บาลีพระไตรปิฎกเล่มที่ ๓๗ - พระอภิธรรมปิฎกเล่มที่ ๔

นิยตสฺส นิยามกถา [๑๕๒๑] นิยโต นิยามํ โอกฺกมตีติ ฯ อามนฺตา ฯ มิจฺฉตฺตนิยโต สมฺมตฺตนิยามํ โอกฺกมติ สมฺมตฺตนิยโต มิจฺฉตฺตนิยามํ โอกฺกมตีติ ฯ @เชิงอรรถ: ๑, ๒. ยุ. ม. ปฏิวิโนเทตฺวา

--------------------------------------------------------------------------------------------- หน้าที่ ๕๑๐.

น เหวํ วตฺตพฺเพ ฯเปฯ นิยโต นิยามํ โอกฺกมตีติ ฯ อามนฺตา ฯ ปุพฺเพ มคฺคํ ภาเวตฺวา ปจฺฉา นิยามํ โอกฺกมตีติ ฯ น เหวํ วตฺตพฺเพ ฯเปฯ ปุพฺเพ โสตาปตฺติมคฺคํ ภาเวตฺวา ปจฺฉา โสตาปตฺตินิยามํ โอกฺกมตีติ ฯ น เหวํ วตฺตพฺเพ ฯเปฯ ปุพฺเพ สกทาคามิมคฺคํ ฯเปฯ อนาคามิมคฺคํ ฯเปฯ อรหตฺตมคฺคํ ภาเวตฺวา ปจฺฉา อรหตฺตนิยามํ โอกฺกมตีติ ฯ น เหวํ วตฺตพฺเพ ฯเปฯ ปุพฺเพ สติปฏฺฐานํ ฯเปฯ สมฺมปฺปธานํ ฯเปฯ อิทฺธิปาทํ ฯเปฯ อินฺทฺริยํ ฯเปฯ พลํ ฯเปฯ โพชฺฌงฺคํ ภาเวตฺวา ปจฺฉา นิยามํ โอกฺกมตีติ ฯ น เหวํ วตฺตพฺเพ ฯเปฯ [๑๕๒๒] น วตฺตพฺพํ นิยโต นิยามํ โอกฺกมตีติ ฯ อามนฺตา ฯ ภพฺโพ โพธิสตฺโต ตาย ชาติยา ธมฺมํ นาภิสเมตุนฺติ ฯ น เหวํ วตฺตพฺเพ ฯ เตน หิ นิยโต นิยามํ โอกฺกมตีติ ฯ นิยตสฺส นิยามกถา ฯ ---------------