พระไตรปิฎกเล่มที่ ๓๕ ภาษาบาลี อักษรไทย
 พระอภิธรรมปิฎกเล่มที่ ๒ อภิ. วิภงฺโค

     [๔๐๐]   กตเม   ธมฺมา  กุสลา  ยสฺมึ  สมเย  กามาวจรํ  กุสลํ
จิตฺตํ    อุปฺปนฺนํ    โหติ    โสมนสฺสสหคตํ   าณสมฺปยุตฺตํ   รูปารมฺมณํ
วา   ฯเปฯ   ธมฺมารมฺมณํ   วา   ยํ  ยํ  วา  ปนารพฺภ  ตสฺมึ  สมเย
อวิชฺชาปจฺจยา    สงฺขาโร    สงฺขารปจฺจยา   วิญฺาณํ   วิญฺาณปจฺจยา
นามํ      นามปจฺจยา     ฉฏฺายตนํ     ฉฏฺายตนปจฺจยา     ผสฺโส
ผสฺสปจฺจยา     เวทนา     เวทนาปจฺจยา    ปสาโท    ปสาทปจฺจยา
อธิโมกฺโข    อธิโมกฺขปจฺจยา   ภโว   ภวปจฺจยา   ชาติ   ชาติปจฺจยา
ชรามรณํ เอวเมตสฺส เกวลสฺส ทุกฺขกฺขนฺธสฺส สมุทโย โหติ ฯ
     [๔๐๑]   ตตฺถ   กตโม   อวิชฺชาปจฺจยา  สงฺขาโร  ยา  เจตนา
สญฺเจตนา    สญฺเจตยิตตฺตํ    อยํ   วุจฺจติ   อวิชฺชาปจฺจยา   สงฺขาโร
ฯเปฯ    ตตฺถ   กตมา   ผสฺสปจฺจยา   เวทนา   ยํ   เจตสิกํ   สาตํ
เจตสิกํ   สุขํ   เจโตสมฺผสฺสชํ   สาตํ   สุขํ   เวทยิตํ  เจโตสมฺผสฺสชา
สาตา   สุขา   เวทนา   อยํ   วุจฺจติ  ผสฺสปจฺจยา  เวทนา  ฯ  ตตฺถ
กตโม   เวทนาปจฺจยา   ปสาโท   ยา   สทฺธา   สทฺทหนา  โอกปฺปนา
อภิปฺปสาโท   อยํ   วุจฺจติ   เวทนาปจฺจยา   ปสาโท  ฯ  ตตฺถ  กตโม
ปสาทปจฺจยา    อธิโมกฺโข    โย    จิตฺตสฺส   อธิโมกฺโข   อธิมุจฺจนา
ตทธิมุตฺตตา   อยํ   วุจฺจติ   ปสาทปจฺจยา  อธิโมกฺโข  ฯ  ตตฺถ  กตโม
อธิโมกฺขปจฺจยา  ภโว  เปตฺวา  อธิโมกฺขํ  เวทนากฺขนฺโธ  สญฺากฺขนฺโธ
สงฺขารกฺขนฺโธ     วิญฺาณกฺขนฺโธ     อยํ    วุจฺจติ    อธิโมกฺขปจฺจยา
ภโว   ฯเปฯ   เตน   วุจฺจติ   เอวเมตสฺส   เกวลสฺส   ทุกฺขกฺขนฺธสฺส
สมุทโย โหตีติ ฯ
     [๔๐๒]   ตสฺมึ   สมเย  อวิชฺชาปจฺจยา  สงฺขาโร  สงฺขารปจฺจยา
วิญฺาณํ    วิญฺาณปจฺจยา    นามํ   นามปจฺจยา   ผสฺโส   ผสฺสปจฺจยา
เวทนา     เวทนาปจฺจยา     ปสาโท     ปสาทปจฺจยา    อธิโมกฺโข
อธิโมกฺขปจฺจยา    ภโว    ภวปจฺจยา   ชาติ   ชาติปจฺจยา   ชรามรณํ
เอวเมตสฺส เกวลสฺส ทุกฺขกฺขนฺธสฺส สมุทโย โหติ ฯ
     [๔๐๓]   ตสฺมึ   สมเย  อวิชฺชาปจฺจยา  สงฺขาโร  สงฺขารปจฺจยา
