ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๓๖ ภาษาบาลี อักษรไทย พระอภิธรรมปิฎกเล่มที่ ๓ อภิ. ธาตุกถา เจว ปุคฺคลปญฺญตฺติ จ

                                        ติกนิทฺเทโส
     [๘๔]   กตโม  จ  ปุคฺคโล  นิราโส  อิเธกจฺโจ  ปุคฺคโล  ทุสฺสีโล
โหติ   ปาปธมฺโม   อสุจิสงฺกสฺสรสมาจาโร   ปฏิจฺฉนฺนกมฺมนฺโต  อสฺสมโณ
สมณปฏิญฺโ    อพฺรหฺมจารี    พฺรหฺมจารีปฏิญฺโ    อนฺโตปูติ   อวสฺสุโต
กสมฺพุกชาโต   โส   สุณาติ   อิตฺถนฺนาโม   กิร  ภิกฺขุ  อาสวานํ  ขยา
อนาสวํ   เจโตวิมุตฺตึ   ปญฺาวิมุตฺตึ   ทิฏฺเว   ธมฺเม   สยํ   อภิญฺา
สจฺฉิกตฺวา   อุปสมฺปชฺช   วิหรตีติ   ตสฺส   น   เอวํ   โหติ   กุทาสฺสุ
นามาหมฺปิ   อาสวานํ  ขยา  อนาสวํ  เจโตวิมุตฺตึ  ปญฺาวิมุตฺตึ  ทิฏฺเว
ธมฺเม    สยํ    อภิญฺา   สจฺฉิกตฺวา   อุปสมฺปชฺช   วิหริสฺสามีติ   อยํ
วุจฺจติ ปุคฺคโล นิราโส ฯ
     {๘๔.๑}   กตโม  จ ปุคฺคโล อาสํโส อิเธกจฺโจ ปุคฺคโล สีลวา โหติ
กลฺยาณธมฺโม   โส   สุณาติ   อิตฺถนฺนาโม   กิร  ภิกฺขุ  อาสวานํ  ขยา
อนาสวํ   เจโตวิมุตฺตึ   ปญฺาวิมุตฺตึ   ทิฏฺเว   ธมฺเม   สยํ   อภิญฺา
สจฺฉิกตฺวา   อุปสมฺปชฺช  วิหรตีติ  ตสฺส  เอวํ  โหติ  กุทาสฺสุ  นามาหมฺปิ
อาสวานํ   ขยา   อนาสวํ   เจโตวิมุตฺตึ   ปญฺาวิมุตฺตึ  ทิฏฺเว  ธมฺเม
สยํ    อภิญฺา    สจฺฉิกตฺวา   อุปสมฺปชฺช   วิหริสฺสามีติ   อยํ   วุจฺจติ
ปุคฺคโล อาสํโส ฯ
     {๘๔.๒}   กตโม   จ   ปุคฺคโล   วิคตาโส  อิเธกจฺโจ  ปุคฺคโล
อาสวานํ    ขยา    อนาสวํ    เจโตวิมุตฺตึ    ปญฺาวิมุตฺตึ    ทิฏฺเว
ธมฺเม   สยํ   อภิญฺา   สจฺฉิกตฺวา   อุปสมฺปชฺช   วิหรติ   โส  สุณาติ
อิตฺถนฺนาโม      กิร      ภิกฺขุ      อาสวานํ     ขยา     อนาสวํ
เจโตวิมุตฺตึ   ปญฺาวิมุตฺตึ   ทิฏฺเว   ธมฺเม   สยํ  อภิญฺา  สจฺฉิกตฺวา
อุปสมฺปชฺช   วิหรตีติ   ตสฺส   น   เอวํ   โหติ   กุทาสฺสุ   นามาหมฺปิ
อาสวานํ   ขยา   อนาสวํ   เจโตวิมุตฺตึ   ปญฺาวิมุตฺตึ  ทิฏฺเว  ธมฺเม
สยํ  อภิญฺา  สจฺฉิกตฺวา  อุปสมฺปชฺช  วิหริสฺสามีติ  ฯ  ตํ  กิสฺส  เหตุ ฯ
ยาหิสฺส    ปุพฺเพ    อวิมุตฺตสฺส   วิมุตฺตาสา   สา   ปฏิปสฺสทฺธา   อยํ
วุจฺจติ ปุคฺคโล วิคตาโส ฯ
                         ตตฺถ กตเม ตโย คิลานูปมา ปุคฺคลา ฯ
     [๘๕]   ตโย  คิลานา  อิเธกจฺโจ  คิลาโน  ลภนฺโต  วา สปฺปายานิ
โภชนานิ  อลภนฺโต  วา  สปฺปายานิ  โภชนานิ  ลภนฺโต  วา  สปฺปายานิ
เภสชฺชานิ   อลภนฺโต  วา  สปฺปายานิ  เภสชฺชานิ  ลภนฺโต  วา  ปฏิรูปํ
อุปฏฺากํ   อลภนฺโต   วา   ปฏิรูปํ   อุปฏฺากํ   เนว  วุฏฺาติ  ตมฺหา
อาพาธา ฯ
     {๘๕.๑}   อิธ  ปเนกจฺโจ  คิลาโน ลภนฺโต วา สปฺปายานิ โภชนานิ
อลภนฺโต  วา  สปฺปายานิ  โภชนานิ  ลภนฺโต  วา  สปฺปายานิ เภสชฺชานิ
อลภนฺโต   วา   สปฺปายานิ  เภสชฺชานิ  ลภนฺโต  วา  ปฏิรูปํ  อุปฏฺากํ
อลภนฺโต วา ปฏิรูปํ อุปฏฺากํ วุฏฺาติ ตมฺหา อาพาธา ฯ
     {๘๕.๒}   อิธ  ปเนกจฺโจ  คิลาโน  ลภนฺโต  สปฺปายานิ  โภชนานิ
โน   อลภนฺโต  ลภนฺโต  สปฺปายานิ  เภสชฺชานิ  โน  อลภนฺโต  ลภนฺโต
ปฏิรูปํ   อุปฏฺากํ   โน  อลภนฺโต  วุฏฺาติ  ตมฺหา  อาพาธา  ฯ  ตตฺร
ยฺวายํ    คิลาโน    ลภนฺโต   สปฺปายานิ   โภชนานิ   โน   อลภนฺโต
ลภนฺโต    สปฺปายานิ   เภสชฺชานิ   โน   อลภนฺโต   ลภนฺโต   ปฏิรูปํ
อุปฏฺากํ   โน   อลภนฺโต   วุฏฺาติ   ตมฺหา   อาพาธา   อิมํ  คิลานํ
ปฏิจฺจ    ภควตา    คิลานภตฺตํ    อนุญฺาตํ   คิลานเภสชฺชํ   อนุญฺาตํ
คิลานุปฏฺาโก    อนุญฺาโต   อิมญฺจ   ปน   คิลานํ   ปฏิจฺจ   อญฺเปิ
คิลานา อุปฏฺาตพฺพา ฯ
     [๘๖]   เอวเมว   ตโย  คิลานูปมา  ปุคฺคลา  สนฺโต  สํวิชฺชมานา
โลกสฺมึ   ฯ   กตเม   ตโย   ฯ   อิเธกจฺโจ   ปุคฺคโล  ลภนฺโต  วา
ตถาคตํ   ทสฺสนาย   อลภนฺโต   วา   ตถาคตํ  ทสฺสนาย  ลภนฺโต  วา
ตถาคตปฺปเวทิตํ   ธมฺมวินยํ   สวนาย   อลภนฺโต   วา  ตถาคตปฺปเวทิตํ
