถิ โกจิ ภโว นิจฺโจ          อิติ วุตฺตํ มเหสินา
          ตสฺมา หิ ธีรา นิปกา           นิปุณา อตฺถจินฺตกา
          ชรามรณโมกฺขาย              ภาเวนฺติ มคฺคมุตฺตมํ
          ภาวยิตฺวา สุจึ มคฺคํ           นิพฺพาโนคธคามินํ
          สพฺพาสเว ปริญฺาย       ปรินิพฺพนฺติ อนาสวาติ ฯ
                                  --------------

             เนื้อความพระไตรปิฎกฉบับภาษาบาลี อักษรไทย เล่มที่ ๓๕ หน้าที่ ๕๖๗-๕๗๓.
https://84000.org/tipitaka/read/pali_read.php?B=35&A=11479&w=&modeTY=1
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=35&A=11479&modeTY=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=35&item=1104&items=4
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=35&siri=83
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=35&i=1104
             สารบัญพระไตรปิฎกเล่มที่ ๓๕
https://84000.org/tipitaka/read/?index_35
https://84000.org/tipitaka/english/?index_35