วิญฺาณํ     วิญฺาณปจฺจยา     นามรูปํ    นามรูปปจฺจยา    ฉฏฺายตนํ
ฉฏฺายตนปจฺจยา    ผสฺโส    ผสฺสปจฺจยา    เวทนา    เวทนาปจฺจยา
ปสาโท     ปสาทปจฺจยา     อธิโมกฺโข     อธิโมกฺขปจฺจยา     ภโว
ภวปจฺจยา    ชาติ    ชาติปจฺจยา   ชรามรณํ   เอวเมตสฺส   เกวลสฺส
ทุกฺขกฺขนฺธสฺส สมุทโย โหติ ฯ
     [๔๐๔]   ตสฺมึ   สมเย  อวิชฺชาปจฺจยา  สงฺขาโร  สงฺขารปจฺจยา
วิญฺาณํ     วิญฺาณปจฺจยา     นามรูปํ     นามรูปปจฺจยา    สฬายตนํ
สฬายตนปจฺจยา    ผสฺโส    ผสฺสปจฺจยา    เวทนา     เวทนาปจฺจยา
ปสาโท     ปสาทปจฺจยา     อธิโมกฺโข     อธิโมกฺขปจฺจยา     ภโว
ภวปจฺจยา    ชาติ    ชาติปจฺจยา   ชรามรณํ   เอวเมตสฺส   เกวลสฺส
ทุกฺขกฺขนฺธสฺส สมุทโย โหติ ฯ
     [๔๐๕]   กตเม  ธมฺมา  กุสลา  ยสฺมึ  สมเย กามาวจรํ กุสลํ จิตฺตํ
อุปฺปนฺนํ    โหติ   โสมนสฺสสหคตํ   าณสมฺปยุตฺตํ   สสงฺขาเรน   ฯเปฯ
โสมนสฺสสหคตํ    าณวิปฺปยุตฺตํ   ฯเปฯ   โสมนสฺสสหคตํ   าณวิปฺปยุตฺตํ
สสงฺขาเรน     ฯเปฯ     อุเปกฺขาสหคตํ     าณสมฺปยุตฺตํ     ฯเปฯ
อุเปกฺขาสหคตํ    าณสมฺปยุตฺตํ    สสงฺขาเรน   ฯเปฯ   อุเปกฺขาสหคตํ
าณวิปฺปยุตฺตํ    ฯเปฯ    อุเปกฺขาสหคตํ    าณวิปฺปยุตฺตํ   สสงฺขาเรน
รูปารมฺมณํ   วา   ฯเปฯ   ธมฺมารมฺมณํ   วา   ยํ   ยํ  วา  ปนารพฺภ
ตสฺมึ    สมเย    อวิชฺชาปจฺจยา   สงฺขาโร   สงฺขารปจฺจยา   วิญฺาณํ
วิญฺาณปจฺจยา    นามํ    นามปจฺจยา    ฉฏฺายตนํ   ฉฏฺายตนปจฺจยา
ผสฺโส   ผสฺสปจฺจยา   เวทนา   เวทนาปจฺจยา   ปสาโท  ปสาทปจฺจยา
อธิโมกฺโข    อธิโมกฺขปจฺจยา   ภโว   ภวปจฺจยา   ชาติ   ชาติปจฺจยา
ชรามรณํ เอวเมตสฺส เกวลสฺส ทุกฺขกฺขนฺธสฺส สมุทโย โหติ ฯ
     [๔๐๖]   กตเม  ธมฺมา  กุสลา  ยสฺมึ  สมเย  รูปูปปตฺติยา  มคฺคํ
ภาเวติ   วิวิจฺเจว   กาเมหิ   ฯเปฯ   ปมํ  ฌานํ  อุปสมฺปชฺช  วิหรติ
ปวีกสิณํ    ตสฺมึ   สมเย   อวิชฺชาปจฺจยา   สงฺขาโร   สงฺขารปจฺจยา
วิญฺาณํ      วิญฺาณปจฺจยา      นามํ     นามปจฺจยา     ฉฏฺายตนํ
ฉฏฺายตนปจฺจยา   ผสฺโส  ผสฺสปจฺจยา  เวทนา  เวทนาปจฺจยา  ปสาโท