ธมฺมวินยํ สวนาย เนว โอกฺกมติ นิยามํ กุสเลสุ ธมฺเมสุ สมฺมตฺตํ
     {๘๖.๑}   อิธ  ปเนกจฺโจ  ปุคฺคโล  ลภนฺโต  วา ตถาคตํ ทสฺสนาย
อลภนฺโต   วา   ตถาคตํ   ทสฺสนาย   ลภนฺโต   วา   ตถาคตปฺปเวทิตํ
ธมฺมวินยํ    สวนาย    อลภนฺโต    วา    ตถาคตปฺปเวทิตํ   ธมฺมวินยํ
สวนาย โอกฺกมติ นิยามํ กุสเลสุ ธมฺเมสุ สมฺมตฺตํ ฯ
     {๘๖.๒}   อิธ  ปเนกจฺโจ  ปุคฺคโล  ลภนฺโต  ตถาคตํ ทสฺสนาย โน
อลภนฺโต   ลภนฺโต   ตถาคตปฺปเวทิตํ  ธมฺมวินยํ  สวนาย  โน  อลภนฺโต
โอกฺกมติ นิยามํ กุสเลสุ ธมฺเมสุ สมฺมตฺตํ ฯ
     {๘๖.๓}   ตตฺร  ยฺวายํ  ปุคฺคโล  ลภนฺโต  ตถาคตํ  ทสฺสนาย  โน
อลภนฺโต   ลภนฺโต   ตถาคตปฺปเวทิตํ  ธมฺมวินยํ  สวนาย  โน  อลภนฺโต
โอกฺกมติ  นิยามํ  กุสเลสุ  ธมฺเมสุ  สมฺมตฺตํ  อิมํ  ปุคฺคลํ  ปฏิจฺจ ภควตา
ธมฺมเทสนา    อนุญฺาตา   อิมญฺจ   ปน   ปุคฺคลํ   ปฏิจฺจ   อญฺเสมฺปิ
ธมฺโม   เทเสตพฺโพ   ฯ   อิเม   ตโย   คิลานูปมา   ปุคฺคลา  สนฺโต
สํวิชฺชมานา โลกสฺมึ ฯ
     [๘๗]   กตโม   จ  ปุคฺคโล  กายสกฺขี  อิเธกจฺโจ  ปุคฺคโล  อฏฺ
วิโมกฺเข   กาเยน   ผุสิตฺวา   วิหรติ  ปญฺาย  จสฺส  ทิสฺวา  เอกจฺเจ
อาสวา ปริกฺขีณา โหนฺติ อยํ วุจฺจติ ปุคฺคโล กายสกฺขี ฯ
     {๘๗.๑}   กตโม  จ  ปุคฺคโล  ทิฏฺิปฺปตฺโต  อิเธกจฺโจ ปุคฺคโล อิทํ
ทุกฺขนฺติ   ยถาภูตํ   ปชานาติ   อยํ   ทุกฺขสมุทโยติ   ยถาภูตํ  ปชานาติ
อยํ   ทุกฺขนิโรโธติ   ยถาภูตํ  ปชานาติ  อยํ  ทุกฺขนิโรธคามินี  ปฏิปทาติ
ยถาภูตํ   ปชานาติ   ตถาคตปฺปเวทิตา  จสฺส  ธมฺมา  ปญฺาย  โวทิฏฺา
โหนฺติ   โวจริตา   ปญฺาย  จสฺส  ทิสฺวา  เอกจฺเจ  อาสวา  ปริกฺขีณา
โหนฺติ อยํ วุจฺจติ ปุคฺคโล ทิฏฺิปฺปตฺโต ฯ
     {๘๗.๒}   กตโม  จ  ปุคฺคโล  สทฺธาวิมุตฺโต อิเธกจฺโจ ปุคฺคโล อิทํ
ทุกฺขนฺติ   ยถาภูตํ   ปชานาติ   ฯเปฯ   ตถาคตปฺปเวทิตา  จสฺส  ธมฺมา
ปญฺาย   โวทิฏฺา   โหนฺติ  โวจริตา  ปญฺาย  จสฺส  ทิสฺวา  เอกจฺเจ
อาสวา  ปริกฺขีณา  โหนฺติ  โน  จ  โข  ยถา  ทิฏฺิปฺปตฺตสฺส  อยํ วุจฺจติ
ปุคฺคโล สทฺธาวิมุตฺโต ฯ
     [๘๘]   กตโม    จ   ปุคฺคโล   คูถภาณี   อิเธกจฺโจ   ปุคฺคโล
มุสาวาที   โหติ   สภคฺคโต   วา   ปริสคฺคโต  วา  าติมชฺฌคโต  วา
ปูคมชฺฌคโต   วา   ราชกุลมชฺฌคโต   วา   อภินีโต   สกฺขิปุฏฺโ  เอหิ
โภ  ปุริส  ยํ  ชานาสิ  ตํ  วเทหีติ  โส  อชานํ  วา อาห ๑- ชานามีติ
ชานํ  วา  อาห  น  ชานามีติ  อปสฺสํ  วา  อาห  ปสฺสามีติ  ปสฺสํ  วา
อาห  น  ปสฺสามีติ  อิติ  อตฺตเหตุ  วา  ปรเหตุ  วา  อามิสกิญฺจิกฺขเหตุ
@เชิงอรรถ:  ยุ. อหํ ฯ
วา สมฺปชานมุสา ภาสิตา โหติ อยํ วุจฺจติ ปุคฺคโล คูถภาณี ฯ
     {๘๘.๑}   กตโม  จ  ปุคฺคโล ปุปฺผภาณี อิเธกจฺโจ ปุคฺคโล มุสาวาทํ
ปหาย   มุสาวาทา   ปฏิวิรโต   โหติ   สภคฺคโต  วา  ปริสคฺคโต  วา
าติมชฺฌคโต   วา   ปูคมชฺฌคโต   วา   ราชกุลมชฺฌคโต  วา  อภินีโต
สกฺขิปุฏฺโ  เอหิ  โภ  ปุริส  ยํ  ชานาสิ  ตํ วเทหีติ โส อชานํ วา อาห
น  ชานามีติ  ชานํ  วา  อาห ชานามีติ อปสฺสํ วา อาห น ปสฺสามีติ ปสฺสํ
วา  อาห  ปสฺสามีติ  อิติ  อตฺตเหตุ  วา  ปรเหตุ  วา อามิสกิญฺจิกฺขเหตุ
วา น สมฺปชานมุสา ภาสิตา โหติ อยํ วุจฺจติ ปุคฺคโล ปุปฺผภาณี ฯ
     {๘๘.๒}   กตโม  จ  ปุคฺคโล  มธุภาณี  อิเธกจฺโจ ปุคฺคโล ยา สา
วาจา   เนฬา   กณฺณสุขา   เปมนียา   หทยงฺคมา   โปรี  พหุชนกนฺตา
พหุชนมนาปา   ตถารูปึ   วาจํ   ภาสิตา   โหติ   อยํ  วุจฺจติ  ปุคฺคโล
มธุภาณี ฯ
     [๘๙]   กตโม   จ   ปุคฺคโล   อรุกูปมจิตฺโต  อิเธกจฺโจ  ปุคฺคโล
โกธโน  โหติ  อุปายาสพหุโล  อปฺปมฺปิ  วุตฺโต  สมาโน  อภิสชฺชติ กุปฺปติ
พฺยาปชฺชติ    ปติฏฺียติ    โกปญฺจ   โทสญฺจ   อปฺปจฺจยญฺจ   ปาตุกโรติ
เสยฺยถาปิ  นาม  ทุฏฺารุโก  กฏฺเน  วา  กลาย วา ฆฏฺฏิโต ภิยฺโยโส
มตฺตาย   อาสวํ   เทติ   เอวเมว  อิเธกจฺโจ  ปุคฺคโล  โกธโน  โหติ
อุปายาสพหุโล   อปฺปมฺปิ   วุตฺโต  สมาโน  อภิสชฺชติ  กุปฺปติ  พฺยาปชฺชติ
