บาลีพระไตรปิฎกเล่มที่ ๓๗ - พระอภิธรรมปิฎกเล่มที่ ๔

                                          อริยรูปกถา
     [๑๕๖๘]   อริยรูปํ   มหาภูตานํ   อุปาทายาติ   ฯ   อามนฺตา  ฯ
อริยรูปํ   กุสลนฺติ   ฯ   อามนฺตา  ฯ  มหาภูตา  กุสลาติ  ฯ  น  เหวํ
วตฺตพฺเพ   ฯเปฯ   มหาภูตา   อพฺยากตาติ   ฯ  อามนฺตา  ฯ  อริยรูปํ
อพฺยากตนฺติ   ฯ   น   เหวํ   วตฺตพฺเพ   ฯเปฯ   อริยรูปํ  มหาภูตานํ
อุปาทายาติ    ฯ    อามนฺตา    ฯ   อริยรูปํ   อนาสวํ   อสญฺโญชนิยํ
อคนฺถนิยํ    อโนฆนิยํ   อโยคนิยํ   อนีวรณิยํ   อปรามฏฺฐํ   อนุปาทานิยํ
อสงฺกิเลสิกนฺติ    ฯ    อามนฺตา    ฯ   มหาภูตา   อนาสวา   ฯเปฯ
อสงฺกิเลสิกาติ   ฯ   น   เหวํ   วตฺตพฺเพ   ฯเปฯ  มหาภูตา  สาสวา
สญฺโญชนิยา    ฯเปฯ    สงฺกิเลสิกาติ    ฯ   อามนฺตา   ฯ   อริยรูปํ
สาสวํ สญฺโญชนิยํ ฯเปฯ สงฺกิเลสิกนฺติ ฯ น เหวํ วตฺตพฺเพ ฯเปฯ
     [๑๕๖๙]   น   วตฺตพฺพํ   อริยรูปํ   มหาภูตานํ   อุปาทายาติ   ฯ
อามนฺตา   ฯ   นนุ   วุตฺตํ   ภควตา   ยงฺกิญฺจิ  ภิกฺขเว  รูปํ  จตฺตาริ
มหาภูตานิ     จตุนฺนญฺจ     มหาภูตานํ     อุปาทายรูปนฺติ     อตฺเถว
สุตฺตนฺโตติ ฯ อามนฺตา ฯ เตน หิ อริยรูปํ มหาภูตานํ อุปาทายาติ ฯ
                                           อริยรูปกถา
                                           ----------

เนื้อความพระไตรปิฎกฉบับภาษาบาลี อักษรไทย เล่มที่ ๓๗ หน้าที่ ๕๒๘-๕๒๙. https://84000.org/tipitaka/read/pali_read.php?B=37&A=10502&w=&modeTY=2 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=37&A=10502&modeTY=2 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=37&item=1568&items=2 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=37&siri=157 ศึกษาอรรถกถานี้ได้ที่ :- https://84000.org/tipitaka/attha/attha.php?b=37&i=1568 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=55&A=6197 The Pali Atthakatha in Roman :- https://84000.org/tipitaka/atthapali/read_rm.php?B=55&A=6197 สารบัญพระไตรปิฎกเล่มที่ ๓๗ https://84000.org/tipitaka/read/?index_37 https://84000.org/tipitaka/english/?index_37