ปสาทปจฺจยา   อธิโมกฺโข   อธิโมกฺขปจฺจยา   ภโว   ภวปจฺจยา   ชาติ
ชาติปจฺจยา   ชรามรณํ   เอวเมตสฺส   เกวลสฺส  ทุกฺขกฺขนฺธสฺส  สมุทโย
โหติ ฯ
     [๔๐๗]   กตเม  ธมฺมา  กุสลา  ยสฺมึ  สมเย  อรูปูปปตฺติยา  มคฺคํ
ภาเวติ     สพฺพโส     อากิญฺจญฺายตนํ     สมติกฺกมฺม    เนวสญฺา-
นาสญฺายตนสญฺาสหคตํ    สุขสฺส    จ    ปหานา    ฯเปฯ   จตุตฺถํ
ฌานํ   อุปสมฺปชฺช   วิหรติ   ตสฺมึ   สมเย   อวิชฺชาปจฺจยา   สงฺขาโร
สงฺขารปจฺจยา     วิญฺาณํ     วิญฺาณปจฺจยา     นามํ    นามปจฺจยา
ฉฏฺายตนํ     ฉฏฺายตนปจฺจยา     ผสฺโส     ผสฺสปจฺจยา    เวทนา
เวทนาปจฺจยา    ปสาโท   ปสาทปจฺจยา   อธิโมกฺโข   อธิโมกฺขปจฺจยา
ภโว   ภวปจฺจยา   ชาติ  ชาติปจฺจยา  ชรามรณํ  เอวเมตสฺส  เกวลสฺส
ทุกฺขกฺขนฺธสฺส สมุทโย โหติ ฯ
     [๔๐๘]   กตเม   ธมฺมา   กุสลา  ยสฺมึ  สมเย  โลกุตฺตรํ  ฌานํ
ภาเวติ   นิยฺยานิกํ   อปจยคามึ   ทิฏฺิคตานํ  ปหานาย  ปมาย  ภูมิยา
ปตฺติยา   วิวิจฺเจว   กาเมหิ   ฯเปฯ   ปมํ  ฌานํ  อุปสมฺปชฺช  วิหรติ
ทุกฺขาปฏิปทํ    ทนฺธาภิญฺ    ตสฺมึ   สมเย   อวิชฺชาปจฺจยา   สงฺขาโร
สงฺขารปจฺจยา     วิญฺาณํ     วิญฺาณปจฺจยา     นามํ    นามปจฺจยา
ฉฏฺายตนํ     ฉฏฺายตนปจฺจยา     ผสฺโส     ผสฺสปจฺจยา    เวทนา
เวทนาปจฺจยา    ปสาโท   ปสาทปจฺจยา   อธิโมกฺโข   อธิโมกฺขปจฺจยา
ภโว   ภวปจฺจยา   ชาติ   ชาติปจฺจยา  ชรามรณํ  เอวเมเตสํ  ธมฺมานํ
สมุทโย โหติ ฯ
                            อวิชฺชามูลกกุสลนิทฺเทโส ฯ
     [๔๐๙]   กตเม   ธมฺมา  อพฺยากตา  ยสฺมึ  สมเย  กามาวจรสฺส
กุสลสฺส   กมฺมสฺส   กตตฺตา   อุปจิตตฺตา   วิปากํ  จกฺขุวิญฺาณํ  อุปฺปนฺนํ
โหติ    อุเปกฺขาสหคตํ    รูปารมฺมณํ    ตสฺมึ   สมเย   กุสลมูลปจฺจยา
สงฺขาโร   สงฺขารปจฺจยา   วิญฺาณํ   วิญฺาณปจฺจยา  นามํ  นามปจฺจยา
ฉฏฺายตนํ     ฉฏฺายตนปจฺจยา     ผสฺโส     ผสฺสปจฺจยา    เวทนา
เวทนาปจฺจยา    ภโว    ภวปจฺจยา    ชาติ   ชาติปจฺจยา   ชรามรณํ
เอวเมตสฺส เกวลสฺส ทุกฺขกฺขนฺธสฺส สมุทโย โหติ ฯ