ปติฏฺียติ   โกปญฺจ   โทสญฺจ   อปฺปจฺจยญฺจ   ปาตุกโรติ   อยํ   วุจฺจติ
ปุคฺคโล อรุกูปมจิตฺโต ฯ
     {๘๙.๑}   กตโม    จ    ปุคฺคโล   วิชฺชูปมจิตฺโต   อิเธกจฺโจ
ปุคฺคโล    อิทํ    ทุกฺขนฺติ    ยถาภูตํ   ปชานาติ   อยํ   ทุกฺขสมุทโยติ
ยถาภูตํ    ปชานาติ    อยํ   ทุกฺขนิโรโธติ   ยถาภูตํ   ปชานาติ   อยํ
ทุกฺขนิโรธคามินี    ปฏิปทาติ    ยถาภูตํ   ปชานาติ   เสยฺยถาปิ   นาม
จกฺขุมา   ปุริโส   รตฺตนฺธการติมิสาย   วิชฺชนฺตริกาย   รูปานิ  ปสฺเสยฺย
เอวเมว   อิเธกจฺโจ   ปุคฺคโล   อิทํ  ทุกฺขนฺติ  ยถาภูตํ  ปชานาติ  อยํ
ทุกฺขสมุทโยติ   ยถาภูตํ  ปชานาติ  อยํ  ทุกฺขนิโรโธติ  ยถาภูตํ  ปชานาติ
อยํ    ทุกฺขนิโรธคามินี   ปฏิปทาติ   ยถาภูตํ   ปชานาติ   อยํ   วุจฺจติ
ปุคฺคโล วิชฺชูปมจิตฺโต ฯ
     {๘๙.๒}   กตโม    จ    ปุคฺคโล   วชิรูปมจิตฺโต   อิเธกจฺโจ
ปุคฺคโล   อาสวานํ   ขยา   อนาสวํ  เจโตวิมุตฺตึ  ปญฺาวิมุตฺตึ  ทิฏฺเว
ธมฺเม    สยํ   อภิญฺา   สจฺฉิกตฺวา   อุปสมฺปชฺช   วิหรติ   เสยฺยถาปิ
นาม   วชิรสฺส   นตฺถิ   กิญฺจิ  อเภชฺชํ  นาม  มณิ  วา  ปาสาโณ  วา
เอวเมว   อิเธกจฺโจ   ปุคฺคโล   อาสวานํ  ขยา  อนาสวํ  เจโตวิมุตฺตึ
ปญฺาวิมุตฺตึ   ทิฏฺเว   ธมฺเม   สยํ   อภิญฺา   สจฺฉิกตฺวา  อุปสมฺปชฺช
วิหรติ อยํ วุจฺจติ ปุคฺคโล วชิรูปมจิตฺโต ฯ
     [๙๐]   กตโม   จ   ปุคฺคโล   อนฺโธ   อิเธกจฺจสฺส   ปุคฺคลสฺส
ตถารูปํ   จกฺขุ   น   โหติ   ยถารูเปน   จกฺขุนา  อนธิคตํ  วา  โภคํ
อธิคจฺเฉยฺย   อธิคตํ   วา   โภคํ   ผาตึ  กเรยฺย  ตถารูปมฺปิสฺส  จกฺขุ
น    โหติ    ยถารูเปน    จกฺขุนา   กุสลากุสเล   ธมฺเม   ชาเนยฺย
สาวชฺชานวชฺเช    ธมฺเม    ชาเนยฺย   หีนปฺปณีเต   ธมฺเม   ชาเนยฺย
กณฺหสุกฺกสปฺปฏิภาเค ธมฺเม ชาเนยฺย อยํ วุจฺจติ ปุคฺคโล อนฺโธ ฯ
     {๙๐.๑}   กตโม จ ปุคฺคโล เอกจกฺขุ อิเธกจฺจสฺส ปุคฺคลสฺส ตถารูปํ จกฺขุ
โหติ  ยถารูเปน  จกฺขุนา  อนธิคตํ  วา  โภคํ  อธิคจฺเฉยฺย  อธิคตํ  วา
โภคํ  ผาตึ  กเรยฺย  ตถารูปมฺปิสฺส  จกฺขุ  น  โหติ  ยถารูเปน  จกฺขุนา
กุสลากุสเล    ธมฺเม   ชาเชยฺย   สาวชฺชานวชฺเช   ธมฺเม   ชาเนยฺย
หีนปฺปณีเต   ธมฺเม   ชาเนยฺย   กณฺหสุกฺกสปฺปฏิภาเค   ธมฺเม  ชาเนยฺย
อยํ วุจฺจติ ปุคฺคโล เอกจกฺขุ ฯ
     {๙๐.๒}   กตโม   จ   ปุคฺคโล  ทฺวิจกฺขุ  อิเธกจฺจสฺส  ปุคฺคลสฺส
ตถารูปํ  จกฺขุ  โหติ  ยถารูเปน  จกฺขุนา  อนธิคตํ  วา โภคํ อธิคจฺเฉยฺย
อธิคตํ  วา  โภคํ  ผาตึ  กเรยฺย  ตถารูปมฺปิสฺส  จกฺขุ  โหติ  ยถารูเปน
จกฺขุนา  กุสลากุสเล  ธมฺเม  ชาเนยฺย  สาวชฺชานวชฺเช  ธมฺเม ชาเนยฺย
หีนปฺปณีเต   ธมฺเม   ชาเนยฺย   กณฺหสุกฺกสปฺปฏิภาเค   ธมฺเม  ชาเนยฺย
อยํ วุจฺจติ ปุคฺคโล ทฺวิจกฺขุ ฯ
     [๙๑]   กตโม   จ   ปุคฺคโล   อวกุชฺชปญฺโ  อิเธกจฺโจ  ปุคฺคโล
อารามํ    คนฺตฺวา   โหติ   อภิกฺขณํ   ภิกฺขูนํ   สนฺติเก   ธมฺมสฺสวนาย
ตสฺส  ภิกฺขู  ธมฺมํ  เทเสนฺติ  อาทิกลฺยาณํ  มชฺเฌกลฺยาณํ ปริโยสานกลฺยาณํ
สาตฺถํ      สพฺยญฺชนํ      เกวลปริปุณฺณํ      ปริสุทฺธํ      พฺรหฺมจริยํ
ปกาเสนฺติ   โส   ตสฺมึ   อาสเน  นิสินฺโน  ตสฺสา  กถาย  เนว  อาทึ
มนสิกโรติ   น   มชฺฌํ  มนสิกโรติ  น  ปริโยสานํ  มนสิกโรติ  วุฏฺิโตปิ
ตมฺหา   อาสนา   ตสฺสา   กถาย   เนว   อาทึ  มนสิกโรติ  น  มชฺฌํ
มนสิกโรติ    น   ปริโยสานํ   มนสิกโรติ   เสยฺยถาปิ   นาม   กุมฺโภ
นิกุชฺโช   ตตฺถ   อุทกํ   อาสิตฺตํ   วิวตฺตติ   โน   สณฺาติ   เอวเมว
อิเธกจฺโจ   ปุคฺคโล   อารามํ  คนฺตฺวา  โหติ  อภิกฺขณํ  ภิกฺขูนํ  สนฺติเก
ธมฺมสฺสวนาย   ตสฺส   ภิกฺขู  ธมฺมํ  เทเสนฺติ  อาทิกลฺยาณํ  มชฺเฌกลฺยาณํ
ปริโยสานกลฺยาณํ     สาตฺถํ     สพฺยญฺชนํ     เกวลปริปุณฺณํ    ปริสุทฺธํ
พฺรหฺมจริยํ   ปกาเสนฺติ   โส   ตสฺมึ   อาสเน  นิสินฺโน  ตสฺสา  กถาย
เนว  อาทึ  มนสิกโรติ  น  มชฺฌํ  มนสิกโรติ  น  ปริโยสานํ  มนสิกโรติ
