บาลีพระไตรปิฎกเล่มที่ ๓๖ - พระอภิธรรมปิฎกเล่มที่ ๓

                                อภิธมฺมปิฏเก ปุคฺคลปญฺตฺติ
                                            ------
                    นโม ตสฺส ภควโต อรหโต สมฺมาสมฺพุทฺธสฺส ฯ
                                        อุทฺเทสวาโร
     [๑]   ฉ   ปญฺตฺติโย   ขนฺธปญฺตฺติ   อายตนปญฺตฺติ  ธาตุปญฺตฺติ
สจฺจปญฺตฺติ อินฺทฺริยปญฺตฺติ ปุคฺคลปญฺตฺตีติ ฯ
                                         ขนฺธปญฺตฺติ
     [๒]   กิตฺตาวตา   ขนฺธานํ   ขนฺธปญฺตฺติ   ยาวตา   ปญฺจกฺขนฺธา
รูปกฺขนฺโธ       เวทนากฺขนฺโธ      สญฺากฺขนฺโธ      สงฺขารกฺขนฺโธ
วิญฺาณกฺขนฺโธ เอตฺตาวตา ขนฺธานํ ขนฺธปญฺตฺติ ฯ
                                       อายตนปญฺตฺติ
     [๓]   กิตฺตาวตา  อายตนานํ  อายตนปญฺตฺติ ยาวตา ทฺวาทสายตนานิ
จกฺขฺวายตนํ     รูปายตนํ     โสตายตนํ     สทฺทายตนํ     ฆานายตนํ
คนฺธายตนํ   ชิวฺหายตนํ   รสายตนํ  กายายตนํ  โผฏฺพฺพายตนํ  มนายตนํ
ธมฺมายตนํ เอตฺตาวตา อายตนานํ อายตนปญฺตฺติ ฯ
                                           ธาตุปญฺตฺติ
     [๔]   กิตฺตาวตา    ธาตูนํ    ธาตุปญฺตฺติ   ยาวตา   อฏฺารส
ธาตุโย    จกฺขุธาตุ   รูปธาตุ   จกฺขุวิญฺาณธาตุ   โสตธาตุ   สทฺทธาตุ
โสตวิญฺาณธาตุ    ฆานธาตุ    คนฺธธาตุ   ฆานวิญฺาณธาตุ   ชิวฺหาธาตุ
รสธาตุ   ชิวฺหาวิญฺาณธาตุ   กายธาตุ   โผฏฺพฺพธาตุ   กายวิญฺาณธาตุ
มโนธาตุ     ธมฺมธาตุ     มโนวิญฺาณธาตุ     เอตฺตาวตา     ธาตูนํ
ธาตุปญฺตฺติ ฯ
                                          สจฺจปญฺตฺติ
     [๕]   กิตฺตาวตา    สจฺจานํ    สจฺจปญฺตฺติ   ยาวตา   จตฺตาริ
สจฺจานิ    ทุกฺขสจฺจํ   สมุทยสจฺจํ   นิโรธสจฺจํ   มคฺคสจฺจํ   เอตฺตาวตา
สจฺจานํ สจฺจปญฺตฺติ ฯ
                                        อินฺทฺริยปญฺตฺติ
     [๖]   กิตฺตาวตา     อินฺทฺริยานํ     อินฺทฺริยปญฺตฺติ    ยาวตา
พาวีสตินฺทฺริยานิ   จกฺขุนฺทฺริยํ   โสตินฺทฺริยํ   ฆานินฺทฺริยํ  ชิวฺหินฺทฺริยํ
กายินฺทฺริยํ    มนินฺทฺริยํ    อิตฺถินฺทฺริยํ   ปุริสินฺทฺริยํ   ชีวิตินฺทฺริยํ
สุขินฺทฺริยํ  ทุกฺขินฺทฺริยํ โสมนสฺสินฺทฺริยํ โทมนสฺสินฺทฺริยํ อุเปกฺขินฺทฺริยํ
สทฺธินฺทฺริยํ    วิริยินฺทฺริยํ    สตินฺทฺริยํ    สมาธินฺทฺริยํ   ปญฺินฺทฺริยํ
อนญฺาตญฺสฺสามีตินฺทฺริยํ     อญฺินฺทฺริยํ    อญฺาตาวินฺทฺริยํ    เอตฺตาวตา
อินฺทฺริยานํ อินฺทฺริยปญฺตฺติ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๓๖ หน้าที่ ๑๒๙-๑๓๐. https://84000.org/tipitaka/read/pali_read.php?B=36&A=2551&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=36&A=2551&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=36.2&item=1&items=6 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=36&siri=16 ศึกษาอรรถกถานี้ได้ที่ :- https://84000.org/tipitaka/attha/attha.php?b=36&i=516 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=55&A=594 The Pali Atthakatha in Roman :- https://84000.org/tipitaka/atthapali/read_rm.php?B=55&A=594 สารบัญพระไตรปิฎกเล่มที่ ๓๖ https://84000.org/tipitaka/read/?index_36 https://84000.org/tipitaka/english/?index_36