     [๔๑๐]   ตตฺถ   กตโม   กุสลมูลปจฺจยา  สงฺขาโร  ยา  เจตนา
สญฺเจตนา    สญฺเจตยิตตฺตํ    อยํ   วุจฺจติ   กุสลมูลปจฺจยา   สงฺขาโร
ฯเปฯ   เตน   วุจฺจติ   เอวเมตสฺส   เกวลสฺส  ทุกฺขกฺขนฺธสฺส  สมุทโย
โหตีติ ฯ
     [๔๑๑]   กตเม   ธมฺมา  อพฺยากตา  ยสฺมึ  สมเย  กามาวจรสฺส
กุสลสฺส   กมฺมสฺส   กตตฺตา   อุปจิตตฺตา   วิปากํ  โสตวิญฺาณํ  อุปฺปนฺนํ
โหติ   อุเปกฺขาสหคตํ   สทฺทารมฺมณํ  ฯเปฯ  ฆานวิญฺาณํ  อุปฺปนฺนํ  โหติ
อุเปกฺขาสหคตํ    คนฺธารมฺมณํ   ฯเปฯ   ชิวฺหาวิญฺาณํ   อุปฺปนฺนํ   โหติ
อุเปกฺขาสหคตํ    รสารมฺมณํ    ฯเปฯ    กายวิญฺาณํ   อุปฺปนฺนํ   โหติ
สุขสหคตํ    โผฏฺพฺพารมฺมณํ    ฯเปฯ    มโนธาตุ    อุปฺปนฺนา   โหติ
อุเปกฺขาสหคตา    รูปารมฺมณา   วา   ฯเปฯ   โผฏฺพฺพารมฺมณา   วา
ยํ   ยํ   วา   ปนารพฺภ   ฯเปฯ   มโนวิญฺาณธาตุ   อุปฺปนฺนา   โหติ
โสมนสฺสสหคตา    รูปารมฺมณา    วา    ฯเปฯ    ธมฺมารมฺมณา   วา
ยํ   ยํ   วา   ปนารพฺภ   ฯเปฯ   มโนวิญฺาณธาตุ   อุปฺปนฺนา   โหติ
อุเปกฺขาสหคตา   รูปารมฺมณา   วา   ฯเปฯ  ธมฺมารมฺมณา  วา  ยํ  ยํ
วา   ปนารพฺภ   ตสฺมึ  สมเย  กุสลมูลปจฺจยา  สงฺขาโร  สงฺขารปจฺจยา
วิญฺาณํ      วิญฺาณปจฺจยา      นามํ     นามปจฺจยา     ฉฏฺายตนํ
ฉฏฺายตนปจฺจยา    ผสฺโส    ผสฺสปจฺจยา    เวทนา    เวทนาปจฺจยา
อธิโมกฺโข    อธิโมกฺขปจฺจยา   ภโว   ภวปจฺจยา   ชาติ   ชาติปจฺจยา
ชรามรณํ เอวเมตสฺส เกวลสฺส ทุกฺขกฺขนฺธสฺส สมุทโย โหติ ฯ
     [๔๑๒]   กตเม   ธมฺมา  อพฺยากตา  ยสฺมึ  สมเย  กามาวจรสฺส
กุสลสฺส    กมฺมสฺส    กตตฺตา   อุปจิตตฺตา   วิปากา   มโนวิญฺาณธาตุ
อุปฺปนฺนา      โหติ     โสมนสฺสสหคตา     าณสมฺปยุตฺตา     ฯเปฯ
โสมนสฺสสหคตา   าณสมฺปยุตฺตา   สสงฺขาเรน   ฯเปฯ   โสมสฺสสหคตา
าณวิปฺปยุตฺตา   ฯเปฯ   โสมนสฺสสหคตา   าณวิปฺปยุตฺตา   สสงฺขาเรน
ฯเปฯ    อุเปกฺขาสหคตา    าณสมฺปยุตฺตา    ฯเปฯ   อุเปกฺขาสหคตา
าณสมฺปยุตฺตา   สสงฺขาเรน   ฯเปฯ   อุเปกฺขาสหคตา   าณวิปฺปยุตฺตา
ฯเปฯ    อุเปกฺขาสหคตา    าณวิปฺปยุตฺตา   สสงฺขาเรน   รูปารมฺมณา