วุฏฺิโตปิ   ตมฺหา   อาสนา   ตสฺสา   กถาย   เนว  อาทึ  มนสิกโรติ
น   มชฺฌํ   มนสิกโรติ  น  ปริโยสานํ  มนสิกโรติ  อยํ  วุจฺจติ  ปุคฺคโล
อวกุชฺชปญฺโ ฯ
     {๙๑.๑}   กตโม  จ  ปุคฺคโล  อุจฺจงฺคปญฺโ  อิเธกจฺโจ  ปุคฺคโล
อารามํ    คนฺตฺวา   โหติ   อภิกฺขณํ   ภิกฺขูนํ   สนฺติเก   ธมฺมสฺสวนาย
ตสฺส     ภิกฺขู     ธมฺมํ     เทเสนฺติ    อาทิกลฺยาณํ    มชฺเฌกลฺยาณํ
ปริโยสานกลฺยาณํ     สาตฺถํ     สพฺยญฺชนํ     เกวลปริปุณฺณํ    ปริสุทฺธํ
พฺรหฺมจริยํ  ปกาเสนฺติ  โส  ตสฺมึ  อาสเน  นิสินฺโน ตสฺสา กถาย อาทิมฺปิ
มนสิกโรติ   มชฺฌมฺปิ   มนสิกโรติ   ปริโยสานมฺปิ   มนสิกโรติ   วุฏฺิโต
จ  โข  ตมฺหา  อาสนา  ตสฺสา  กถาย  เนว  อาทึ  มนสิกโรติ น มชฺฌํ
มนสิกโรติ   น   ปริโยสานํ   มนสิกโรติ   เสยฺยถาปิ   นาม   ปุริสสฺส
อุจฺจงฺเคปิ    นานาขชฺชกานิ    อากิณฺณานิ    ติลา   ตณฺฑุลา   โมทกา
พทรา  โส  ตมฺหา  อาสนา  วุฏฺหนฺโต  สติสมฺโมสา  ปกิเรยฺย เอวเมว
อิเธกจฺโจ   ปุคฺคโล   อารามํ  คนฺตฺวา  โหติ  อภิกฺขณํ  ภิกฺขูนํ  สนฺติเก
ธมฺมสฺสวนาย   ตสฺส   ภิกฺขู  ธมฺมํ  เทเสนฺติ  อาทิกลฺยาณํ  มชฺเฌกลฺยาณํ
ปริโยสานกลฺยาณํ     สาตฺถํ     สพฺยญฺชนํ     เกวลปริปุณฺณํ    ปริสุทฺธํ
พฺรหฺมจริยํ   ปกาเสนฺติ   โส   ตสฺมึ   อาสเน  นิสินฺโน  ตสฺสา  กถาย
อาทิมฺปิ   มนสิกโรติ   มชฺฌมฺปิ   มนสิกโรติ   ปริโยสานมฺปิ   มนสิกโรติ
วุฏฺิโต  จ  โข  ตมฺหา  อาสนา  ตสฺสา  กถาย  เนว  อาทึ มนสิกโรติ
น   มชฺฌํ   มนสิกโรติ  น  ปริโยสานํ  มนสิกโรติ  อยํ  วุจฺจติ  ปุคฺคโล
อุจฺจงฺคปญฺโ ฯ
     {๙๑.๒}   กตโม   จ   ปุคฺคโล   ปุถุปญฺโ  อิเธกจฺโจ  ปุคฺคโล
อารามํ   คนฺตฺวา   โหติ  อภิกฺขณํ  ภิกฺขูนํ  สนฺติเก  ธมฺมสฺสวนาย  ตสฺส
ภิกฺขู   ธมฺมํ   เทเสนฺติ   อาทิกลฺยาณํ   มชฺเฌกลฺยาณํ  ปริโยสานกลฺยาณํ
สาตฺถํ    สพฺยญฺชนํ    เกวลปริปุณฺณํ   ปริสุทฺธํ   พฺรหฺมจริยํ   ปกาเสนฺติ
โส   ตสฺมึ   อาสเน   นิสินฺโน   ตสฺสา   กถาย   อาทิมฺปิ  มนสิกโรติ
มชฺฌมฺปิ    มนสิกโรติ    ปริโยสานมฺปิ   มนสิกโรติ   วุฏฺิโตปิ   ตมฺหา
อาสนา   ตสฺสา    กถาย   อาทิมฺปิ   มนสิกโรติ   มชฺฌมฺปิ  มนสิกโรติ
ปริโยสานมฺปิ   มนสิกโรติ   เสยฺยถาปิ   นาม   กุมฺโภ  อุกฺกุชฺโช  ตตฺถ
อุทกํ   อาสิตฺตํ   สณฺาติ   โน  วิวตฺตติ  เอวเมว  อิเธกจฺโจ  ปุคฺคโล
อารามํ   คนฺตฺวา   โหติ  อภิกฺขณํ  ภิกฺขูนํ  สนฺติเก  ธมฺมสฺสวนาย  ตสฺส
ภิกฺขู   ธมฺมํ   เทเสนฺติ   อาทิกลฺยาณํ   มชฺเฌกลฺยาณํ  ปริโยสานกลฺยาณํ
สาตฺถํ    สพฺยญฺชนํ    เกวลปริปุณฺณํ   ปริสุทฺธํ   พฺรหฺมจริยํ   ปกาเสนฺติ
โส   ตสฺมึ   อาสเน   นิสินฺโน   ตสฺสา   กถาย   อาทิมฺปิ  มนสิกโรติ
มชฺฌมฺปิ    มนสิกโรติ    ปริโยสานมฺปิ   มนสิกโรติ   วุฏฺิโตปิ   ตมฺหา
อาสนา   ตสฺสา   กถาย   อาทิมฺปิ   มนสิกโรติ   มชฺฌมฺปิ   มนสิกโรติ
ปริโยสานมฺปิ มนสิกโรติ อยํ วุจฺจติ ปุคฺคโล ปุถุปญฺโ ฯ
     [๙๒]   กตโม   จ   ปุคฺคโล  กาเมสุ  จ  ภเวสุ  จ  อวีตราโค
โสตาปนฺนสกทาคามิโน   อิเม   วุจฺจนฺติ   ปุคฺคลา   กาเมสุ  จ  ภเวสุ
จ   อวีตราคา   ฯ   กตโม   จ   ปุคฺคโล  กาเมสุ  วีตราโค  ภเวสุ
อวีตราโค    อนาคามี    อยํ   วุจฺจติ   ปุคฺคโล   กาเมสุ   วีตราโค
ภเวสุ อวีตราโค ฯ
     {๙๒.๑}   กตโม  จ  ปุคฺคโล  กาเมสุ จ ภเวสุ จ วีตราโค อรหา
อยํ วุจฺจติ ปุคฺคโล กาเมสุ จ ภเวสุ จ วีตราโค ฯ
     [๙๓]   กตโม   จ  ปุคฺคโล  ปาสาณเลขูปโม  อิเธกจฺโจ  ปุคฺคโล
อภิณฺหํ   กุชฺฌติ   โส   จ   ขฺวสฺส   โกโธ   จิรํ   ทีฆรตฺตํ   อนุเสติ
เสยฺยถาปิ   นาม   ปาสาเณ   เลขา   น  ขิปฺปํ  ลุชฺชติ  วาเตน  วา
อุทเกน   วา   จิรฏฺิติกา  โหติ  เอวเมว  อิเธกจฺโจ  ปุคฺคโล  อภิณฺหํ
กุชฺฌติ   โส   จ   ขฺวสฺส   โกโธ  จิรํ  ทีฆรตฺตํ  อนุเสติ  อยํ  วุจฺจติ
ปุคฺคโล ปาสาณเลขูปโม ฯ
     {๙๓.๑}   กตโม  จ  ปุคฺคโล  ปวีเลขูปโม  อิเธกจฺโจ  ปุคฺคโล
อภิณฺหํ   กุชฺฌติ   โส   จ   ขฺวสฺส   โกโธ  น  จิรํ  ทีฆรตฺตํ  อนุเสติ
เสยฺยถาปิ   นาม  ปวิยา  เลขา  ขิปฺปํ  ลุชฺชติ  วาเตน  วา  อุทเกน
วา   น   จิรฏฺิติกา   โหติ   เอวเมว   อิเธกจฺโจ   ปุคฺคโล  อภิณฺหํ
กุชฺฌติ   โส  จ  ขฺวสฺส  โกโธ  น  จิรํ  ทีฆรตฺตํ  อนุเสติ  อยํ  วุจฺจติ
ปุคฺคโล ปวีเลขูปโม ฯ
     {๙๓.๒}   กตโม    จ    ปุคฺคโล   อุทกเลขูปโม   อิเธกจฺโจ
ปุคฺคโล      อคาเฬฺหนปิ      วุจฺจมาโน     ผรุเสนปิ     วุจฺจมาโน
อมนาเปนปิ     วุจฺจมาโน     สํสนฺทติ     เจว     สนฺธียติ    เจว
สมฺโมทติ   เจว   เสยฺยถาปิ   นาม   อุทเก   เลขา   ขิปฺปํ   ลุชฺชติ
น   จิรฏฺิติกา   โหติ   เอวเมว   อิเธกจฺโจ   ปุคฺคโล   อคาเฬฺหนปิ
วุจฺจมาโน  ผรุเสนปิ  วุจฺจมาโน  อมนาเปนปิ  วุจฺจมาโน  สํสนฺทติ  เจว
สนฺธียติ เจว สมฺโมทติ เจว อยํ วุจฺจติ ปุคฺคโล อุทกเลขูปโม ฯ
                       ตตฺถ กตเม ตโย โปตฺถกูปมา ปุคฺคลา ฯ
     [๙๔]   ตโย   โปตฺถกา   นโวปิ   โปตฺถโก   ทุพฺพณฺโณ   เจว
โหติ   ทุกฺขสมฺผสฺโส   จ   อปฺปคฺโฆ  จ  มชฺฌิโมปิ  โปตฺถโก  ทุพฺพณฺโณ
เจว   โหติ   ทุกฺขสมฺผสฺโส   จ   อปฺปคฺโฆ   จ   ชิณฺโณปิ   โปตฺถโก
ทุพฺพณฺโณ   เจว   โหติ   ทุกฺขสมฺผสฺโส   จ  อปฺปคฺโฆ  จ  ฯ  ชิณฺณมฺปิ
โปตฺถกํ อุกฺขลิปริมชฺชนํ วา กโรนฺติ สงฺการกูเฏ วา นํ ฉฑฺเฑนฺติ ฯ
     [๙๕]   เอวเมว  ตโยเม  โปตฺถกูปมา  ปุคฺคลา  สนฺโต สํวิชฺชมานา
ภิกฺขูสุ  ฯ กตเม ตโย ฯ  นโว เจปิ ภิกฺขุ โหติ ทุสฺสีโล ปาปธมฺโม อิทมสฺส
ทุพฺพณฺณตาย    เสยฺยถาปิ   โส   โปตฺถโก   ทุพฺพณฺโณ   ตถูปโม   อยํ
ปุคฺคโล   เย   โข   ปนสฺส   เสวนฺติ  ภชนฺติ  ปยิรุปาสนฺติ  ทิฏฺานุคตึ
อาปชฺชนฺติ    เตสนฺตํ    โหติ   ทีฆรตฺตํ   อหิตาย   ทุกฺขาย   อิทมสฺส
ทุกฺขสมฺผสฺสตาย   เสยฺยถาปิ   โส   โปตฺถโก   ทุกฺขสมฺผสฺโส   ตถูปโม
อยํ   ปุคฺคโล   เยสํ   โข   ปน   ปฏิคฺคณฺหาติ  จีวรปิณฺฑปาตเสนาสน-
คิลานปจฺจยเภสชฺชปริกฺขารํ      เตสนฺตํ     น     มหปฺผลํ     โหติ
น    มหานิสํสํ    อิทมสฺส   อปฺปคฺฆตาย   เสยฺยถาปิ   โส   โปตฺถโก
อปฺปคฺโฆ   ตถูปโม   อยํ   ปุคฺคโล  มชฺฌิโม  เจปิ  ภิกฺขุ  โหติ  ฯเปฯ
เถโร   เจปิ   ภิกฺขุ   โหติ  ทุสฺสีโล  ปาปธมฺโม  อิทมสฺส  ทุพฺพณฺณตาย
เสยฺยถาปิ    โส    โปตฺถโก    ทุพฺพณฺโณ    ตถูปโม   อยํ   ปุคฺคโล
เย   โข   ปนสฺส  เสวนฺติ  ภชนฺติ  ปยิรุปาสนฺติ  ทิฏฺานุคตึ  อาปชฺชนฺติ
เตสนฺตํ   โหติ   ทีฆรตฺตํ   อหิตาย   ทุกฺขาย  อิทมสฺส  ทุกฺขสมฺผสฺสตาย
เสยฺยถาปิ   โส   โปตฺถโก  ทุกฺขสมฺผสฺโส  ตถูปโม  อยํ  ปุคฺคโล  เยสํ
โข   ปน   ปฏิคฺคณฺหาติ   จีวรปิณฺฑปาตเสนาสนคิลานปจฺจยเภสชฺชปริกฺขารํ
เตสนฺตํ   น    มหปฺผลํ   โหติ   น   มหานิสํสํ   อิทมสฺส  อปฺปคฺฆตาย
เสยฺยถาปิ    โส    โปตฺถโก    อปฺปคฺโฆ    ตถูปโม   อยํ   ปุคฺคโล
เอวรูโป    เจ    เถโร   ภิกฺขุ   สงฺฆมชฺเฌ   ภณติ   ตเมนํ   ภิกฺขู
เอวมาหํสุ   กึนุ   โข   ตุยฺหํ   พาลสฺส   อพฺยตฺตสฺส   ภณิเตน  ตฺวมฺปิ
นาม   ภณิตพฺพํ   มญฺสีติ   โส   กุปฺปิโต   อนตฺตมโน   ตถารูปึ  วาจํ
นิจฺฉาเรติ  ยถารูปาย  วาจาย สงฺโฆ อุกฺขิปติ สงฺการกูเฏว นํ โปตฺถกํ  ฯ
อิเม ตโย โปตฺถกูปมา ปุคฺคลา สนฺโต สํวิชฺชมานา ภิกฺขูสุ ฯ
                    ตตฺถ กตเม ตโย กาสิกวตฺถูปมา ปุคฺคลา ฯ
     [๙๖]   ตีณิ    กาสิกวตฺถานิ    นวมฺปิ    กาสิกวตฺถํ   วณฺณวนฺตํ
เจว     โหติ    สุขสมฺผสฺสญฺจ    มหคฺฆญฺจ    มชฺฌิมมฺปิ    กาสิกวตฺถํ
วณฺณวนฺตํ     เจว     โหติ     สุขสมฺผสฺสญฺจ    มหคฺฆญฺจ    ชิณฺณมฺปิ
กาสิกวตฺถํ    วณฺณวนฺตํ    เจว   โหติ   สุขสมฺผสฺสญฺจ   มหคฺฆญฺจ   ฯ
ชิณฺณมฺปิ    กาสิกวตฺถํ    รตนปลิเวนํ    วา   กโรนฺติ   คนฺธกรณฺฑเก
วา นํ นิกฺขิปนฺติ ฯ
     [๙๗]   เอวเมว    ตโยเม   กาสิกวตฺถูปมา   ปุคฺคลา   สนฺโต
สํวิชฺชมานา ภิกฺขูสุ ฯ กตเม ตโย ฯ