วา   ฯเปฯ   ธมฺมารมฺมณา   วา  ยํ  ยํ  วา  ปนารพฺภ  ตสฺมึ  สมเย
กุสลมูลปจฺจยา    สงฺขาโร    สงฺขารปจฺจยา   วิญฺาณํ   วิญฺาณปจฺจยา
นามํ      นามปจฺจยา     ฉฏฺายตนํ     ฉฏฺายตนปจฺจยา     ผสฺโส
ผสฺสปจฺจยา     เวทนา     เวทนาปจฺจยา    ปสาโท    ปสาทปจฺจยา
อธิโมกฺโข    อธิโมกฺขปจฺจยา   ภโว   ภวปจฺจยา   ชาติ   ชาติปจฺจยา
ชรามรณํ เอวเมตสฺส เกวลสฺส ทุกฺขกฺขนฺธสฺส สมุทโย โหติ ฯ
     [๔๑๓]   กตเม   ธมฺมา   อพฺยากตา  ยสฺมึ  สมเย  รูปูปปตฺติยา
มคฺคํ   ภาเวติ   วิวิจฺเจว   กาเมหิ   ฯเปฯ   ปมํ  ฌานํ  อุปสมฺปชฺช
วิหรติ   ปวีกสิณํ   ตสฺมึ   สมเย   ผสฺโส   โหติ   ฯเปฯ  อวิกฺเขโป
โหติ   อิเม   ธมฺมา   กุสลา   ตสฺเสว  รูปาวจรสฺส  กุสลสฺส  กมฺมสฺส
กตตฺตา   อุปจิตตฺตา   วิปากํ   วิวิจฺเจว   กาเมหิ  ฯเปฯ  ปมํ  ฌานํ
อุปสมฺปชฺช   วิหรติ   ปวีกสิณํ   ตสฺมึ  สมเย  กุสลมูลปจฺจยา  สงฺขาโร
สงฺขารปจฺจยา     วิญฺาณํ     วิญฺาณปจฺจยา     นามํ    นามปจฺจยา
ฉฏฺายตนํ     ฉฏฺายตนปจฺจยา     ผสฺโส     ผสฺสปจฺจยา    เวทนา
เวทนาปจฺจยา    ปสาโท   ปสาทปจฺจยา   อธิโมกฺโข   อธิโมกฺขปจฺจยา
ภโว   ภวปจฺจยา   ชาติ  ชาติปจฺจยา  ชรามรณํ  เอวเมตสฺส  เกวลสฺส
ทุกฺขกฺขนฺธสฺส สมุทโย โหติ ฯ
     [๔๑๔]   กตเม   ธมฺมา  อพฺยากตา  ยสฺมึ  สมเย  อรูปูปปตฺติยา
มคฺคํ    ภาเวติ   สพฺพโส   อากิญฺจญฺายตนํ   สมติกฺกมฺม   เนวสญฺา-
นาสญฺายตนสญฺาสหคตํ   สุขสฺส   จ   ปหานา   ฯเปฯ  จตุตฺถํ  ฌานํ
อุปสมฺปชฺช  วิหรติ  ตสฺมึ  สมเย  ผสฺโส  โหติ  ฯเปฯ  อวิกฺเขโป  โหติ
อิเม   ธมฺมา  กุสลา  ตสฺเสว  อรูปาวจรสฺส  กุสลสฺส  กมฺมสฺส  กตตฺตา
อุปจิตตฺตา      วิปากํ     สพฺพโส     อากิญฺจญฺายตนํ     สมติกฺกมฺม
เนวสญฺานาสญฺายตนสญฺาสหคตํ     สุขสฺส    จ    ปหานา    ฯเปฯ
จตุตฺถํ  ฌานํ  อุปสมฺปชฺช  วิหรติ  ตสฺมึ  สมเย  กุสลมูลปจฺจยา  สงฺขาโร
สงฺขารปจฺจยา     วิญฺาณํ     วิญฺาณปจฺจยา     นามํ    นามปจฺจยา
ฉฏฺายตนํ     ฉฏฺายตนปจฺจยา     ผสฺโส     ผสฺสปจฺจยา    เวทนา