     {๙๗.๑}   นโว      เจปิ      ภิกฺขุ     โหติ     สีลวา
กลฺยาณธมฺโม    อิทมสฺส    สุวณฺณตาย    เสยฺยถาปิ    ตํ   กาสิกวตฺถํ
วณฺณวนฺตํ   ตถูปโม   อยํ   ปุคฺคโล   เย  โข  ปนสฺส  เสวนฺติ  ภชนฺติ
ปยิรุปาสนฺติ   ทิฏฺานุคตึ   อาปชฺชนฺติ   เตสนฺตํ   โหติ  ทีฆรตฺตํ  หิตาย
สุขาย     อิทมสฺส    สุขสมฺผสฺสตาย    เสยฺยถาปิ    ตํ    กาสิกวตฺถํ
สุขสมฺผสฺสํ   ตถูปโม   อยํ   ปุคฺคโล   เยสํ   โข   ปน   ปฏิคฺคณฺหาติ
จีวรปิณฺฑปาตเสนาสนคิลานปจฺจยเภสชฺชปริกฺขารํ      เตสนฺตํ     มหปฺผลํ
โหติ    มหานิสํสํ   อิทมสฺส   มหคฺฆตาย   เสยฺยถาปิ   ตํ   กาสิกวตฺถํ
มหคฺฆํ ตถูปโม อยํ ปุคฺคโล
     {๙๗.๒}   มชฺฌิโม  เจปิ  ภิกฺขุ ฯเปฯ เถโร เจปิ ภิกฺขุ โหติ สีลวา
กลฺยาณธมฺโม    อิทมสฺส    สุวณฺณตาย    เสยฺยถาปิ    ตํ   กาสิกวตฺถํ
วณฺณวนฺตํ   ตถูปโม   อยํ   ปุคฺคโล   เย  โข  ปนสฺส  เสวนฺติ  ภชนฺติ
ปยิรุปาสนฺติ   ทิฏฺานุคตึ   อาปชฺชนฺติ   เตสนฺตํ   โหติ  ทีฆรตฺตํ  หิตาย
สุขาย   อิทมสฺส   สุขสมฺผสฺสตาย  เสยฺยถาปิ  ตํ  กาสิกวตฺถํ  สุขสมฺผสฺสํ
ตถูปโม  อยํ  ปุคฺคโล  เยสํ  โข  ปน ปฏิคฺคณฺหาติ จีวรปิณฺฑปาตเสนาสน-
คิลานปจฺจยเภสชฺชปริกฺขารํ   เตสนฺตํ  มหปฺผลํ  โหติ  มหานิสํสํ  อิทมสฺส
มหคฺฆตาย เสยฺยถาปิ ตํ กาสิกวตฺถํ มหคฺฆํ ตถูปโม อยํ ปุคฺคโล
     {๙๗.๓}   เอวรูโป  เจ  เถโร  ภิกฺขุ สงฺฆมชฺเฌ ภณติ ตเมนํ ภิกฺขู
เอวมาหํสุ  อปฺปสทฺทา  อายสฺมนฺโต  โหถ  เถโร  ภิกฺขุ  ธมฺมญฺจ วินยญฺจ
ภณตีติ  ตสฺส  ตํ  วจนํ  อาเธยฺยํ  คจฺฉติ คนฺธกรณฺฑเกว นํ  กาสิกวตฺถํ ฯ
อิเม ตโย กาสิกวตฺถูปมา ปุคฺคลา สนฺโต สํวิชฺชมานา ภิกฺขูสุ ฯ
     [๙๘]   กตโม   จ   ปุคฺคโล   สุปฺปเมยฺโย   อิเธกจฺโจ  ปุคฺคโล
อุทฺธโต    โหติ    อุนฺนโฬ   จปโล   มุขโร   วิกิณฺณวาโจ   มุฏฺสฺสติ
อสมฺปชาโน    อสมาหิโต   วิพฺภนฺตจิตฺโต   ปากฏินฺทฺริโย   อยํ   วุจฺจติ
ปุคฺคโล   สุปฺปเมยฺโย   ฯ  กตโม  จ  ปุคฺคโล  ทุปฺปเมยฺโย  อิเธกจฺโจ
ปุคฺคโล   อนุทฺธโต   โหติ   อนุนฺนโฬ   อจปโล  อมุขโร  อวิกิณฺณวาโจ
อุปฏฺิตสฺสติ   สมฺปชาโน   สมาหิโต   เอกคฺคจิตฺโต   สํวุตินฺทฺริโย   อยํ
วุจฺจติ ปุคฺคโล ทุปฺปเมยฺโย ฯ
     {๙๘.๑}   กตโม   จ  ปุคฺคโล  อปฺปเมยฺโย  อิเธกจฺโจ  ปุคฺคโล
อาสวานํ   ขยา   อนาสวํ   เจโตวิมุตฺตึ   ปญฺาวิมุตฺตึ  ทิฏฺเว  ธมฺเม
สยํ   อภิญฺา   สจฺฉิกตฺวา   อุปสมฺปชฺช   วิหรติ   อยํ  วุจฺจติ  ปุคฺคโล
อปฺปเมยฺโย ฯ
     [๙๙]   กตโม   จ   ปุคฺคโล   น   เสวิตพฺโพ  น  ภชิตพฺโพ  น
ปยิรุปาสิตพฺโพ   อิเธกจฺโจ   ปุคฺคโล   หีโน   โหติ   สีเลน  สมาธินา
ปญฺาย    เอวรูโป    ปุคฺคโล   น   เสวิตพฺโพ   น   ภชิตพฺโพ   น
ปยิรุปาสิตพฺโพ อญฺตฺร อนุทฺทยา อญฺตฺร อนุกมฺปา ฯ
     {๙๙.๑}   กตโม  จ  ปุคฺคโล  เสวิตพฺโพ  ภชิตพฺโพ ปยิรุปาสิตพฺโพ
อิเธกจฺโจ   ปุคฺคโล  สทิโส  โหติ  สีเลน  สมาธินา  ปญฺาย  เอวรูโป
ปุคฺคโล   เสวิตพฺโพ   ภชิตพฺโพ  ปยิรุปาสิตพฺโพ  ฯ  ตํ  กิสฺส  เหตุ  ฯ
สีลสามญฺคตานํ  สตํ  สีลกถา  จ  โน  ภวิสฺสติ  สา จ โน ผาสุ ภวิสฺสติ
สา   จ   โน   ปวตฺตินี  ภวิสฺสติ  สมาธิสามญฺคตานํ  สตํ   สมาธิกถา
จ  โน  ภวิสฺสติ  สา  จ  โน  ผาสุ  ภวิสฺสติ สา จ โน ปวตฺตินี ภวิสฺสติ
ปญฺาสามญฺคตานํ    สตํ   ปญฺากถา   จ   โน   ภวิสฺสติ   สา   จ
โน   ผาสุ  ภวิสฺสติ  สา  จ  โน  ปวตฺตินี  ภวิสฺสตีติ  ตสฺมา  เอวรูโป
ปุคฺคโล เสวิตพฺโพ ภชิตพฺโพ ปยิรุปาสิตพฺโพ ฯ
     {๙๙.๒}   กตโม   จ   ปุคฺคโล  สกฺกตฺวา  ครุกตฺวา  เสวิตพฺโพ
ภชิตพฺโพ   ปยิรุปาสิตพฺโพ   อิเธกจฺโจ   ปุคฺคโล   อธิโก  โหติ  สีเลน
สมาธินา     ปญฺาย    เอวรูโป    ปุคฺคโล    สกฺกตฺวา    ครุกตฺวา
เสวิตพฺโพ   ภชิตพฺโพ   ปยิรุปาสิตพฺโพ  ฯ  ตํ  กิสฺส  เหตุ  ฯ  อปริปูรํ
วา   สีลกฺขนฺธํ   ปริปูเรสฺสามิ   ปริปูรํ   วา   สีลกฺขนฺธํ   ตตฺถ  ตตฺถ
ปญฺาย    อนุคฺคหิสฺสามิ    อปริปูรํ   วา   สมาธิกฺขนฺธํ   ปริปูเรสฺสามิ
ปริปูรํ    วา    สมาธิกฺขนฺธํ    ตตฺถ   ตตฺถ   ปญฺาย   อนุคฺคหิสฺสามิ
อปริปูรํ   วา   ปญฺากฺขนฺธํ   ปริปูเรสฺสามิ   ปริปูรํ   วา  ปญฺากฺขนฺธํ
ตตฺถ    ตตฺถ   ปญฺาย   อนุคฺคหิสฺสามีติ   ตสฺมา   เอวรูโป   ปุคฺคโล
สกฺกตฺวา ครุกตฺวา เสวิตพฺโพ ภชิตพฺโพ ปยิรุปาสิตพฺโพ ฯ
     [๑๐๐]   กตโม   จ   ปุคฺคโล   ชิคุจฺฉิตพฺโพ   น  เสวิตพฺโพ  น
ภชิตพฺโพ   น   ปยิรุปาสิตพฺโพ   อิเธกจฺโจ   ปุคฺคโล   ทุสฺสีโล   โหติ
ปาปธมฺโม     อสุจิสงฺกสฺสรสมาจาโร     ปฏิจฺฉนฺนกมฺมนฺโต    อสฺสมโณ
สมณปฏิญฺโ    อพฺรหฺมจารี    พฺรหฺมจารีปฏิญฺโ    อนฺโตปูติ   อวสฺสุโต
กสมฺพุกชาโต  เอวรูโป  ปุคฺคโล  ชิคุจฺฉิตพฺโพ  น  เสวิตพฺโพ น ภชิตพฺโพ
น  ปยิรุปาสิตพฺโพ  ฯ  ตํ  กิสฺส  เหตุ  ฯ  กิญฺจาปิ  เอวรูปสฺส ปุคฺคลสฺส
น    ทิฏฺานุคตึ    อาปชฺชติ    อถ   โข   นํ   ปาปโก   กิตฺติสทฺโท
อพฺภุคฺคจฺฉติ    ปาปมิตฺโต   ปุริสปุคฺคโล   ปาปสหาโย   ปาปสมฺปวงฺโกติ
เสยฺยถาปิ   นาม   อหิ   คูถคโต   กิญฺจาปิ   น   ฑํสติ  อถ  โข  นํ
มกฺเขติ   เอวเมว   กิญฺจาปิ   เอวรูปสฺส   ปุคฺคลสฺส   น   ทิฏฺานุคตึ
อาปชฺชติ   อถ   โข   นํ  ปาปโก  กิตฺติสทฺโท  อพฺภุคฺคจฺฉติ  ปาปมิตฺโต
ปุริสปุคฺคโล   ปาปสหาโย   ปาปสมฺปวงฺโกติ   ตสฺมา  เอวรูโป  ปุคฺคโล
ชิคุจฺฉิตพฺโพ น เสวิตพฺโพ น ภชิตพฺโพ น ปยิรุปาสิตพฺโพ ฯ
     {๑๐๐.๑}   กตโม  จ  ปุคฺคโล  อชฺฌุเปกฺขิตพฺโพ  น  เสวิตพฺโพ น
ภชิตพฺโพ   น   ปยิรุปาสิตพฺโพ   อิเธกจฺโจ   ปุคฺคโล   โกธโน   โหติ
อุปายาสพหุโล   อปฺปมฺปิ   วุตฺโต  สมาโน  อภิสชฺชติ  กุปฺปติ  พฺยาปชฺชติ
ปติฏฺียติ    โกปญฺจ    โทสญฺจ   อปฺปจฺจยญฺจ   ปาตุกโรติ   เสยฺยถาปิ
นาม  ทุฏฺารุโก  กฏฺเน  วา  กลาย  วา  ฆฏฺฏิโต  ภิยฺโยโส มตฺตาย
อาสวํ  เทติ  เอวเมว  อิเธกจฺโจ  ปุคฺคโล  โกธโน โหติ อุปายาสพหุโล
อปฺปมฺปิ   วุตฺโต   สมาโน   อภิสชฺชติ   กุปฺปติ   พฺยาปชฺชติ   ปติฏฺียติ
โกปญฺจ    โทสญฺจ    อปฺปจฺจยญฺจ    ปาตุกโรติ    เสยฺยถาปิ    นาม
ตินฺทุกาลาตํ   กฏฺเน   วา   กลาย   วา  ฆฏฺฏิตํ  ภิยฺโยโส  มตฺตาย
จิจฺจิฏายติ   จิฏิจิฏายติ   เอวเมว   อิเธกจฺโจ  ปุคฺคโล  โกธโน  โหติ
อุปายาสพหุโล   อปฺปมฺปิ   วุตฺโต  สมาโน  อภิสชฺชติ  กุปฺปติ  พฺยาปชฺชติ
ปติฏฺียติ   โกปญฺจ   โทสญฺจ  อปฺปจฺจยญฺจ  ปาตุกโรติ  เสยฺยถาปิ  นาม
คูถกูโป  กฏฺเน  วา  กลาย  วา  ฆฏฺฏิโต  ภิยฺโยโส มตฺตาย ทุคฺคนฺโธ
โหติ   เอวเมว   อิเธกจฺโจ   ปุคฺคโล   โกธโน  โหติ  อุปายาสพหุโล
อปฺปมฺปิ   วุตฺโต   สมาโน   อภิสชฺชติ   กุปฺปติ   พฺยาปชฺชติ   ปติฏฺียติ
โกปญฺจ    โทสญฺจ    อปฺปจฺจยญฺจ    ปาตุกโรติ    เอวรูโป   ปุคฺคโล
อชฺฌุเปกฺขิตพฺโพ   น   เสวิตพฺโพ   น  ภชิตพฺโพ  น  ปยิรุปาสิตพฺโพ  ฯ
ตํ   กิสฺส  เหตุ  ฯ  อกฺโกเสยฺยปิ  มํ  ปริภาเสยฺยปิ  มํ  อนตฺถมฺปิ  เม
กเรยฺยาติ   ตสฺมา   เอวรูโป  ปุคฺคโล  อชฺฌุเปกฺขิตพฺโพ  น  เสวิตพฺโพ
น ภชิตพฺโพ น ปยิรุปาสิตพฺโพ ฯ
     {๑๐๐.๒}   กตโม  จ  ปุคฺคโล  เสวิตพฺโพ ภชิตพฺโพ ปยิรุปาสิตพฺโพ
อิเธกจฺโจ   ปุคฺคโล   สีลวา   โหติ   กลฺยาณธมฺโม  เอวรูโป  ปุคฺคโล
เสวิตพฺโพ   ภชิตพฺโพ   ปยิรุปาสิตพฺโพ  ฯ  ตํ  กิสฺส  เหตุ  ฯ  กิญฺจาปิ
เอวรูปสฺส   ปุคฺคลสฺส  น  ทิฏฺานุคตึ  อาปชฺชติ  อถ  โข  นํ  กลฺยาโณ
กิตฺติสทฺโท    อพฺภุคฺคจฺฉติ   กลฺยาณมิตฺโต   ปุริสปุคฺคโล   กลฺยาณสหาโย
กลฺยาณสมฺปวงฺโกติ   ตสฺมา   เอวรูโป   ปุคฺคโล   เสวิตพฺโพ  ภชิตพฺโพ
ปยิรุปาสิตพฺโพ ฯ
     [๑๐๑]   กตโม   จ   ปุคฺคโล   สีเลสุ   ปริปูรีการี   สมาธิสฺมึ
มตฺตโสการี    ปญฺาย    มตฺตโสการี    โสตาปนฺนสกทาคามิโน   อิเม
วุจฺจนฺติ    ปุคฺคลา   สีเลสุ   ปริปูรีการิโน   สมาธิสฺมึ   มตฺตโสการิโน
ปญฺาย   มตฺตโสการิโน  ฯ  กตโม  จ  ปุคฺคโล  สีเลสุ  จ  ปริปูรีการี