เวทนาปจฺจยา    ปสาโท   ปสาทปจฺจยา   อธิโมกฺโข   อธิโมกฺขปจฺจยา
ภโว    ภวปจฺจยา    ชาติ    ชาติปจฺจยา    ชรามรณํ    เอวเมตสฺส
เกวลสฺส ทุกฺขกฺขนฺธสฺส สมุทโย โหติ ฯ
     [๔๑๕]   กตเม  ธมฺมา  อพฺยากตา  ยสฺมึ  สมเย  โลกุตฺตรํ  ฌานํ
ภาเวติ   นิยฺยานิกํ   อปจยคามึ   ทิฏฺิคตานํ  ปหานาย  ปมาย  ภูมิยา
ปตฺติยา   วิวิจฺเจว   กาเมหิ   ฯเปฯ   ปมํ  ฌานํ  อุปสมฺปชฺช  วิหรติ
ทุกฺขาปฏิปทํ   ทนฺธาภิญฺ  ตสฺมึ  สมเย  ผสฺโส  โหติ  ฯเปฯ  อวิกฺเขโป
โหติ   อิเม   ธมฺมา   กุสลา   ตสฺเสว  โลกุตฺตรสฺส  กุสลสฺส  ฌานสฺส
กตตฺตา   ภาวิตตฺตา   วิปากํ   วิวิจฺเจว   กาเมหิ  ฯเปฯ  ปมํ  ฌานํ
อุปสมฺปชฺช     วิหรติ     ทุกฺขาปฏิปทํ    ทนฺธาภิญฺ    สุญฺตํ    ตสฺมึ
สมเย     กุสลมูลปจฺจยา     สงฺขาโร     สงฺขารปจฺจยา     วิญฺาณํ
วิญฺาณปจฺจยา    นามํ    นามปจฺจยา    ฉฏฺายตนํ   ฉฏฺายตนปจฺจยา
ผสฺโส   ผสฺสปจฺจยา   เวทนา   เวทนาปจฺจยา   ปสาโท  ปสาทปจฺจยา
อธิโมกฺโข    อธิโมกฺขปจฺจยา   ภโว   ภวปจฺจยา   ชาติ   ชาติปจฺจยา
ชรามรณํ เอวเมเตสํ ธมฺมานํ สมุทโย โหติ ฯ
                            กุสลมูลกวิปากนิทฺเทโส ฯ

             เนื้อความพระไตรปิฎกฉบับภาษาบาลี อักษรไทย เล่มที่ ๓๕ หน้าที่ ๒๔๖-๒๕๓.
https://84000.org/tipitaka/read/pali_read.php?B=35&A=4984&w=&modeTY=1
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=35&A=4984&modeTY=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=35&item=400&items=16
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=35&siri=26
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=35&i=400
             อ่านอรรถกถาภาษาบาลีอักษรไทย :-
https://84000.org/tipitaka/atthapali/read_th.php?B=54&A=5397
             The Pali Atthakatha in Roman :-
https://84000.org/tipitaka/atthapali/read_rm.php?B=54&A=5397
             สารบัญพระไตรปิฎกเล่มที่ ๓๕
https://84000.org/tipitaka/read/?index_35
https://84000.org/tipitaka/english/?index_35