สมาธิสฺมิญฺจ      ปริปูรีการี     ปญฺาย     มตฺตโสการี     อนาคามี
อยํ   วุจฺจติ   ปุคฺคโล   สีเลสุ  จ  ปริปูรีการี  สมาธิสฺมิญฺจ  ปริปูรีการี
ปญฺาย   มตฺตโสการี   ฯ   กตโม  จ  ปุคฺคโล  สีเลสุ  จ  ปริปูรีการี
สมาธิสฺมิญฺจ    ปริปูรีการี    ปญฺาย    จ   ปริปูรีการี   อรหา   อยํ
วุจฺจติ    ปุคฺคโล   สีเลสุ   จ   ปริปูรีการี   สมาธิสฺมิญฺจ   ปริปูรีการี
ปญฺาย จ ปริปูรีการี ฯ
     [๑๐๒]   ตตฺถ  กตเม  ตโย  สตฺถาโร  อิเธกจฺโจ  สตฺถา  กามานํ
ปริญฺ   ปญฺาเปติ   น   รูปานํ   ปริญฺ   ปญฺาเปติ   น   เวทนานํ
ปริญฺ    ปญฺาเปติ    อิธ   ปเนกจฺโจ   สตฺถา   กามานญฺจ   ปริญฺ
ปญฺาเปติ    รูปานญฺจ    ปริญฺ   ปญฺาเปติ   น   เวทนานํ   ปริญฺ
ปญฺาเปติ   อิธ   ปเนกจฺโจ   สตฺถา   กามานญฺจ   ปริญฺ  ปญฺาเปติ
รูปานญฺจ ปริญฺ ปญฺาเปติ เวทนานญฺจ ปริญฺ ปญฺาเปติ ฯ
     {๑๐๒.๑}   ตตฺถ  ยฺวายํ  สตฺถา  กามานํ  ปริญฺ  ปญฺาเปติ  น
รูปานํ    ปริญฺ    ปญฺาเปติ    น    เวทนานํ   ปริญฺ   ปญฺาเปติ
รูปาวจรสมาปตฺติยา  ลาภี  สตฺถา  เตน  ทฏฺพฺโพ  ฯ ตตฺถ ยฺวายํ สตฺถา
กามานญฺจ    ปริญฺ    ปญฺาเปติ    รูปานญฺจ    ปริญฺ    ปญฺาเปติ
น    เวทนานํ    ปริญฺ    ปญฺาเปติ    อรูปาวจรสมาปตฺติยา   ลาภี
สตฺถา   เตน   ทฏฺพฺโพ   ฯ  ตตฺถ  ยฺวายํ  สตฺถา  กามานญฺจ  ปริญฺ
ปญฺาเปติ    รูปานญฺจ    ปริญฺ    ปญฺาเปติ    เวทนานญฺจ   ปริญฺ
ปญฺาเปติ    สมฺมาสมฺพุทฺโธ    สตฺถา    เตน   ทฏฺพฺโพ   ฯ   อิเม
ตโย สตฺถาโร ฯ
     [๑๐๓]   ตตฺถ   กตเม   อปเรปิ   ตโย   สตฺถาโร   อิเธกจฺโจ
สตฺถา   ทิฏฺเ   เจว   ธมฺเม   อตฺตานํ  สจฺจโต  เถตโต  ปญฺาเปติ
อภิสมฺปรายญฺจ     อตฺตานํ    สจฺจโต    เถตโต    ปญฺาเปติ    อิธ
ปเนกจฺโจ   สตฺถา   ทิฏฺเ   เจว   ธมฺเม  อตฺตานํ  สจฺจโต  เถตโต
ปญฺาเปติ   โน   จ   โข   อภิสมฺปรายํ   อตฺตานํ   สจฺจโต  เถตโต
ปญฺาเปติ   อิธ   ปเนกจฺโจ   สตฺถา   ทิฏฺเ   เจว  ธมฺเม  อตฺตานํ
สจฺจโต   เถตโต   น   ปญฺาเปติ   อภิสมฺปรายญฺจ   อตฺตานํ  สจฺจโต
เถตโต น ปญฺาเปติ ฯ
     {๑๐๓.๑}   ตตฺถ  ยฺวายํ  สตฺถา ทิฏฺเ เจว ธมฺเม อตฺตานํ สจฺจโต
เถตโต    ปญฺาเปติ    อภิสมฺปรายญฺจ    อตฺตานํ   สจฺจโต   เถตโต
ปญฺาเปติ   สสฺสตวาโท   สตฺถา   เตน   ทฏฺพฺโพ   ฯ  ตตฺถ  ยฺวายํ
สตฺถา  ทิฏฺเ  เจว  ธมฺเม  อตฺตานํ  สจฺจโต  เถตโต ปญฺาเปติ โน จ
โข   อภิสมฺปรายํ   อตฺตานํ  สจฺจโต  เถตโต  ปญฺาเปติ  อุจฺเฉทวาโท
สตฺถา   เตน  ทฏฺพฺโพ  ฯ  ตตฺถ  ยฺวายํ  สตฺถา  ทิฏฺเ  เจว  ธมฺเม
อตฺตานํ   สจฺจโต   เถตโต   น   ปญฺาเปติ   อภิสมฺปรายญฺจ  อตฺตานํ
สจฺจโต  เถตโต  น  ปญฺาเปติ  สมฺมาสมฺพุทฺโธ  สตฺถา เตน ทฏฺพฺโพ ฯ
อิเม อปเรปิ ตโย สตฺถาโร ฯ
                                         ติกนิทฺเทโส ฯ
                                           ----------


             เนื้อความพระไตรปิฎกฉบับภาษาบาลี อักษรไทย เล่มที่ ๓๖ หน้าที่ ๑๖๒-๑๘๐. https://84000.org/tipitaka/read/pali_read.php?B=36&A=3206&w=&modeTY=1              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=36&A=3206&modeTY=1              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=36.2&item=84&items=20              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=36&siri=29              ศึกษาอรรถกถานี้ได้ที่ :- https://84000.org/tipitaka/attha/attha.php?b=36&i=599              อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=55&A=1461              The Pali Atthakatha in Roman :- https://84000.org/tipitaka/atthapali/read_rm.php?B=55&A=1461              สารบัญพระไตรปิฎกเล่มที่ ๓๖ https://84000.org/tipitaka/read/?index_36 https://84000.org/tipitaka/english/?index_36

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]